Lovever Patisserie

Open Now

Now Closed

餓底上個月來過這間小店，試了Raspberry & Earl Grey，念念不忘，整個月都想再來，今天來灣仔工作，見有少少時間就攝過來幫襯！😋今天天氣熱辣辣，推門進來冷氣十足，看到簡潔清新的小店，令人心情愉悅！看看展示Dacquoise的玻璃櫃，今個月的味道又轉換了不少，小店推陳出新，誠意十足，比個讚先！就在選這rum酒/綠茶兩隻口味之間掙扎估下餓底揀左咩味？係綠茶麻糬呀！綠茶內餡好幼滑，微微回甘，不會太甜，內還藏有煙韌的麻糬，配上鬆脆的餅身，多重口感又來了！餓底真心覺得比起馬卡龍美味多了！

今日行過灣仔大王東街，發現一間門面非常fancy的店子，似是cake shop, 又好像不是！隨即引起我的好奇心入內看看是賣甚麼的。店子裝潢高雅清新，處處透出法國風情！經店員講解後，才知道Lovever Patisserie原來是全港首家達克瓦茲(Dacquoise)專門店。而Dacquoise 是一款法國經典甜點，外酥內軟，餅皮是由蛋白，杏仁粉和糖粉製成，外層附着薄薄糖粉，充滿空氣感的餅乾質，外酥內軟，內餡濕潤，吃起來又多了夾心蛋糕的口感，外層又酥又帶點脆的軟式餅乾。櫥窗擺放着不同內餡的Dacquoise , 就像珠寶般展示人前，非常矜貴，令人賞心悦目除了Dacquoise外，還有瑪德蓮，可麗露，布列塔尼等法式甜點供應。彩虹Dacquoise 色彩繽紛，size比較少，要預訂才可今天買了4款Dacquoise回家慢慢品嚐，每一件Dacquoise獨立包裝，乾淨衛生，店員用一個粉紅色盒子加粉紅色絲帶很用心包裝，未食已感覺很開心還附上乾冰和冰袋為甜點保鮮，超窩心！伯爵茶~ 使用康寧伯爵茶煮英式蛋奶醬， 打入奶油形成滑順嘅奶油霜， 另外烘烤時也加入伯爵茶葉讓整個香氣更濃郁！焦糖奶油鹽之花~

自從嚐過抹茶麻糬口味以後，我便迷上了這種特色小甜點。它就是「達克瓦滋」，一種來自法國宮廷的甜點，嚴格來說可算是馬卡龍半個朋友，外表同樣華麗，但就沒那麼「油頭粉臉」，甜度較低，相對上易入口。它的外皮是以杏仁粉製成，杏仁的味道不會過嗆，沒有搶去內餡的味道，表層則有適量的糖粉點綴，入口香甜，外酥內軟，有別於馬卡龍的硬脆口感，較具層次；內餡則是以奶油霜製成，解凍前後口感不一，各有風味。未完全解凍的它呈膏狀，口感會比較像雪糕，厚實濃稠；解凍後的它則呈奶油狀，口感較軟滑，但若然裡頭是有麻糬的話，我還是建議大家要提前進行解凍，不然麻糬的口感會變得相對乾硬（普通口味約須5-10分鐘的時間解凍；麻糬口味則須15分鐘）。.是日再度來訪，除了重溫心心念念的抹茶麻糬口味外，我還入手了別的口味，包括焙茶、黑糖麻糬及綜合莓果等口味。.先談談我的「舊愛」吧。對上一次享用該口味時，我已頗感滿意，因為奶油霜的茶味頗為突出，甘醇之餘亦滲出一點微澀的味道，與甜甜、酥軟的外殼搭配起來剛好形成平衡。事隔幾個月後，茶味更見出色，令人驚喜，想必是店家作出改良了。奶油霜呈墨綠色，對比上一次的翠綠色澤已大有不同；入口一嚐，澀味相當突出

鋪頭位置雖然並不在大街，但都不難穩到，因為係地鐵站附近。白色為基調既鋪頭在街上格外顯眼，鋪頭內配以柔和既燈光，簡潔的裝潢再加上親近大自然的花草裝扮，顯得非常有情調。讓人更加期待這甜品是否會如店內的裝潢一樣掠奪食客的心。店家為香港首家達克瓦茲專門店，當然要食下佢度既主打。因為都係首次嘗試法式甜品，所以都特地上網查左達克瓦茲究竟為何物，原來佢係是一種由扁桃、榛子和新鮮奶油製成的泡沫蛋糕。抹茶麻糬達克瓦茲小巧的外型，兩塊厚厚既餅皮夾住墨綠既抹茶餡。未切開前都見唔到藏在中心煙韌白色既麻糬。一啖咬落，你會發現佢雖然外表個餅皮酥脆，但內層鬆軟。聽講佢既脆原自糖粉，你自然會以為這樣既甜品甜度一定超標，但由於佢中間搭配左濃郁既抹茶。抹茶苦中回甘，這樣豐富既層次以及味蕾既衝擊更讓你品嚐到另一番滋味。伯爵茶可麗露朱古力色既外表不似鋪頭其它甜品那樣色彩繽紛，但正因為佢既獨特一下子勾起我既好奇心。並買下品嚐，估唔到，佢個外表係脆口到會卡滋卡滋響。好得意，再探到佢既內心你會更加驚喜，因為佢個內心與外表真係180度大不同，軟熟Q彈既內心，甜得黎又略略帶有伯爵茶既甘，這樣既搭配撞出不一樣既火花。店家貼心提示:本產品

我個friend要準備散水餅，所以我陪佢嚟到灣仔呢一間有特色法式甜點嘅小店，睇下啱唔啱佢心水。到埗之後，眼前有好多唔同款式精緻嘅法式甜點，老實講我好好奇會唔會好甜，因為其實我唔太鍾意食太甜嘅甜品，內心好矛盾呀想食甜又想健康，哈哈！我哋揀咗幾款，第一款係芝麻麻薯達克瓦茲，估唔到真係唔會好甜，而芝麻味好濃，粒麻薯好Q。跟住叫咗Rum n Raisin, 呢個係我至愛，酒味濃郁極好味、鍾意酒嘅朋友一定唔可以錯過另外抹茶麻薯味，就適合鍾意清淡D嘅朋友啦，但其實都好好味，我已經約咗朋友再返去試佢其他味喇！

對我來講，甜品係消除壓力嘅有效方法。香港人打工族（包括我）承受嘅壓力當然不少，所以每逢週末都會搵香港出色嘅甜品店。今日經朋友介紹下，我同女友嚟咗呢間位於灣仔嘅Lovever Patisserie。呢間甜品店主打Dacquoise，之前從未聽過Dacquoise，不過非常感激職員細心地介紹每一件產品。原來Dacquoise主要成份係杏仁粉，外形有啲似迷三文治，口感同馬卡龍差唔多。另外職員亦透露因為夏天嘅關係，佢哋會多啲出水果味嘅Dacquoise，另外佢哋隔一排就會換口味。最後我揀咗四款甜品，每一款甜品都係獨立包裝㗎！另外職員亦提醒我解凍10至15分鐘先食用。綜合莓果達克瓦茲入面嘅餡料口感非常似雪糕，唔係死甜而係水果嘅天然微甜。至於餅皮特別酥脆，口感激似馬卡龍，但相比之下，我更喜歡德克瓦茲既餅皮，口感更具層次，而且唔黏牙。至於蘭姆葡萄達克瓦茲亦受我呢嗰酒鬼歡迎，葡萄乾經冧酒醃製下所有有酒香，酒香比較溫和，並不強烈，所以其實女仔唔使驚食完會醉除咗達克瓦茲外，餐廳仲有賣另外兩款甜品，分別係小蛋糕系列同瑪德蓮系列。檸檬朱古力小蛋糕非常驚艷，自己特別喜歡外層檸檬嘅酸甜味，蛋糕外面係脆皮，所以非常

位於灣仔一條小巷入面，門口雖小，但光亮的燈光可以見到入面典雅的佈置，廚窗已經放置數件色彩繽紛的甜點，入舖後店員哥哥細心詳細講解這個法式甜點的由來及製法，之後我地揀咗幾款口味-抺茶麻薯達克瓦茲，外層鬆脆，餡料係抺茶味，好濃，有一點點抺茶的甘醇味，中間夾著麻薯，口感豐富-冧酒提子達克瓦茲，rum酒浸既提子散發濃濃的酒香，但不會過份濃烈-檸檬柚子達克瓦茲，呢個較前兩者清新，有中和脆餅的甜度-芝麻麻薯達克瓦茲，中間同樣有麻夢廿，芝麻味都好突出，唔會俾甜度蓋過呢間確係間特別的法式甜點，是馬卡龍以外的選擇

講起法國甜品，大多數人認識的莫過於馬卡龍，瑪德蓮貝殼蛋糕...。最近發現灣仔有一間專賣達克瓦茲（Dacquoise ），是一種法國宮廷點心，源自西部，比起馬卡龍甜度稍減，充滿著空氣感，賣相又高又厚，表層酥脆鮮明。青檸柚子清新口味。柚子味道顯著，中央位置有青檸茸的夾心，好適合夏季的甜點。夏威夷鳯梨鳯梨味清香，一小塊夾著中央增加了嚼感。綜合莓果什莓奶醬好滑溜。過甜過膩的感覺沒有。配合紅茶或咖啡真是一流享受。

之前ig 有人介紹尼間既法式甜點-dacquoise，今日經過附近，決定買幾個試試先😱款式好多，令人眼花撩亂啊～經店員推介下，試左：柚子青檬（$36）非常夏天既配搭！檸檬酸令人好開胃，而柚子既甜中和番檸檬既酸🤘🏻柚子係真係有一絲絲既柚子係裏面咖～鮮芒果 $36切開後好明顯見到一粒粒既鮮芒果肉做的，味道一啲都唔artificial，真材實料咖！講番尼隻dacquoise，似macaroon，但皮冇macaroon咁甜～連埋厚厚既奶油食似食緊雪糕三文治，一點也不膩～另外仲試左另一款甜點-馬德露香草馬德露（$32）外脆內軟，好香既焦糖味！而裏面香草味都好出，我食到一粒粒既香草籽～一試難忘

好耐無食過食到停唔到口嘅甜品喇！我未試過達克瓦茲，原來佢係法式甜點，兩塊形狀似weetabix中間夾住唔同口味嘅buttercream，其實果兩塊係杏仁餅，外面脆脆，中間係鬆軟嘅蛋糕質地，有淡淡嘅杏仁香，而中間係雪到有少少硬度嘅幼滑buttercream，係我最鐘意嘅口感，真係好正！依度有好多口味可以揀，鐘意酒嘅我就梗係要rum and raisin啦，真係好好味，食到rum嘅酒香，唔好睇佢細細件，提子乾又大粒又多，rum同raisin嘅味道都好鮮明，又唔會過甜，完全係我喜歡嘅口味。實在好少食甜品係可以一舊接一舊，食完個rum and raisin仲可以食多個mixed berry口味。mixed berry就帶少少酸味，又有莓嘅香，一d都唔膩，正！下次一定要試埋其他口味！

今日係我生日，🥰同事話早d收工，陪我飲杯野先放我去同人食生日飯。🥂佢問我要唔要蛋糕，我話得兩條友，點食得曬，佢就醒起佢近期最愛食嘅甜品，Dacquoise!❤️😍佢係香港少見嘅甜品，馬卡龍其實都好難整，佢仲要係比馬卡龍更難整。👍🏼佢個餅係用咗杏仁粉整但係唔會太多杏仁味，而且非常脆。😋入面係唔同味道嘅奶油。同事極力推薦1️⃣芝麻味，店員都話佢識貨。原來佢呢度會定期更換味道，芝麻係之前出過嘅，由於大受歡迎所以今次再出。😍食過之後的確芝麻非常之香仲要入邊有糯米糍，口感好特別。😋我哋另外仲叫咗期間限定嘅2️⃣菠蘿味同3️⃣rum 酒，呢兩個入邊就冇糯米糍嘅，但係都好好味，入面真係有果肉。🍍除咗Dacquoise，佢仲有其他法式嘅小甜品，超級喜歡食呢個4️⃣朱古力味可蓋路同5️⃣bacon 味嘅cake!!!🥰

呢間法式甜品店位於大王東街，店舖門面唔算起眼，如果唔係男朋友發現到，可能就會錯過左品嚐法式甜品既機會，which is 係香港係十分稀少。這間法式甜點店的設計有法式優雅高貴的感覺，雖然店舖細細間，但店員有禮的招待同簡潔花語既環境，令人感到身分尊貴。入到去就見到玻璃廚櫃擺放著不同款式味道的達克瓦茲，店員仲話每個月都會推出新口味！口味之多令我同男朋友都花多眼亂！除了達克瓦茲外，還有小蛋糕、檸檬蛋糕、瑪德蓮、可麗露等等的常溫甜品！達克瓦茲Dacquoise係法國傳統宮廷甜點，感覺同馬卡龍好似！唔同既係達克瓦兹用糖較少，相對嚟講冇馬卡龍咁甜，所以都比較健康。佢既材料同馬卡龍好相似，但係口感完全唔同。上下兩層口感似係非常鬆化既餅乾咁，餅皮係蛋白、杏仁粉、糖粉製成。中間既夾層係奶油霜，係冰霜攞出黎，稍稍解凍約十分鐘之後食，奶油霜的質地相對結實企身，感覺好似食緊雪糕咁，而唔係cream狀！最外層灑左薄薄既糖粉，外酥內軟內餡溼潤豐厚。原本以為中間個層只係純奶油，點知咬落去發現仲有糯米糍，果肉，口感同心思立即豐富左好多！糯米磁煙煙韌韌的口感好喜歡！常溫甜點可麗露，外型像個鈴鐺🔔！由於唔需要解凍，以為係鬆

我其實唔算係甜品愛好者，係心情低落時或者有壓力嘅時候會想食少少。而對於甜品嘅喜好比較單一，只係鐘情焦糖味嘅任何甜品。今日經過大王東街，見到呢間雪白亮眼嘅舖頭，無多餘嘅裝潢，簡約歐式設計風格，以灰白為主，配以巴黎鐵塔，花藝等小擺設，簡單美。講翻主角，基本上主打一種名為 Dacquoise 嘅甜點。職員介紹呢款甜點其實係macaron 嘅姊妹，同樣以杏仁做出鬆脆嘅外層，不同之處在於dacquoise 係外層較厚身，而最特別嘅地方係佢內層係軟綿綿，有d似日式輕蛋糕嘅質地，但又唔係蛋糕咁黏稠，係外脆內軟，充滿空氣感嘅質地。呢款甜點嘅外層已經令我好驚喜，估唔到入面嘅cream 一樣咁高品質。我試咗兩款口味，分別係brown sugar mochi同 mixed berries。無焦糖可選，所以我揀咗brown sugar，食落去簡直係驚為天人！brown sugar 絕對唔係死甜，係食得出有brown sugar 嘅香味，cream 因爲雪過嘅關係，口感實浄，好似食雪糕咁，中間有粒原味麻糬，正好中和 brown sugar 嘅甜，好好食！之後我忍唔住即刻再開埋件mixed berries，個cr

在網絡上看到這家的法式甜點賣相精緻美觀，甜點種類也較一般的特別，在香港不常見喔！！！！他們本以是在網店起家，主打是一種叫“達克瓦茲(Dacquoise)”的法式甜點~~~這天跟朋友在利東街參加活動後，就跟她一塊到這兒來朝聖嚕xppp一走進去就看見五彩繽粉的達克瓦茲，非常吸晴呢 ：）不過店員跟我倆說，現在彩色的都沒現貨，都需要訂製才有喔！！！平日都恒常有十款口味的達克瓦茲，均一是HKd$36一件，而且每個月的口味也會有不同啊~`如果當天的口味沽清的話就需另作他選啦！！！除了達克瓦茲之外，這兒還有提供 可麗露、瑪德蓮跟布列塔尼等法式小蛋糕和撻點呢 ；）我跟友人都選了一款口味的達克瓦茲，我還多要一個 香草原味的可麗露HKd32 ♥♥♥我倆都急不及待要現場把它們吃掉，朋友選的是“芝麻麻糬”的口味，而我就要了“綜合莓果”的~~~既鬆又脆的外層夾著幼滑的奶油内餡，不會過於甜膩，美味無誤xpp我的綜合莓果，酸酸甜甜的，味道天然，絕不人工化，整個味道的配搭就很適合悶熱的夏口吃嘛=D而友人的芝麻口味香香濃濃的，還有Q軟的麻糬在內喔，比我選的多添一重煙韌的口感啊"""'這家的可麗露也夠出色，焦香外脆的外層

因為macaron嘅原因，對法國甜品嘅印象就係好甜，但今次試過呢間甜品店嘅Daquocise 達克瓦茲之後，即刻就改變左呢個睇法。呢間店細細地，但個佈置好elegant，包裝都好精緻！一開始覺得個樣幾特別就買來試下，後來聽店員介紹先知呢個甜品係源自法國。最大特色係個口感外脆內軟，裡面配搭不同嘅餡料。今次買左四種口味，分別係覆盆莓、Tiramisu同焙茶。覆盆莓酸酸地嘅覆盆莓，中和左奶油嘅甜膩，咁多種口味之中我最鐘意呢個！Tiramisu咖啡嘅苦、奶油嘅甜都分配得幾好！焙茶Cream中混合了非常濃郁嘅焙茶，微微嘅苦味，幾好食！整體來講，覺得呢款甜品無馬卡龍咁甜，比較易入口，而且口味配搭多變，外形顏色都好靚，係做係茶點、小食、散水餅幾好嘅選擇！