大山日本料理

Open Now

Now Closed

清酒牛油煮蜆🍶上枱嘅時候聞到好濃嘅清酒酒香，而且調味原來唔只得清酒同埋牛油，再加咗檸檬同埋蒜頭，所以個味道好豐富又有層次感，牛油同蒜片令個湯更惹味，而檸檬嘅酸味又可以引出蜆嘅鮮甜，至於蜆隻隻都好飽滿咁，好乾淨完全唔覺得有沙，質素頗高👍鹽燒厚切牛舌🐂應該係用咗牛舌芯嘅部份，咬落比較爽口，加咗少少鹽同黑椒去調味🧂海鮮沙律🥗海鮮有兩隻有頭甜蝦、三文魚粒、鯛魚粒等，再加上卜卜脆嘅蟹籽，另外幾鍾意沙律醬係分開上，有人鍾意多醬有人鍾意少醬都可以自己揀～壽司叫咗三文魚、醬油七味燒左口魚邊同埋火炙黑松露帶子，兩款嘅火炙壽司都燒得好香🍣依度星期一至日都有唔同優惠，如果夜晚可以早少少嚟到，仲有壽司刺身85折，會更加抵食！

西洋菜南街2W，撳2樓就到，好方便嘅位置。呢度空間好寬敞，環境舒服，服務都好周到。啱哂一班朋友嚟度舒舒服服食飯。⭐️ 牛肉壽喜鍋 $58 壽喜鍋嘅配料真係唔少，有牛肉、豆腐、金菇同埋日本旺菜😗😗。牛肉份量四、五片，再加上壽喜燒醬汁同雞蛋，暖暖地食唔錯🍲🍲。⭐️ 鐵板牛油帶子 $78 呢款帶子真係好大隻，有五大粒🍤！帶子新鮮又有厚度。用牛油同醬汁煎煮，煎得香香嘅，味道好美味😆😆，值得一試。⭐️ 鹽燒厚切牛舌串 (1串) $38 牛舌肉濃郁又爽口滑嫩🥩。配上鹽同黑椒更加突出牛舌嘅鮮味😚😚。⭐️ 免治雞肉棒串 (1串) 日本岩手直送 $38 雞肉棒嘅口感好滑嫩🍢，入口嘅雞肉味道濃郁，有嚼勁。外層微微焦香脆，再配上甜醬油同生雞蛋，口感更加豐富🤠🤠。⭐️ 醬油七味燒左口魚邊壽司 $18 稍微火炙過嘅口魚邊，肥美嘅口感，有甜甜嘅魚油滲出，入口即溶🤓🤓。如果魚邊可以厚身少少，口感會更加豐富，更有嚼勁🙆‍♀️🙆‍♀️。⭐️ 火炙吞拿魚壽司 $16 吞拿魚質量好好🍣，咬落去有口感，鮮味十足，入口有甘味，真係好讚🤩🤩。🍄 總括嚟講食物都好唔錯，仲有每日優惠，好抵食😝😝。如果想搵間居酒屋，同朋友悠閒地食小菜，飲杯嘢，傾下計

今日同小朋友去旺角買文具，書包…….準備返學啦，買完野去搵食。小朋友想食鰻魚飯，ok, 去食日本菜。今次唔係上網搵，台頭周圍望，見到有居酒屋，就試一試。一進入餐廳，好有日本feel，裝修特色，地方寬敞。職員親切有禮，問我哋幾多位，我話兩個，見到我同小朋友，即刻叫我哋坐另一區，話另一邊比較凍，細心，有禮貌。我地叫左極上北海道帶子井，蒲燒鰻魚飯，鹽燒厚切牛舌串，香草燒雞翼。帶子井有三文魚，三文魚子，赤蝦，玉子，帶子，每樣都新鮮好味，帶子好大粒，好鮮味，值得一讚。小朋友食鰻魚飯，佢話個汁好甜，鰻魚好滑溜，仲有蛋絲，連埋啲飯一齊食，特別正。另外牛舌落咗檸檬汁，唔漏，仲爽口彈牙。雞翼有香濃香草味，有啲似BBQ嘅感覺，好香口。一切感覺良好，價錢相宜，日後諗起想食日本菜，會再嚟食。😋Yummy Yummy: 8/10😋

想食壽司 又唔想排長龍就搵左呢間大山日本料理餐牌食物選擇多 價錢合理 而且地理位置方面 近油麻地mtr 餐廳係2樓 有lift直達今餐全部都叫左壽司同卷物用QR code落單 方面快捷三文魚籽軍艦 $23@1雖然紫菜唔夠脆但三文魚籽粒粒都好飽滿係口腔到爆出鮮味 火炙黑松露帶子壽司 $22@1微微燒過既厚身帶子 加左小量黑松露醬做點綴 醬油七味燒左口魚邊壽司 $18@1用左醬油同七味粉調味燒過既左口魚邊 入口即溶火炙吞拿魚壽司 $16@1因為唔係中/大吞 唔期望好肥美 醬皇燒皇帝蟹棒壽司  $16@1牛油果軟殼蟹卷 $78@6薄片牛油果鋪滿係卷物上面包住脆卜卜既軟殼蟹蟹籽同沙律醬都比得好大方整體性價比高 上菜速度快坐得舒服 適合同朋友傾計聚會

食物質素真心唔算好，叫咗三文魚丼飯，啲三文魚片真係薄到透光，又唔算新鮮，已經開始分層。啲壽司飯又乾。其實我同朋友都唔算太夜食，6:30唔係好多人，都咁嘅水準。。。作為一間日本餐廳，質素麻麻哋，我諗爭鮮都好過佢。。。某個店員每上一碟菜就問「啲嘢好唔好食？」你啱啱放枱面，我哋都未食，點知會啊？到上下一碟菜，又問多次，我同朋友答「OK啦」佢即刻好大反應「吓！OK咋？」之後就開始黑面。。。啲服務態度講真，呢個價錢呢個水準真係唔算好食🙄

呢排成日都心心念念想食壽司，嚟到旺角search到呢間樓上日本菜望落都好吸引就嚟試下一上到2樓就會見到，成層都係間餐廳嚟既，好日式好有日本feel😍三文魚海膽飯 $98去完日本最掛住既就係海膽出街最驚係食到腥既海膽 但呢間係好鮮甜 完全唔腥可以滿足到想食海膽既慾望 而且份量都ok唔係好細舊而且三文魚都新鮮同份量足夠好味！仲有舊玉子燒仲有跟麵豉湯！壽司方面嗌咗好多唔同款去試火天黑松露帶子壽司😍好出色大大啖帶子 加埋黑松露醬好好味！醬油七味燒左口魚邊壽司好鮮甜一咬落去好重油脂好出色！好推薦油甘魚壽司好肥美好鮮芥辣八爪魚軍艦唔會好攻鼻 啱啱好火灸吞拿魚壽司好香油脂而且有舊芝士喺度好香火灸厚切三文魚腩壽司都好肥美好好味整體都幾高質 啲壽司都好鮮甜好好味

平日GE假期約吾到人自己一個人係旺角四圍逛街行到有D累又有D餓見月頭出左糧所以心諗搵間日本野食下最後選擇左旺角勇者塔對面呢間大山日本野裝修得好有特色好多日系燈籠同埋旗＊窒津生蠔口感爽身，淡淡GE海水味又鮮甜，蠔味比較重比想像中大隻好多＊德島雞皮餃子吾係好多地方有雞皮餃子，而個人好鍾意食雞皮串燒，被吸引下來雞皮好薄炸到好脆，咬落去好多汁，入面包住豬肉同蘆筍（估計）＊原條海鰻壽司原條海鰻有成8寸長鰻魚汁味道突出似食刺身多過係壽司＊三文魚海膽飯三文魚紋路清晰入口即溶海膽似馬糞海膽入口軟滑即溶，鮮甜又有少少啖啖海水味，不腥仲有個味增湯送以為平平無奇同出面一樣點知個味增湯入面有三文魚骨所以比出面多左份鮮味下次可以再約朋友試佢個壽喜燒

話説朋友生日想食鰻魚飯預早一星期預約了呢間”好評”較多的日本餐廳當晚準時到達時已滿座，而其中一位男店員說”好快有位”，但我們等了十多分鐘都無位，原來有些book了枱的客人都因為店員並無”reserved”而給那些預早walk-in的客人先入座，咁所以book枱的意義是？？！！最離譜是店員的態度，本人明天做服務行業不容易，但顧客只是想有合理的處理手法，如果當晚係太多人，其實可以講: 唔好意思，今晚比較多人，可能要等一等(幾張枱)！ 並不是説好快！下一張就到，怎料下一張枱又給了前一輪book了枱的客人..🤷🏻‍♂️ 其中有枱食客説他們book了位卻等了30分鐘才入座！也大誇張了！反正店員就是理直氣壯的態度:你鐘意就等，我哋好忙㗎！(其實份份工都忙㗎😅)Book枱就是為了不用等啊！如果是怕客人放飛機，可以説明只會留位10分鐘吧！最後，這間餐廳也算是中等價錢，但食物質素卻跟爭鮮一個level 鰻魚壽司的鰻魚薄過紙。。真的食元氣好過！本人第一次的食評就給這家餐廳破戒了(之前就算幾難吃，幾好吃都未寫過 哈)因為真希望他們有改進空間！！以免有顧客再受罪了！

好耐冇食過日本菜，今日同朋友行完街喺附近搵左呢間大山日本料理食晚餐。呢間日本餐廳裝修都唔錯，掛左一排排燈籠，好有和風style，最啱用黎打卡。鐵板牛油帶子，帶子好大隻，用牛油煎超級香，加少少檸檬汁帶出鮮味。豚肉泡菜鍋，泡菜好醒胃，豚肉爽嫩，最正係泡菜湯，飲左幾碗😆d湯嗦哂肉汁鮮味，小小辣，唔食得辣嘅我都食到！蒲燒鰻魚飯，鰻魚醬汁調味啱啱好，唔會太甜、太重口味遮左鰻魚鮮味，鰻魚幾肥美，油脂比例均衡，唔會太油膩。極上北海道帶子丼，呢個魚生飯超級正，有帶子、甜蝦、三文魚同三文魚子。帶子大大粒，好鮮甜；蝦刺身夠新鮮；仲有我最鍾意食嘅三文魚子，入口一咬即爆，用黎撈飯最正😋最後食埋件北海道芝士蛋糕非常滿足，蛋糕幾香滑，口感輕盈唔膩，做飯後甜品最啱！幾高質嘅日本餐廳，食材新鮮，價錢唔貴，值得推介！

 I recently had the pleasure of trying two of their signature dishes, and I must say, they left a lasting impression.Unagi Fried Rice:The Unagi Fried Rice at Da Shan is a delectable combination of flavors and textures. The perfectly grilled eel, known as unagi, is generously portioned and served on a bed of fragrant, fluffy rice. The eel is succulent and tender, with a slightly smoky and caramelized taste that adds depth to the dish. The rice is expertly fried, creating a delightful contrast of

以前出旺角一定係食放題但人大咗都想搵返啲靜靜地坐得舒服的餐廳喺兆萬對面就見到呢間大山居酒屋上到去比我預期中寬敞而且環境唔會十分嘈吵 好滿意唔係好肚餓嘅關係，主要叫咗卷物同爐端燒小食 同朋友傾吓計黑松露三文魚沙律作為開胃小食一流黑松露味好香 但仍然冇蓋過三文魚鮮味牛油果軟殼蟹卷 上菜時軟殼蟹仍然好脆 仲熱辣辣加埋卷物上面嘅牛油果 中和油膩感鰻魚卷卷物上面大大塊鰻魚 非常足料大推呢個牛舌串燒 好肯定係即叫即燒 外面燒到焦脆小小油脂感 咬入去仍然香嫩多汁鹽燒三文魚頭同樣燒到表面非常香脆 而且啖啖肉

價錢親民☺️好食😋 女朋友好中意食日本料理，喺open rice搵到呢間，跟住去夜晚去試。原本以為睇落高尚嘅居酒屋好貴，入到去其實唔係。 坐底叫咗希靈魚&三文魚刺身(4件)，珍寶牛肉壽喜燒，雞泡魚乾，鵝肝壽司。 員工好好，因為叫完野，啱啱落到枱嗰下之後，先發現個餐牌寫三文刺身 消費滿$200 就可以 +$68 點個10片 三文魚刺身，好食，又抵。 好似300定幾多 就無限加購。 另外個珍寶牛肉壽喜燒冇我失望👍👍👍 因為星期三做折，抵又好食😋個湯嘅味道剛剛好，唔太重。 值得推介一下如果想食刺身，又平靚正，呢間可以👍👍👍

同朋友去左旺角食日本野，呢間叫大山日本料理都吾錯，地方好方便，係上樓嘅又吾會好嘈，望住街景都幾舒服。我地2個女仔食左個豆腐沙律，夏天食真係好適合，食落很涼快，感覺清新又健康。之後點左鰻魚飯，帶子魚生飯同軟殼蟹手捲，先講鰻魚飯，鰻魚大大舊好肥美，而且又好味嘅醬汁，甜甜地好好味。帶子魚生飯，記得價錢吾貴，不過魚生超級新鮮，好鮮甜，都好大碗，食完會飽嘅。至於個軟殼蟹手捲，是即叫即整的，軟殼蟹熱辣辣即炸，很香脆又啖啖肉，仲食到蟹膏，好正啊，包住脆卜卜嘅紫菜，真係即上碟就要即食啊。最後食了日式芝士蛋糕，好味，芝士味濃郁 ，口感滑溜，一食歎忘，美好嘅一餐。

今晚約咗朋友我去旺角食嘢，之後我哋就去咗家樂坊附近一間叫大山上樓嘅日本料理度食。上到去裝修環境好有日本特色，環境佈置靚之餘，服務亦都好好！坐低又有大玻璃望到西洋菜街旺角嘅景觀，餐牌都多野食，點左個海膽手卷，嗰度嘅海膽手卷又新鮮，包得又紮實，好靚！另外又食咗個豆腐沙律，豆腐沙律配搭得好好，好似有啲中西合璧咁，容易入口，好適合夏天食。另外又叫咗一個泡菜豚肉鍋！啲豚肉好軟熟，個湯底都好好味！主食就點左魚生飯，個魚生飯係三色，有吞拿魚，比目魚，三文魚。每種魚生都好新鮮！厚切，魚嘅脂肪肥美，入囗即溶，口感十分之好！飯亦都配搭，值得一試！價錢仲超值。最後叫埋個芝士蛋糕，依個芝士蛋糕真係好有日本嘅味道，同一般出面食嘅芝士蛋糕唔同，佢好重日本那種香濃嘅牛奶味，好似日本食嘅感覺，仲好香滑軟身，全部野食都好好食！

去旺角如果有人問我食邊間日本野，我一定會介紹大山日本料理。呢間大生日本料理，地方又大又舒服，地理位置又方便，油麻地同旺角之間嘅西洋菜街，最緊要就係價錢合理，而且食物款式好多，裝修又靚， 就算食野同打卡，服務都一流架。我點咗個鰻魚飯，三色魚魚生飯，鐵板牛油帶子，豚肉泡菜鍋，同2杯飲品，乳酸梳打同凍檸檬可樂。先上的是鐵板帶子，超好食啊，吾會太乾因為佢加了少少菇做配菜仲有少少菇汁，好香好味啊。之後豚肉泡菜鍋都好正，辣度岩岩好，非常惹味，份量都好多，4人分享都可以，熱辣辣好正啊。之後三色魚生飯，份量都多，食到好飽，而且刺身鮮甜美味，記得最正係價錢又吾貴，才幾十元，仲要跟湯同飲品，真係超值。鰻魚飯上碟已非常吸引，鰻魚勁大條，已經醬汁都調得好好味，飯不只白飯，仲配上蛋絲，增加口感，鰻魚又肥美，好好味啊，記得都係好平，不用100元。整體都非常滿意，店員服務都好好，真係平靚正嘅日本料理餐廳，少有啊。