有口福 (Moved) New Location

今晚約咗同事去食川菜火鍋，位於九龍城有口福，地點方便，就喺黃X珍前少少。店內地方都算寬闊，左右兩邊係4人卡位，中間就係方枱可坐6人，人多可拍埋兩張枱，枱與枱間都算多空間。我地今晚又4個女人一個墟，最難得係個個都食得辣兼重口味，話事人好熱情好客咁介紹店內嘅食物，我地襯未人齊就先點左幾款小食食住先。涼拌海蜇絲，海蜇好爽口，少少麻油加點芝麻就已經好好食。手拍青瓜係我最喜歡的涼菜，每間店也有不同口味，呢度黑醋味稍為特出，蒜味和麻味都足夠，越食越想食。尖椒皮蛋，尤其喜歡尖椒皮蛋，用上了四川皮蛋內裡透明金黃色，比黑色皮蛋更有彈性、鹹味也不會太重，冇阿摩尼亞味，尖椒辣味更為突出。泡椒豬手，豬手好清脆爽口，泡椒味也帶點酸酸辣辣，好開胃。麻辣豬肚絲，加點芫茜香味，豬肚夠入味夠淋，少少麻又不太辣，好惹味。酸菜烤沙巴龍躉，約2斤重龍躉配以酸菜、泡椒、孜然、大豆芽、芝麻、芫茜、紅椒乾、洋蔥，豐富配料令條魚味道豐富，酸酸辣辣十分惹味，泡椒不怕越煮越辣，叫了中辣都不算太辣。孜然味都幾特出，令整條魚味道好豐富，又酸又辣又香。龍躉又啖啖肉，魚皮又有膠質，好味。魚底下用了百葉墊底，百葉即是豆腐皮，吸了湯汁的味道，好好味

👅有口福以前成日落九龍城食晚飯，都食過幾次有口福既魚煲，今次同幾個朋友一齊食，終於可以一次過試曬雞煲同烤魚。 脆辣雞軟骨🌶 ($88)呢碟餸以前老細請過司令食，搞到司令一直念念不忘😋。雞軟骨炸過，咸香十足，配啤酒一流。但呢碟餸嘅重點並唔係雞軟骨，而係入面炸到酥脆嘅辣椒🌶，辣椒食落去其實冇乜辣椒味，而係好似薯片咁，搞到司令一舊接一舊，食到唔停口。 酸菜諸葛烤活魚🐟 ($178)烤魚司令都食過好多次，襯最近天氣涼番，係時候食番d 熱騰騰嘅野暖下個人。今次烤魚味道偏大眾，唔會太酸，湯嘅咸味亦都好足夠，配料嘅芽菜同腐皮吸哂湯，夠哂鮮味，而份量亦都好足料架。烤魚🐟食落有鮮甜味，再醃上酸酸辣辣嘅湯底，非常開胃😋，搞到司令唔覺唔覺食左大半條😝。不過要小心好易會痴底啊，同埋魚比較多骨，驚骨既可以叫另一款魚。 香辣雞煲🐔 ($158)呢度雞煲真係超香，喺啲雞未熟之前就已經有超淫賤既味👍🏻。司令今次叫左小辣嚟試，但就有啲唔夠辣，食落既時候覺得好似少左啲野咁🤔。後尾同老細講，叫佢比多少少辣我地，落完啲辣油，就very good，即刻唔同曬！ 另外叫左份豬蝴蝶腩（$68）加入去煮，索曬啲香辣

走到九龍城食好野 呢日忽然有d想食川菜，所以同朋友揀左呢間餐廳 坐底左先發現原來朋友唔太食得辣！都怪我無同朋友溝通好，任由雙腳自動走入呢間咁香既餐廳.....立即舉手問問員工，如果唔食辣有冇好推介？呢間餐廳有做火鍋、雞煲、烤魚，都可以自選辣度。但考慮到我地得兩個人，所以繼續問有冇其他選擇。員工俾左個好貼心既offer ：「不如點d小菜，就算辣都唔驚，辣可以另上！」此外，佢仲推薦左是日既蒜蓉燒海鮮，  就咁決定！夏枯草餐廳既成功就係要留意每個細節。一間食辣野既餐廳，有提供不少清熱下火既飲料選出，係值得一讚既 蒜蓉燒蟶子（時價） 先來兩客海鮮打頭盤！上台時已經俾佢既size嚇親，仲長過一部iPhone Plus 蒜蓉既香味，突出蟶子既鮮甜 彈牙又爽口，一試難忘！蒜蓉燒元貝（時價）同樣既烹調方法，同樣咁優質既食材。XXXL既海鮮，加上絕對既新鮮，只需簡單的加上蒜蓉燒一燒，已經美味無比。甘甜味道、爽脆口感，齒頰留香，令人欲罷不能 炒水晶粉（$52）辣油另上的炒水晶粉 千其唔好睇小呢碟辣油，如果唔覺意好像我咁，當左豉油起勢咁點...　結果一啖飲左大半支野飲...所以正確食法

好開心，超耐冇一家人一齊食過飯啦，平時都係係屋企附近食，尋日真係天氣好凍，決定去遠少少打邊爐，由於附近冇咩特色食肆，所以出發去九龍城覓食啦！行左九龍城附近好多地方，好多特色鋪頭，行到有口福門口，見有好多人等位，所望下餐牌，有雞煲、烤魚、烤海鮮同四川小炒等，好多唔同選擇，最後一家決定今晚就係呢間餐廳醫肚了！我地有人鍾意食雞煲，有人鍾意魚煲，最後決定要一雞一魚滿足全部人要求啦⋯⋯當然，等食期間絕對唔可浪費時間，我地叫左d涼伴小炒，燒蠔等等，想唔到呢間鋪頭原來除左雞煲魚煲，仲有咁多唔種類既食物，認真有特色又多元化！首先是尖椒皮蛋，平時皮蛋是深色的，而這個皮蛋竟呈現了金黃色，除了外觀更吸引外，食落唔會咁易滯，爽爽的！燒蠔味道清清地，蠔好大隻，比一般大一倍，加上香蒜同葱燒香，咬落咇出大量蠔汁，鮮甜味美。另外，又食了一道炸墨魚咀，同蠔一樣，都異常大粒，炸得香脆又可口，伴着炸香了的花生，我們全部點了啤酒，配上佳餚，十分好！然後，雞煲上來了，冒住熱騰騰蒸氣既雞煲，未上台前約七成熟，上枱再煮一煮，夠辣又夠香，凍凍地最合適，由於是屬於較細的雞，所以肉質很嫩滑又夠辣！ 食到最後雞汁精華可配上上湯打邊爐。很快

天氣凍凍地最好就係食火鍋, 但係又唔想咁悶, 所以朋友就介紹去九龍城食麻辣雞煲及麻辣烤魚. 我們一大班人就去一試, 對於鍾意食辣的我真係期待. 一入到餐廳就聞到好香既麻香, 餐廳環境有傳統茶餐廳風味, 有好多人正在食緊熱辣辣的雞煲不過冇位, 點知原來仲有一層同埋有房, 真係岩哂一大班人聚會。 我地一行有7 人叫菜方面可以試唔同既野, 首先點左佢地其中兩個出名既麻辣雞煲(可選全雞或半雞)及酸菜烤魚, 其中烤魚可以點鯇魚, 鉗魚, 泰鰂魚, 仲有龍躉揀真係多選擇. 因為鉗魚唔多骨又經濟實惠, 所以就叫左一條。除左點左雞煲及烤魚外, 我地都試下服務員既熱誠推介前菜有尖椒皮蛋和炒水晶粉,同埋叫左椒鹽墨魚嘴 尖椒皮蛋同平時食既有D唔同, 皮蛋心係金黃色, 入口唔會好流加埋辣油好開胃 炒水晶粉, 水晶粉好煙韌有口感 椒鹽墨魚嘴連同花生炒得好香口, 真係送啤酒 雞煲終於上台, 服務員會親自幫手搞埋雞煲一開煲蓋芳香撲鼻既麻辣湧埋黎, 煲裡面香菜、洋蔥、蒜頭，雞肉質幾滑的，醬汁又濃又惹味帶鮮甜，每一口雞都有醬汁包著每塊雞件, Good !! 酸菜烤魚鉗魚配有大量酸菜牙菜同野生椒,

近年興起吃烤魚雞煲, 是日朋友相約食烤魚。今次地點是九龍城, 幸好這家食店不難找, 旺角乘小巴很快便到達。這家食店烤魚雞煲也有, 7時未夠人客不多。看見了烤魚還是被吸引了。烤鯇魚178 頗抵吃。 既然四川菜以麻、辣、鮮、香為特色, 我們也要求了少辣和加了酸菜, 一嘗四川火鍋風味!火鍋配料也很多, 還有手切肥牛! 蟶子 時價 當日48上碟時已經有陣陣飄香, 加了蒜蓉一起燒,份外惹味, 廚師還把蒜蓉釀進蟶子肉中, 一點也不馬夫。 蟶子大隻, 肉質爽甜, 多吃2隻也無仿。少辣酸菜烤鯇魚配菜非常多, 豆芽, 籽然, 芝麻,蔥, 等等。卜上碟時烤魚還未全熟, 這是可以吃配菜。豆芽爽嫩, 酸菜爽口入味, 芝麻香日, 而間中咬到原粒籽然就散發出一種霸道的香料味。說起籽然, 不得不提提這種植物經常用於調味、提取香精油等，口感風味獨特，氣味濃烈，而它也是配製咖喱的主要原料之一。難怪這個炸魚未吃已經芳香郁烈。不久魚剛好熟, 店員建議我們先吃魚尾。魚尾鮮嫩無比,魚肉多且滑, 先享受了魚肉嫩滑然後一種輕微辣酸感輕輕滲出, 層次口感一流。魚身肉口, 一啖啖厚肉放進咀裡, 鮮甜又嫩滑。鮮炸響鈴卷這裡的響鈴是新鮮製

九龍城岀名多餐廳，因為有點冷的關係，所以選擇了吃雞煲。店內的空間夠寬敞舒適，我們點了個麻辣雞煲半隻和幾樣的火鍋配料，本來想點肥牛，但價錢有點兒貴。於是點了響鈴，墨魚滑，娃娃菜，蓮藕，，魚皮餃，豬肚，豬大腸和雞腎。 我們先吃了前菜，大愛青瓜，很爽口也帶點微辣，但海哲則一點味也沒有，皮蛋太麻辣，太刺激味覺。豬肚豬腸和雞腎一開始跟雞一起煮，店員說這樣較入味，我先吃了雞，雞肉有夠滑和入味，但豬肚豬腸和雞腎則非常入味，雞腎十分爽口。響鈴是即炸的，不是一盒盒，夠新鮮和鬆脆。說真的我們不是點了很多，但已經吃了過五百元。相比起其他的雞煲，質素不是特別好又不是特別好吃，但價錢較貴。

呢間有口福上次朋友帶我地一棚人黎嘆過招牌雞煲同埋勁惹味既烤魚之後(因為一班人勁肚餓狂搶之下，完全唔記得影相), 今次我就帶埋BB去試下其他野。~~~果度有卡位坐唔似一般火鍋店下下坐圓檯。事緣BB病病地冇好得哂，我就諗住打邊爐唔食咁剌激，所以我地叫左蕃茄湯底，原來打邊爐用係瓦煲~感覺好WARM~~唔似用不锈鋼咁行~果個湯底~唔知點講~我從未試過打邊爐未打先飲湯底~好香濃蕃茄味, 一D都唔水"了了"。我地只係叫左本地手切肥牛、桶蠔、響鈴同埋西洋菜，另外佢地介紹我地試既元貝，哈哈~~係海鮮宴，但我地兩個差D食唔哂~肥牛手切雖然係貴D，但齋睇佢既雪花分佈已值回票價，而且入口即溶~所以唔好6咁耐~~桶蠔~我勁LIKE 蠔呀~我地好好彩隻隻超大隻，不過唔知係唔係大隻左，隻數就會少D呢? 但我食一隻就已經飽咁滯，BB就清哂佢地~XDD<--呢隻係已經熟左~都咁巨~唔係講笑GA~而響鈴係佢地自製，拎出黎都仲好熱，因為急住食哂佢驚耐左會諗~所以冇影到~HEHE~~~西洋菜睇落新鮮~我都唔知係咪靚~但擺得整整齊齊都好OK~至憎一堆爛草碎濕濕果D~唔好話火鍋生料唔使賣相呀，一堆野果D見到都唔想食~!

朋友介紹，位於九龍城衙前圍道的「有口福」水準不俗，今晚便抽空試試。二人叫了胡椒猪肚雞煲(半隻)。上枱時已滾起后陣陣胡椒配药材香味。需是半隻份量，但巳好足夠二人進食。先飲啖湯，香濃可口，胡椒香味溢出，雞肉淋滑，連胸肉都唔「鞋口」。猪肚有厚有薄，同樣夠腍嫩滑。加上份量不少，值得一試。

喜歡一班人圍埋開飯, 開心share , 打邊爐最合適不過. 九龍城多食店, 搵到”有口福”, 還預訂了沙巴龍躉魚前菜叫了泡椒猪手, 猪手有皮有肉, 有筋有骨, 口感豐富, 爽口,配上泡椒更醒胃, 多采多姿.有三款煲: 雞煲, 胡椒猪肚雞, 諸葛烤活魚. 魚煲有鯇, 鉗,鰂魚及沙巴龍躉魚選擇.諸葛烤活魚-沙巴龍躉魚, 魚放入烤爐烤得香脆, 再放入紅, 綠鮮椒, 醬汁,酸菜, 大量大豆芽菜, 洋蔥, 莞茜等吊味, 龍躉皮彈, 肉質嫩滑, 又實, 入口香辣, 滿足味蕾惹味之選.負責人推薦我們食響鈴, 即叫即炸, 特別香口, 再放入湯, 吸收了湯的味道, 食得不能停口.

麻辣雞煲近年大熱，今日在九龍城試了另一個非住流菜色：胡椒豬肚雞煲。 此菜式在內地較容易吃到，香港則不容易找到有水準出品。 雞煲上枱，店員細心地撇去煲上的浮油，急不及待先吃件豬肚。 豬肚入口淋滑厚道夠，雞件囗感新鮮嫩滑，完全無雪藏味，雖然只聞到淡淡的胡椒味，但湯喝下來，胡椒香氣自口腔慢慢滲出，還夾雜著藥材味道，更忍不住要連喝兩碗！據說湯底用上豬骨、扇雞、黨參、當歸、紅棗等製成，有滋補暖胃的食療効用，難得好味之餘，半隻雞的份量相當足夠。兩個人食完一窩已半飽，不過又為食，點了一客頂級手切肥牛，單看賣相巳令人垂涎，入口果然沒有失望，新鮮、油脂豐富，肉味濃郁，最後來份生菜，中和飽肚感覺，為這完美晚飯劃上等號。

九龍城一直比人既感覺只有泰國菜館，其他菜式好似比人冷落左咁，所以今日一場黎到九龍城決定要試川菜！ 呢間有口福外表睇起黎好似茶餐廳，但估唔到食物既質素唔會好似茶餐廳咁馬虎。一坐低得我同朋友已經立即研究餐牌，麻辣雞煲，胡椒豬肚雞煲都好吸引, 有選擇困難症既我當然要問下老闆有咩好介紹,最後我地點左小辣雞煲。必點菜式：脆椒雞軟骨 $88經老闆強烈推薦下，我半信半疑地點左。整碟小菜賣相討好，雞軟骨炸得金黃，咬落酥脆香口，帶咸香，最適合飲住啤酒食！而本以爲紅椒會辣，但原來唔會，紅椒炸到好香脆，好似食緊薯片咁。麻辣雞煲（半隻）$158+豬脆喉骨$68呢間店有好多好有特色既火鍋配料，一見到豬脆喉骨，即刻問老闆好唔好食！老闆話喉骨脆口特別，最好叫雞煲既時候點埋放入煲中同雞一齊煮，會令雞煲特別鮮甜。半隻雞既雞煲份量十足，足夠兩人開心分享。湯底香濃偏咸，小辣容易入口，雞件大小適中。煮好時急不及待試試豬脆喉骨，一款係圓筒形只有脆骨所以十分爽脆，另一款係脆骨上帶肉，肉質非常嫩滑而入味，連埋脆骨一齊食好有口感。呢個脆骨我都係第一次見，咁特別大家黎到記得一試。響鈴另一款必點配料-呢度既響鈴係自家製，份外酥化，簡直有

應該上星期去大概夜晚9 點至10點, 去到老闆勁hard sell 要聖旨, 飽魚, 等等. 本人感覺對佢冇咩好感, 唔係友善個d ,  同埋我比較喜歡自己叫咩就咩. 最後叫左雞煲, 叫左支啤酒, 結果老闆黑面. 咁冇計, 我未想到叫咩. 我都係講事實.首先service 已經扣小小分, 之後佢好去左一檯全女客人度招呼, 老實講, 佢講野好rude, 又loud, 我未食已經頭痛, 不過我以中立角度出發, 可能有人好buy佢既serve 人既attitude. 之後後加左2隻聖旨, 45蚊一隻, 唔記得影相. 仲叫左菜, 唔知幾錢.叫左支籃妹.埋單320. 價錢唔貴, 但勝價比好低.如果味道來說, 我個人認為有進步既空間十分之多, 1)雞唔夠嫩, 雖然知道係冰鮮. 但可以專業小小入番d靚d既貨嗎?! 2)汁可以再好再濃小小, 可能我個人口味唔夾

今日聖誕節，普天同慶，一街都係人，間間西餐廳都爆晒棚，本住人棄我取嘅精神，今晚決定食雞煲過聖誕。平時呢度好難搵位，係趁今晚先BOOK到枱。清炒萵筍絲$58朋友仔未齊人，先點個萵筍絲頂肚。呢樣嘢好多川菜舖都有，但真係易做難精。萵筍絲未熟透，偏鹹同油膩，知錯喇，下次唔敢再叫😥脆椒雞軟骨$78特式小菜，將紅椒油炸到脆身，食落似薯片咁脆，雞軟骨惹味，送酒一流。👍麻辣雞煲$268今日嘅主角。雞件啖啖肉，非常鮮嫩，汁底惹味濃郁，而最驚喜係竟然用青瓜條做配料，青瓜完全吸收晒雞煲嘅精華，而且皮爽肉甜，簡直係絕配！雞煲湯底正，連隨後加湯用嚟打邊爐都一樣出色。        

一煲兩味的辣雞煲已流行了好一陣子，第一次嚐試奉獻給有口福！因為新開張關係，星期日晚也輕易有位子。店內有分麻辣和香辣，程度由唔辣至勁辣，因為有不能食辣人士，老闆介紹後點了小辣的香辣雞煲（一隻）。雞煲很快上菜，但老闆告訴我們要攪拌和焗三次，雞肉才會嫩滑。加分點：辣汁很美味，不會太辣但有一點點刺激，很香。肉很嫩滑。送的唐生菜跟辣汁也很配。另外了2碟肥牛（約$80一碟，忘記價錢），個人認為很抵食，脂肪分布均勻而且大塊（每硬約有8塊，但等於普通16-20塊），新鮮，可惜忘記拍照。扣分位：雖然叫了一隻雞，但肉不多而且斬得比較細件，有可能收起一些做辣子雞丁服務：老闆非常熱心，不斷介紹食物和吃法，其他員工也不錯。