鳴虎 (順昌大廈) (Closed)

今日搭地鐵去到最尾一個站堅尼地城四處逛逛見到厚和街有不少餐廳就揀了這間拉麵店原來這間店都有好幾間分店,但係之前就未食過今次就試一試有飯有拉麵最後我同友人都係揀咗食拉麵朋友鍾意食蔥， 一見到個餐牌就揀咗綠虎四國蔥油拉麵名副其實湯底有少少綠色，上面真係有好多葱，友人感到好滿意，雞蛋溏心滿滿蛋香味， 叉燒以為圍住有一圈肥肉，點知食落口其實都係彈牙嘅肉我自己就揀咗嗚海老非常濃郁蝦湯味 ， 仲有蝦油 +櫻花蝦，食落香口脆脆的， 麵質唔算粗，剛剛好掛住湯汁， 去到尾忍唔住飲曬成碗湯一滴不正剩整體嚟講估唔到西環彷如街坊小店，但係亦可以食到高質拉麵餐廳還有其他井飯+期間限定食品，今次吃不到那麼多，下次再食其他

屋企又唔煮飯，天氣又凍咗，嚟碗熱辣辣嘅拉麵先啦。呢間位於堅尼地城嘅拉麵店，原來都有幾間分店，雖然唔係喺鬧市銅鑼灣尖沙咀，但質素絕對唔會比連鎖嘅差，絕對係水準之上，街坊可以嚟試吓🤭日本魚乾豬骨湯拉麵豬骨湯，非常濃郁，魚介味好重，重點係食完唔會口渴，叉燒有三片，厚薄適中，肥瘦分明。糖心蛋世一😍😍流心得來隻蛋又唔會太老，如果可以多兩片紫菜就好🫠 啲拉麵係幼麵，都算掛湯，不過自己私心鍾意食粗麵多啲。四國香蔥油拉麵冇豬骨咁濃郁，但係好香嘅香蔥油味，鍾意食蔥嘅朋友唔可以錯過。追加的叉燒叉燒燒到啱啱好，油份出晒嚟，表層微微焦香，一層肥一層瘦😍😍肉餃子餃子嚟講覺得個皮厚咗少少，但係入面嘅肉餡好足，好大隻總結成餐飯質素拍得住連鎖嗰啲，而且價錢仲要平好多，值得再食！

鳴虎蝦味噌豬骨湯拉麵蝦味噌豬骨湯拉麵幾乎成碗粉紅色，因為有豐富嘅櫻花蝦。拉麵裏面嘅每一種配料，包括叉燒，蔥花，紫菜，溫泉蛋，木耳絲等，都可以上到櫻花蝦嘅海鮮味道。湯底濃郁美味。胡麻菠菜叫咗一道冷盤小菜，胡麻菠菜，因為聽說菠菜好處十分之多，特別對頭髮健康有幫助，所以食多啲。菠菜本身有口感，加咗胡麻，更有清新感覺。巨峰梳打巨峰提子味龍嘅冰凍梳打，配合大大碗熱辣辣嘅拉麵最好不過。北海道牛乳布甸甜品係北海道牛乳布甸，牛奶味比較香濃，微甜，口感彈滑。

好似好耐都無同老公去食過拉麵呢樣野之後, 岩岩上個WEEKEND 既WIFE AND HUSBAND TIME 就一齊黎到西環呢一帶食LU - 而且出左地鐵站真係好易行過去.雖然係一間在鬧市中既隱世小店, 但係都試到特別湯底既拉麵, 真係覺得有種在平凡中搵到小小驚喜易滿足的! 同老公一人嗌左一個拉麵, 有店員推介既大熱為日本魚乾豬軟骨拉麵同蝦味噌豬軟骨拉麵, 兩個麵我地都一齊SHARE, 我同老公都好鍾意蝦味噌湯底, 甜甜地, 日本魚乾湯底既雖然相對上清D,但係蔥既TOPPING 口感有軟有脆, 所以都好鍾意呢個口感同拉麵既MATCHING, 所以如果西環唔係成日有機會黎都會想去埋其他分店到食返同樣既野

這家在香港多區都有分店，主打茶記價錢的日式拉麵及小食，有清酒放題，店舖裝修簡約，食物味道正常，下單後幾分鐘內就上菜👍🏻🔅日本魚乾豬骨湯拉麵｜$88｜7/10湯底以鮮魚配上餐廳招牌的豬骨湯熬煮，濃郁惹味😋三大片火炙叉燒油脂分布平均，幾軟嫩🔅札幌香蒽豚肉丼｜$58｜6/10豚肉份量雖然很多，但口感略為乾🙈🔅肉餃子｜$38｜7.5/10餃子皮非常香脆，肉餡汁多肉嫩😍風味十足🔅鰹魚汁浸菠菜｜$38｜7/10這款涼菜很適合作餐前小食🤣鮮甜鰹魚汁配柴魚碎，去除了菠菜的苦澀味

位於西環嘅呢間日式拉麵店外型企理，裝修都係日本風格。見餐牌有4-5款唔同湯底嘅拉麵，一於就試下啦。🔹🔶🔹🔶🔹🔶🔹🔹🔶🔹🔶日本魚乾豬骨湯拉麵$88魚乾味出色，豬骨湯濃郁，食落好有日本風味。麵係比較幼嘅拉麵，掛湯力頗佳。配料有炙燒豚肉，溏心蛋，木耳絲，紫菜。配料都十分傳統，唔單調。豚肉腍身，邊位有微微炙燒過，油脂逼出，入口濃郁。蝦味噌豬骨湯拉麵$88豬骨湯上有櫻花蝦乾，而且湯底都有用鮮蝦熬製，所以飲落好鮮甜。鐘意海鮮味嘅朋友就絕對唔可以錯過啦。嗚虎炸雞每舊都係大大舊，而且即叫即炸。外脆內軟，十分juicy。肉餃子一碟5舊，外皮煎香但不油膩。內餡係豬肉，簡單不失風味。環境舒適寬敞，店內位置令人坐得舒適。店員服務周到友善，詳細解答客人疑問。

見有咁多間分店，唸住差極都有限啦。點左個黑蒜拉麵 + 多份叉燒，中晒伏。湯底勁味精，勁咸。叉燒又係勁咸，又乾又鞋。難食到難以用文字來形容。仲要D 湯係微暖，完全唔熱。「味X拉麵」出名差都好食過佢好多好多

本人向來喜歡拉麵，多次路過西環嗚虎卻始終未有機會品嘗，終於搵日早收工去試一試呢間一search就總會出現係頭幾位既拉麵店🥳位於西環既鳴虎并非位於大街大巷，反而處於都算幾辟靜既小巷中，加上店面都不是太顯眼，如果不是專程去食都幾難會路過幫襯🥸店內環境面積不大，中午兩點幾去到10張檯加埋我得3檯客，店面一位落單小小姐同一位得閒到走出櫃檯既廚師就是全部店員。由於客人不多所以整體空間感充足，不太侷促。食物選擇不多，總數不超過十種的主麵食不帶飲品小吃，熱茶無限添，飲品另計，但其實必須叫飲品，因為好咸，好重口味🤯🤯🤯🤯🤯🤯🤯🤯本次品嘗菜式為海老味憎拉麵另加炸蝦小吃。炸蝦外層炸粉相對簿，油份比較少但內部的蝦卻沒什麼味道加上類似平常甜蝦般的體型，不太滿意。至於拉麵，名字為海老味憎拉麵，其實是指湯底是海老烹製而成而非真正是有蝦老，當然上檯時拉麵面有大量微型櫻花蝦乾也就是了，但至於是否能品嘗到蝦味就見仁見智了，麵身幼細，掛湯能力一般，糖心蛋合情合理，叉燒略嫌多肥肉但很香口，然後就是拉麵的靈魂：湯底，很咸，過份地咸，萬事萬物都被那份咸味蓋過，雖說是味憎湯底但我也少有吃過那麼重口味，平時一定飲晒湯底既我為了寶貝

話說呢排天氣真係凍咗好多，雖然臨近聖誕🎄，氣氛上係會濃厚啲，不過阿叔真係好憎咁凍嘅天氣呢😠！喺溫度只得10度嘅天氣下，人就自然好想食啲熱辣辣嘅嘢，咁當然第一時間要整碗拉麵啦！🍜路經西環，見附近呢間拉麵店就入嚟試吓，雖然佢並唔係咩過江龍拉麵店，但原來都有6間分店咁多😳。呢度有別於其他拉麵店，當中有加入四國香蔥油嘅綠虎、以辣椒味🌶️見稱嘅赤虎等較特別口味嘅拉麵。另外，佢哋近排仲做緊清酒放題🍶，任何時間每位$238，就可任飲梵、獺祭等指定清酒90分鐘，飲住清酒食拉麵，可能都只此一家。☺️☺️☺️🍜蝦味噌豬骨湯拉麵 ($88)湯底超濃郁，加上大量櫻花蝦🦐，好香蝦味，飲完即時暖晒。拉麵配料有兩大塊厚切叉燒🐖，肉質軟嫩，有炙香味，可惜味道偏鹹咗啲，否則就prefect喇！😋🐓芝麻雞翼 ($48)雞皮炸得脆卜卜，肉質又夠嫩，如果一碗拉麵唔夠飽，呢款小食絕對叫得過！👍🏽👍🏽👍🏽

係西環食拉麵又多個選擇~ 最近先發現鳴虎有分店係堅尼地城👀 餐廳環境乾淨闊落，店員有禮👍🏻 服務態度良好👍🏻蝦味噌豬骨湯拉麵 $88蝦味噌湯底比較濃郁，味道偏鹹，有兩塊炙燒豚肉，好厚身又軟淋❤️ 麵條軟硬適中～～～～～四國香蔥油拉麵 $88滿一滿嘅香蔥，令到湯底味道變得好清新，蔥香亦誘發咗炙燒豚肉嘅鮮味~湯底濃郁鹹鮮，拉麵好掛湯～～～～鰹魚汁浸菠菜 $38鰹魚汁滲透每一條菠菜，味道鹹鹹哋好開胃~ 份量適中～～～～

唔係唔夠熱，係根本唔熱我食過兩次，兩次都係，碗麵一放上黎，唔熱，食拉麵連湯都唔夠熱，我覺得係無左個靈魂，係唔合格，味道無好大問題，湯飲得出有味精，成個加埋我覺得收八九十蚊係唔acceptable

依間拉麵店比較唔顯眼，店舖招牌寫住Whisky, sake bar，好奇係新舖未換招牌定係夜晚會變成酒吧，入面座位闊落，都適合多人聚會🍜🐓 白松露雞白湯拉麵 $78依個期間限定既白湯拉麵配上淺粉紅色嘅雞肉，望落比較清新，湯底鮮甜帶有啲奶香味，令人意外。雞片肉質嫩滑，上面有幾塊香濃嘅炸蓮藕。🍜🐟日本魚乾豬骨湯拉麵 $88以四種鮮魚加上店鋪招牌既豬骨湯底熬煮 ，湯底結集豬骨與鮮魚嘅精華，鮮味可口又有層次 ，兩大片既火炙叉燒油脂分佈較多，好香口，係側面有d燒得燶🍗 雞翼呢個炸雞翼尖唔算大件，有白芝麻點綴，食落香口但幾辣，如果有醬汁點下會更好。🦞🥗 龍蝦沙律 依個沙律係一個球狀，結合沙律醬、蟹籽、小龍蝦肉，鮮味十足，配上紫菜可以夾黎食，做開胃菜就岩岩好。鳴虎 🍜🥗🍗西環厚和街28號順昌大廈地下F號舖#香港美食 #西環美食 #香港拉麵 #saiwan #hkfood #hkfoodie #foodiehk #hkramen #ramenhk #hkfoodies #hkig

鳴虎日式拉麵, 喺香港都開咗幾間分店, 今日就去咗堅尼地城嘅舖頭, 環境都幾開揚,坐得好舒服日本魚乾豬骨湯拉麵，魚鮮味甚濃，但味道不霸道，足以襯起魚介味，又為拉麵添上肉鮮味。麵條分量比坊間多，麵條具嚼勁，麵味不會被濃郁的魚介豬骨湯汁蓋過。叉燒脂肪同肉均衡，少脂肪但肉質柔軟不太韌，日本魚乾豬骨湯拉麵，魚鮮味甚濃，但味道不霸道，足以襯起魚介味，又為拉麵添上肉鮮味。麵條分量比坊間多，麵條具嚼勁，麵味不會被濃郁的魚介豬骨湯汁蓋過。叉燒現在用巴西豬肉製，肉質柔軟不太韌，入口即溶，好enjoy除咗拉麵之外, 仲食咗個小食, 就係芝士魚餅拼魚條, 炸到非常香, 咬落去非常之軟滑, 再加上邪惡嘅芝士加持, 雙重口感, 非常滋味

下午趕到堅尼地城送物件給朋友。因今日太忙關係，還沒吃午餐。朋友知道後，即拉我到附近一間日本拉麵店 -「鳴虎」。除了拉麵外，還有日式丼飯、小食、飲品和甜品。價格相宜🍜 鳴海老 - 蝦味噌豬骨湯拉麵吃日本拉麵，我習慣先嚐湯底。以豚骨熬製的高湯，加入蝦味噌，成為蝦味噌豬骨湯底。蝦的香氣突出，湯底鹹味中嚐到蝦的甜味。 拉麵配有日式叉燒、半熟蛋、紫菜、木耳絲和葱花。拉麵質感富彈性，容易掛上這個「鳴海老」特配北海道鮮蝦和櫻花蝦粉的蝦味噌湯底，啖啖嚐到鮮美的蝦味。日式义燒抹上特調醬汁，經火炙後，更香口惹味。半熟蛋蛋香味濃。🍜 黑鳴虎 - 博多黑蒜油拉麵一向喜愛濃味食物的朋友特別喜歡這款「黑鳴虎」。以濃郁的博多黑蒜油加入味道香濃的豚骨湯底，蒜香撲鼻，口感層次豐富。同樣配有日式叉燒、半熟蛋、紫菜、木耳絲和葱花。麵條沾上香味四溢的黑蒜味，濃而不膩，一吃愛上。🍤 吉列大蝦  酥脆外皮，裹住甜美的蝦肉，沒有一點油膩感，美味。🍹 巨峰梳打非常濃郁的巨峰提子味道，本來因天氣炎熱而有點煩躁不安，喝一口這個透心涼的飲品，心情也變得好起來。喜歡巨峰味道的，不要錯過這杯飲品。

今日在西環工作完，和同事去了在內街的拉麵專門店吃午餐。明明中秋後，但天氣依然很炎熱，幸好餐廳座得舒服，冷氣夠涼爽。餐牌有不同的拉麵、丼飯和小食選擇。嗚海老🍤🍜即蝦味噌豬骨湯拉麵，香濃的豬骨湯底，蝦味鹹中帶甜。滿滿的櫻花蝦和香蔥增加了口感和香味。麵質夠爽，配有厚厚的叉燒，叉燒很稔，又有一顆流心玉子。炸餃子🥟皮炸到金黃色，熱辣辣，脆卜卜，餡料夠多汁。蕃茄沙律🥗上面有蕃茄片，下面有沙律菜，很清新，配上酸甜醬，健康開胃之選。茶🍵點了2款日色茶，非常消暑解渴。