LAVA Bar & Restaurant (Closed)

呢間嘢係太子站附近，落車大約行十分鐘就到，都幾就腳。一到步其實都唔係好覺佢係餐廳，因為佢設計都偏向於半開放式，好似歐洲盛行嘅酒吧咁。廚房同街外嘅景況都可以盡收眼中，加上枱上嘅爉燭同店內昏暗柔和嘅光線，令人有種好放鬆嘅感覺。我地叫左黑毛豬火腿小麥包，黑松露帶子，慢煮牛腩包，蛋汁意粉，分子雪糕，焦糖燉蛋，同兩杯佢推薦嘅嘢飲。每道菜上菜嘅時間好好，一份接住一份，等待時間唔長。首先黎到嘅係兩杯嘢飲，我果杯係藍莓鮮奶，我一飲就愛上左，因為佢藍莓味同奶味調得恰到好處，口感綿滑，非常開胃，真係好好飲。跟住係火腿小麥包，佢嘅包係自家制，好脆口，同48個月嘅風乾火腿不論口感同味道都好夾，分量好足，有六份，中意火腿嘅我可以一飽口福，係一道唔錯嘅前菜。再來係黑松露帶子，擺盤好精緻，而呢道菜比較驚喜嘅係黑松露並冇搶走帶子本身嘅味道，佢嘅醬比較淡口，做左一個好好嘅調和效果，帶子鮮嫩，口感十分好。之後就係慢煮牛腩包，呢個係侍應推薦，亦係佢地餐廳主打之一，結果係冇令我地失望!佢個包幾有咬口，牛腩好腍好入味，仲有啲油汁令個包唔乾口，加上洋蔥去平衡油膩嘅感覺，成個包非常高質! 之後就係主菜蛋汁意粉啦，佢個汁好cream

這晚約了大學同學出來見面，知道朋友喜好手工啤酒，所以我訂了LAVA，一齊去試試這裡的手工啤！先點了一份LAVA地中海拼盤，賣相很精緻！主要有四款不同的食物，有辣肉腸、藍芝士、另一款淡味的芝和黑毛豬火腿，還有一些沙律菜、多士和nuts！藍芝士比較濃味，我會塗在多士上吃，喜好濃味cheese的朋友會喜歡！黑毛豬火腿配沙律菜吃很不錯，油份適中，不會很鹹，反而甘香味比較出！我們分別點了Mikkeller Red & White Christmas和荔枝啤酒！Mikkeller Red & White Christmas有美國啤酒花和熱帶水果的香橙風味，酒精濃度會比普通啤酒高一點點！女生應該會比較喜歡荔枝啤酒，會甜一點，很香荔枝果汁味，更易入口！這裡的LAVA慢煮牛腩手工包千層腐皮很受歡迎，手工包有點像中式片皮鴨的包，牛腩絲帶點微辣，很惹味，加上鬆脆的千層腐皮，整個口感層次很豐富！主食點了一客西班牙海鮮飯，份量也不少呢！有各種海鮮，蝦、大蜆、魷魚，還有辣肉腸！大蜆很飽滿，蝦很彈牙，魷魚又稔，不錯！意大利飯質感外軟內有一點點韌度，醬汁很入味，重點不會很濃，有鮮味，吃完不會有口渴的感覺！餐廳的氣氛很

出左黎太子飲野，唔講唔知，呢度一帶多左好多酒吧同食店，旺左好多呀。是晚同朋友黎左一間叫Lava的開放式酒吧試試，環境格調很不錯。Virgin Mojito ($58)朋友叫的無酒精飲品，酸酸的青檸加上清新的薄荷葉，確實是優雅之選。Blueberry Smoothie ($58)自己叫了沙冰，藍莓味來的，滿過杯子的擺法甚有氣勢，不過飲不切瀜到一枱都係就有點尷尬了。Oyster Gillardeau ($48/ea)店員說是日生蠔很正，就點了三隻試試，果然鮮味十足，雖不是很肥但很有蠔味。西班牙黑毛豬火腿48個月 ($288)再來是黑毛豬火腿，48個月的香味更濃，入口油脂甘香，肉質很有咬口，其實很像金華火腿，哈哈。白酒煮法國青口 ($128)用的是細size靚青口，比大size更肥美，更鮮甜，嫩滑好味，超正呀連汁都飲埋。紅菜頭火箭菜沙律配橘子芥末汁 ($65)還點了份沙律，淨係食肉好似太heavy嘛，沙律菜好新鮮，個汁酸酸甜甜有果香，特別又好味。客人不太多，飲下食下傾下偈，hea足一晚無壓力，係吹水嘅好地方呢。

今天難得早下班，立刻約太太二人世界甜蜜小聚，太子交通便利，又多選擇，心動不如身動！這家店挺有情調，感覺舒適，正好和摯愛談談心底話。牆邊兩旁沙發看上去很舒服，我比較喜歡近吧檯位置。這店主要食材來自西班牙，極富特色。黑毛豬、甜椒、雞油菌火箭菜沙律 - 色彩繽紛的一道前菜。由於剛下班的緣故，並未十分肚餓，先吃沙律促進腸胃蠕動吧。半熟黑毛豬嫩滑富肉味，西班牙甜椒比日常吃的甜椒軟身更甜更香，雞油菌口感像肉多於菌類，揉合一些味道多元化。如果份量多一些更好，有點意猶未盡。慢煮牛腩、手工包、千層腐皮 - 這是fusion 傳統京式的肉夾饃(源自hamburger發音)的另一道前菜，千層腐皮又薄又脆又不膩，牛腩軟淋入口得來甜甜的，手工包綿軟，單獨吃也很可囗。三者有機結合非常配合，完全提起食欲，急不及待下一道菜。西班牙薯仔奄列 - 西班牙薯仔比一般薯仔爽脆，奄列夠厚身之餘不老亦不油膩，口感異常滿足，值得一讃蒜香大蜆扁意粉 - 賣相吸引的主菜。香濃蒜音味的扁意粉爽口，大蜆厚肉及鮮甜多汁，一人吃剛剛好。份子蜂蜜海綿蛋糕配意大利雲呢拿雪糕 - 有置身海底的感覺，觀賞性十足，喜歡蛋糕不太甜，意大利雪糕特別幼滑香濃

心血來潮想吃西班牙菜，在朋友的推薦下，我們來到太子的這家酒吧餐廳。這是Lava 手工包，$69。餡料是叉燒及千層腐皮。手工包口感軟熟，味道帶甜，跟中式包點有點相似，而千層腐皮則是十分香脆。主菜是意大利原條鹽焗鱸魚 $158，鱸魚鮮甜美味，肉質嫩滑。鱸魚配上了一些香料，香料味道使魚肉昇華，這條魚極美味。主食是鮑魚龍蝦小麥捲狀意粉 $238，這個形狀的意粉外形有趣，而且能沾到醬汁份量適中，因此味道很不錯。意粉中有不少鮑魚及龍蝦，鮮味十足。這又是一道出色的料理。最後是甜品-Lava 分子蜂蜜海棉蛋糕配意大利雲呢拿雪糕 $72。蛋糕的味道不是我喜歡的，但雪糕及蛋白餅味道好。平常的蛋白餅味道偏甜，但這個蛋白餅甜度適中。嘗嘗新，這個甜品是可以的。

近太子的旺角差館附近，一直都係酒吧聚集地 以前呢度既酒吧就以猜枚劈酒為主 (題外話：之前有條片話新一代已經唔識玩大話骰，特登拍條片教佢地，SO SAD) 家下的趨勢係好多都變左做BAR & RESTAURANT 即係食個飯，飲杯野直落，唔使再轉場了~ 呢間位於太子差館對面的，就係其中一間 酒吧唔算好大，採開放式設計，感覺開揚 話說最近很多餐廳都唔再主動提供水 不過LAVA 依然有主動提供 杯隻好RAW, 好有CAMPING FEEL ~ 呢度既裝修都幾英式懷舊 紅磚場就係其中一個特色 水牛皮梳發，仲有好文藝復興FEEL的掛畫 另一種懷舊風，懷念已逝的英國文化~ 整個感覺，似去左中環多過落太子~ 來酒吧，當然要飲番杯 呢度有多款最近大熱，來自來不同地方的手工啤~ 有英國，西班牙，台灣，澳洲，日本，星加坡, 比利時...... 而且每款手工啤都有詳細的介紹 是日揀左呢款 來自台灣的荔枝啤酒 招紙賣相好可愛，有70年代的風格 一入口荔枝味好濃郁，整體味道都好香甜~ 沒有啤哂的苦澀，但有荔枝的清甜 是一款好啱女生飲的酒呀~ 啤酒杯也很特別呢~ 朋友是日不適，不能喝酒，點了這個藍莓S

大學同學約咗喺旺角睇戲，咁睇之前就有啲肚餓，所以就決定食咗飯先！我同學上網見到近太子有一間酒吧好特別，有一個牛腩包好好食，所以就提議去試下！呢間酒吧叫Lava，喺太子嗰邊嘅通菜街，好近港鐵站，一入到去已經好有氣氛，好啱情侶去拍拖二人世界！坐低之後，急不及待就要叫野食，第一個一定係慢煮牛腩手工包配千層腐皮，手工包係全人手做，好軟熟，入面夾住慢煮牛腩肉碎同炸到脆卜卜嘅千層腐皮，口感豐富，牛腩好夠味！之後我哋就一人叫一個main，我就叫咗個美國黑安格斯（天然）西冷牛扒配時令蔬菜，安格斯牛燒到啱啱好，配上mustard芥末醬，能夠突出牛肉嘅味道，仲有大量嘅蔬菜做配菜，非常健康，如果牛肉可以有多啲就更加好！我個大學同學就叫咗一個黑松露意大利煙肉蛋汁意大利飯，黑松露味好夠，煙肉都好惹味，個蛋汁好特別，夠稠身，佢話幾鍾意咁話！我哋仲叫咗支啤酒share，店員話係最淡味嘅，啱哂女仔飲！食飽飽就去睇戲喇🤤🤤🤤

Lava 每次行經太子，經過呢間餐廳，開放式嘅門口都吸引我嘅視線，入邊嘅裝修好有情調，每張枱上面的蠟燭台。餐牌嘅食品都好特別，主打tapas，TAPAS佔左最大的版面，主要分為四個類別：麵包類，芝士類，肉類和蔬菜類，並唔係一般嘅西餐廳嘅食品。由於tapas係一小碟的，喺西班牙旅行嘅時候，同朋友點幾款tapas，然後配一杯啤酒，傾吓計人生一大樂事。除咗有西班牙嘅送酒小食tapas、仲有海鮮、肉類、意粉、西班牙飯等等餐牌都好多元化。另外呢度仲有手工啤酒飲添，好適合一班朋友嚟到happy hour，傾吓計。。法國菜苗沙律＋48個月黑毛豬火腿＋脆烤藜麥＄78呢個沙律嘅沙律菜都好新鮮，上面灑上芝士，配上黑毛豬火腿，充滿鹹香。去皮車厘茄經過特別嘅處理，有一種清甜。最特別係藜麥係經過特別嘅烤製，每一粒都非常脆口，增加不少口感。西班牙脆皮豬腩肉＄158呢道菜食充滿心思，用上我最喜愛嘅岩石板，份量都唔少，有七塊咁多，仲要係厚切。外皮烘得非常的香脆，肉質肥美，與傳統的中國食燒腩仔不同之處，就是伴碟的蘋果蓉味道清新，與腩肉同食，感覺上減去肥膩的感覺。不過豬腩肉略嫌有點偏肥。半碟仲有西蘭花、薯仔、黃椒、栗子等

太子有條酒吧街向警局附近，居然有間西班牙餐館，見到網上食評唔錯，價錢又公道成日經過都心郁郁想試，今次就捉男朋友去撐枱腳來酒吧緊係要飲酒，自問唔好啤酒，向酒吧街食野冇理由唔試：手工啤氣味充滿果香，倒入杯中已經好易起泡，因為多氣泡所以入口幼滑，首先係一陣果香味充斥我口腔，過後有好強既苦澀味，我唔好啤酒陣苦味，試飲一啖就比翻我男朋友😂男朋友話啤酒既苦係男人既浪漫🙈飲完啤酒當晚我男朋友全身散發果味唔係啤酒味，好有趣前菜挑選沙律，成碟都係我最鍾意食既火箭菜勁開心！上面曬上芝士碎，配開胃柚子及乾果幾夾，用來醒胃唔錯👍🏻唔好以為特別大就以為好少青口，原來個凹位好深，份量超多！雖然青口細細隻，但每隻都肉質飽滿。白酒煮法入口綿滑，完全顛覆我對青口嘅印象，平時食開既青口，似食海膽咁軟綿綿，海水味十足，誠意推薦！👍🏻西班牙海鮮飯煮法較濕口，湯汁未夠羔，口味算偏重，不過配料多款舖滿碟面極多唔客氣，每啖飯都可以有海鮮配入口，份量都大2個人食大份咗少少。炸薯條就食得多，炸薯粒真係第一次試平時炸薯條薯仔無可避免煮得過熟，食落去係粉狀嘅口感。原來將薯仔切丁，能夠將薯仔保留半熟狀態，咬落去仲可以煙韌（我私心鐘意煙韌薯仔

今晚相約兄弟傾談婚禮事宜，去酒吧餐廳就最適合不過，可以喝酒又可以吃晚餐，但環境不嘈吵就最好。兄弟選址這間酒吧餐廳，沒煙臭沒嘈吵，不錯。《新鮮法國翡翠螺配香蒜沙律醬 $138》翡翠螺多，肉質鮮甜彈牙，有檸檬並配有sour cream，但感覺還是配茄醬比較惹味。《美國黑安斯（天然）西冷牛朳配時令蔬菜 $278》點了medium rare，最後牛朳真的是5成熟，切開肉質粉嫩，口感嫩腍，但帶點肉渣，牛味濃而且咀嚼下有肉汁。伴碟有烤脆了的蔬菜，很香口、有青豆、有栗子和蘆筍肉，橙色的醬汁是南瓜蓉，味道微甜，整體很清新，配上牛朳很有平衡感。《西班牙海鮮飯 $260》辣肉腸、蜆、魷魚、蝦、紅椒和香草。蜆和蝦都大隻有肉，意大利飯為了配合港人口味都不會煮得生硬，所以飯都是全熟；整碟都很夠汁，令飯更加入味，而且沒太多的膩感，美味。每人各點了《Guinnes HH $78,$88》大杯，邊喝邊食邊閒談實在不錯。

工辛苦了一星期，星期六睡得飽飽後晚上當然要與朋友吃吃喝喝抒發一下壓力吧！今晚就到了太子通菜街，俗稱太子酒吧街。全條街都是酒吧餐廳 ，選擇多的是。隨意地入了這家門面開揚的LAVA bar & restaurant。餐牌很新淨，從小細節都能看出餐廳的用心。《法國菜苗沙律，48個月黑毛豬火腿，脆烤藜麥 $78》上層雪花狀的是刨成薄片的芝士，入口溶化而且膩感少。下面是法國菜苗拌有48個月黑毛豬火腿和烤脆了的藜麥。法國菜苗很鮮嫩；藜麥烤過後很有嚼感；而48個月黑毛豬火腿很有咸香，整體入口清新微咸而不膩。《lava慢煮牛腩手工包 $69》牛腩拆成幼肉絲，加上輕微的酸辣，很開胃惹味，再加上香脆的腐皮更富口感。手工包值得一讚，鬆軟但有韌度，令本身以為普通的麵包變得美味，有驚喜。《意利大原條鹽焗鱸魚 $158》很少能在酒吧餐廳吃到這款鹽焗鱸魚。整條魚用上厚厚的海鹽「埋著」，上菜時鹽蓋被打開，露出汁潤的魚肉。雖然魚用大量鹽醃製，但絕非極咸，相反鹽味少，要另灑鹽調味，所以不要被賣相騙到哦。魚中心用了多夥蒜粒和香料醃製，有助去魚腥。魚肉不算嫩，但鮮味有水份。《Taboo Cha $48 (杞子薑綠茶）》不好酒

之前睇電視見到呢度有個手工包好吸引，所以呢晚Friday'sss night就約左朋友黎呢度食飯見面談談心除左個手工包之外，呢度都仲有唔少特色小食同主菜啵最終我地揀左一款手工包、一個main同pasta一齊share 手工包我地就揀左“LAVA慢煮牛腩.手工包.千層腐皮”HKd$69+10%，一份有兩件個手工包軟熟得黎又不失筋性，所以好有咬口，牛腩唔嚡兼味道唔錯，而個千層腐皮令個手工包增添左唔少層次感整個配搭好match，的確值得一試而pasta就要左碟“西班牙煙肉車厘茄手捲通粉”HKd$145+10%醬汁自然帶酸開胃，手捲通粉不過腍，味道也不錯主菜就要左份“煎日本帶子”HKd$138+10%帶子煎得剛剛好，外層香脆而內嫩，而個芝士忌廉汁仲極之香濃，味道相當不俗食完主菜就當然要甜一甜啦，當晚我地要左個“Catalan Creme”HKd$58+10%做甜品呢個焦糖燉蛋入口非常幼滑~~而個焦糖面好脆之餘仲比平時既厚身，岩曬我呢個焦糖怪黎到酒吧餐廳就少不免要order返杯飲品既不過我地都唔想飲酒，所以就每人嗌左杯mocktail朋友要左杯“blueberry milkshake”HKd$6

有人說提早食飯可以減肥，是日天還沒黑我已經到了太子這家LAVA Bar & Restaurant內晚餐，聽講呢間餐廳早前深獲傳媒力捧及採訪，佢既招牌菜數一數二，那真的要品嘗一下才知真偽。 環境幾有格調，說到底是酒吧，幸好沒有烏煙瘴氣的感覺，是飲野傾計的好地方，這類酒吧我經常有個錯覺，在食材方面談不上有什麼招牌菜可言，然而我認我的錯覺是錯的。 除酒吧所提供一些小食風格外，看到餐牌內的菜式都挺特別的。 點了兩款飲品，一款是PUSSY FOOT, 另一款是有酒精的PINA COLADA。 持牌酒吧內所調配的PUSSY FOOT又怎能挑骨頭，我好久沒有喝了，清甜惹味，是沙沙的口感。 另一款酒精比較濃烈，但又能嗅到陣陣的椰香，口感幾滑。 先來到炸魷魚配青檸辣椒，外皮炸至金黃色十分香脆可口，鬆脆內就是魷魚的煙煙韌韌，小辣，味道不錯，就是個人覺得油膩感重了點。 另一款黑松露、意大利煙肉蛋汁意大利粉，果然是招牌菜，真心讚，我覺得是意粉質感的威力，令整道菜更出色，我從未吃過這種口感的意粉，煙韌到不得了，配合煙肉蛋汁味道很夾，汁料濃郁香口，越吃越開胃，如果份量可以再多一點點就好了。

都快過年了，發現市面上都很淡靜，街上行人不多。見到旺角的店子都不多人，我們找了間比較多人的去晚餐，相信多人幫襯代表好。餐廳是吃西班牙菜的，可惜我病，未能飲酒。小吃配酒是定律啊。西班牙薯仔奄列，$72加了薯蓉、火腿、洋蔥的西班牙奄列，約有1.5吋厚，蛋香濃郁，內裡滑滑的，加了炒香的洋蔥很惹味。Lava 慢煮牛腩手工包，千層腐皮，$69慢煮後的牛腩像是肉乾的質感，肉質一絲絲，卻保留了牛的精華和水份。吃到的是牛腩原有的味道。手工包是臺灣的刈包，甜甜的。加上脆口的腐皮口感更夾。美國安格斯（天然）西冷牛扒配時令蔬菜，$278 牛扒從遠遠就已經聞到香味了！ 美國牛都是以牛味濃郁而見稱，適合喜歡啖啖肉嘅朋友。而廚師花了不少時間在配菜上，栗子、豆角等等都是花心思的切花，吃得開心。Lava 分子蜂蜜海綿蛋糕配意大利雲呢拿雪糕，$72沒期待酒吧的甜品，但反而有驚喜！ 意大利雪糕是典型的檻欖核形狀，蛋糕賣相很有空氣感。吃下有甜甜的蜂蜜味道，而且不如看上去般乾脆，反而是鬆軟的。

星期五早左放工同朋友去太子始創中心見完工，順便去Lava bar & restaurant 食西班牙菜慶祝下！入面環境好啱知已把酒言歡！西班牙海鮮飯，份糧好多、海鮮好足料！蜆肉好飽滿鮮甜，蝦肉彈牙，仲有鮮魷魚同西班牙臘腸，加左茄糕嘅飯粒粒分明又唔會太酸，配合埋各種海鮮，真係越食越開胃。蒜香大蜆扁意粉，啲蜆真係好大隻飽滿，蒜香令到蜆肉好野味，扁意粉軟硬啱啱好，幾彈牙。Fruit Punch，colourful得嚟又好refresh，見到都好開心。Blanc kagua，自制手工啤酒，麥酒味道清香一啲都唔烈，好易入口。Lava分子蜂蜜海綿蛋糕配意大利雲呢拿雪糕，海綿蛋糕真係超級鬆軟，食落口感比綿花糖只係實少少，仲好香蜂蜜味，配埋雲呢拿雪糕同糖餅，口感味覺係一個完美嘅配搭。呢餐真係食得好開心又滿足，下次生日要再嚟慶生！