肉料理 廣

Open Now

Now Closed

今日相約朋友到日式燒肉店聚聚，要找間交通方便的，先前在銅鑼灣經過已被這店吸引，特意來一試。店內環境清潔，沒有半點油煙味道，桌上還有提供紙圍裙給客人，這點值得加分。看過餐牌後，決定點兩盤肉和一些蔬菜。再慢慢一邊燒一邊傾。A5飛驒牛盛合(2片)此店十分細心，用小木片寫上飛驒牛的五個不同部位，好讓客人得知進食時是那部位，從而得知自己最喜歡的。五款肉包括牛肩肉、西冷、里脊肉、上後腰脊肉、臀骨肉。每片都油花滿滿，燒烤時油脂在爐上溶化燒到熊熊大火，不用十秒便熟可食，在肉上灑上岩鹽，送入口中，油香四射，肉質嫩滑，真係令人齒頰留香。牛肉持選盛我這位食肉大皇，品嚐過飛驒牛的豐油感後，亦想試下其他國家的靚肉，所以再點了個牛肉特選盛併盤來嚐嚐。併盤包含有上牛小排、US和牛厚切上外橫隔膜、澳洲腰脊肉、上里脊肉、三筋，各部位四片，份量十足。 款款都肉味濃郁，油香豐富，肉汁甜美，當中我覺得US和牛厚切上外橫隔膜最有驚喜，原先見切成粗條型態怕會又韌又粗硬，但放入口後反而是又多汁又有嚼頭，配上麵豉和岩鹽來食，真係要俾個贊！生菜生菜盤不只有生菜還有甘筍條、白蘿蔔條、青瓜條和生蒜片。用這些新鮮蔬菜配上燒肉來食，好味之餘又

天氣涼涼的，忽發興致想食日本燒，記起朋友曾經介紹這間在銅鑼灣出名食靚中的燒肉店，今晚一於來試試。餐廳裝修具有日本傳統風格，每枱有日式圍板分隔，安全舒適又保私隱。食燒肉當然唔少得嘆番杯日本Orino 啤酒，確是透心涼！有不同燒肉套餐選擇，我哋係牛魔王，當然揀了全牛餐！牛肉特選盛 $450 ～有5款不同部位的牛肉。肉香四溢的牛肉再沾上惹味燒汁更覺惹味，口感豐富！牛味濃郁，個人至愛是《上小牛排》，肉質鬆軟而豐腴，油脂均勻， 入口即溶。牛肉充滿獨特的網燒香氣，也保留到肉汁溫泉蛋凱撒沙律 $80～溫泉蛋豐盈幼滑，蛋汁緩緩流出，滿口蛋香！冰凍的沙律野菜條沾上蛋汁及微酸沙律醬，口感清新，中和燒肉的肥膩感！刺身拼盤 $340～共5款厚切刺身，件件都新鮮肥美，晶瑩剔透， 清甜味美！雜錦天婦羅（細）$48～外層入口鬆化，但內裡仍保留着蝦及瓜菜的鮮味， 佐酒一流！豆腐雪糕～好重豆腐味，軟滑不太甜，完美的終結！餐廳除了食物質素高之外，服務亦細心殷勤，值得一讚！

食日式燒肉想有質素保證，我會去銅鑼灣嘅肉料理·廣。入門口見到和牛出口證書，就知選啱地點兩個人為咗試多啲款式就叫咗肉之盛，總共有九款肉，除咗牛之外，仲有雞及豚肉。另外單點咗厚切澳洲牛舌及和牛肉腩厚切牛舌要慢慢燒，燒到每邊都有少少焦香，再等多一陣就大功告成。果然係選取牛脷最靚嘅部份，入口唔韌，充滿油香，牛舌味又濃，非常好食和牛肉腩單看牛肉本身嘅雪花紋分布已經好靚。所有油份高嘅牛肉燒嘅時間可以耐一啲，將佢嘅油份逼走，面頭有少少焦香，食落更加和味😋肉之盛就以量取勝，有牛小排，橫膈膜，牛脷等，當然質素唔算最靚，但各有特色，有啲牛味豐富，有啲油分重，有啲就有咬口，想試多款就啱哂。雞方面有雞髀肉，及日本入口嘅雞翼，要耐心慢火燒，雞翼兩邊燒到香脆，裏面又有肉汁，都好好食豬方面有豚肩肉同豬頸肉，前者肥瘦相間，燒香後甘香有肉味。後者爽口又重油份，兩者都好食😋食日式燒肉配啤酒，價錢合理，性價比高，絕對要再幫襯👍

今日喺YouTube睇完介紹，去了呢間廣燒肉吃晚飯，佢哋原來同之前伊呂波有啲關係。坐低見佢哋餐牌有好多飛驒牛，和牛或者美國牛選擇，有好多套餐豐儉由人。今日叫咗個肉之盛餐，另外點了黑毛和牛肉腩及厚切上澳洲牛舌，餐牌個底會有牛肉分佈圖，如果唔識選擇，可以睇吓個圖，有些和牛肉會注明脂肪肥瘦程度，自己可以慢慢揀要重肉味或多油香。先上枱的黑毛和牛腩，肉肉質細嫩，雪花般油份，一放落網，油份湧出，火光四射，香味誘人，和牛肉質非常高，每一片都好優質。之後澳洲厚牛舌，燒的時候慢火，燒香每一邊，入口爽脆彈牙唔會有牛躁味，中間仲少少粉紅，口感一流。套裝中有美國牛小排，橫膈膜，牛舌及西冷，美國牛肉味比較濃郁，當然同和牛不一樣，但係作為牛魔王，都會欣賞那種肉香。另外豬肩肉，豬頸肉及三角腿肉，經過大火燒烤逼出油份，肉入口爽脆，有脂肪感但係唔算油膩，叫一個生菜拼加味噌醬，韓式嘅食法，夾埋一齊食，口感更豐富！套餐有日本產嘅雞翼及雞腿肉，個人極力推介，因為日本嘅雞肉特別好食，肉質唔會乾，而且雞皮脂肪剛好，經過大火燒嘅雞翼同埋雞肉，絕對一流。呢度新裝修所以抽風非常好，食完絕對唔會有種燒肉味，服務幾貼身，唔使突別提醒，服務

今日看過旅行舊照，回想當年去高山第一次品嚐日本和牛，便是大有來頭的「飛驒牛」，真係回味。朋友知道便馬上search 那處有飛驒牛食，後來找來銅鑼灣一家燒肉店「肉料理 廣 x 伊呂波」，相信出品一定有保證。一進店內充滿日式風情的裝潢已有幾分回到旅行時之感，再加上有關飛驒牛的擺設和海報，相信今晚一定能滿足我的口福。餐牌選擇甚多，但我們的目標太清晰了，所以不用多久便點好幾款菜式和飲料。店員連隨開爐預熱，好讓食物上檯時便可自行燒來食。Suntory 白 380 $60 ＆ 生榨西柚梳打$40食燒肉當然要點杯啤酒來清爽一下啦！另外就點了一杯生榨西柚梳打，微醱又有梳打來解膩，真係缺一不可。A5飛驒牛盛合2片$520一客有五款不同的部位，包括里脊肉、牛肩肉、西冷、上後腰脊肉、臀骨肉。片片都充滿油花，放入燒熱的爐中，油花馬上溶解， 撲鼻而來的牛油香，令到口水洶湧而出，再嚐一下，嫩滑甘香，不用多咀嚼以滑到食道，簡直時人間美食。牛肉持選盛$450食過飛驒牛後還未足夠，想多點一客有不部位和不同國家出產的併盤來試試，便點了牛肉持選盛併盤，內有五款部位各四片，包括上牛小排、US和牛厚切上外橫隔膜、澳洲腰脊肉、上

又到收工時間, Happy hour 有好選擇, 今日約了朋友去了銅鑼灣尋找鬧市中的綠洲😄“肉料理 廣” , 又飲又食, 可慢慢燒各式各樣的肉類, 更可品嚐一下刺身、雜食….座酒食物相當豐富, 而且餐廳抽氣做得好好, 食了成晚都無油煙味.👍🏻 牛肉特選盛 $450一次過多種口味, 腰脊肉、上脊肉、牛小排等等, 不肥不膩, 肥脂均勻, 香濃牛味, 慢嘆佳品. 😘😋刺身拼盤 $340新鮮厚切三文魚, 入口容化.甜蝦刺身, 鮮甜味美.吞拿魚含有適度的脂肪，獨有的甘甜鮮美的口感👍👍溫泉蛋凱撒 $80新鮮沙律菜混合半熟溫泉蛋, 蛋料香滑惹味炸豆腐 及 天婦羅香脆爽口, 座酒必備豆腐雪糕充滿豆腐味細滑雪糕餐廳感覺舒服, 食物新鮮, 以價格論算是勝價比起高個種.

平時食牛x多，今日試下另一間燒肉。先嚟兩個燒肉拼盤先。服務員會講解一下大概點樣燒，等我地唔好浪費左咁靚嘅牛🤪，燒至自己喜愛嘅生熟度就食得。六種精選盛 $630🔸日本佐賀和牛🔸美國厚切（兩款)🔸澳洲薄切（兩款）最靚嘅當然係A5佐賀和牛，好多油脂，油花均勻，入口即溶，好正😍厚切嘅牛亦一啲都唔嚡口，燒到五成熟左右，入口好有質感，好嫩滑😋牛肉特選盛 $450🔹上小牛排US🔹和牛厚切上外橫隔膜🔹澳洲腰脊肉🔹上里脊肉🔹三筋質素都唔差，除厚切和牛得兩件外，其他款都有四件🤩，牛味濃郁，肉質都很軟腍，呢個拼盤性價比頗高👍🏼韓式石鍋飛驒牛肉咖哩飯 $120未試飛驒牛，就點個飛驒牛石鍋飯。石鍋飯端上嘅時候熱辣辣，滋滋聲，小心燙口燙手，有服務員幫我地將所有配料拌勻，每粒飯都沾滿了咖喱同牛肉。鍾意飯焦香味同硬啲口感嘅，可以等耐少少先起動😎餐後會有一球冰凍豆腐雪糕，個器皿係凍㗎，所以個雪糕🍦唔會咁快溶，好貼心💕。豆腐味濃，唔會太甜，剛剛好。

最近由於多了去銅鑼灣，經常發堀到不少好餐廳，有一次經過渣甸街看到渣甸中心有這間餐廳的宣傳，沒想到飛驒牛可以這麼化算，當然不能錯過位置（9/10）：餐廳位於渣甸中心二樓，由銅鑼灣站F1出口步行約需3分鐘，附近就是軒尼斯道，巴士、小巴及電車都有不少選擇環境（10/10）：一進店就有高級日本料理感覺，細心看混合了一些韓國元素，尤其是用上韓式烤爐，整體整潔高貴，座位寛闊，感覺舒適服務（9/10）：入座前會提供消毒潔手液，桌上放有圍裙，侍應們很友善，下單上菜快，會主動幫忙炒石鍋飯，亦會指導牛肉需要怎樣燒，服務貼心食物（10/10）：食物一上枱就知道沒來錯，食材非常高質，收費卻很親民，以此價格堂食到這樣的質素著實超值A5飛驒牛組合2片 - $520這是一份有以下五種A5飛驒牛部位各2片的組合：赤身 里脊肉 - 肉質嫩滑，牛肉味香濃赤身 上後腰脊肉 - 瘦肉質感，較少油膩感赤身 臀骨肉 - 有咬口而牛味香，同時帶有油脂香霜降 牛肩肉 - 油花均勻，肉質幼滑的高水準牛肉霜降 西冷 - 嫩滑均衡，有少許嚼勁，油花十足美味A5飛驒牛特選西冷 - $490由於西冷真的很高質，額外點了一份，想不到也挺大件，雖

最期待嘅燒肉日嚟啦，專登留肚今晚食餐勁嘅～我哋黎到肉料理 廣X 伊呂波燒肉，地方好寛敞好有空間感，同埋抽風做得好好，唔覺有油煙味！就算食完衫褲油煙味都唔大👍🏻我哋兩人叫左兩個拼盤、一個石鍋飯。牛肉質素唔錯，牛肉味濃，應肥則肥，和牛油花滿口牛香，脊肉就較有嚼頭有口感～🥩｜牛肉特選盛｜🌟上牛小排🌟US和牛厚切上外橫隔膜🌟澳洲腰脊肉🌟上里脊肉🌟三筋🥩｜6種精選盛｜🌟兩款A5佐賀和牛🌟兩款美國厚切🌟兩款澳洲薄切🥘｜石鍋飛騨牛肉咖哩飯｜侍應即席幫忙加咖喱入石鍋飯，炒起個種香味令人垂涎欲滴，鍾意飯焦脆脆感覺嘅話可以煮耐少少，有牛肉粒同西蘭花，食完暖暖身真係唔錯～😋最後仲送豆腐雪糕🥰

疫情下飛日本無期，先生最想去日本食燒肉，特意上網比較了好幾間專門食飛驒牛的餐廳，選定位於銅鑼灣既「肉料理 廣」。餐廳座位闊落舒適，可以靜靜地享受二人的燒肉時間。除套餐外，亦有前菜，炸物，小食，泠面，石鍋飯等選擇，而最高級別的A5 飛驒牛，必然是這餐飯最讓人心動的主角。視線完全被優惠的套餐吸引住 ...其中$1180 既2人套餐，食足A5飛驒牛十個部位，有燒肉，有壽司，仲有蔬菜拼盤，茶碗蒸，味增湯，白飯，雪糕。性價比超高，而單點亦唔算貴，先生特別想食牛扒，所以我們無點套餐。先來一份飛驒牛五部位，A5 級數，真係每一塊都令人有戀愛既感覺呀！！！赤身部位有上後腰脊肉，里脊肉，臀骨肉，而超級肥美既霜降部位就有牛肩肉，西冷。燒好既飛驒牛肉，未入口，油脂已一滴滴的融化，豐富既油花，香濃既肉味，入口即溶，放入口真係超有滿足感！！！再黎多塊頂級霜降A5飛驒牛西冷，有圖有真相，肉的品質真係超好！輕沾上餐廳提供嘅醬汁食用，馬上品嚐到 細緻嫩滑的極致質感同味道。食燒肉不能缺少米飯，除白飯， 拉麵，冷麵外，餐廳亦提供韓式石鍋飯～～店員即埸 幫忙混合攪拌，香氣隨即四溢，好香呀～第一次食石鍋版既日式咖哩飛禪牛肉飯

最近香港的疫情不斷好轉，但是通關無期，加上日圓不停地貶值，真的很想去日本一趟旅行，於是今日一於心血來潮嘗試一下日式燒肉.這間餐廳用燒肉用主打，有最正宗的日本飛驒和牛，一定入口即溶.餐廳環境佈置充滿了日式的風味，大家很想念日本吧.這個牛肉特選盛拼盤十分之豐富，包括有牛小排，腰脊肉，上脊肉等，質量也十分之好，肥瘦分明.主打的飛彈牛，油脂分布十分之平均，充滿了幸福的感覺.日本的雞翼十分之香脆加上雞味十足.豬肉也十分之肥美入口即溶.手打的牛肉烏冬也十分之香滑好味道.

為左同牛魔王男友慶生，早一個月前就book左枱，仲註明左想坐靜啲嘅枱，原本冇期望佢記得，但真係安排左最靜嘅一張枱比我地 未食已經加左分😁因為之前睇過食評，揀左set C，貪佢10個部位嘅飛驒牛都試到，加有4件和牛壽司，仲可以加啲錢轉韓式石頭鍋飯，啱哂最愛飯焦嘅我！前菜有唔大份量嘅沙律菜 個醋汁好味又開胃，茶碗蒸香滑，味噌湯就普通，仲有啲韓式開胃小菜，尤其個醃羅白 我地好中意😋可惜冇得refill…和牛 霜降壽司好滑口，未感受佢嘅香味就吞左😂主角飛驒牛10部位！ 每個部位2塊，全部唔同口感，我最中意肉眼扒芯同西冷，肉嘅牛味好濃，又唔會成口油！我男友就最愛肉眼同里脊肉，送珍珠白飯一流喎！值得一提，建議點都叫一碗白飯，你就知夾埋一齊食係幾咁夾！飯香加牛香同時中和油膩感😋泡菜石頭鍋飯純粹因為想食飯焦，雖然都好食足料，但都忍唔住叫返多個珍珠白飯佐肉！職員仲幫我地起埋個靚靚飯焦添！另外因為睇食評介紹，一心已經想叫返杯黑醋鮮橙cocktail 爽下，真係酸甜解膩😍然後睇到poster 見餐廳仲有自家制梅酒！忍唔住再叫多杯chill 下，連唔好酒嘅男友都覺得正！🤣 原本怕大胃男友唔夠食，想order多

今日同爸爸一齊去銅鑼灣肉料理廣食日本新鮮A5飛驒牛！由🇯🇵日本師傅以精湛刀功切割牛肉，完美保留肉身紋路。令你喺香港都可以食到日本地道風味！我們就叫了鎮店A5飛彈牛、牛肉特選盛和刺身盛合（大）。仲有飯後甜品紅豆雪糕！🐮鎮店A5飛彈牛（有肉眼、西冷、上後腰脊肉、赤身）極力推介🤩入口即溶，味濃郁嘅牛肉味道！真係回味無窮😋😋😋！我最鍾意食西冷、上後腰脊肉！🐮牛肉特選盛，（有上小牛牌，牛里脊肉、三筋、澳洲腰脊肉、US和牛厚切上外橫膈膜），肉質嫩滑，油脂分布平均！🤩🤩🤩🍣刺身盛合（大）刺身厚切，好有口感，好新鮮！😋無論食物、服務、環境都非常滿意！

作為食肉獸一族，今日去了銅鑼灣內街樓上鋪吃燒肉。餐廳環境舒服，善用不同的酒瓶做擺設。店員親切，服務加分。餐廳有不同的套餐，由於單點自由較大，選擇了個牛肉特選盛，共有五種不同的牛肉，包括上里脊肉、上牛小排、腰脊肉、橫隔膜和三筋，五款各有特色，花紋不同，口感不同，牛味也有些分別。燒雞翼，我最中意食，真的忘記了上一次燒烤是多久之前，如果加少許蜜糖，正是回憶的味道，在這裡也可蘸些醬汁，增加味道。鰻魚石鍋飯有肥美的鰻魚，拌勻後可以吃到紫菜香和蛋香。牛肉烏冬也是不錯的主食之選，十分滑溜。

好耐冇食一啲入口即化嘅牛肉，今日就決定嚟咗啲間叫做肉料理廣食好嘢。所以二話不說，一坐低就決定嗌左啲個精選A5 飛驒牛十部位。霜降和牛同赤身壽司，簡直冇得彈。霜降牛，油脂較豐富，入口即溶。赤身比較起上嚟就肉味濃郁啲。唔使點豉油，就咁加少少Wasabi已經好好食。當然成餐飯個焦點就係嗰10款唔同嘅牛部位。一次過滿足10個願望。我覺得餐廳有一點做得幾好，就係menu有幅圖去解說牛唔同部位嘅名稱，等你食嘅時候都知其實係咩位置。全晚我最鍾意食嘅就係里脊肉，油脂比例比較平均，唔會入口剩係得啲肥或油，可以食返肉本身嘅質素。如果鍾意食淡淡又香，入口即化嘅，就可以揀友三角。跟餐仲有燒野菜，茶碗蒸同白飯。最後當然仲有甜品係豆腐雪糕，豆味都算幾香濃。值得一題就係呢度嘅服務非常好，員工都十分之友善，同會講解燒肉嘅先後次序。其實下次嚟仲可以試佢個788餐，都有一大塊飛驒牛。