Marble (Closed)

疫情措施放寬，有朋自遠方來，要好好盡地主之誼，帶她去食吓好嘢。今日帶佢去了銅鑼灣一酒店內的日法餐廳食lunch omakase。首先刺身兩款，帶子和拖羅。帶子來自北海道，鮮嫰。拖羅魚香濃郁，細膩豐富。第二道菜是金鯛魚，肉質嫰滑，皮和鱗片脆得像薯片。建議伴碟稻穗白色部份也一起吃，脆卜卜，好味。蠔的熟度恰到好處，羽衣甘藍醬汁配搭得天衣無縫。宮崎牛的名氣無人不知。以三文治造型呈現眼前，亮麗。脂肪嘅霜降比例非常均勻，肉質味美多汁。醬料是麵豉，好夾。和牛烏冬是壓軸壓軸的一道菜。和牛肉質細嫩且油脂含量極低，油花會呈細緻網狀分布，吃下脂肪甘甜的味道會在口中擴散。牛骨湯底簡直無懈可擊，好味。

近幾年冇得外遊，唯有飲飲食食作為獎賞自己。今天週末，食得豪華少少去享受一天假期。銅鑼灣皇冠假日酒店內的一間，法，日式餐廳。北海道帶子，拖羅刺身騰雲駕霧飄過來，充滿仙氣。非常鮮嫩。魚皮炸得金黃鬆脆嘅金鯛魚非常吸引。稻穗裝飾不單只是靚，白色種子卜卜脆，有點似爆谷，特別。蠔隻飽滿爆膏，採用羽衣甘藍來配搭，創意又滋味。宮崎tenderloin 採用麵豉作醬汁，肉質極為鮮嫩且口感鮮美，內層擁有粉嫩色澤。用多士來配搭，無敵。面層鋪滿了薄薄的和牛，熱湯的溫度剛好令和牛半生半熟，嫰滑。牛骨湯底超乎想像的濃稠，喝光。烏冬有嚼口，吸盡精華所在。

先付 天婦羅紫蘇葉配海膽魚子醬天婦羅紫蘇葉好考功夫的，師傅炸呢個就炸得非常出色！海膽好新鮮，夠甜。魚子醬份量岩岩好，咸得泥能唔阻海膽鮮剩。作為前菜岩哂！刺身金木鯛，中拖羅金木鯛落左少少鹽再火灸個面，帶出咗魚油香，亦加重返海水咸味。非常好吃中拖羅選位出色，無筋！魚油香出眾，鰻魚肉質厚實，望住師傅好有心機咁用炭火慢燒，一放入口未咬都feel到好食。咬開每一啖都有鰻魚汁，好食到多多舊都食到！日本牡蠣羽衣甘藍汁煮北海道厚岸生蠔加海膽個汁好有蒜香牛油感覺，食完隔好耐口啌都痴住隻味。蠔爽口，煮左一陣令大細岩岩口一啖吃。very good宮崎和牛三文治和肉加左層少少炸粉，牛肉仲控制喺Medium Rare 之間。入口少少溶化。無筋。用了日式醬汁，少少甜。無論味道同口感層次都非常豐富尾崎牛薄燒，sukiyayi sauce好過份的一道菜色，牛肉入口既溶唔再講，壽喜燒汁配半熟溫泉蛋，味道層次昇華最後一定要好似我咁，放埋個飯波波撈埋汁同蛋食，加倍滿足感尾崎牛shabushabu肉左牛骨湯做湯底，仲有好正既面底！甜品日本超甜哈密瓜，梨梨非常爽甜又多汁！哈密瓜又甜又多汁，口感型成對比 $1680

今日去咗皇冠假日酒店吃午餐，餐廳係日法混合的烹調，開放式廚房，睇到廚師全程處理食物。第一次嚟就叫咗個師傅發板，刺身係石恒貝刺身，面你有些清新柚子皮，味道清甜，另外有赤身，果然上枱似足西餐，對器皿要求高又有格調，隻碟之前仲有冰過。鯛魚菜式，面有風乾嘅魚子醬碎，帶少少鹹香，魚皮炸得香脆，魚肉依然鮮嫩，碟底有啲法式嘅醬汁，堤升味道，碟面有些處理過的稻穗，中間米種子炸開了，口感似爆米花，可以撈埋魚一齊食，增加口感。鐵板波士頓龍蝦，龍蝦肉鮮嫩彈牙，師父在你面前刨上松露片，添上一種菇菌類幽幽嘅香氣。和牛三文治，麵包會搽上白麵豉醬，中間有些紅酒蕎頭，咬開三文治和牛非常粉嫩，輕輕炸過嘅外皮，好香脆！爽脆蕎頭有啲似洋蔥汁粒，可以中和油膩感，整體味道好配合，味道出色。官崎牛肉拉麵，牛肉湯湯頭非常濃郁，係牛嘅精華，和牛又軟又滑，夠晒飽肚！最後甜品嘅日本蜜桃同香印提子，又甜又清香，大滿足的一餐。餐廳用上日式嘅食材，配合法式嘅烹調，整體精緻又高雅！

喺銅鑼灣嘅Marble日法割烹料理，割烹喺日本有高級料理嘅意思，最大嘅特徵係以吧檯為中心的開放式廚房，師傅配合客人的需求喜好量身訂做菜餚，而客人也能一邊欣賞師傅做菜一邊享受料理，而佢哋仲係主打宮崎縣嘅尾崎和牛，亦係香港唯一一間供應尾崎和牛嘅專門店。前菜：喺香脆天婦羅紫蘇葉上面堆滿咗鮮嫩嘅松葉蟹肉。口感層次分明，味道鮮甜無比。刺身用咗喺8月當造嘅石垣貝，佢哋主要嚟自日本北海道，體型較小，但味道有如象拔蚌般鮮甜，口感爽彈。而另一款係吞拿魚刺身，肉質鮮嫩，魚味濃郁，顏色呈亮紅，證明其極為新鮮。燒鰻魚鰻魚用炭火燒烤，令鰻魚帶有陣陣炭香，魚皮燒得極為香脆，肉質仍能保持細嫩多汁，而喺燒嘅時候加咗秘製嘅醬汁，鰻魚嘅鮮甜味會更加突出。日本杜蠣以法式嘅烹調嘅日本蠔，肉質鮮嫩，味道鮮甜，再配以用羽衣甘藍做嘅醬汁，更加突顯蠔嘅鮮甜，而喺蠔面仲有經過炙燒嘅海膽，除咗原有嘅鮮甜，仲增添一份炙燒嘅香味。宮崎牛三文治用咗日本A4級嘅宮崎和牛裹上麵包糠，將外層炸至金黃香脆，而中心仍然呈粉嫩亮紅，外脆內軟，而喺中間仲加咗自家製嘅蕎頭碎同埋特製醬汁，令三文治帶有微酸，又可以增加口感，亦能消減和牛所帶嘅油膩感。尾崎牛扒尾崎

最近朋友請我睇演唱會, 於是我回敬請他食好嘢.   銅鑼灣皇冠假日酒店 Marble Kappo.  除咗日式 & 法式,   "Kappo”  意思大致上係 to cut and to cook, 又可以解作 Omakase. 正合我們期望.餐廳走高檔路線, 吧枱只有八個座位, 另外有兩間 VIP 房.請朋友食嘢, 吾可以少了酒.   看看酒櫃也有不少選擇.    食法日晚餐,  來杯 White wine.   醇厚清香, 更提升食物味道.  Cheer !!這個前菜好吸睛.   日本海膽同法國魚子醬伴有天婦羅紫蘇葉北海道海膽有好濃厚嘅海水味, 亦好鮮甜. 入口即溶,  有非常豐富的營養價值,   配法國嘅魚子醬,  嘅鹹香再加上海膽嘅鮮味, 令人回味. 天婦羅紫蘇葉, 薄薄的炸漿均勻地沾在紫蘇葉上,  香脆可口. 近距離欣賞到師傅製作,  廚房情況好整潔, 個個師傅都戴上口罩, 安全第一,  疫情下都可以安心.   刺身:  牡丹蝦伴赤鯥魚, 帶出夢幻感覺.赤鯥魚   師傅微炙一下,  好用心 , 魚肉緊致香濃, 個皮燒過好香,  吃得出色.   牡丹蝦   蝦肉肥碩, 極富彈性

近期流行飲食大放縱.   同朋友去了多次日式 Omakase.   今晚改了目標, 去銅鑼灣皇冠假日酒店1樓,  Marble.   法式加日式餐廳, 想吃得更特別.餐廳有情調, 燈光都幾暗, 裝璜富法式及日式氣派.大家看看 I-pad 餐牌推介,  宮崎縣的尾崎和牛, 海產類好吸引.  開放式廚房, 有多位廚師坐陣.   今晚近距離同廚師來個互動的晚餐, 感覺好興奮. 正期待第一道食物, 餐廳好有心思,  送上 新西蘭    KoKo  Sauvignon blanc,  有檸檬百里香嘅香氣,  絕對係好酒.  大家要先碰杯.前菜送上,  係 天婦羅紫蘇葉配日本海膽, 法國魚子醬.食材名貴, 擺設靚.   天婦羅紫蘇葉炸得好香脆, 沒有油膩感.   金黃色嘅北海道海膽, 配法國魚子醬, 真正法式同日式嘅優質組合. 海膽一如既往都係入口即溶帶點甜味, 夾入鹹鮮味魚子醬, 一齊衝擊好大, 口感出奇的好. 第一道菜刺身, 牡丹蝦/赤鯥魚。設計好特別,   廚師做了一個乾冰嘅仙境效果, 感覺有法式嘅浪漫. 刺身好新鮮,   牡丹蝦 黏性極高, 細綿帶爽, 蝦味濃厚.  赤鯥魚    比較稀有

星期六都要返半日，放工當然想食好啲啲朋友介紹咗一間响銅鑼灣皇冠酒店叫Marble嘅日法精緻料理，咁一於試試其實將法式元素加入日本料理，已經流行咗好耐，睇吓呢間餐廳又有啲咩發揮坐低奉上夠熱嘅日本綠茶，飲得出係上等貨色我哋揀咗午市$1080嘅師傅發板套餐，冇特別上網做功課就，反而好期待有咩食物會出現首先上枱嘅刺身有石垣貝同吞拿魚赤身：前者師傅輕輕拍打先上枱，令貝肉更加緊致；後者size啱啱好一口一啖，食得出係新鮮貨色，冇特別嘅血水出現，唔錯開始熟食：立鱗燒金鯛魚，將金鯛魚有魚鱗嘅一面輕輕炸過，而魚肉就用蒸嘅方法處理，所以做到魚肉好鮮嫩而魚鱗就好脆口。放响旁邊飾嘅稻穗，師傅話其實可以食得，咬落去有食爆谷嘅感覺，幾得意鐵板煎波士頓龍蝦配風乾魚子醬，再灑上新鮮切片黑松露。本來以為波士頓龍蝦一般都會較為韌，但今次師傅煎到恰到好處，完全唔似係波士頓龍蝦，而蝦鉗仲去埋殼，食得好方便，黑松露因為係新鮮切片嘅緣故所以特別香，令成碟餸畫龍點睛👍👍到咗今日嘅戲肉，亦都係餐廳嘅招牌菜：和牛牛柳三文治：做法係將牛柳點上麵包糠，輕輕炸脆外皮，裏面仍然紅潤多汁，配上自家製白麵豉醬及用紅酒浸過再切碎嘅蕎頭，減輕和牛油脂

再訪銅鑼灣皇冠假日酒店嘅Marble今次食午餐 依然美味！尾崎牛、時令海鮮非常高質、新鮮！無論食物同環境 都是一種享受🔸 石垣貝、金目鯛刺身石垣貝口感非常正，厚身又好彈牙，而且食到甜味👍🏻！金目鯛油分愈甘香，又軟又彈牙，好好食！🔸日本墨魚配風乾魚子醬廚師將墨魚切成闊條麵形狀，用忌廉汁煮成，就似食緊好彈牙嘅意粉咁，但又唔會膩。風乾魚子醬，好有咸香，同墨魚好夾。🔸 日本鰻魚 師傅煎到魚皮卜卜脆，魚肉綿密，加埋惹味鰻魚汁，非常好食！配埋山椒葉、昆布，香氣滿溢！🔸宮崎和牛三文治三文治中間夾了厚厚嘅和牛，牛味濃，質地超級鬆軟又有咬口，配紅酒麵豉醬、紅薑，非常好味！🔸 金鏻鯛好特別嘅菜式，魚皮同魚鱗炸到好脆，但中間魚肉仲保持到嫩滑有汁，口感好豐富。配埋烘過嘅稻穗🌾食，增添咬口。🔸尾崎牛肉拉麵❤️超級好食！！👍🏻👍🏻👍🏻牛肉香軟，入口軟綿綿。用咗鴨蛋黃造嘅麵好彈牙，軟硬適中，好好食！醬油湯底配搭得剛好，完美！🔸山梨縣桃、靜岡縣蜜瓜最後就到水果，係時令嘅日本桃同蜜瓜，好香好甜，食到好滿足！

Bookmark咗呢間好耐，阿叔終於有機會食到日法割烹料理喇！網上搵資料，割烹係指「高級日本料理餐廳」，餐廳會採用開放式廚房，客人多數坐係吧檯，一邊睇住師傅煮，一邊用餐，情況同廚師發辦非常相似。 呢間料理店位於銅鑼灣一間酒店🏨入邊，裝潢設計走暗黑型格路線，地方唔算好大，除吧檯有大概10個座位外，仲有兩間VIP房，吧檯對正位置就係開放式廚房，師傅烹煮時嘅情況一目了然。 🥢Omakase set ($1080)：只限下晝提供嘅套餐，有刺身、時令食品、甜品，仲有呢度主打、阿叔非常期待嘅宮崎縣尾崎和牛！😍🐟刺身：盛宴開始，先以金目鯛同石垣貝仙氣登場，前者肥美鮮甜，後者爽口彈牙。🐟甘鯛立鱗燒：將甘鯛連鱗一齊烹調，經過煎炸、烤製至金黃色，酥香清脆之餘，亦外脆內軟。🐟燒鰻魚：鰻魚燒至剛剛好，魚皮脆，魚肉嫩，而且有著濃濃嘅炭香味。🥪宮崎牛三文治：終於入戲肉喇，宮崎牛肉味濃郁，肉質幼嫩，帶有少少甜味，配上香脆麵包，雙重口感，非常好味！🍜尾崎牛涮涮鍋：心諗食到宮崎牛三文治已經好滿足，但原來寶物沉歸底，呢度食完真心幸福！首先，湯底用上大量牛骨熬煮二十個鐘而成，難怪味道超濃郁；尾崎牛兩大塊，肉質超軟滑，真係入

日法割烹料理店Marble 必試尾崎和牛😍日式料理有好多種，鐘意鮨同各款魚既會食omakase ，講究精緻，餐具食物擺盤等會揀懷石料理，今次既割烹料理—割烹指將食材透過刀工等處理後再烹調既熱食，即係不只有壽司魚類，呢種形式比較啱我口味😍吖，佢地仲係香港唯一供應尾崎和牛嘅專門店～鐘意食牛既朋友唔好錯過！📍前菜香脆天婦羅紫蘇葉上面加埋滿滿松葉蟹肉，呢個組合好啱～📍刺身嚟自日本北海道既石垣貝，味道鮮甜口感爽彈/吞拿魚刺身肉質鮮嫩，魚味濃郁📍燒鰻魚經過炭火燒烤，鰻魚有濃濃炭香味，入口魚皮香脆，肉質細嫩多汁📍日本杜蠣呢道菜，用咗法式烹調法處理呢個日本蠔，用咗羽衣甘藍醬汁，蠔面上加埋炙燒過既海膽，口感味道好豐富📍宮崎牛三文治之前既大熱和牛三文治，今日喺度又再食到，餐廳用A4級嘅宮崎和牛，外層炸至金黃香脆，入面仲係超粉嫩師傅仲挑走晒啲牛筋，入口係即溶不得了十級驚艷（隔離枱仲叫左14件外賣，大癲）📍尾崎牛扒呢個尾崎牛真係要介紹下，有最高級嘅肉質同脂肪，油花分布仲係A5級，全港仲要得呢度先有機會食到呢款咁高級嘅和牛。和牛用鐵板煎香，肉質十級Juicy，油香同肉味並重📍尾崎牛涮涮鍋將尾崎和牛西冷片放入用

位於皇冠假日酒店的Marble， 環境有格調，座位舒適。前菜天婦羅紫蘇葉配海膽魚子醬海膽同魚子醬同樣鮮甜，平常不太喜歡紫蘇葉的特有的味道，但這個天婦羅紫蘇葉又好香脆，同海膽魚子醬好配合。金木鯛刺身充滿仙氣的一款魚生，因為金木鯛是放在冒著白煙的碟上，未食入口但眼睛已經被吸引，當然金木鯛很鮮甜，加小小wasabi同紫蘇花一起食，口感更豐富！北海道縞蝦 縞蝦係用花雕酒調味，只要同Wasabi 一齊食、不須要任何豉油，花雕酒香味提升🦐的甜味。鯛魚除咗鯛魚，仲有黑松露片，最特別是炸過稻穗🌾，起初還以為是裝飾，原來白色粒粒是可以吃的，口感似爆谷，我也是第一次食稻穗！炸日本鮑魚 炸鮑魚配鮑魚肝醬，仲有紫蘇花係上面，天婦羅青椒和天婦羅矮瓜作配襯，鮑魚除咗有一般煙韌的口感，還加上了香脆的味道！宮崎和牛三文治厚切和牛入口溶化，和牛肉味濃郁，肉汁滿滿，這份三文治絕對沒令人失望！尾崎和牛厚燒和牛，啖啖肉，肉汁滿滿，仲有青森縣蒜片、香菇等蔬菜，配合埋粉紅鹽和新鮮泰國青胡椒，簡直是相得益彰！尾崎和牛烏冬 Shabu Shabu以牛骨湯作湯底，和牛嫩滑，烏冬彈牙，仲有金茹菜！甜品靜岡縣蜜瓜 +山梨縣水蜜桃兩者皆是

我為尾崎牛而來，和牛之最，真心正 !因為玻璃大門反光，入口充滿迷幻感，需多望幾眼才找到，裝潢時尚，高級食肆的禮貌服務，性價比合理。廚師發辦 $1880/位，特色在炸物極之香脆，選材上乘，尤其是特選尾崎牛。 先付海膽．魚子醬．紫蘇葉炸至完全透徹的紫蘇葉，脆卜卜，入口非常薄脆，完全沒有本身的霸氣怪味，配合海膽及魚子醬，先嚐到鮮甜，甜甜地之後繼而是輕輕的鹹香，十分美味。 刺身金木鯛金木鯛仙氣滿溢，如此視覺效果，未吃已經開心。 北海道縞蝦．花雕酒調味口感軟滑，充滿酒香。 縞蝦比較少吃到，相比常見的牡丹蝦迷你，以花雕酒調味，很香的酒味由肉中透出，估計是久浸之後的效果，因為是刺身，軟嫩滑溜。 鯛魚．黑松露片．稻穗稻穗是大米的泉源，原來炸稻穗可以吃，口感如爆谷。 鯛魚皮炸至脆如鱗片，魚肉保持嫩滑，烹功了得！ 炸日本鮑魚．鮑魚肝醬今晚的另一新奇，未吃過炸鮑魚，外脆內柔韌的口感不同，對比不及外脆內軟明顯，卻別有風味！可以蘸些我極愛的鮑魚肝醬，沒有丁點兒投訴。 宮崎和牛三文治期望的一道，沒有令我失望，多士烤至金黃焦脆，對比豐腴軟棉的和牛，盡在不言中！ 尾崎和牛厚燒幾時都是厚燒比薄燒精彩，啖啖肉，香滑肉汁滿