NEXT Shikaku

Open Now

Now Closed

歌賦街絕對係拉麵戰場，座銀、周月、白浜，全部係幾步之遙。一直未黎試next shikaku，因為覺得同樣價錢，會想去座銀多啲。不過今日試一次。天氣炎熱，門口嘅大門係長開，熱空氣湧入，坐喺到已經唔太舒服，店員好好，話可以比濕紙巾我抹面。**牡蠣清湯**清湯底絕對係失望嘅，以為湯底會係充滿蠔的鮮甜味，但整體偏鹹。麵條方面用上幼身麵，口感似蕎麥麵，冇咩咬口。蠔只得一隻，$158一碗黎講...比兩隻蠔唔過份吧，有趣的係無啦啦有兩粒蝦雲吞，係鮮甜又爽口嘅，不過主角係蠔。**牡蠣白湯**白湯湯底相對濃味得多，但好食過清湯好多好多。不過成個體驗一般，唔會再黎。

本身想去encore鯛魚拉麵，但太多人排隊，於是去咗同一集團主打牡蠣拉麵嘅NEXT Shikaku～～▪️牡蠣沾麵🦪🍜沾麵湯底濃稠，有原隻牡蠣喺入面，牡蠣味非常濃郁。用上闊身嘅「平打麵」，好滑溜，但又好掛湯，都幾特別。特別一提，如果個湯凍咗，可以叫師傅加返熱個湯👍🏻▪️牡蠣白湯拉麵🦪🍜湯底加入牡蠣肉碎，一樣好濃郁。配料除咗叉燒，仲有一隻牡蠣，味道鮮甜，不過感覺就有啲少，有多一隻會好啲😂 另外，紫蘇葉同青檸可以稍微解膩NEXT Shikaku 📍中環歌賦街11號地舖

🇭🇰NEXT Shikaku·雖然呢間餐廳得三款麵 而且價錢偏貴少少 但係我覺得勁值得去試😍😍佢係真係每一款湯底都好足料 好重蠔味🦪而且佢係開放式廚房黎既 所以你係可以一路睇住廚師既每一個步驟 由佢煮麵 到燒叉燒 擺盤 全部都可以望到 好似睇緊表演咁 全餐飯都完全唔會悶🤩🤩·牡蠣沾麵$178 l 牡蠣清湯拉麵$158 兩款我自己就鍾意佢個沾麵多啲 佢個沾麵湯底濃郁啲 好濃既蠔味之餘完全唔會膩 就算食到最尾都好好食 超有層次😎而且我自己好鍾意呢個係用闊身啲嘅麵條既 食落好滑身 勁掛湯 超好食🍜至於個清湯食落都唔錯 佢食落都好香蠔味 不過就無沾麵個個咁濃郁🤣除左湯底之外佢個叉燒都好正 佢係完美既半肥瘦 油脂同肉質都好好🥰🥰之後入面既生蠔都好甜好creamy🦪·#rbyeat#rby日本菜 #rby拉麵#rby中環·📍中環歌賦街11號地舖

係中環有幾間出名嘅拉麵，例如同座銀同集團嘅幾間姐妹店都係附近，今日首先同大家介紹下呢個專門食蠔拉麵(ˊo̶̶̷ᴗo̶̶̷`)排隊嘅人龍唔會少過座銀架～🍽食物✨牡蠣白湯 $158 8/10白湯同清湯嘅不同之處係加入左豚骨同雞湯一齊熬煮，比起清湯會更加濃郁，同有更豐富嘅層次，師傅更加會將蠔肉打碎加入湯底，湯頭真係好鮮甜同濃稠，拉麵嘅粗幼度適中，仍保持住少少咬口，可以一啖麵一啖湯咁食晒成碗麵都唔會覺得好口渴～另外叉燒係好明顯嘅半肥瘦，肉質唔鞋～✨牡蠣沾麵 $178 8/10沾麵汁一樣係咁鮮甜，蠔鮮味真係特別突出，入面仲有完整蠔仔同叉燒粒，至於佢哋嘅沾麵係長方形嘅平打麵，食落好似河粉咁滑捋捋，浸落沾麵汁到掛湯再食～ 不過啲麵會痴埋一舊，筷子功唔掂真係有啲難搞😂要夾好耐先可以將佢哋分開⛩環境👍🏻吧枱位可以見到師傅炮製嘅過程，而且座位都闊落，坐得舒服💁🏼‍♀️服務👍🏻店員有禮貌，不過人手好似有啲不足，要加水或者埋單都要等一陣，但影響不大📝總評 8/10湯底真係有好突出嘅蠔味，而且好鮮甜，不過定價真係偏高，接近200蚊食一碗沾麵值唔值得真係見仁見智啦👛人均消費 ~$185 (連加一服務費)⏱冇限時

呢間係座銀集團旗下品牌，中環人氣蠔湯拉麵🍜之前食過座銀都幾唔錯，加上朋友大大力推薦呢款拉麵，認真要試一試😻🍽牡蠣清湯採用日本蠔熬湯，加入牡蠣油和秘製湯汁 ，清湯嘅味道已經非常濃郁，鮮味十足，尤其係有洋蔥粒，又多咗層次感🍽牡蠣白湯濃厚湯底由蠔，豚和雞三合一熬製而成，鮮味比起清湯更濃郁，兩者相比我比較中意清湯，如果重口味嘅人應該會中意白湯😜🧸湯底真係非常出色，要係香港搵間媲美得上都唔係咁易🥰🔍 NEXT Shikaku (中環)中環歌賦街11號地舖

拉麵店是由大阪難波引入的 主打牡蠣「蠔」拉麵餐牌只有3款拉麵可以選擇 牡蠣白湯 牡蠣清湯 及 牡蠣沾麵 還有其他配料可以選擇我點的是牡蠣沾麵🍜 💰178 追加了一份櫻木煙燻糖芯蛋🥚💰15沾麵湯底由蠔醬配上豚骨濃湯以成 味道濃郁 湯內會有一粒牡蠣 豚肉粒 紫蘇等等 沾麵側是日本製麵屋獨家研發的長方形「平打麵」質感滑身 比外面吃到的拉麵底更為有口感 更煙韌份量看起來很少 但吃著吃著超飽的😂追加的櫻木煙燻糖芯蛋 帶微微煙燻味 蠻特別的 只吃麵感覺很單調的朋友 可以點一份一起吃 增加口感

經開呢條街，見到有新舖頭門口個佰佰非常用心地介紹就衝咗入去試吓。舖頭環境裝修：乾乾淨淨妥妥當當員工服務態度，非常有禮貌煮嘢食個師傅應該係日本人廚房counter 位置非常乾淨用蠔熬製嘅湯，都做得唔錯有鮮味。我係麻麻哋個麵嘅質感呢個係個人感覺總括嚟講唔錯，可以再嚟

對於拉麵愛好者這家店定必不陌生。由座銀集團開設的Next Shikaku已經開業一段時間，這次主打以蠔湯為主的拉麵，麵類有三款選擇，分別是白湯、清湯和沾麵。一如既往，基本上每一次都無法品嚐到沾麵，有時真的懷疑每天的供應量到底有多少。🤧這次點的是白湯，即是濃稠的蠔湯底，配以叉燒、一隻蠔、筍條，以這個價錢來說，只得一隻蠔確實是有點不滿足。雖然明白店家標榜使用大量的蠔熬製湯底，湯汁亦明顯帶出非常濃厚的蠔味，但在觀感上，只有一隻蠔確實令人不滿足。麵條為較粗身的太麵，勝在掛湯力強，吃著吃著卻開始有膩的感覺。叉燒尚算是入口即溶，未有令人驚艷的感覺。相信下一次再想品嚐，應該是要非常心血來潮才有機會回訪。

又是友人的介紹，咁開展拉麵之旅。到達時間大約下午6點，鋪頭入面空無一人，似乎是太早？ 我見店員都忙於清潔門外玻璃。咁被安排坐左係吧枱，其實作為一個孤獨的美食家，吧枱是最好既選擇，可以近距離欣賞廚師如果煮自己的晚餐。一份價錢兩種享受。而店內的吧枱和一般拉麵店不一樣，設計更像日本和食店，沒有一塊阻隔的木板，就是赤裸裸地欣賞廚師的手藝。根據指示我只草草用左10秒影相就啟動啦，避免影響麵的質素，先呷一口湯底。湯底是充滿蠔香，鮮味滿滿。但係略嫌層次不足，只單純地呈現蠔的鮮味和蠔的鮮味亦較表面，沒有逗留太耐。再根據指示，吃一口蠔，好不幸，蠔是凍的。 第二隻我要浸番落湯先得。要提一下的是，拉麵上加上了紫蘇花？ 把整個蠔味中和，清洗了整個Palate，清新了一下，不過就覺得紫蘇的味太過intense. 用其他方法去clean my palate就好啦。最重要的是，一個拉麵收費：$173（連加一）似乎性價比太低了。

冇得頂！🦪🦪呢碗牡蠣拉麵真係好正，香濃嘅湯底加上新鮮嘅牡蠣，味道濃郁而且唔會太鹹。麵條有彈牙，好吸收湯汁，配上一啖牡蠣，真係一絕🫶🏼又唔會太過油膩，而且味道恰到好處，令你可以一直飲到最後一啖湯。值得一提既係呢碗拉麵配料除左牡蠣之外，仲有細蔥、洋蔥粒、荀條，口感同味道都非常豐富，我自己加左一隻溏心蛋再將蛋黃撈左入啲湯到令到個湯底更加濃郁，超香蛋黃味🤤佢既沾麵都好特別，因為係用闊既麵條，鐘意食麵既朋友一定會好鐘意佢既口感💕食到非常滿足💕如果你係喜歡牡蠣同埋拉麵既話一定要過黎試下！真心推介👍🏼

之前介紹過風靡一眾拉麵控嘅🐟Ode鯛魚湯拉麵，同一集團另外仲有主打🐥雞白湯拉麵嘅座銀，早排仲新開咗主打🦪蠔湯拉麵嘅Next Shikaku，同樣大受歡迎大排長龍🔥🔥呢日我都慕名而來，weekday嘅lunch time大概排咗15分鐘左右，都可以接受。呢度嘅餐牌主要只有3款拉麵，包括清湯、白湯同沾麵。牡蠣沾麵平時食拉麵唔算特別好沾麵，不過呢度嘅沾麵好特別😝😝麵條係呈白色瀑布狀，超滑溜😻😻而且極掛汁😚😚每條沾滿濃郁醬汁，平時食沾麵食完麵會加湯，不過呢個就唔會，因為食完麵啲醬汁都冇咗9成🤣🤣醬汁有2隻蠔、五花肉粒同爽口筍絲，蠔味非常濃郁鮮味，值得一試😋😋櫻木煙燻溏心蛋另外加咗隻蛋，帶些微煙燻香幾特別🍳人均消費：$220推介指數（10分為滿分）：8.5分

今日嚟到中環嘅呢一間拉麵小店，地址位於歌賦街11號，上環地鐵站行上去好快就到。平時會見到長長嘅人龍，好彩今日唔使排隊，就有得入去食。店入邊裝修非常簡單，亦都只係有三款拉麵可以選擇，主打牡蠣，我就叫咗最平嘅牡蠣清湯拉麵（$158）再加一隻糖心蛋（$15）店員好快就為我遞上拉麵，香噴噴既牡蠣味道芬香撲鼻🦪 師傅叫我先試吓一啖湯，再慢慢品嚐拉麵。湯嘅味道有層次，濃郁但係唔會有油膩嘅感覺。叉燒絕對唔油膩，肉質鮮嫩以及多汁。最後要絕對讚一讚隻糖心蛋，食得出有少少煙燻香味，非常特別。結帳價錢大概$200

讚1 環境以拉麵店黎講真係夠晒闊落 竟然仲有二樓 而且係電子廁所 好日本feel2 蠔沾麵好味道 沾麵汁好有蠔鮮味 配條蔥就有啲變化咁 蠔湯拉麵好夠鮮味彈1 蠔沾麵果種麵底係偏向烏冬質感多啲 食食下開始有啲滯

若然你是拉麵愛好者，想必認識座銀集團，集團其下品牌推出的雞白湯拉麵、鯛魚湯拉麵，均是廣受好評。而這次到訪的，便是集團引入的新晉品牌、去年開業的 Next Shikaku。餐廳走現代和風風格，設計簡約舒適，吧枱位置亦可一覽開放式廚房內麵食的製作過程。餐廳只提供3款麵食，湯汁均以牡蠣熬煮，個人認為食物質素比鄰近的座銀更優勝呢。推介牡蠣白湯 Koeru HKD158湯底口感濃厚而不膩，先嘗到牡蠣獨特的鮮甜，雞湯的香醇再漸漸湧現，配上荀絲及洋蔥粒，口感非常豐富。麵條掛湯、有嚼勁，牡蠣沾上湯汁後依舊濃郁鮮甜。清酒牡蠣 HKD98比隨湯附上的牡蠣更清甜，肉質嫩滑多汁，清酒湯中添加了紫蘇葉，令湯底多了一份獨特的甜味，十分推介

小編今日來到中環一間拉麵店「NEXT Shikaku」🍜 來自日本大阪難波的蠔湯拉麵🦪 店內有日籍師傅駐場，拉麵款式只有三款，分別為牡蠣清湯拉麵 (IKASU)、牡蠣白湯拉麵 (IKASU) 、牡蠣沾麵 (ASOBU) ，平日晚上都吸引大批食客排隊，收工後來這裡豪歎一碗蠔湯拉麵，吃出日本的地道風味🍜 「牡蠣清湯拉麵」採用日本蠔熬湯，由牡蠣、豚、雞、三合一熬製而成，再加入牡蠣油和秘製湯汁🦪 湯底散發滿滿的鮮味，味道充滿層次感，湯的底部有牡蠣肉碎，拌勻後牡蠣的原味完全呈現於這碗牡蠣清湯拉麵中，配以鮮蠔、日式鮮蝦雲吞、洋蔥粒、筍絲、紫蘇花和青檸✨ 而經低溫慢煮秘制五花叉燒，肉向油花一進到嘴裡就化掉，濃郁香醇且回味悠長，感覺實在是太銷魂☺️「牡蠣沾麵」湯底百份百日本牡蠣熬製成，將牡蠣鮮味推至極致，濃稠而不膩，湯底有一塊鮮蠔，還有角切豚肉和筍絲☺️ 沾麵由日本製麵屋獨家配方研發的「平打麵」，沾麵麵質順滑而帶嚼勁，沾上蠔醬及豚骨濃湯製成的沾汁，極具掛湯能力，醬汁味道較濃郁而鮮咸，另外加點櫻木煙燻溏心蛋，日本產蛋香氣四溢🥚🍽 ：牡蠣清湯拉麵；牡蠣沾麵；櫻木煙燻溏心蛋👅好味指數：7.75/10；7.75/