金牌小龍 (Closed)

其實金牌小龍已經食過好多次，一直都不錯，有時在尖沙咀想不到吃什麼，金牌小龍是不錯的選擇，地點方便，環境舒適，但今次真的想寫篇openrice，原因下面會交代。蟹黃小籠包（5隻）小籠包還是可以的，皮還是薄薄的，豬肉餡也很足，但蟹黃味不如以前的香濃，還是可以接受的。排骨蛋炒飯這個幾乎每次來都必點的，很記得最初幾次來吃時，一上碟，蛋炒飯的香味湧上來，蛋香撲鼻，顏色金黃，單是蛋炒飯我已經可以全部吃掉，還嫌飯不夠吃，豬排炸得鬆脆可口，味道足，預先切好一條條方便食用，真心覺得好好食。但這次上碟沒有香氣，蛋也不夠，炒得不夠火候，豬排炸過頭了，有點乾，味道也沒有以前的好吃。三杯雞這個是第一次點的，我的台灣太太突然想吃這道台灣菜，我們就點了。可惜完全沒有台灣味，不香，沒有九層塔香，醬油味道也不對，沒有米酒香味，雞肉也不太好，完全感覺不到三杯的精髓，很失望。其實這次寫openrice，真心希望店家能看到並改善其食物質素，做回以前的水準。

係isquare行BB野，之後便上來食午餐，想食清淡點，便選了金牌小籠包。open kitchen嘅裝修似乎並不適合，因為廚房睇上去並沒有乾淨整潔嘅感覺，不能加分反而是扣分項。菜品方面，油豆腐粉絲湯不過不失，很清淡。粉蒸肉比較失敗，肉選的不好，本應肥而不膩嘅菜品，食落覺得好肥膩。小籠包本應是主打，可並沒有很出色，只能說是不過不失吧。牛肉餅竟然是溫的，感覺是叮熱拿上來，還叮唔夠時間燉雞湯還算不錯，油菜太油。

由於Early dinner (~6點），唔使等位🥳 方便一家大細食飯，而且isquare係正地鐵上蓋，非常方便。。整體黎講，比起果間出名小籠包嘅餐廳，金牌小龍性價比好高，5個人都唔洗500蚊埋單！適合一家大細放開懷抱咁食，但又唔會肉赤🤤 咁當然，裝修同服務都冇咁好嘅。黎個overview先。出色小菜：1. 金牌小籠包皮唔算好薄，厚度夠盛載滿滿嘅精華之餘，但唔會成口粉團。2. 醉雞 & 麻辣金錢肚兩者有驚喜！強烈推介 🤤醉雞唔係平時嘅切雞件上，而係清一式雞胸，雞皮薄到唔覺。而且同平時濃濃嘅花雕酒味唔同，佢係甜甜地嘅酒香，應該係加左蔘同杞子原故而麻辣金錢肚，如照片所見，冇俾麻辣汁/紅油浸住，食落口感乾爽！但入口後又有麻辣味架咼👍🏻應該餐廳都落左唔少功夫，醃得夠入味3. 排骨蛋炒飯雖然叫排骨飯，但骨頭好少唔呃秤！肉排煎得夠香，配合唔油膩嘅蛋炒飯，好正 👍🏻。可試可不試：4. 擔擔麵食落差啲花生醬味，唔夠濃味，適合淡口味嘅人士5. 齋菜雲吞麵因為適逢初一十五，家人要食齋，就叫左碗冇肉嘅雲吞麵俾佢。不過不失。麵嘅煙韌度唔錯，湯底清清地。 6. 菜肉紅油抄手我地班食肉獸就叫左個正常嘅菜肉雲吞🥴不

十分令人失望！除了員工態度奇差、動作很粗魯、推住架碗具車係餐廳內橫衝直撞外，食物也很失望：我們叫了雞絲粉皮、油豆腐粉絲湯、蝦仁蛋炒飯，和腐衣蝦丸。雞絲粉皮：麻醬難食！雞肉質感超差！油豆腐粉絲湯：湯底超鹹，重味精，豆卜有雪藏味蝦仁蛋炒飯：尚算正常腐衣蝦丸：味道不錯野食價錢相對便宜，但一分錢一分貨，寧願比貴少少食啲好味啲既上海菜餐廳！餐廳內裝修正常，但燈光較昏暗。估唔到Isqaure有一間令人失望既餐廳!千其唔好中伏！

#金牌小龍 (尖沙咀)尖沙咀彌敦道63號iSQUARE國際廣場3樓301號舖-----紫糯米八寶飯（$36）- 紫糯米煙煙韌韌 軟硬適中 上面有d好似糖蓮子ge東西😂唔知咩黎 唔係特別好食 但上海人朋友仔話八寶飯一定有呢d~整體成個飯甜甜地 而且用紫米感覺好健康 做甜品一流-醉雞（$65）- 呢個醉雞🐔係店鋪推薦ge熱門菜式之一 點知令人非常非常失望 每一塊雞肉都唔嫩唔滑 好似食緊樹皮ge口感🙈酒味雖濃 但係質感太差 因為唔想浪費 所以只好勉為其難地食落肚......🙈-薺菜雲吞湯（$45）- 非常普通ge雲吞 好清淡 無咩味道 味道完全無令人留下深刻印象 而且雲吞皮較厚 口感不佳 唔會想叫第二次🤷🏻‍♀️----👶🏻B仔整體評價：6/10個👍🏻👶🏻B仔抵食程度：8/10個👍🏻👶🏻B仔環境評分：7/10個👍🏻👶🏻B仔味道評分：5.5/10個👍🏻（八寶飯拉高左d分）👶🏻B仔回頭機會：5/10個👍🏻-----#swallowhongkong跟住我一齊吞食香港啦！🤤#swallowtst

不嬲都知isquare開左好蛋餐廳都幾多選擇但我從來無去過😂😂😂 之前咁岩係附近做完野收工就決定去搵間野食下～揀完一輪入左金牌小籠覺特佢性價比好似最高同埋因為我鐘意食中式野！環境都幾好幾大幾舒服既～因為好肚餓既關係即刻叫野食😆我好鐘意飲湯架～所以我叫左個湯飲下先個雞湯幾清幾甜，唔錯既。 咕嚕肉不嬲都係我至愛食親中菜都要叫～食得出係新鮮菠蘿 味道就無咩特別小籠包堅正，皮薄多汁小心辣口呀！！梅菜鍋貼 個味幾特別～將啲梅菜同鍋貼皮擺埋一個口感幾特別 梅菜唔會過咸,都幾夾！再點左個炒芥蘭 食多啲菜好呀🤪🤪

前幾晚去左isquare度覓食 見到金牌小籠覺得幾吸引 因為我鐘意食中式野 就同朋有入左去試一試！結果無令我失望！特別係個蛋炒飯～～超級有鑊氣！！瑤柱菜粒蛋炒飯夠鑊氣，菜粒新鮮，食落很爽口，有些口感，重點係，唔油！！很可以但咸左少少蝦仁燒買粒粒原隻蝦仔，內裡豬肉腌得夠味，不沾醬油也可以，賣相不錯黃金大蝦一句講晒，夠大隻！雖然無大排檔咁有特色，但咸蛋粉緊緊連貼住蝦肉，很好，最怕食到蛋還蛋，蝦還蝦性價比高重點是環境舒服整體同朋有都幾滿意 下次可以再食😁😁

朋友推薦呢間店既野食唔貴又好食，而且有我最愛既小籠包，地點又方便，就決定試下去到晚上6點左右，裝飾都唔錯，地方夠寬敞，暫時客人唔多，好快就安排左我地入座（茶茗每人$7）前菜我地點左四喜巧䡍，係我個朋友推薦，話上次試過好好食，試左之後真係覺得好特別，其他同類餐廳比較少見～味度甜甜地，又有咬口，好味好味之後去到今日黎食既重點，金牌小籠包新鮮蒸出嚟熱辣辣，真係好好食，裡面有熱湯汁，食既時間要小心另一個好多汁既有牛肉餡餅，有豬肉同牛肉揀，同樣都係新鮮製造，正食完點心都未飽，最後叫左個擔擔撈麵，辣辣地好惹味

第一次來I square 三樓食lunch，好容易揾到枱，不像 I Square 六樓那些食店lunch好多人。見到套餐紙，價錢跟茶餐廳般，而且不用加一和免茶位，完成不用想，我們五個便点了五個套餐一起share食。叫了套餐有:牛肉面，海鮮炒面，三杯雞，芥蘭牛肉和炸排骨。面套餐有跟煎餃等小食和豆浆，飯套餐內有鹵蛋，腐皮和菜。份量剛剛好，味道也不錯，而且坐得舒服，在尖沙咀中午可以不用迫不用等位而且這便宜的食市，我想只有這裹，一定再來。

那天到ISQUARE 拍照，便順道在那裡覓食，發現很多餐廳都變不同了，見到金牌小龍有不少人，餐牌上的選擇多，價錢又不貴，便決定試試。在外面可以看到師傅弄點心煮菜的情況。餐廳的環境不錯，座位算寬闊舒服，也光亮企理。水晶蛋 $20/2隻味道調得剛好，夠入味帶微甜，蛋夠溏心，看上去滿晶瑩，吃下去亦啖啖蛋香。台式皮蛋豆腐 $28雖說是簡單的菜式，但皮蛋夠香軟，豆腐夠嫩滑，肉鬆是脆口的，再加上微微香辣、鹹甜剛好的醬汁，簡單菜式一樣美味。鹵大腸 $45鹵很很入味但不太鹹，所用的豬腸不會太肥太膩，而且清得很乾淨，口感軟稔中帶爽彈。金牌小龍包 $38/5隻紅油香辣惹味不會難入口，皮夠薄但不易破，肉汁多味道濃，肉餡不會太老。鮮蝦紅油抄手 $45紅油香辣惹味不會太難入口，皮有點易破，內裡蝦和肉的比例算合理，但有點過老。台式麻醬撈麵 $38看起來像湯麵，但其實攪拌均勻後便剛好，麻醬濃稠度剛好，能均勻掛在麵條上，其味道亦很重芝麻香，加上清爽青瓜絲，還有煮得軟硬剛好的麵條，簡單而好吃。台式咸酥雞塊 $42炸得算是鬆脆香口，亦不算太鹹，但還是想念台灣吃到的。紅燒豬手 $10/件 (2件起）這個豬手煮到很入味但不會

今日去左尖沙咀isquare 睇戲，因為睇9點幾仲有兩個鐘淨低，就係附近食個晚飯先，見到呢間金牌小龍，都好想食下上海野，尤其是小籠包！餐廳除左有上海菜仲有台灣菜選擇，係尖沙咀黎講呢間都算十分抵食，平均30-60就有個麵食！我地唔算好肚餓，先叫我地最想食既小籠包！一籠有5件，我就叫左個蟹黃小籠包，皮夠薄，入口湯汁爆哂出黎，又唔會一夾起就穿個皮！蟹黃味道好鮮甜呢！另外我地仲叫左個醉雞，醉雞既酒味好香，入口帶點微微既酒味，唔會過濃，雞肉非常嫩滑唔鞋身，而且無骨所以食得好方便，涼涼地好開胃呢！呢度價錢唔貴又好味、下次黎開尖沙咀都會再食！

突然好想食小籠包，喺尖沙咀iSquare見到一間唔係點洗排隊，走左入去坐低試吓先。蟹黃小籠包$48一客有五隻，唔算貴，個皮唔係超級薄不過都OK，最重要係裏面真係有濃濃嘅蟹黃香味，而且個湯汁都好夠多，非常之熱，好容易辣親個口。手撕杏鮑菇$32冇諗過原來係有少少辣嘅冷盤，果汁教得幾好，麻油嘅香味同杏鮑菇好夾，個菇好彈牙，好適合做開胃小菜。紅油醬牛肉$48本身以為係熱嘅，原來都係冷盤嚟嘅，鍾意佢用咗大量嘅蒜蓉同埋花生粒，令到個口感同埋香味都出咗好多，牛肉用咗牛展，口感已經唔錯，個辣度亦都適中。上海肴肉$52份量都算多，鍾意佢切成一片片，沾上醋汁比較容易，味道都有所提升。蟹黃面$138今晚嘅重頭戲一定係呢一個蟹黃面，上嘅時候面同埋蟹黃汁分開，個湯黃金色，好亮麗，裏面除咗有蟹黃，蟹肉，仲有蝦仁，啲蝦仁好彈牙，有好濃嘅蟹黃甘香味道。兩個人食咗$420 。

麻辣金錢肚非常入味，份量正常，入面有辣椒絲，薑絲同芫荽做伴碟同調味，唔錯。水晶蛋要時間掌握得好好先至可以整到半熟嘅狀態，時間真係多一分鐘或少一分鐘都做唔到。一籠五隻嘅蟹黃小籠包，皮薄得黎帶點煙靭，入面嘅蟹黃豬肉非常惹味，配合埋薑絲同黑醋一齊食更可以突顯蟹黃嘅味道。手撕雞、清新青瓜同粉皮，再加埋芝麻醬就係呢個雞絲粉皮啦酥炸黃花魚新鮮嫩滑，外皮炸得酥脆，裏頭嘅魚肉則嫩滑雪白，魚夠鮮的話簡簡單單唔駛多餘調味都已經好好食朋友嘅至愛

為左方便睇戲，是但就近食野算喇，試試金牌小龍啦。慢慢研究下 menu，原來依間金牌小龍遍佈大陸咁利害，從來未聽過！仲有朱古力小籠包、香芋小籠包食添！兩口子食唔得幾多，都係由基本開始試啦。Menu 上既菜色真係包羅萬有，搞到我眼花繚亂呢。地方都幾大喎，側邊特大落地玻璃非常光猛，枱櫈密度不高，坐卡位就更舒服啦。想係 facebook 打咭，但金牌小龍個名錯晒囉，金牌小籠、金牌小龍包！招牌灌湯豬肉小籠包，熱騰騰香甜滿滿既湯汁，豬肉味濃厚而芳香，令每顆味蕾都非常雀躍、興奮。輕放在黑醋半響，溫度稍為降低，就立即整粒掉入口中，讓小籠包完整地係嘴入面爆開 ﹗澎湃極香濃甜美豬肉汁滋潤舌尖，拍打牙齒再一滴不漏盡收肚裡去。豬肉非常鬆軟富彈性，合上眼享受著小籠包既回香。還未來得及回味，已忍不住已筷起第 2 隻預備幹掉她，太美味喇。我真係可以食上十隻呢，不過還要留肚食其他佳餚麻。先處理招牌灌湯豬肉小籠包，再黎時令蟹粉小籠包！下次要試埋牛肉小龍包同朱古力小籠包先得！只食左兩隻灌湯小籠包點會夠喉呢 ﹗蟹粉小籠包即叫即蒸，熱辣辣送上，騰雲駕霧一般，輕煙飄香 ﹗蟹粉要立即食，唔夠熱怕會有點腥味呢。蟹粉小籠包，為左拍低

冇諗過尖沙咀i square 呢間中菜咁抵食，經濟實惠(ﾉ>ω<)ﾉ 小籠包好抵食，一客有五顆，雖然皮唔係超級薄，但就勁多湯汁，咸香十足，要小心熱哦(*‘ v`*)除左有原味，蟹黃味都好食！ 雞絲粉皮好食(ゝ∀･)粉皮透明爽滑，雞絲幼細，加埋惹味既麻醬雞絲同青瓜，作為前菜清新美味！ 蒜泥白肉好香辣味同蒜蓉味，豬肉片肥瘦適中，份量好多呢，灑滿幼細既蒜蓉，又香又惹味！睇落雖然好似好辣，但我覺得唔算太辣，亦唔會過咸(ﾟ3ﾟ)～♪ 仲有瑤柱西蘭花，夠晒健康，有好多既瑤柱絲，雖然蟹黃味唔算特出，但都不錯(σ′▽‵)′▽‵)σ 鮮蝦餛飩湯，湯底很清，不過餛飩皮有點厚，都係小籠包好食啲～～金牌小籠包 $38雞絲粉皮 $38蒜泥白肉 $52蟹黃瑤柱西蘭花 $88鮮蝦餛飩湯 $48 . 金牌小龍地址：尖沙咀彌敦道63號iSQUARE國際廣場3樓301號舖