家上海 (形點 I)

Open Now

Now Closed

堂食左幾次，外賣過好多次（有折又唔洗服務費）。菜式都唔錯，常見酸辣/酸甜/冇乜特別嘅味道，成日食會有啲悶。缺點在於有啲座位燈光勁暗，想清晰啲望下對面位條友都唔得，一道黑氣咁。而且服務一般，有時唔理人，行過當睇唔到。最離譜有次我點餐睇到麻辣雞絲粉皮，睇左幾次都係咁（唔知係我鬼遮眼定餐牌錯），落單時呀嬸聽到都冇糾正我。碟野一黎到，麻醬+烚雞+生青瓜+烚粉皮？我喺一間唔算低級嘅餐廳食$62（服務費=$68）嘅烚野+一pat醬？我就叫個遮遮埋黎問佢點解唔係麻辣而係麻醬，個遮遮聽到後專登烏低身塊臉烏到勁埋，聲大夾惡咁話「麻香！麻香！」意思道菜係麻香粉皮，好似呢度係佢地頭，要恐嚇我唔好睇錯餐牌，好彩佢戴口罩，如果唔係我真係投訴佢啲飛沫。如果喺茶樓收我少少茶水錢，俾你呢啲冇修養同文化嘅人凶幾聲都冇問題，但一班好似喺茶樓行出黎唔洗train嘅師奶，要收我服務費同茶錢？真係同碟麻醬烚雞一樣吊高嚟賣！仲要只收卡唔收現金，如果淨係得我家兩老去食，實俾人扣留喺餐廳、要人拎卡去贖番佢地！食越多次就越唔gur，如果唔係之前買盆菜送$500劵（食$300先用到$100劵），啲菜式貪新鮮可以一試嘅話，真係唔鬼食！

在形點裡面，交通方便，每次經過都好多人排隊啊，終於到了，店內裝修環境不錯，防疫措施也做得幾好，食物方便，必點小籠包，好食，皮薄肉多，灌湯小籠包呢，首先要小心熱，個人就不太喜歡點醋啦，各人喜歡啦

2021年2月20日(六) 年初九好耐冇與基哥聚聚先去家上海食好西再去MY CINEMA YOHO MALL睇電影：鬼滅之刃劇場版無限列車篇7:45pm睇戲，6:05pm到達家上海，全場爆滿，要輪候兩張枱號，好在等左10分鐘就能夠安排入座，第一時間落單。我倆叫左4樣嘢，10分鐘就開始陸續上菜。1.醬油年糕海中蝦$1382.脆煎灌湯小籠包(五件)$543.酥炸臭豆腐$68 4.上海肉絲兩面黃$825.枱面有碟花生小食，同服務員講我哋唔要，職員就取走咗碟小食，就免左呢項費用6.茶介每位$11 x 2 = $227.加一 $368.埋單$400醬油年糕海中蝦海中蝦炸到脆卜卜，差少少殼都食埋，正常嘅仲有年糕味，好吃。脆煎灌湯小籠包(五件)招牌菜，冇得輸，有肉汁，湯清甜，正。酥炸臭豆腐炸到金黃色，非常之酥脆，辣辣地，好正。上海肉絲兩面黃麵煎炸到金黃色，麵炸到好靚夠脆，完美。

599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生我哋599•Eat幫到你無論大鋪小店我哋都會盡試盡講今日食評有✍🏻家上海@yoho mall試食指數⭐️⭐️⭐⭐️店舖衛生⭐️⭐️⭐️⭐侍應態度⭐️⭐️((每項5⭐️為滿分))身為上海妹的我🤔其實我唔係太熟食嗰方面嘅嘢🤣今日搵咗個高手陪我試食🥢午餐時段有2人餐(@$398)外賣自取有1人餐(@$118up)我哋堂食散叫了1️⃣ 醃篤鮮上海菜的經典名湯，一鍋集合了鮮肉、鹹肉、百頁結、冬筍和青菜的濃湯。我google了一下🤣「醃」是指醃過的肉，也稱作鹹肉或金華火腿「篤」是上海話''嘟嘟''，即細火慢燉煮的意思2️⃣香菇素餃真係稱得上皮薄涵靚點唔點醋都一樣好味3️⃣上海炒年糕食上海菜必點的主食食方面的確冇得挑剔只係服務方面就少咗啲速度及質素午時期間人不算多侍應人數算合比例可是點菜、叫冲滾水都係『叫天不應叫地不聞』對於要收加一的情況下感覺不太滿意最後埋單時有張$50現金卷下次用咁都算係順番條氣😝二人茶散點3碟計加一 盛惠275

每次經過都看到滿滿人患等待，所以今晚就過來一試，等了接近1小時才入坐。門外有玻璃窗廚房，可以看到師傅不停包包包，食用時也覺得新鮮入坐的小碟非常好吃，脆卜卜，少少咸，點餐後就吃了半碟菜肉雲吞麵麵底不錯，雲吞亦大大粒，味道好，饀亦足楊州炒飯每粒飯都分明，配料足，味道亦剛好，滿滿的吃了2碗呢其實亦點了小籠包，可惜吃完忘了拍照...甜品點了壽包，小朋友最喜歡吃甜甜的啊點了杯芒果特飲，不過不失吧食品味道真的不錯，但員工比較粗聲粗氣，若態度有改善就食得更開心了

態度差 叫外賣 問左3 次 佢俾外賣張紙係咪同餐牌一樣 佢語係 叫完之後 再撳餐牌 多好多野 問下佢係咪都叫得 佢又話係已經係疫情 都要甘差 唔想做生意甘 懶理 問佢多左果啲佢又唔出聲 甘樣做食市

很久没有光顧，食物越來越退步，不明白為何甘多人排隊幫襯，可能元朗冇好食的上海菜排骨擔擔麵，十分普通，以前係好好味，花生味很濃，但現在是水汪汪，一點都不香煎餃，上枱時唔熱，咁咬左果隻餃皮唔熱唔熟甘，入面冇汁，我都只係叫待應蒸返熱未食果2 隻，佢居然話是咁架la, 煎餃是咁個皮是唔會熱，只會是個底熱，唔滿意就退左佢， 跟住我決定退佢就話可以蒸返熱。整熱返是有肉汁的，不過都係冇以前甘好食，去d 小店買餃子食仲好

<<Thursday Couple 為食記👣😋>> 黎到星期四，同男朋友嚟到元朗YoHo食呢間出名嘅上海菜，都係果句！呢排對上海菜非常上癮。黎到商場，跟住我哋都搵咗間野一陣，因為元朗唔係幾熟路，之後見外面好似冇乜人以為唔使排隊，點知原來都要等咗15分鐘先入到去，但我真係好肚餓啦！好想食晒啲嘢🤤😋😋😋入面真係好多人，不過多數都係一家大細嚟食或者一大班人嚟食，可能咁樣會食得多嘢啲啦！我同男朋友就兩個人擺咗一張圓枱，叫咗一壺茶，揀咗賽螃蟹，柱侯蘿蔔炆豬肉，一個奶油津白，一個金牌小籠包同埋一個想試吓個生煎小籠包，最後仲加咗兩碗白飯送飯。講真兩個人真係食唔晒，因為樣樣份量都唔細，但係嗰陣太肚餓，所以叫咗好多。不過我哋都冇做大晒鬼，食唔晒有打包㗎！🤘🏻首先呢就嚟咗個金牌小籠包果然冇令我哋失望，嗰皮真係好薄，啲湯裝滿成半個小籠包，一咬開啲皮跟住走啲湯就已經爆出黎啦！🤤男朋友直情咇左啲湯汁出枱面，果下我都O咗嘴🤣🤣🤣證明真係爆汁，而佢嘅調味，我就覺得偏向鹹啲少少，但整體覺得真係幾好食嘅⭐️而個生煎小籠包就用鐵板上嘅，上到枱面仲有渣渣聲，聞到好香嘅味，不過呢就比起金牌小籠包

要數YOHO人氣餐廳，我諗都非家上海莫屬，每晚6、7點餐廳都堆滿晒人等位，所以識用一定係用商場App攞定位先。同老公2個人，前菜叫咗燻蛋同醉乳鴿。燻蛋個蛋黃係半凝固，上面加上淮鹽，入口散發啖啖嘅煙燻香氣，唯一扣分係本身燻蛋無乜味，要靠淮鹽，我覺得唔夠味。平時醉雞食得多，醉乳鴿真係比較少見，所以點咗醉乳鴿。乳鴿肉質細嫩並帶酒香，亦食到乳鴿肉嘅味道，唔錯。而主食，我哋就叫咗小籠包同揚州炒飯。小籠包，皮薄唔易穿，湯汁濃郁， 配以薑絲醋，真係好好食，必食！至於揚州炒飯，夠鑊氣，而且唔油膩，飯亦炒到粒粒分明，推介！最後，賣單時食咗$300多啲，仲送咗$150 coupon可以留返下次食再食😋總括嚟講，呢間性價比唔錯，難怪每日咁多人等位，值得推介！

朋友生日，想食上海菜。預約咗家上海好多人等位，預約咗都要等一陣入到去，見到右邊係開放式廚房廚師整小籠包。鐵板蔥爆牛肉上菜時仲出緊煙，鐵板上好夠熱大蔥加芫茜炒得好出味，牛肉幾嫩加個汁好夾，但份量比較少。鐵板灌湯生煎包 好食到唔記得影相灌湯生煎包用鐵板上，都幾特別。一般都係用碟上生煎包係菜肉包嘅餡，個底煎得幾香，有少少焦要細啖咬，因為有好多汁係入面。如少番啲油會比較好，略嫌多油左少少金牌小籠包每次食上海菜都必試小籠包十分推介嘅金牌小籠包啦，呢個真係好好食，佢個皮整得好簿仲要咬落去有好多湯汁，同埋入面嘅餡都大粒，十分推介！！家上海蝦蟹炒飯炒飯幾夠鑊氣，飯粒粒分明，幾香口。蘿蔔炆肉呢個都好有特色，佢用個火熱住上菜，呢個蘿蔔同炆豬肉份量好多肉仲多過蘿蔔，而且個好入味。值得一試家傳丁香雞雞肉幾嫩滑！平時比較少試到丁香汁，配搭一齊食幾特別蒸銀絲卷呢個都相當唔錯，銀絲卷質感鬆軟，加上煉奶，一絕嘅配搭甜品試左酒釀丸子同桂林拉糕酒釀丸子好多上海菜都會有 好迷你版嘅，糯米丸子細細粒都幾有咬口桂林拉糕比較少見，好煙韌又唔黏牙，拉糕上面有少量桂花喺拉糕上面，入口有陣陣桂花味，推介

每次經過此店都見大排長龍, 今晚決定試一試。店內裝修確實不錯, 座位亦相當寬敞, 感覺舒服, 店員亦非常有禮。因為是以上海菜為主題,所以點了小籠包, 燻蛋, 鍋貼 及排骨湯麵。可惜食物方面令人有點失望，燻蛋是有煙燻味 ,卻沒有蛋味; 小籠包應該是上海菜最基本的, 皮是沒問題,但豬肉餡感覺不夠新鮮, 鍋貼豬肉餡同樣出現這個問題。反而豬排麵的豬排卻很好。他的價錢相比其他上海餐廳較貴, 食物方面應該更加講究。

全職媽媽要放假相約知己去食個飯係yoho漫無目的咁行諗住食上海菜見到家上海排緊隊我地又唔係好肚餓於是排埋一份等左幾個字就安排入座環境燈光比較暗 但唔會覺得唔舒服果種安排座位後 店員會詢問飲咩茶餐具都乾淨有個口罩套比你放口罩上菜速度都算快唔會得太耐食完野 冇人執枱想落第二次單 店員睇到當睇唔到叫左幾次先有人應 仲好似好唔情願咁加單既出菜速度慢左少少講返食物先小籠包好多汁 熱辣辣 皮唔會好厚上海粗炒好入味 大排擔擔麵好濃味 排骨好酥脆 醉雞 好入味 但好細碟食物好味 值得試服務方面可以再改善下

限聚令由兩個人改為四個人後，今晚中秋節前夕，同親友四人相約再到元朗形點家上海食晚飯。晚上六時四十五分到達，見到門口已經好多人排隊等位，我們等了30分鐘左右，服務員同我們量體溫、我們消毒完雙手後，服務員便帶我們入內坐下，服務員有禮貌、介紹食物給我們選擇。水夠熱，人參烏龍茶好飲，今次有四個人，我們可以食多幾樣食物。松子桂花魚酸甜師傅掌握一流，揚州炒飯夠乾身，香茜薺菜魚羹够美味，鮮肉鍋貼汁多夠熱，乾煸四季豆好味，鍋塔豆腐够嫩滑，飯後甜品桃膠燉雪梨夠清潤，我們食了一餐豐富、美味的晚餐。結帳後，還有現金優惠券贈送留番下次用。

疫情期間為了保護自已、愛家人及撑醫護，差不多是沒有在外面用膳，基本都是安在家中🙏🏻今天要到超級市場補充物資，回程路過家上海，因我家老爺較喜愛上海菜，又剛好是晚飯時侯，所以我提議今晚在此享用晚餐不用回家再煮😉門前在等的客人跟以往有些分別，外帶的比堂食多一點點👏🏻枱與枱之間用了膠板分間外，貼心的是每枱都有紙做口罩套方便客人存放👍🏻🔸咸肉火腿津白$82較欣賞此菜式，津白本身已很清甜，加上奶白湯底使鮮味提升😋🔸上海粗炒$82因肥膩原故，很久沒有吃，麵質煙煙靭靭有咬口，每條都肥嘟嘟😊🔸金牌小籠飽$54沒特別、但肉汁很多，好juicy💦埋單$264仲有兩張$50優惠卷給下次使用添👍🏻

每次經過依間餐廳 門口都非常多人等候，一直冇機會食，終於可以上下三個人叫了以下的食物酸辣湯麵：好少食到咁辣、味道咁濃郁既湯面，不過比我黎講好辣而且份量好足。水晶肴肉 ： 肉部分全部都係瘦肉，咬落去肉就散開，透明部分入即溶，但我個人唔太中意小籠包： 有啲夾起冇事，有三個一夾起就穿左，但味道好好，底既皮比較薄，湯汁好味上海炒年糕 ： 年糕煙韌，味道有少少甜花雕乳鴿（忘記左個名） ： 酒味好重，肉冇咩得別，試左未必會再食紅油炒手 ： 辣得黎有少少甜，但我覺得一般，唔夠辣酒釀丸子 : 丸子麻麻地，但酒煮既部分好好飲會再黎依間餐廳食，以上只係個人意見