樂口福酒家

Open Now

Now Closed

之前喺openrice 睇d 舖面相好似拍👻片或者好似同人講數咁（即係拍戲枱底有幾把牛肉刀劈友嗰d 呢，仲有雙囍同左龍右鳳），所以嚟食之前都好淆底~朋友7點半前嚟到已經無乜位，得返張方枱，裡面其實已經坐咗好多人～好熱鬧～因為見po話河粉好快無，所以即刻落咗個沙爹牛河先~加咗個煎蠔洛同反沙芋，本來仲想食石榴雞，不過已經無，所以叫咗個蝦棗蟹棗~反沙芋會等你差唔多食完飯先上雖然裝潢較舊式，但同之前FF 嘅（或者喺openrice睇到嘅錯覺）完全唔同，所以特意要出po 平反一下~而且佢哋d 嘢食雖然偏舊派但都幾好~下次再嚟試鹵水拼盤同石榴雞~

呢間餐廳位於九龍城既老字號潮州菜館,我地叫左外賣買左出名既荷包蒸鱔魚,呢個製作功夫非常繁複,但師傅整出黎既口感非常軟滑魚肉仲唔係好腥無乜骨咁,雖然價錢比出面係貴D,但係製作出黎餉味道好食就值回呢個價格既,炸蝦球配甜醬食一定要叫既,潮州特式菜,蝦球炸至外脆內有馬蹄口感唔錯,仲有佢地既沙茶牛肉炒河真係好大碟,沙嗲醬勁香濃加埋師傅既穫氣十足,火喉好夠,大大盒好好味,,仲有甜品反沙芋頭,芋頭味香濃,甜品另外推介羔燒芋頭都一樣好濃芋泥香味。

失望，極差，無下次！潮州翅 ，被sell大鮑翅收488一碗，兩碗巳收一千，得好少翅，無一梳梳，味淡，D湯好似溝左水番煲咁，唔夠熱，翅針仲硬硬地！👎👎👎 鵝肝過得去，鵝片，無味，柴口，無鹵水香，蠔烙，無蛋香，應該不是用鴨蛋，加左太多麵粉，脆脆地已是正宗，最後香芋臘味煲，不是潮州菜，但無味，不好食，最出色原來是飯前飯後的功夫茶，咸菜同花生！ 😏😏

外賣自取，比錢時無問點計，收了$452。回到家發現只得5塊鵝肝，數塊鵝片，數條鵝腸，下面全豆腐墊底。鵝肝 9/10 入味，不會過熟，好吃 。 鵝片 5/10 一般，略低於九龍城平均水平。  鵝腸 2/10 無咩味，已去肥膏，不建議試。豆腐 5/10  一般滷水豆腐，不太鹹。結論是食物可以，收費貴，可以不試，要去的話一定要先問好計法、收費。

樂口福和我父母的年紀差不多, 也是我最常去的潮州菜酒家, 來到這裡時光就像回到八九十年代, 我小時和父母飲茶的日子, 外面掛著刺眼的霓虹燈箱, 內裡的階磚及龍鳳掛飾, 愈來愈難見到. 未開餐前的功夫茶, 是典型濃厚甘香的鐵觀音, 非常開胃而且減膩, 因為之後吃的, 也是濃重油膩的重口味菜式.魚翅和凍蟹因為人不夠多而沒有點, 鹵水鵝件和鵝腸成了最經典的潮州菜式, 鹵水咸香帶甘甜, 入味非常, 鵝肉爽實無渣, 肉香搭上肉汁, 吃起來是樸實無華的美味. 鵝腸口感爽彈同樣入味, 內裏乾淨之餘, 最重要是留下內層脂肪, 除了油香以外也提供軟融帶對比的口感. 荔芋香酥鴨除了炸得香脆而沒油膉味外, 芋蓉的綿滑和底層鴨肉的鬆軟, 也有著頂級潮州菜館應有的水準.本想點沙嗲牛肉炒河, 但河粉在晚餐，一開始已經售罄, 於是以粗麵代替河粉, 兩面黃的做法有驚喜, 再加上花生味香濃的沙嗲醬, 牛肉在這裏彷彿變了配角. 蠔烙的蠔仔份量爆棚, 再加上鴨蛋比雞蛋強烈得多的蛋香和酥香, 沒有珍貴的鮑參翅肚, 依然吃得相當滿足.Lok Hau Fook is my favorite Chau Chou Cuisine

能屹立七十年的食店，必有它的過人之處。久違了三十多年再度於樂口福進餐，吃了的不止味道，還有回憶。鵝片鵝肝，上枱的第一道菜，末入口巳隱約聞到滷汁的香味，鵝片皮下油脂比例恰好，嫩滑肉質夾著數十年的滷水，入口味濃回甘，有如花蕾於舌上綻放。鵝肝則入口細滑如慕絲，鵝肝不一定吃法國的。魚翅撈魚翅份量不少，翅身粗湯汁濃，但我還是愛潮州清湯翅，下次再吃吧！川椒鱔球，過去吃潮菜總叫川椒雞球，不爱吃鱔的我，總覺坊間以鳝做食材，總是難吃，失味肉實難入口。在老闆推薦下一試，估不到鱔竟可做得如此皮脆肉鬆軟，夾著炸脆了椒葉入口，只可說我會再來吃。吃慣了急凍肉製作的朋友，竟認為不是鱔肉，真的只可說末真正吃過好菜油泡螺片，很簡單，食材新鮮就可以，剛熟带點爽脆的螺肉，绝對是送酒佳品。石榴雞小時候總爱吃這，可能因它似福袋，用芛，菇，紅蘿蔔雞肉切碎炒香，放涼再將蛋皮包食材再蒸，是道功天多卻賣不起價的菜色，所以潮州菜館可吃的大多是老店。潮州蟓烙，不是在外吃的蠔餅，除了大舊炸漿炸脆後，入口也只得脆䊢，要吃到蠔仔就像尋寶般。每一口也有肥美蠔仔，以鴨蛋加槳粉慢煎才可吃到蠔的鮮味。煎馬友，煎得皮脆肉嫩，舆葱和醋同入口，潮洲吃魚精粹盡

酒樓已經有68年歷史，入到去好有懷舊feel黎到就有功夫茶飲無限添飲懷舊裝潢滷水拼盤$350味道淡口，滷水味唔太鹹韭菜花炒鹹肉鹹肉偏鹹，但整體過得去普寧豆腐件數都唔少，味道不錯生炒骨味道好味西芹炒鮮魷齋煲普普通通潮州炒粗面面身比較碎，但味道可以蠔仔粥一般芋頭餎味道唔錯水晶包（豆沙、蓮蓉）熱辣辣上枱，味道唔太甜，幾好食有懷舊的味道⋯價錢唔算太貴

潮州手工菜原來真係好好食！好鍾意佢個龍鳳，香港已經好少見仲要坐得咁近🥰🥰舖頭唔會太大間，唔會好嘈同埋好親切嘅感覺，枱同枱之間分隔得好好！唔會有好逼夾嘅感覺，唔會驚隔離嗰台啲口水飛晒過嚟。招呼非常周到。💖💖魚翅味道非常好，同廣東酒樓食嗰啲完全係第二樣嘢 ，啖啖都係魚翅😋😋鹹菜包住白鱔肉以為會好鹹，但係發現一啲都唔鹹而且味道特別🤤🤤可惜呢日冇晒我返砂礓薯！🥺🥺希望下次去有得食🫣🫣

這晚帶格格來朝聖！也不曉得她知道誰是四大探長、破豪，反正這格局、裝潢的酒樓實在已買少見少，這晚看見它還算高朋滿座，可能還可吃多一兩次！剛坐下，侍應姨姨先來一盤功夫茶，還不斷為我們介紹，夠積極，很欣賞。菜牌上也的確有一些平常沒什麼人做的潮州菜，所以先點個真是沒吃過的“椒鹽豬潤”來考個牌！不錯。“雙面黃”，有水準！麵條煎得分明，跟它兩個好朋友，即糖和醋，絕配！“鵝片拼盤”，這應該是我這幾年來吃過賣相最好的滷水拼盤，味道又好，果然名不虛傳，下次一定要翻兜！“方魚炒芥蘭”，這個，一般，方魚確是夠香夠脆，但菜葉太多，太估寒，影響了口感。但總括來說，見識過，三生有幸，出品水平尚可，鹵水拼盤尤其突出！

餐前餐後來幾杯鐵觀音功夫茶 ☕️ 🫖 水滾茶味香又可以消滯，甘香醇厚。以下節錄當晚食過的幾道菜滷水鵝肉拼盤 🦤 份量足，層層豐富，有鵝肉、腩肉、鵝腸、腎、 豆腐，全部都好入味，最抵讚係鵝腸，腸內肥膏都清得乾乾淨淨，正。
普寧豆腐🧈更加冇得輸，豆香味非常之濃，配上韭菜鹽水，豆腐味道更加升華不少。凍馬友 🐟 油份多，肉質棉，點埋普寧豆醬更美味。甜品反沙芋🥠材料雖然簡單（只有砂糖、蔥花、芋頭），但係功夫卻係相當考究。一層糖霜包住芋頭外層，外層糖衣香脆，內裡芋香十足，質感粉糯。福果芋泥 🥣 烹調過程繁複，容易炒焦，一直要炒到芋泥變為軟身，非常考功夫。芋泥加上福果，份外煙靭，甜而不膩，為這餐晚飯畫上完美句號！

當晚一行四人到九龍城樂口福，我哋一坐低，侍應就端上幾杯功夫茶，飲落香口易入喉。當晚我哋叫咗蠔餅、沙嗲炒牛肉、蠔仔肉碎粥、福果芋泥、碧綠川椒雞、潮州炒麵線、滷水拼盤。滷水拼盤味道不錯，滷水味非常之出。蠔餅同蠔仔肉碎粥都幾好食，但因為其他嘅食物更好食，所以相對地佢哋冇咁特別。沙嗲炒牛肉沙嗲味好香，牛肉又唔會好靭。碧綠川椒雞雖則佢唔係好辣，但都好入味。潮州炒麵線表面上看似冇乜特別，但食落去非常脆，味道都好得。甜品福果芋泥，食落去口感較粘口，幾特別，不錯。當晚我哋係平時日子去，但都算多人。所以最好去之前book定位先。

作為潮州仔一個，真係好鍾意食潮州菜，但一直未試過位於九龍城的樂口福。早前因為前輩請客，終於有機會來試試。近年九龍城越開越多咖啡店，而樂口福則仍保留著懷舊的裝修，打開門踏進飯館，像穿越了時間，置身電影裡的場景。當天光顧是平日的午市時段，人不多。一坐低便有工夫茶招呼，然後前輩發板我就等食。滷水拼盤少不了，有鵝片、鵝腸、腎，滷水香而不鹹，鵝片多餘的脂肪已經妥善處理，肉香油香同時品嚐，吃得滿足。潮州人都愛吃沙嗲，不要誤會是東南亞的沙嗲味道，潮汕沙嗲會用到蝦醬，故有鹹鮮香，而且帶有微甜，適合入饌。樂口福的沙嗲牛肉炒河絕對是正宗潮州沙嗲味道，推介一試。蠔烙也是傳統潮州菜。「烙」的意思是「輕煎」，所以蠔烙不是大排檔那種炸的方法去做，功夫較考究，完美的蠔烙即使薄薄的，但依然能做到外脆內綿的感覺。另外也食了黃金蝦、椒鹽九肚魚，鹹菜豬肚湯，不過不失。

經過九龍城有很多童年回憶 ，尤其是這間落口福潮州菜館，兒時都會跟屋企人來這間潮州菜館，今次再來集體回憶， 同屋企人一起再嘗試下這間傳統潮州菜館，雖然老店歲月已經半世紀多，但都很乾淨企理。飯前小吃的脆花生和鹹酸菜保持水準香脆好味。一入店內門口廚房就看見煮著的春菜排骨非常吸引，大大碗熱辣辣上枱味道依舊，好有住家煮的感覺， 春菜蘿蔔排骨融合埋非常入味。鵝肉拼盤，物超所值$200就有這麼大大碟的拼盤份量足味道好， 這碟除了主角鵝肉好味其餘所有腩肉、鵝腸、腎、 豆腐都好入味，還有鵝腸都做得好細緻腸內的肥膏都清得乾乾淨淨。普寧豆腐冇得輸，豆香味濃配搭埋韭菜鹽水整件豆腐味道升華不少。煎蠔餅蠔仔肉多又不會太多油。冬菜蒸馬友，魚肉鮮甜但魚再大啲就更好。鹹菜胡椒豬肚湯，胡椒鹹菜掌握得很好不會過酸和個辣，豬肚又軟淋，天氣涼飲這湯暖胃非常好。潮州菜最後不能忽視的甜品反沙芋，這個反沙芋非常了得， 糖霜內蔥油味香配埋軟滑的芋頭好好味。還有這個清心丸綠豆爽， 這間老店掌握得非常好， 很久沒有食這樣好味的綠豆爽了，不會太甜，綠豆蓉清香、清心丸又煙韌， 最後還有傳統即沖的功夫茶(鐵觀音)，水滾茶味香又可以消滯，非常滿足

週六經過九龍城，順便想吃一下潮州菜。由於它位於吃下午茶的茶記對面，所以便欲一探究竟。老式的裝修，經典的黑幫電影場地是第一印象。看了看餐牌，發覺有不少未聽過的手工菜，但由於只要兩個人，所以這次只點了下列三道菜。1. 鵝片2. 黃金石榴雞 3. 咸肉蝦乾紹菜煲。4. 啤酒白飯首先，鵝片先上。例牌的份量不算多，但味道卻不錯。由於有鵝油淋面，故光澤油潤，油香十足，肉質亦比坊間的嫰滑。2. 黃金石榴雞，四大件的手功菜。外皮有點像炸雲吞，而涵料則是一些切碎的菜，菇和雞肉粒，雖精緻但油炸後有點膩滯。其他沒太特別，故不敍述。最後，埋單550兩個人。店員的服務頗佳，沒有老店的那種黑面高傲。想嘗一下老潮州風味可來試試。

返完教會突然間想食潮州菜，就去咗九龍城揾食，又醒起有YouTuber介紹過此店，所以就walk-in入嚟食吓嘢。大約七點半去到，等咗五分鐘就入座。店舖環境雖然係好舊式，但衛生環境都好ok, 又唔焗悶🤩我同老公兩個人叫咗三個餸，一個係潮州蠔仔粥，一個係鵝肉，一個係蝦乾紹菜煲，本身想叫芥菜排骨煲，但老闆話呢個餸係冬天限定，唯有下次再試啦！講番啲味道先，味道都ok喎，唔會又油太鹽，蠔仔好鮮甜，鵝肉都好軟滑，可惜肥咗少少。最後食唔晒啲鵝肉，打包返屋企留番第二日煲米粉食，估唔到超正啊！🤤🤤🤤🤤🤤有位應該係老細嘅男人，服務就好殷勤有禮，其他侍應就正正常常咁啦。整體而言個進餐經驗都唔錯，應該都有下次😬