金牌小龍 (Closed)

今天的我是為小籠包而來的 我真係對啱啱出籠熱辣辣爆曬汁嘅小籠包 完全冇抵抗能力 呢度嘅小籠包款式好多選擇 例如招牌小籠包即係傳統嘅一種， 蟹黃小籠包，香辣小籠包 ，翡翠瑤柱小籠包…… 連朱古力小籠包都有 其實好想試 不過可惜已經賣曬……蟹黃小籠包 一籠有五隻 熱辣辣蒸出嚟還是冒煙的 小籠包嘅頂部有黃油滲出 相信是蟹黃吧 味道確實有蟹黄的鮮味 皮薄餡靚 薄薄嘅外皮包住熱湯 食嘅時候要小心燙口傳統嘅小籠包 肉質鮮嫩 清甜嘅湯汁 是我一直也百吃不厭的加上黑醋及薑絲是傳統及正宗的食法 會別有一番風味酸辣湯材料非常豐富 有大量肉絲，菇，木耳，豆腐…… 表面有一層辣油 味道有酸有辣 非常開胃 而且配料夠多 非常飽肚蟹黃瑤柱西蘭花 瑤柱本身已經非常鮮味仲要加咗蟹黃一齊整 鮮上加鮮醬汁煮到傑傑地淋上西蘭花 簡單又好味蝦肉蒸餃 估唔到蒸餃都有驚喜 都係有爆汁嘅效果 但係個皮就冇小籠包咁薄 餡料用咗原隻蝦仁及鮮豬肉 真材實料豆沙包餡料唔會好甜 豆沙蓉食落沙沙的 作為飯後甜品也不錯餐廳裝修綠油油的 感覺休閒，慢活，帶有點點文青氣息 在這裏用餐非常舒服 而且枱與枱之間空間感十足

Tastes:3/5Service:4/5Environment:3 /5今次係第一次黎到金牌小龍用餐 剩係聽個名以為係粵菜 再睇個menu又似北京菜又似台式菜咁 之後聽個waiter講先知原來係台灣菜！係order菜既時候先發現有 好多菜式都無得order 好似五福小龍包、豆沙餅等 呢點令到我有啲失望 不過呢間小店嘅服務態度都好好 大部分員工都好親切亦好有笑容 佢地會主動解答乘客既意見 呢點都能夠彌補翻個過失既 其中最值得推介既係三杯雞 食落唔太辣 肉質都夠厚肉 而且醬汁都幾特別 食落幾開胃

身為小籠包愛好者，見呢度有咁多好評就黎試試... 一入到去，唔知係我黑仔定點⋯發現餐牌上好多野都無得叫e.g.所有鍋貼，所有雲吞抄手，紅燒豬手，雞絲粉皮, 四喜烤麩... 基本上除左小籠包想食嘅野都無⋯侍應表示無返貨... 頓時有中伏嘅感覺😩最後叫左三樣：小籠包，紅燒牛肉麵，生煎包紅燒牛肉麵：大伏。麵太淋，湯底得個色無味，牛肉淋但有陣羶味。衰D講句，屋企煮個壽x牌麵更好食。小籠包：叫得自己做金牌，以為無伏。唉，皮係薄嘅，但5隻入面有3隻係無湯汁，有湯的味道也好一般。生煎包：唯一合格的一樣都無乜心機寫落去了，總結：唔推薦大家黎。

噚日去isquare幫屋企人睇洗碗機，消委會近期評分高啲嗰隻。睇完都成7點，有啲肚餓，就係isquare揾間合眼緣嘅食晚飯。電器舖係5樓，我落去3樓行一圈，見到"金牌小龍"門口易拉架啲相幾吸引，價錢合理，費事周圍再搵，就行入去試吓。價錢合理，未到7點，已經有客人坐低食嘢。餐廳都幾大，但係枱排得唔密，坐落幾舒服。餐廳尾仲有啲卡座位，一班朋友傾下偈幾好！估唔到都幾多嘢食， 有包點、 麵食、 雲吞同小菜過百款。🔸️ 菜肉餛飩麵菜肉餛飩共4隻， 麵質清爽有口， 唔會煮到林滋滋，分量一般。略嫌餛飩皮較厚， 建議改善搓薄啲， 應該會更好！🔸️ 紅燒豬手紅燒豬手價錢吸引，每份$16，但最少要叫兩份， 都係$32啫。呢個豬手做得好食， 火喉足炆得夠淋入味， 特別係豬皮部分好軟滑，充滿骨膠原！ 食完兩份都幾飽， 冇辦法再食甜品啦!夥記話今日個爐壞咗，所有煎炒嘅餸/點心都做唔到，唯有下次再嚟先試到生煎包，鍋貼同埋豆沙鍋餅啦！要讚下呢度啲夥記，做嘢勤快有禮貌，唔會見到個客落單少，就黑口黑面嘴藐藐， 咁先係服務嘛！

午市精選優惠套餐 金牌紅燒牛肉湯麵＋韭黃鍋貼＋精美小食 送凍豆漿 $68(免茶位、免加一服務費)牛展牛展大片，且有一定厚度，肉質夠淋，帶微弱牛味，牛展做得唔差。 麵條選用扁身麵條，份量大方。麵條煮得唔夠耐，未整散就入碗，令麵條痴埋一團麵質有少少硬、欠缺嚼口，亦唔掛湯。 湯底似係帶少許藥材味既深色鹽水；無牛味，唔辣，唔合格🙅🏻‍♀️ 韭黃鍋貼鍋貼皮薄，底部帶少脆，皮亦相對較厚。內餡韭黃味唔出，但有肉汁。 精美小食拍青瓜青瓜爽脆，可惜唔夠凍。浸係紅油到，但無辣味。 豆漿豆味唔濃，勝在唔太甜。 以下兩個套餐用便當盒裝住上菜，餸菜擺放求奇，毫無賣相可言 糖醋排骨飯套餐 $53 (免茶位，另收加一服務費)糖醋排骨 = 咕嚕肉骨較肉多，炸粉唔薄但未至於好厚，調味正常，酸甜適中。整體而言，中規中矩。 水煮魚套餐 $63 (免茶位，另收加一服務費)魚肉大概有六片，無魚肉鮮味，輕輕一夾就散。味道方面，一啲都唔辣唔麻，得個鹹字，第一次食咁hea既水煮魚底有粉絲、芽菜同芹菜，普通。btw真係估唔到水煮魚佢係用便當盒裝住上菜，無論賣相、份量都令人咋舌🤷🏻‍♀️ 滷蛋夠入味，賣相可改善 滷豆腐普通 小棠菜

好耐冇去尖沙咀isquare睇戲放工後時間緊迫 就決定係商場入面食埋晚餐🥣-見到呢間金牌小龍好似新開門口望入去環境不差 而且價錢超抵❗️就決定食你啦-今次兩個人嗌左：萵筍絲🥒 白菜水餃🥟 炸雞卷🍖酸辣湯麵🍜 肉絲蛋炒飯🍲萵筍絲朋友覺得好好食 爽口得來酸酸地十分開胃但因為我一直以為係清炒 所以當發現係涼拌嘅時候覺得好失望😞-水餃皮做得幾出色 似係自家發酵 所以有口感得黎不會太厚 好有東北餃子味道-炸雞卷我就真係比較一般🤦🏾‍♀️因爲個人覺得太重口味太油膩 但我朋友又覺得好香口好有層次wor💁🏾‍♂️ 所以呢一味我會覺得見人見智-酸辣湯麵我冇試到因為唔食得辣 我朋友話味道好正宗 好正-炒飯反而係我最鍾意嘅一道 因為佢炒得好清爽好乾身 每粒飯都係粒粒分明 味道適中-佢仲會每一張枱提供一壺普洱茶 有加分👍🏻但啲服務態度就真係不予置評😅不過整體來說 呢間食店都性價比都🉑

今晚去睇萬眾期待嘅美國漫畫英雄電影，提前六點未夠就要食晚飯。為了方便準時入場，隨便揀了這間商場內的餐廳「金牌小龍」。餐廳定位為台灣菜，所走嘅路線非常接近台灣小籠包名店「鼎泰豐」或「點水樓」，但點心、麵食以及小菜款式更加多元化，明顯視香港的「鼎泰豐」為主要競爭對手。餐廳佈置同「鼎泰豐」如出一轍。靠近門口旁邊是一個玻璃分隔的半開放式廚房，清楚看見內裏的運作以及廚師製作小籠包的過程；座位枱櫈同樣採用簡約木系風格，只是牆壁上多了一些仿真綠色植物，加添了綠化元素。在香港曾經光顧多間不同字號的台式小籠包專門店，不難發現差不多全部的裝修風格或多或少參照「鼎泰豐」，可見「鼎泰豐」的江湖地位。坐底看看餐牌及墊枱餐紙，才發現餐廳名字正寫原來是「金牌小龍」。既然餐廳主打小籠包，為什麼名字不直接採用「金牌小籠」？除了主餐牌，亦有很多單張介紹新品推介及招牌美食。實在太早食晚餐，雖然也有幾個朋友，但並沒有叫太多東西。香糟豬脷（$42）乃是新上場，單張上面標明原價 $52，嚐鮮價 $42；結果單據上卻顯示 $32！唔知到底出錯在哪裏？反正便宜了，算吧！真實賣相同相片比較有些微差別，擺盤唔夠整齊，黏連著豬脷的少許肥脂

本來有時得閒都幾中意特登黎呢間食麵(Isquare 店)但今日啲食物質素 服務態度 衛生 真係不知所謂我叫左碗擔擔撈麵 黎到之後係一滴湯都冇 又乾 啲麵我係要用一舊舊黎形容 我叫左個呀叔過黎 同佢講啲麵唔得 佢話我地啲麵係咁架喎 有湯果啲係京川 我地呢啲係台式 我表示我食過幾次我知道啲麵應該會係點 (請自行比較餐牌中嘅麵同我叫嘅麵) 佢話我俾返啲湯你 我話我要取消 佢話啲麵冇問題 死都要同我拗 ok 我唔抝 咁佢拎到啲清湯黎 (相中碗麵上面嘅碗仔) 我咪加少少試下 點知難死到dlgh 我成碗冇食 40幾蚊當豪俾佢算我仲認得呢個呀叔 之前金牌小龍仲係the one 果陣 佢拎左碗擔擔撈麵黎 果次啲湯多L到寫 我問佢呢個係咩黎 佢話係撈麵 之後又要同我抝 之於衛生問題 liu 鼻屎個呀姐係負責煮麵 仲會用手嗱啲蔥 花生碎落你碗麵 係我order前佢同埋其他同事包括黑衫果啲竟然係廚房到食嘢 佢地知唔知果個係open kitchen黎架？ 經過今次之後我以後都唔會再去 諗起都想嘔

朋友鐘意食小籠包，係isquare睇完領養🐇講座，就係附近搵左間有小籠包的食店食野。金牌相對鼎泰豐/翡翠拉面小籠包/樂天皇朝等等都便宜好多，但小籠包質素完全唔會輸比佢地，甚至比其他連鎖食店更便宜抵食。 我們叫左蟹皇小籠包，5隻($48) 。蟹皇味唔算特出，但小籠包湯汁豐富，肉很嫩滑，皮亦很有口感，整體好出色🤤醉雞($65) 是我食上海野必食的菜式，金牌的醉雞無骨，非常方便進食，而且酒味好香，雞肉入味，非常好食。 😋滷海帶($34) 幾特別，海帶一層一層卷住，用滷水汁滷，價錢唔費，份量很多，喜歡食海帶的朋友必食。油蔥拌麵($34)，我不是很喜歡，麵過冧，沒左口感。另外油蔥味好似7-11撈面的味道，同我預期的完全唔一樣😅

3人行食晚餐 等左15分鐘就有位 由等位開始已好好 見我地企耐左 門口姐姐主動咁問我地幾號飛 然後好快有人走就入得 因為有d熱氣盡量唔叫太煎炸 野要留下次 叫左蛋 原味小籠包 薺菜餃麵 招牌紅燒牛肉麵 擔擔撈麵 豆漿 豆沙鍋餅3個麵都唔錯無論湯底麵質 我地3人都鍾意 蛋好食 小籠包就普通d 有唔同味道 下次會試下其他味 豆漿係一般出面既少甜 我個人like 豆沙鍋餅都係即整 餅皮雖然脆但厚左少少無影低餐牌 但開飯有餐牌相 咁既價錢配呢個水準 我覺得CP值高 會再幫襯 不過有個小小提議 今日我地枱既碗碟都有d崩左 好明顯 希望下次去碗碟係齊齊整整

幾位朋友約出黎食飯，但冇book到台，黎到係門口等左一陣就入得，呢間其實係求其見到好似唔洗等所以入黎，估唔到幾食好又好抵食，佢每樣野食既量都算多，味道又唔錯，最緊要係個價錢好抵，食晚市我地叫左10幾樣送，但埋單每人除開都唔洗一舊水，完全係意料之外😍同埋見到我地有個bb係度，安排左個好寬躺既位比我地坐，職員啲服務態度又好好，小朋友係度扭計嘈左小小，啲職員都好好禮貌咁過黎氹下👍🏻👍🏻👍🏻

-今日好大雨，係尖沙咀地鐵站想搵餐廳食，就諗下有冇出口係直連商場既，就諗到isquare, 呢度其實都有唔少餐廳可以選擇，不過我地最後就揀左金牌小龍，感覺最抵食。-午市套餐1️⃣紅燒牛肉麵 + 精美小食 + 韮王鍋貼 送豆漿 $68 牛展大塊又淋，麵既份量都好足味道吾錯！好入味😋 小食係凉拌雲耳 偏淋 比較普通鍋貼很出色 外皮又薄又脆 肉餡飽滿 正👍🏻👍🏻2️⃣台式三杯雞套餐 $53 入口微甜，炆過既三杯雞味道很不錯，不過雞肉有點點硬，略欠雞既鮮味。仲有一些配料，送飯食一流-👅味道: 7/10🍽賣相: 7/10🏰環境：7/10🙇🏻‍♂️服務: 7/10💎CP值: 8/10⚖️人均：$50-100↩️回頭值：85%

放咗工諗住喺附近食埋晚餐！就揀咗去iSquare！裡面有好多餐廳都好吸引！最後揀咗呢間平靚正嘅上海菜！環境裝修唔錯，現代嘅裝修，地方好寬躺、唔會覺得好逼夾！有好多卡位，坐得都好舒服！由於價錢唔貴，所以好多人幫襯！😋😋😋金牌小籠包小籠包皮薄喊靚，唔會夾上手就穿！一啖食落口、啲湯汁慢慢爆出黎！好好味！雞絲粉皮粉皮煙煙銀銀、爽口彈牙！加埋麻醬、青瓜同雞絲！非常開胃！陽春面呢個我好鐘意！陽春面好滑！好彈牙！鐵板海鮮炸醬麵日本鐵板炒面就食得多、鐵板炸醬麵都係第一次試！感覺上好似撈麵咁！幾特別！

今天是五一勞動節假期，約了友人看電影。選了這間食評多人讚的餐廳吃午餐，然後看電影。價錢不貴，服務和送餐時間都滿意，但食物要多多改善，尤其是餐牌的推介款式。而桌椅很寬闊，不過我坐下去感覺低了些。友人比我高，坐位對她來說是舒服的。因為這次的食物欠佳，下次應該不會再試

由喺門口等位開始冇人理過到終於忍唔住自己行入去搵位，落柯打時候侍應態度衰過澳牛，喺進食期間兩位侍應旁若無人地話其他客人嘅不是，仲喺執枱時食食客剩餘碟上嘅食物，全店上下由經理至侍應都好似唔想做咁，執咗佢啦！