蘭香麵家

Open Now

Now Closed

睇完網友的食評, 今日又勁想食面, 於是走左去依間試 叫左黑柏業+雞腸面 總結: 湯底幾好, 黑柏業也不錯, 幾爽! 不過 .... d雞腸好似好肥, 見到有d野(脂肪+黑黑地的野)痴係d雞腸度, 感覺唔係太乾淨, 食唔入口!下次有機會幫襯一定唔會叫雞腸

今晚又要返學，朋友推介去食麵，佢話呢到雞腸最出名，但奈何我唔愛吃，我點了豬軟骨牛筋麵，朋友點了冬菇牛肉米線，大家食物到齊，朋友比左一件冬菇我試，勁大隻，一咬落去，嘩！真係好好味，炆得好入味，一向唔愛吃冬菇的我，都覺得好正！自己嘅豬軟骨都唔錯，炆得好林，牛筋就ok，麵唔淥得太林，果然一間好介紹嘅麵店。店里雖然冇裝修可言，但人情味搭夠，全店係「阿姐」、「阿叔」侍應，個個都幾nice，好有家庭feel。

呢間鋪頭以雞腸, 黑柏葉出名以外, d麵都好好食, 彈牙之餘仲一d鹼水味都冇. 近期鍾意食佢個'豬軟骨飯',大大舊豬軟骨一碟仲有d菜响底, 再加一碟白飯, 都只係廿蚊. 用d汁嚟撈飯都好'正'嫁!!!冬菇麵都好好味, 好大隻冬菇入晒味...

之前去飲野先會經過呢間野, 地點咁間"zip"平時點會去丫, 記得由於唔想食咁飽, 次次都食佢既淨雲吞, 好好味,比平時果d出名乒乓波雲吞仲好,因為佢d皮冇咁散,較有口感, 18蚊仲有好多粒(好似有成8粒咖), 粒粒乒乓波咁大, 內裏全都係蝦,冇咩肥豬肉的昨晚終於走去食正餐二人叫了:淨吞雞腸牛栢葉米牛肚魚餃河淨吞雞腸牛栢葉魚餃及河都係出色既雞腸由其正未洗晒d油故此極香口感又爽栢葉都唔錯爽兩人三碗都係59蚊好味又抵食

我有一段時間係尖沙咀返工, 早晚經常幫襯, $18一大碗, 個碗粉對女仔黎講真係多左少少, 多數叫會扣底多蔥, 試過伙記無幫我加蔥, 轉個頭成碗拎過黎任我加^^ , 除左招牌雞腸和黑牛拍葉無得頂外, 冬菇、沙爹肥牛、豬軟骨都好正的, 仲有鮮蝦雲吞都幾彈牙的, 因為成日食, 基本上都食均晒, 如果閣下比較大食, 可以試下叫兩拼飯, "食送"另上, 會自動送少少菜墊底, 飯唔夠仲會免費幫你添, 今時今日, 咁既服務態度真係抵佢咁好生意.p.s 跑馬日碗粉份量可能會有少變化, 要睇企檔有無斬獲.

好耐之前已經想試呢間麵店，但因為位置比較偏僻，所以唔係成日有機會食，今次咁啱去TST，諗起呢間店，終於都可以一償心願。一入到去，只有兩三枱人，環境比較清靜，所以特別舒適。我點了牆上雜誌推介o既黑栢葉拼雞腸麵$23，姐姐則點了黑栢葉拼豬軟骨米線$23。份量真係幾多，尢其係d料，比起一般o既麵店多，而且好少麵店會有雞腸食。d雞腸好新鮮好爽，咬落去o既口感好特別，點埋d秘製豉油，真係好好食。至於黑栢葉，我不嬲都鍾意食，佢又切得比較幼，口感好好。試了姐姐俾o既豬軟骨，又大件又腍，味道又濃，不俗。阿姐幾好人，價錢又實惠，地方清靜，o係TST都幾難搵，如果有套餐更好。下次一定會再o黎食。

今日同朋友黎試下e度d麵....叫左個雞腸豬手麵($23)同黑牛栢葉麵($18).雞腸k, 食得出係新鮮既.豬手:唔係咁得, 唔冧, 唔入味.黑牛栢葉:無想像中咁爽.麵k湯底:我個碗好咸, 我朋友個碗ok啦.服務:麻麻地, 一粒聲都唔出, 就咁放底d野就算....

打書釘, 之後出到尖咀都7點左右, 便先找些吃的, 本來新港foodcourt都不錯, 但因裝修, 所以要另覓目標.記得這裡有肥美雞腸, 自當不可不試.兩個人, 各點個三併撈麵, 豬手牛筋雞腸, 及柏葉牛肉雞腸.份量絕不少, 該足以餵飽大食的.豬手雖說是南乳製法, 不過食落沒甚南乳味. 豬手皮, 夠腍夠膠夠肥美, 輕輕一咬, 已骨肉分離, 牛筋亦腍, 柏葉爽脆, 且不會韌, 是自己吃過最好的之一, 牛肉火侯好, 剛熟, 最後的雞腸, 略帶肥膏, 亦食得出是鮮雞腸, 好滋味.坦白講, 這店的撈麵是自己一直吃得最過癮最滿足的.

這家店幫襯多年每次去尖沙咀或佐敦一定唸起佢就步行去食番碗靚米線，佢Ｄ雞腸不騮都好食宜家更加好因為可能佢地知太肥宜家好多人都怕唔健康，所以去咗好多肥膏無咁肥食咗自己都安心Ｄ^^，佢地Ｄ豬軟骨雖然無味千拉麵咁冧，但真係好入味已經比個Ｄ話豬軟骨其實係排骨只係有Ｄ白色軟骨唔冧唔入味既食店高質素好多，米線特別粗身辣椒油好香口好好食，阿姐同埋淥麵師夫好好人就算係唔係熟客佢地都好好招呼。

在理大三年,最常去的不是南北小廚,不是新Can 舊Can而是這裡這裏,經濟實惠吃個雙併米線,只是23大元還可要求多點米線呢!雖然坐位不多,環境也不夠大但也可以讓你坐得頗舒服~這裡的「姐姐」態度也很好會記得熟客的樣子,也會記得他們的要求閒時還會來閒聊數句呢~最愛吃雞腸,由第一次來,到現在也會吃的食物以前也愛吃黑色牛柏葉,但自從去年起,牛柏葉的質素好像下降了自此後便沒有吃牛柏葉但其他「食送」味道也不錯女友最愛吃的是冬菇,真的又厚又大隻味道也不錯我也喜歡吃牛肉,味道不俗,但因為要煮到剛熟的關係有時牛肉切厚了,內裏會不熟雖然便宜,但「食送」的份量一定會讓你滿意呢!平時吃其他「食送」的湯底,喝得出沒有加甚麼味精但吃炸醬麵時給予的湯,就會喝得出內裏有加味精的二十三元正,吃得到足以捧腹的份量(若吃雙併及加多點米線的話)讓你回味的味道及看見充滿笑容的服務真的物超所值!這或許是我吃了三年的總結吧!

地方雖然吊腳d,但去到食到一碗雞腸麵就難搵d都會再去,碗雞腸麵有勁多雞腸,很新鮮,第度好難食到,一定會再去

比較特別的有：雞腸、黑栢葉。聽講係最多人叫的...我叫左雞腸麵，爽，湯底都幾多雞油，但係整體都幾好味。有醬油俾你點雞腸。不得不提的是，我原本搞錯左這家店的地址，後來打個電話去問，電話中的阿姐雖然都係講唔清楚麵家係邊度，淨係講左柯士甸路( 本人比較路癡...ok) ，但係超級有禮貌，去到點菜埋單一樣好好笑容。十幾蚊有如此的服務，我覺得已經好好了！！

雞腸很便宜, 十元八塊一大扎, 不過清理功夫就多少少。雖然麻煩, 當你嘗試一口雞油湯及香鮮的雞腸, 幾麻煩都係抵的。有一天媽媽提起雞腸麵, 我就一直心思思, 有一天跟朋友終於來了。加了小小手腳的雞腸, 在坊間已是最好的了。黑柏葉爽脆鮮濃, 豬膶夠粉夠脆, 是完成度很高的麵食。將蔥花放入醬油, 挾著雞腸吃, 是至高無上的味道!如果有埋雞膶就仲正!我對雞腸的感情特別深刻。猶記得家境最困難時, 媽媽買五元雞腸, 廿蚊排骨, 一舊咸菜, 屈在小店煮米粉。現在由細變大, 由一變兩, 媽媽已沒有空閒煮雞腸米。雖然媽媽的味道永遠是最好吃的, 但新蘭香的, 都叫過得去了。

老尖柯士甸路的新蘭香,曾經結業一段日子,其雞腸,黑柏葉,令人牽腸掛肚.茶飯不思,四周難尋其代替品.幾個月之後,原址變成"蘭香".沒有"新"字,味道依舊,雞腸繼續又爽又肥美.冬菇亦很甜,湯底也一樣的清甜.老店浴火重生,全賴老伙記眾志城成,大家才能繼續品嘗其雞腸,黑柏葉,多謝.

路過見到雜誌介紹黑柏葉，第6感告訴自己，試下該無死，嗯，最差都不過損失30蚊。要了牛根、豬手撈，又瞄一瞄雜誌既介紹，又叫阿姐「加雞腸唔該！」，阿姐好聲氣話無問題，等等啦。出來的由三拼變為四拼，除了豬手、雞腸、牛根外，意外地加多了蔥絲，蔥絲香而不腥，配撈面一流。牛根炆得夠淋，雞腸帶著點點油脂，是新鮮雞腸的特色。又問阿姐是豬手定豬腳，佢\話豬腳，偶打死唔信，那肥厚的豬皮較偶的面皮還要厚，是豬手的話真的說不過去，然後切豬手的阿叔搭嘴說，豬手、腳都有。這豬手炆得較麥文還淋，說是南乳豬手，但南乳味不重，反而那豐腴的膠質及油脂，叫人百吃不厭，可惜的是豬手被切件，吃不到原件，總有點失望說。托某某雜誌的福，今次真的找對了值得吃的麵店，懂得分析的話，雜誌都是搵料的好渠道。p.s豬手撈記的叫阿叔麵另上／湯是清牛骨湯，感覺像喝著越式牛河的湯，不俗