利小館 (Closed)

自從時代廣場食通天大裝修開始，我已好耐無去時代廣場食飯。這個周日，知道裝修已完工，便去行下。去到想食上海菜，又諗起這兒燉湯不錯，決定重臨舊地!雖然要等位，也不介意，因為好想飲燉湯。怎料，大失所望。失望一﹕我們的碗也有飯粒，一隻在碗內，一隻在碗外。換了也不是太乾淨，只好自己用茶洗兩下，感覺安心點。現在，我終於深深體會，洗碗員工難請，好洗碗員工更難求。  失望二﹕現在禽流感風聲緊，當然想少食一點雞。諗住叫個杏仁豬肉燉湯，點知他們竟加雞腳做湯底，湯面有好多點黃油，想避也避不了! 但加埋雞腳也不覺鮮甜，湯味太淡，朋友話好似飲杏仁茶。早知是這樣，叫個價錢平一半的杏仁茶好過。失望三﹕窩貼又細又無肉汁，我只能說，不同地方做法不同，但這兒不迎合我口味。  失望四﹕一個簡單的湯麵，為何加了麻油﹖清湯其實己很好，畫蛇添足，怪怪地    全餐比較好的是﹕生煎包和雞軟骨。雖然感覺上生煎包沒有以前那般好食，但總算交了基本功課。雞軟骨就保持到水準，香香脆脆，少粉漿。   服務素質當然也是麻麻。可能因為它是利宛次一檔的品牌，所有事也退而求其次吧!

利小館屬利苑集團副線, 曾獲2010及2011年米芝蓮一星。還記得上一次來利小館大概是半年前, 那時印象不錯, 還覺得利小館比翡翠拉麵小籠包好吃多了, 但是究竟為什麼食物質素突然插水呢?餐廳的佈置不錯, 座位算是舒適, 略嫌燈光昏暗了點, 令人坐著坐著就睏了。服務方面, 店員態度尚算可以, 但是上菜速度就太慢了吧。當時餐廳人不多, 不過20人, 但我們大約等候了30分鐘, 第一道菜才到。最慘的是, 等得越久並不代表菜會越好吃...上海生煎包這是我在餐廳裏吃過最不堪的生煎包, 跟超市裏買得到的微波爐生煎包沒兩樣。先不說裡面的餡, 我想這個生煎包根本沒怎麼煎過, 完全不是熱辣辣的, 跟南小館的相比簡直是天淵之別。裡面的餡也特別沒勁, 只有些菇, 肉和菜, 完全沒有肉汁, 太讓人失望。鮑汁鳳爪這是則是整頓飯裡面最正常而且最高水平的一道菜, 起碼跟外面的餐廳看齊。鳳爪燉得夠嫩, 夠入味, 還有是熱呼呼的, 比生煎包好多了。韭皇炒鱔糊炒得挺香, 韭皇沒失去水分, 不過太油膩了。小籠包優點: 皮薄, 比翡翠拉麵的薄, 跟鼎泰豐的差不多。缺點: 真的搞不明白為什麼那個肉餡可以那麼差勁? 跟生煎包一樣

好耐都無再黎呢度食飯，今次一試，簡直面目全非，野食既質素同埋侍應既水平同剛開業既時候差好遠，難怪星期六夜晚黃金時段，居然重有唔少吉枱，又唔可以怪點解舊年俾米芝蓮整走佢粒星！酸辣湯︰用料尚算可以，基本上應該要有既野裏面都有，唔覺有偷工減料。只可惜既係豆粉既份量重手左，令到成個湯好似一pat野，好似食緊旺角街邊碗仔翅咁。至於味道就非常一般，一D「辣」既感覺都食唔到，可以唔駛叫！小籠包︰如圖所見，賣相認真麻麻，有一舊包重要「塌」左落黎。至於個皮薄就薄喇，但係薄到一夾落去就爛，四隻飽有兩隻都係咁，「咇」晒D汁出黎，認真趕客！嫰雞燴麵︰份量偏少，約一個營多撈麵既size，但味道尚可接受。唯一唔滿意既地方係嫰雞真係少得可憐，保守估計切到絲咁幼既雞加埋一齊可能連一舊切雞飯既雞既size可能都冇，而雞味亦一如所料欠奉，好似用水蒸熟咁，勁難食！海南雞飯︰坦白講，呢個似係油飯加油雞脾多過所謂海南雞飯。油飯尚算可以，但「海南雞脾」就非常一般。雞肉偏肥但完全冇雞味，再加埋本身已經油既油飯一齊食落口，令到入口既感覺油腍腍咁超級唔舒服！紅油抄手︰由於難度唔高，相對黎講呢個餸既「安全度」較大。不過，感覺上似係食「紅

花雕醉雞，雞味不太出，雪味不過份便好了，酒味如果可以再濃郁d就好啦刀削麵一般但大大碗，不太能吃得出龍蝦的味道排骨好咸沒有湯汁在內，底部雖然煎過but 一 d 都唔脆

明明訂咗位都要等，算用餐環境又迫又嘈，算食物選擇唔多，算但一碟98蚊嘅燒味拼盤竟然極少分量，真係好過份燒味拼盤有燒肉，叉燒、燒鵝同青瓜，份量分別係一舊正常size燒肉切成4件，一舊正常size叉燒切成4件，一舊正常size燒鵝切成4件，仲有幾舊青瓜條98蚊，真係得啖笑其他紅油抄手，小籠包、生煎包、流沙奶黃包都還好，普通茶樓水準仲叫咗多兩樣餸，唔記得咩名，埋單$450，絕對無下次。

上星期與兩位靚女飯聚，挑了「利苑酒家」的副線「利小館」。服務可算是一般，上錯單，又迫又糟，但好食抵食卻又是事實。等價交換，明無？點心是有利苑的質素，好吃：「脆皮豬腩仔」$78，去過「利苑」的朋友都明瞭這是必點之物，皮脆肉嫩，抵吃。另一驚喜推介是「龍蝦湯海皇刀削麵」，$64 大大碗，湯鮮，麵條有𡁻頭，料足，這個吃得過。

七月份幾近整個月都是下雨天，從早上直到下午都是充滿陽光，而且有點熱。今天便到銅鑼灣與女友共晋午餐。來到時代廣場，已被六米高的高達吸引，便忍不住的與高達拍照，之後便隨即就與女友走進位於商場地庫裡的利苑集團旗下的利小館開餐。翻開餐牌，都是上海菜式，而點心除了有上海點心，還有粵式點心和燒味。在眾多的滬式麵食和點心裡，吸引在下注意的，並非炒飯或炒麵（粗炒除外），而是點心和燒味，以及湯麵。餐牌中有款招牌蜜汁叉燒，看起來都不錯的，而且有焦燶位置，吃一口蜜味充足，燶位夠濃及脆口，而叉燒也夠鬆化，肥瘦均勻，因此吃下不會太過硬柴和嚡口，口感也很滑溜。上海炒粗麵也算均勻，可是仍有部份麵條上色不勻。看起來沾滿了油光，可是吃下卻沒有一點肥膩感覺，而且麵條煙靭有嚼勁，是較可取的。正宗上海生煎包沒有蒽花在包面上，與祥興記的有點不同，而且利小館的生煎包沒有祥興記的那麼多湯汁在內，而利小館的生煎包沒有湯汁在內，內裡的鮮肉也較鮮甜多汁，而且菜肉也很均勻。利小館的生煎的底部雖然煎過，但不及祥興記的煎得這麼多，而且只有微微的脆。香炸排骨湯麵份量剛剛好兩個人分，排骨炸得香脆而不油膩，肉質鬆化，麵條就平平無奇，但吃下尚算煙靭的

其實本來想去book希慎的南小館，但因為receptionist一早講左每日限量食物，驚到時我地太遲入席，會無咩款。所以才趕快地搵上這間利小館補上。其實打電話去Book枱時，接線生係好好禮貌的。到左當天都有打電話同我確定時間同人數。去到極速落order啦，要自己剔紙仔。然後就突然告知好多食物都係限定左數量，已經賣晒( book枱時無講明 )咁就求其揀D飽肚既食下，因為都有成9個人，仲要7位係男仕。D野食到枱後，全部D份量都好迷你，最令人笑到呆左的是: 冰燒三層肉，$78有9粒。其實都仲叫左其他食物，奶皇包，叉燒包，窩貼，生煎包 etc ，食物水準都同酒樓既差不多。食物水平都唔會話難食，但今次想寫既係服務員的工作態度。我事前已經知道店舖只能坐到晚上11時，所以當10時30分時，已叫一位帶眼鏡，拖住地的男侍應幫忙清一清枱。點知等左5分鐘都無人執，只見他繼續拖地。而其他侍應就不停地擺放餐具，沒打算照顧客人。當我第二次叫清枱時，又係等左5分鐘先有人逐D逐D咁執。再叫個侍應拿蛋糕時，又等了5分鐘，時間是10點45分，我地剩返15分鐘切蛋糕。我地都好想快D切完快D走，但明知我地切蛋糕都無人會主動拿

朋友說要請我食飯,我就簡左間未食過這間是平民版利苑,定價較低,質素也自然打個折環境好迫,坐得不太舒服其實感覺似係去左普通點心鋪.點了一堆點心,全部都無咩特別,水準平穩,也找不到想介紹的食物除了蘿蔔絲餅和蝦煎麵.蘿蔔絲餅外面做得很鬆化,內裡蘿蔔絲很甜,也保留到蘿蔔絲的口感,不會很稔.另外蝦煎蝦也是出色,蝦煎炸得連SHELL也食得,蝦肉較實,味道少少甜.但整個菜式重點係個汁,簡簡單單賣似玻璃獻汁又帶點蠔油味,咸咸地咁配埋煎脆了的麵,感覺是一個蝦版的肉絲炒麵.其實利小館個定位係點?平左係咪都要有特色先得,如果唔係來到唔知點咩食好....

比食評中既「冰燒三層肉」所吸引, 就同男友黎左呢度食 可能係閒日, 拎左飛之後無幾耐, 企門口果位侍應小姐就叫我地入去...點知...一入到門口係無人帶我地去個位度囉  由門口去到我地個張檯, 其實只係行廿幾三十步就到....但係我都要分別問2次唔同既人..我個張檯係邊...仲要我問佢地個陣都無意慾帶我去..基本既服務都無..  咁講下我地叫左咩先, 分別有「冰燒三層肉」, 「蠔油北菇扒津白」同埋「荷香污糟雞」.冰燒三層肉好好食, 皮脆肉嫩唔死咸, 無令我失望   不過78蚊得9塊有D貴...蠔油北菇扒津白係最失望既一碟..D汁好稀好似水咁, 津白掛唔到D汁所以好淡...好似分別食緊蠔油北菇同烚津白 荷香污糟雞一般, 雞好滑, 但只係得少少荷葉味.食飯期間, 侍應都2次主動加茶, 服務方面算係加返少少分.但係好難接受到無帶位咁基本既服務 野食方面, 可能我地叫錯野食..? 得冰燒三層肉係值得推介.同埋真係唔太抵食, 份量偏少, 係銅鑼灣區搵差唔多價錢既上海菜...仲有其他選擇

午膳時段在時代廣場揾食，選了不用排隊的利小館。三人入座卡位，地方都算闊落舒適。雞絲粉皮：成品溫度稍稍不夠涼凍。麻醬份量多，夠香口。雞絲無乜特別。粉皮富口感，不俗。菜肉水餃：菜肉比例平均，餃皮厚薄適中，食味合預期。錦露雲吞：雲吞炸得香脆而不膩口，配搭酸汁配料雖不算豐富，但調味理想。嫩雞燴麵：不論「嫩」雞或麵線皆只屬一般水準。

看見食評寫得不錯，又沒有太多人在等，所以試一試。窩貼：太失望了。餡只有成隻既一半，又不香口，裡面的湯又無味。屋邨小鋪都整得好過佢獅子頭拉麵：獅子頭好大個，賣相好吸引。拉麺好滑，值得一試服務員常常落錯枱號，上錯菜又漏單，d野等好耐。埋單又錯枱號！d服務員返工好似發緊夢咁。星期一晚市人不多已經這樣，那假期不是就淪陷？！

記得利小館剛榮獲米芝蓮一星推介不久，我也曾慕名光顧。那次或許因為不懂點菜的緣故，沒有吃到其招牌點心，反而點了雞絲粉皮、小籠包及擔擔麵等滬菜館常見的菜式，卻又不見得比王家沙及翡翠拉麵小籠包等店子出色，所以當利小館從2012年米芝蓮推介名單中消失，並未感到奇怪。直至近日經過利小館門口，看見接待櫃檯上放了一張下午茶套餐的餐牌，每位$78就可以一次過品嘗合共九款鹹點及甜品，價錢挺划算，便再來一次。先來的是點心拼盤，包括蝦餃、野菌餃及叉燒包。蝦餃皮厚薄適中，隱隱透現出蝦仁內餡，夾起時更沒有黏住蒸籠紙或筷子弄得皮餡分離，入口餃皮柔韌而蝦肉爽口鮮美，是高水準的表現。野菌餃賣相晶瑩剔透，薄薄的水晶皮能夠清楚透現塞得滿滿的餡料，外皮同樣柔韌而野菌內餡味道香濃，女友一試便大讚好吃。叉燒包沒有「倒汗水」弄濕包身變糊的問題，包身鬆軟可口，加上包內濃惹的叉燒醬，亦合格有餘。再來是數款鹹點，當中最喜歡是切成小方塊的冰燒三層肉，頂層金黃色的芝麻皮、中層薄薄的肥脂與底層的嫰肉，賣相精緻的骰。芝麻皮鬆脆、嫰肉軟熟、再加上咀嚼時滲出的肉香，絕對是不可不吃的名物，唯一挑剔的是每人兩小塊實在太少。春卷賣相平平無奇，不過內裡卻

利苑酒家, 是一個同屋企人, 仲要係一大班屋企人去食飯的地方. 但三五知己, 同幾個朋友去食飯傾計, 我從沒有考慮過會去食利苑, 不過利小館的出現, 改變了我的睇法, 人小小也可以去的.新一代的迷你利苑 - 利小館, 竟然有一排卡位, 可惜入座時已滿座, 被安排坐其他位置, 但侍應們告訴我們有卡位正埋單, 可以換位, 真係太好啦, 我不嬲都卡位都係情有獨終, 也感謝侍應們的安排, 服務不錯. 換位時卡位的餐具己擺好, 中菜用方型碟都幾特別, 通常比較年輕, 新派的食店才會用方型碟, 果然是利苑的young line. 餐牌多是點心類, 麵食類, 就算是小菜類都是叫左兩款在利苑食飯時必叫的點心, 素蒸餃及小籠包, 味道及質素跟利苑不相伯仲, 皮薄料多, 一啖一個. 特別喜歡素餃, 平常在其他店食, 菜粒切得比較大, 但這兒的料全是切得很細, 很可口. 小籠包當然是我至愛的鼎泰豐好味一點, 但這兒也算不錯. 錦滷雲吞, 我係第一次食, 唔係話平時我去茶樓唔會點, 只係茶樓係一隻炸雲吞, 入面有少少蝦肉, 再點酸甜汁的, 在這兒, 我終於見識到一個真正的樣子, 新鮮熱辣的脆炸雲吞

外地名人到訪香港也會視利苑為吃飯嚐點心的首選.而且它已摘下不少顆米芝蓮星星.之前光顧過數次利苑, 都令我有很好的印象. 只是, 利苑的消費從不在親民的價位.位於銅鑼灣時代廣場的利小館則有親民的定價, 貼近利苑的品質,實屬低消費, 高要求的食家的佳音! 常常來吃荷包也不會乾渴啊!點了很多道菜, 才四百多元, 折合每人一百多元. 在銅鑼灣是相當合理的價位.雞絲粉皮($48)- 粉皮是粗身的, 比幼身的口感更佳, 而且可沾上更多的麻醬. 麻醬幼滑, 不是水溝油狀的, 香濃而不油膩, 吃罷整個口中也充滿芝麻香. 這道菜中, 粉皮和麻醬才是主角, 青瓜絲和雞絲是配角, 味道不甚突出, 但它們各施其職, 配合得很好!野菌餃($23)- 貼近利苑的品質, 外皮晶瑩剔透, 吹彈得破, 體會到點心師傅的高水準. 內餡雖然是全素, 但完全不覺得口寡. 菇味及時蔬鮮甜, 亦有麻油香.上海小籠包($32)的賣相沒有”頂太風”十八褶小籠包好看, 但夾起時沒有穿破, 還算不俗.側面的外皮薄, 用牙齒輕割已能穿破, 流出鮮美的湯汁, 與同樣鮮美的肉餡同吃, 鮮上加鮮. 只是頂部的皮過厚, 嚴重影響口感呢! 下次來我