L'AMOUR (Changed Hand) New Restaurant

實呢間野點食都唔似米芝蓮團隊。。。首先見到間餐廳嘅裝修勁似大陸啲超級老土嘅西餐廳🤔啲枱凳一字排開好似speed dating 咁，大螢幕都係播緊夏威夷風景嘅片真係笑死😂夠膽死話每一個位都係打卡位我哋四個人入到去坐低叫嘢飲嗰陣叫每位收費嘅普通水喉水，過咗幾分鐘侍應同我哋講冇水喉水😂咁唔緊要我哋就叫咗支礦泉水，不過過多10分鐘左右見其他客都有上到水喉水比佢哋 咁算啦，叫埋嘢食等咗35分鐘先上左個街市質素嘅提子包、沙律同埋懷疑係金寶湯嘅湯，等多10幾分鐘再食埋個勁咸嘅意粉先上主打嘅生蠔。生蠔望落去唔錯，睇落係真係有三款嘅 但係隻隻都淡而無味🤔冇錯呀！就係每一隻都冇味！每一輪都要等翻咁上下時間，眼望90%嘅客都係度等緊 而啲侍應好多都喺度玩緊電話。去到主菜嘅部份都真係好麻麻，叫5成熟嘅牛柳比1成熟嘅肉我地都算，食落去有啲粉粉地嘅質感🤢其實成餐飯除咗等 都係等🙃野食又難食 真係失望到想走🫠最後成餐飯埋單計埋原價嘅+1服務費(餐廳自稱原價$1188/每位)，埋單每人要$595。。。呢個價錢真係寧願去食酒店自助餐好過真係唔好貪平信乜鬼野米芝蓮團隊，門口唔貼米芝蓮星星真係唔好信，請我都唔會再嚟多次😡

滿心歡喜諗住終於可以試下L’AMOUR，話晒都係米芝蓮，無諗過會咁差😮‍💨湯同沙律正常，同其他幾道菜比較，可能叫好食添🥺龍蝦手工意粉嘅龍蝦乾身又柴口😓完全煮過咗火候。羊仔架好似殭屍肉咁，完全冇味東星班柳又係完全冇味😵普通魚柳一嚿，兩個主菜都話係乾式熟成，乾式熟成唔係應該可以提升肉嘅味道咩，定係我誤會左？！係咪加左哩幾隻字就可以賣貴啲😵‍💫其實成餐飯最期待係生蠔任食，但係啲生蠔喺食完晒主菜都未黎🤣真係要慢慢期待🙃生蠔終於嚟到，個樣好似好靚好肥美，但係食落一啲鮮味都冇，朋友話仲衰過其他餐廳做$10/隻嗰啲生蠔😫唧檸檬汁落去亦都唔識郁🫣究竟佢地係廚房經歷咗啲咩，哩盤生蠔我地足足等咗一個鐘，唔通又拎左去乾式熟成🤔至於甜品…我地都完全食唔出係咩味😂算啦，我地唔想再研究…我地係揀左$898 【買一送一優惠】無限任食生蠔豪華盛宴｜日本宮城生蠔 / 法國諾曼第生蠔 / 澳洲哥芬灣｜保證回本｜全日供應，服務費就用正價$1188x2 收10%，人均$568，說實話係一啲都唔值，哩個價錢係出邊亦都有好多選擇。之前都有試過其他餐廳買一送一或者折扣優惠，但未試過咁差嘅體驗。食完之後我返屋企仲要再食啲嘢先夠飽🙂千

$898 買一送一任食生蠔以為好抵，點知中伏食物：港式西餐行貨生蠔上得慢而且無味唔新鮮，仲要十人食有5，6人即晚肚痾！意粉乾爭爭，完全無心整羊架無問幾成熟，結果都少於3成雞細到一塊雞件甜品普通的美x西餅蛋糕普通水 都玩free flow 收$38以為中環會有質素點知中伏，呢個套餐仲要話原價$1188 ， 加一服務費要$16x一個人最後仲要趕人走，但出面傾盤大雨，企門口又話我地阻住門口，想借一借傘轉頭還又驚我地攞左佢把傘…

餐廳環境一般食物一般。餐枱爛嘅，左右搖擺，好彩只有少於一半客人，可以調枱。蠔話係任食，但等起碼20分鐘都上唔到，要三催四請先會上蠔，不只我地一枱客係咁，幾枱都係，到用餐時間夠才上最後一次。保證不回本！另外服務很差，連一杯tape water 都要額外收錢，問有冇drink list 可以睇下，佢地都冇比，仲收走玻璃水杯。後來放2隻有清水嘅杯落嚟，隔15分鐘拎斟水又話可以waive 返錢，成件事好無所適從，最後我連一啖水都唔敢飲，驚額外收錢。其差嘅體驗，在外國法好例上餐廳提供清水是基本的。還有，餐具充滿污垢，有層霧咁，要自己再清潔一次才敢用，衰過去茶餐廳，但扮高級餐廳。食物：生蠔算新鮮，但沖水不乾淨，一盤6隻總有2-3隻有殼碎龍蝦湯好咸。

好耐無喺Lunch 食好野， 今日約左同事去左中環蘭桂坊L'amour 食好西。 餐廳佈置高雅大氣， 細緻優雅。一入門口有部水晶三角琴， 非常吸睛。 Lunch Set 有2-4 Course, 可以隨意配搭， 想點食都得。 我地就點左3 個Course.法式澳洲活龍蝦湯 - 活龍蝦肉質鮮嫩, 帶著濃鬱的海鮮香味, 龍蝦湯加入奶油，使湯汁更加醇厚、絲滑.蝶豆花木魚清湯 日本鯛魚刺身 - 蝶豆花木魚清湯搭配日本鯛魚刺身鮮味交融, 紫色的蝶豆花木魚清湯色彩鮮豔，能增添視覺美感. 日本鯛魚刺身口感滑順, 入口香甜.鮮蝦彩色蕃茄沙沙 - 一道清新可口的前菜, 鮮蝦口感鮮嫩，番茄及其他配料酸甜平衡，增添了清爽感. 法式低溫慢煮東星石班 - 魚肉鮮嫩順滑富有彈性. 低溫慢煮的方式能夠充分保留魚的鮮甜味, 魚皮香脆可口, 魚肉帶有豐富魚油芳香, 油而不膩.傳統法式牛柳 – 牛肉味香濃, 金黃色的焦脆外皮，肉質極為柔嫩, 能保持柔軟的口感, 鮮美多汁.

今日我去咗一間CP值極高嘅法國餐廳，人均400+可以食到一個四道菜set。餐廳由米芝蓮團隊打造，位於中環，佔地4000幾呎，設計靈感來自法國紅磨坊，真係好有氣氛，店內仲有好多打卡位，openrice mark低咗好耐！今日終於去咗。首先，龍蝦湯真係一絕，湯底濃郁，鮮甜的龍蝦肉令我每一口都充滿驚喜。接住落嚟嘅焦糖法國鵝肝撻，外脆內滑，配上少許焦糖，甜中帶鹹，食完令人回味無窮。乾式熟成澳洲和牛他他，肉質鮮嫩，配搭嘅調味汁恰到好處，令我忍不住多食幾口。而傳統法式牛柳也毫不遜色，煮得恰到好處，肉味濃郁，口感滑順。當然，唔可以錯過法國鵝肝牛柳，兩者結合，味道層次更加豐富，真係一口咬落去，幸福感爆棚。而海膽雪糕，居然將海膽嘅鮮味融入雪糕中，清新又特別。心形蛋糕則是一個甜蜜的結尾，柔滑的口感配上香甜的味道，完美地結束了這頓美食之旅。最後，季節時令法國生蠔和海膽刺身多士更是必試，生蠔鮮美無比，而海膽刺身多士則帶有海味的濃厚。

地方氣氛好但是食物真的非常普通，甚至差選了龍蝦八道菜龍蝦刺身算較好，壽司店刺身質素龍蝦鵝肝蛋撻，皮是軟爛，油溢味龍蝦湯差過罐頭湯，更離譜是碟上有隻螞蟻在爬🙃熟蝦全是霉的，完全吃不下牛肉及薏米飯倒不錯所謂的龍蝦柚子雪芭，只是龍蝦頭伴碟，沒有特別服務一般，跌菜落枱，上菜速度不一，有時半小時一碟，有時45分鐘一碟，有時連續2碟緊接來白衫侍應上菜時把碟子放在枱邊就走，我們要自行端到面前所有剩菜的碟子堆在吧枱附近，間中有幾隻昆蟲飛過來1400連加一/2人，以後絕對不會再來

依家位於蘭桂坊嘅餐廳，最近做緊生蠔放題！咁要去試吓啦！ （$898/套餐）12cm蠔王放題日本宮城生蠔、法國諾曼第生蠔、澳洲哥芬灣蠔真係大大隻，不過即開既關係，就要啲時間上一盤是日沙律沙律菜新鮮好食，配埋黑醋醬，幾開胃！是日餐湯法式龍蝦活龍蝦湯 （+$38）好鮮味，唔係平時罐頭湯味！濃郁而又唔會係死咸味 🙌🏻 如果有埋龍蝦肉係入面就更出色啦原隻龍蝦手工意粉龍蝦肉彈牙！手工意粉亦的而且確有佢優勝之處，比較有咬口，食落係好食既招牌龍蝦帶子惹米飯 （+$68）呢個好出色！帶子大大粒，啱啱半熟既狀態，好嫩好食！👍🏻👍🏻 而三文魚籽都幾多，配埋落個惹米飯食都好好味 😍😍佢既主菜做得相對出色乾式熟成紐西蘭法式羊仔架半熟而羊味好重！啖啖肉 🤤 牛柳煎得好好，肉身粉嫩粉嫩咁！是日甜品芝士蛋糕，不過不失原隻海膽雪糕 （+$48）呢個雪糕幾特別！感覺係豆腐味雪糕加左海膽係入面，海膽味都幾重！

午餐到來一試四道菜套餐，用餐經驗可謂慘不忍睹。食物方面，上菜前的麵包無香味，不夠熱，令人狐疑究竟放置了多久，而且軟硬口感不一。要加錢的龍蝦湯只係金寶湯貨色，甚至是溝水後貨色。前菜鵝肝撻連暖都講唔上，主菜牛柳唔熱又靱。熱盤的碗碟唔熱，冷盤的碟唔冷。侍應會問客人是否可以搭檯。水吧堆滿了未洗和有廚餘的餐具碗碟。廁所沒有紙巾，地面是濕的。其實就只是一家高級裝修的茶餐廳，環境食物服務都配不上French Dining，更談不上是法國餐廳。

L'AMOUR (中環)地點📍 中環蘭桂坊德己立街58-62號協興大廈地下A&B號舖去到蘭桂坊唔一定要飲酒既，搵間有feel 既餐廳食下飯都好Chill近排佢地出左生蠔放題仲要包main set---------------12CM蠔王放題OYSTER FREE FLOW💲898日本宮城生蠔；法國諾曼第生蠔；澳洲哥芬灣；來自3個唔同地方隻隻都勁肥美勁鮮甜，口感滑溜🦪呢個套餐已經包埋沙律，餐湯，主菜加甜品餐包 用黑松露牛油醬配軟熟餐包，十分開胃原隻澳洲龍蝦手工意粉🦞龍蝦汁勁濃郁，而且手工扁意粉勁好咬口勁彈牙，仲唔洗自己拆肉香煎鵝肝配日本A5和牛肉眼🐮鵝肝勁滑嫩配埋十分juicy 既牛肉眼，入口留香牛肉眼肉質恰到好處，嫩口食完想再食

今次去咗L'AMOUR，米芝連推介嘅法式fine dining，法國宮廷式豪華裝修，有豪華水晶燈💎，女士打卡一流～走進裝潢奢華的用餐空間，便能感受到濃厚的法式情調。試咗幾道法式美食，賣相同味道都不錯，真係食到我心花怒放！🫶🏻--- 4 course set lunch $338法式澳洲活龍蝦湯 (+$48)雖然湯入面冇龍蝦肉，但味道濃郁，真係好有海鮮嘅鮮味！上面嘅泡泡就係裝飾，即使冇實質嘅食物，但重點係味道！🌊🦞---藍鰭吞拿魚他他 (+$68)柚子汁嘅清新味道令整道菜都好輕盈，口感一流，真係好適合夏天食！🍊🐟---乾式熟成澳洲和牛他他 (+$68)肉質滑嫩，味道濃郁，食到我心癢癢，推介！---傳統法式牛柳 (Beef Tenderloin)牛柳軟嫩多汁，冇筋，建議點三成熟，咬落去啖啖肉香，實在太好味！❤️❤️---法國鵝肝牛柳 (+$38)Tournedos Rossini (+$38) 鵝肝配牛柳，簡直係完美搭配，濃郁嘅味道真係令人陶醉！🍷🍽️---🍨原隻海膽雪糕呢個真係耳目一新！雪糕滑到如豆腐，海膽嘅味道同雪糕好夾，視覺同味覺都係享受！😙💖---🥧是日甜品朱古力撻迷你而精緻，味道濃郁

想舒舒服服放慢節奏享受環境和美食，和朋友輕鬆暢談。酒吧可能太嘈雜，這裡剛好，有音樂背景又人氣十足，裝修大氣、打咭一流👍🏻今晚是吃生蠔的心情😆叫了它的Oyster buffet $898一位，可以Free flow 3款生蠔其實好抵食，仲要有5個courses! 😱🌟生蠔🦪有三款選擇，包括大隻肥美的日本宮城生蠔，creamy 滑溜的澳洲Coffin Bay生蠔，以及細細隻但甘香鮮甜的法國諾曼弟生蠔😍🌟沙律🥗是日沙律：溫泉蛋沙律👍🏻，白松露蟹肉沙律亦好鮮😋🌟湯🥣是日餐湯：蕃茄湯，法式澳洲活龍蝦湯🌟pasta🍝原隻澳洲龍蝦手工意粉，造型超靚🤩味道亦好😋招牌龍蝦帶子薏米飯，見到個貝殼已經覺得超靚😍薏米飯唔硬索晒啲汁，正👍🏻🌟主菜 🥩兩款乾式熟成食物都未試過，食過又真係覺得幾正😋紅東星斑肉質變得結實，不過一般魚肉咁諗，鮮甜，魚皮燒得脆身👍🏻👍🏻紐西蘭法式羊仔好有肉味，肉質嫩滑😍😍🌟甜品🍮是日甜品cake甜度適中，原隻海膽雪糕出場峰煙四起、造型特別，雪糕應該是豆腐味，清清地不錯😋🌟飲品🍸朋友叫了她至愛的Mojito，我諗唔到飲咩，索性交俾侍應哥仔，要度係「岩我飲、我鍾意、signature dri

嚟到蘭桂坊附近食lunch，餐廳裝修以紅色為主調，幾有氣氛，透明鋼琴加紅色玫瑰係呢間餐廳好signature嘅打卡位~揀咗3個course嘅午餐，一鹹一甜嘅麵包，軟熟微熱，配上自家製黑松露牛油~ 餐湯揀咗龍蝦湯同甘筍湯，兩者都幾creamy，濃稠度剛好~ 🔘焦糖法國鵝肝撻一入口先食到味道甜甜嘅焦糖薄脆，蛋撻有蛋香滑嫩，鵝肝嘅味道唔算太強烈但會慢慢地滲出嚟~ 🔘藍鯨吞拿魚他他吞拿魚肉質細緻，帶有微微油脂感~🔘紐西蘭法式羊仔架經過熟成嘅羊架粉嫩多汁，風味濃郁，充滿羊肉香氣，鍾意佢帶少少肥膏，配搭南瓜泥~🔘法式低溫慢煮東星石斑低溫慢煮保持魚肉鮮嫩，魚皮煎至香口薄脆，配搭紫薯泥，兩個主菜味道都唔錯~ 最後叫咗一杯White Sangria，易入口唔會醉，吧枱位其實好靚，啱晒打卡~

先講讚嘅部份，訂位後5分鐘內有人WhatsApp，仲問埋係咪慶祝生日或者紀念日，需唔需要甜品寫字。晚飯期間大部份侍應態度都是好的，有不斷加水。期間除左第一二道菜，其他龍蝦都唔新鮮，甚至一兩隻有少少霉，黎錯主菜，食咗五六道菜都冇人換刀叉，呢啲就唔詳細講，因為都唔係我俾劣評嘅原因。食完最後一道菜，等佢甜品等咗10幾分鐘都未嚟，就同侍應講一講啦，再過多10分鐘，有個鬼仔侍應行過嚟問係咪等緊甜品，已經答咗係，跟住佢又問多次，咁我就一臉問號樣，然後佢就I am asking you…….嘩，好野！同一樣野我講第三次，我係咪應該要答I am telling you？就算我真係唔識英文，你都唔係咁嘅態度，唔識廣東話係你嘅問題，呢度係香港唔係你鄉下! 不過秉承住未食完餐飯我都唔會同餐廳員工發生衝突嘅原則，算！最最最正係等咗30分鐘，個甜品終於嚟，但冇寫字😅其實我得一個request，叫你喺個甜品度寫兩隻字！就係咁，我地個周年紀念一張有周年紀念字樣既相都無！間野仲要主打慶祝紀念日，真係佩服😅折左人均700呢個價食龍蝦餐未去到好差嘅，但後面果兩件事真係令人無法接受囉🫠🫠🫠

滿心歡喜去食🦞標榜米芝蓮三星團隊😳環境係酒吧style餐廳 只要食物好食 其實真係冇所謂法國餐廳 餐前麵包係提子甜餐包 1 龍蝦刺身 係好薄好薄嘅兩小片2 生蠔 正常3 焦糖鵝肝酥皮撻 真係港式蛋撻4 炸軟殼龍蝦 但係個殼又真係硬到咬唔到5 龍蝦湯 同之後出現嘅嘅龍蝦汁一樣味？6 香煎小龍蝦 用玻璃罩抓住啲煙 但係無煙熏味？隻龍蝦完全煮過晒火7 羊扒配龍蝦汁 兩樣嘢完全唔夾 羊扒叫五成熟變咗三成？！8 龍蝦燴薏米飯 終於叫比較正常9 甜品有子雪葩好地地 配急凍龍蝦肉❓同一個裝飾 藜麥食用花應該重複咗起碼五次每一碟都係同一個味同一個裝飾❓龍蝦頭無論食一隻定係半隻都會有一個完整嘅龍蝦頭留意番樽裝水$95一支 都唔緊要 但係支水係黐住送貨膠紙 成個觀感真係好差 (自行睇圖) 優惠係買一送一 最後加埋一加埋支水其實平均每人都已經去到$750個人其實就算用用呢個價錢 食呢餐飯都好唔值真係就真係酒吧餐廳食物嘅質素Filled with joy to eat at a restaurant boasting a Michelin three-star team 🦞😳. The environment