百樂潮州酒樓 (Closed)

百樂潮州＠Yoho Mall商場開了百樂潮州酒家，試下吧！新店地方不大，枱與枱都幾逼。當天新開業不久，有點混亂，但服務尚可！套餐＄468，未連茶介同加一！頭盤選擇了潮式凍𩶘魚，新鮮度一般，有點腥！size 亦很細條。羹類要了粟米魚肚羹，但魚肚較硬身！最好系煎蠔餅，不會油淋淋，內裡蠔仔新鮮又飽滿！涼瓜排骨煲，潮色煑法，涼瓜入味，湯很甘甜，聽說有清熱效果！如果只是普通晚飯，這個定價亦較進取！附近的食肆相繼會營業，很有競爭力！

元朗素有美食天堂美譽，從小吃到規模食肆多不勝數，每一次來元朗，主要目的還是以吃為主，諷刺的是，今次在不以吃為前提的情況下來到元朗，卻意外的捕獲新開張的百樂潮州酒樓這間擁有將近半世紀的香港老字號。元朗百樂潮州位於YOHO MALL II（形點II）三樓，右邊有筆者以前常幫襯的日式鐵板燒Pepper Lunch，由元朗西鐵站F出口步行約5分鐘就到達，非常方便。既然來到城隍廟，當然不放過求返支好籤啦~隨即要了張籌，等了將近20終於可以入座。一坐下，貼心的侍應馬上為我們端上幾杯功夫茶，茶香香溢四散，甘醇濃郁令人甚為陶醉。由於在座的朋友及筆者胃口也不大，所以也只要了一客滷水鵝片及芝麻灌麵。用陳年滷水滷過的鵝片特別入味，香濃醇厚，鵝片薄度適中，油脂分佈少，完全不會有油膩感，肉質軟腍度剛剛好，值得一提的是底層的豆腐也十分之軟滑香醇。芝麻味濃香，麵條條條分明，軟硬度完全對正筆者的喜好，偏向帶些許腍，配上蔥粒、冬菇粒、肉碎粒、筍干粒及蝦肉粒等增添口感層次，完全停不了口。

難得星期二唔使做野，又撞正老婆放假，一於入去元朗行下，買下老婆餅返嚟孝敬屋企兩老，入到嚟先搵地方泊車舒舒服服飲返個茶先，見到百樂潮州啱啱新開，裝修幾別緻，比較年輕化，12點門口已經有人等位，問一問兩位等幾張檯，大約15分鐘就有位，唔算要等太耐，座位都幾舒適，唔會同後面檯貼得太近，先點食嘅，嚟到百樂點都要叫碟滷水鵝片試下，滷水夠味，鵝片仍都入晒味，份量唔細，鵝片切得厚薄適中，有咬口，墊底嘅滷水豆腐，豆味夠香同嫩滑，不錯。點心叫咗幾款，蝦餃，皮夠薄，蝦夠大隻同新線，蝦同筍嘅比例亦唔錯。叉燒包，裡面嘅叉燒同汁好香，外面嘅包又夠鬆軟。潮州粉果，百樂其中一樣必食嘅點心，皮做得夠薄又有D咬口，內裡材料豐富，推介！糯米雞，糯米夠軟熟，唔會硬生生，裡面嘅料仲有流汁嘅效果，個人覺得呢道嘅糯米雞比起好多其他酒樓都出色。埋單＄300幾都算合理，仲有兩個小時泊車優惠。下次老婆外家晚飯聚會可以再嚟。

之前喺元朗形點2期見到一對心儀嘅波鞋，趁今日放假，梗係即刻安排去買啦。由於約埋一齊去血拼嘅朋友突然想食點心，大家就不約而同，決定去3樓新開嘅百樂潮州嘆下早茶先。由於假期嘅關係，酒樓門口一早就企滿曬人排隊等入座，我哋等了將近30分鐘，也魚貫入席。坐低第一件事，梗係要返壺靚壽眉茶暖下個胃先啦。再睇睇手上嘅點菜單，發覺原來百樂潮州都有好多包餃點心選擇。呢籠螺片棉花雞份量比坊間一般點心茶樓個啲大(可能係自己太餓嘅錯過)，軟綿滑腍嘅魚肚帶點清點，每片都吸滿了汁液，非常鮮味可口。雞肉啖啖清香，每一口都腍滑彈口，完全入曬味。露筍鮮蝦腸，外皮薄得來有嚼口，內層鮮蝦鮮甜彈口，加上露筍爽口嘅口感，兩者配搭十分之匹配。荷香珍珠雞，荷香味濃，糯米煮得夠腍，雞肉、香菇帶有咸蛋香，趁熱食更覺入味多汁。

經常跟食友們到處吃喝，不過接觸食友家人的機會不多，當晚我們集合三家食友的家人一起吃飯，平日無論是成人或小朋友，大家都就工作、溫習、考試和瑣事等各有各忙，難得可以湊在一起，彷彿是團聚般的喜悅！選址在新開不久的元朗「百樂」，沒想到座位已近乎爆滿，氣氛非常熱鬧，不過元朗一向是熱烘烘的地區！潮州凍蟹呷過功夫茶，第一道出場的菜式是潮州凍蟹。大朋友固然喜歡海鮮，不過原來小朋友也很懂得海鮮滋味，每人來一件剛剛好。蟹質爽嫩扎實，帶有白羔，在花蟹難求的年代，更加要細心品嚐每一口的蟹鮮！凍黃花經常吃潮式凍烏頭，這回試試凍黃花！凍黃花的魚質在比較下更形細綿，蘸上普寧豆醬，風味不遜。對我來說小學生和中學生也是小朋友，念幼稚園的還喜稱喜他們作 BB，年齡有別，屬於小朋友的可向凍黃花招手，盡情動筷！滷水鵝腸掌翼我愛骨肉相連的肉類，滷水亦然！所以滷水掌翼至合我心意，皮滑肉嫩，加上入味程度佳，沒有死鹹過濃的現象，更開心與小朋友一起爭吃，連啃骨頭也來得滋味過人！川椒雞球香氣四溢的川椒雞球，鑊氣與調味也同樣出色，加上沒炒得過火的雞肉，質感嫩滑，混合醬汁的滋味，同譜出令人欣喜的味道，水準之高，值得推介。如果喜愛香脆口感，珍

去咗元朗 買咗D必買嘅手信 朋友話係Yoho開咗間老字號潮州菜 咁就一於試下 地方裝修得唔錯 環境幾舒服 尤其個接待 一直笑笑口 又夠客氣 未食已經加分 坐底先來一盤功夫茶 即鐵觀音 我對茶麻麻 朋友呷過就話幾香 叫咗份鹵水雙拼加兩個小菜 碟鹵水鵝腸 腸夠爽夠脆 鹵水味夠味夠香 不愧為老店 豆腐豆味香濃而且好滑 浸在鹵水中令嫩滑嘅豆腐錦上添花 另外叫咗個炸雙棗 傳統潮州菜 即炸蝦同蟹丸 蝦棗夠彈牙又有咬感 蟹棗味道夠出 新鮮熱辣 趁熱食滋味非常

家的附近，真的連一間潮式飯店也沒有，有時想吃韮菜豬紅，式是滷水鵝翼，都要跑到上水去，真麻煩。想不到跟朋友的飯聚，反而選了間歷史悠久，但裝潢及風格絕不俗套的菜館。菜色方面，基本上都是傳統的潮州菜，但亦加入了不少創新的元素，不過幾位朋友都是上了年紀的人，點菜時，都偏向於大路。潮州凍蟹個人很喜歡吃蟹，尤其是潮式凍蟹更是一絕，蟹蚶位可以話啖啖肉，鮮甜可口，蘸點一下白醋，味道更鮮。凍黃花除了凍蟹，凍食魚類亦是潮州菜中的名物，今次點選了黃花魚，肉質當然比尋常的烏頭細緻，蘸點普寧豆醬令味道更添層次，真心推介。滷水併盤百樂的滷水菜一向有水準，當然不能錯過，先後共吃了四款，先是鵝片併豬耳，鵝片切得夠薄，滷得入味，鵝肉絕不過火；而豬耳煮好後壓出水份，再切成薄片，令口感更佳。另一碟是鵝掌翼併新鮮鵝腸，掌翼肥大肉厚，用來配杯啤酒一流；而鵝腸甘香豐腴，雪貨根本無得比。杏汁白肺湯近年來不時在食肆都會喝到的一道湯，雖然豬肺並非什麼貴價食材，但清洗過程卻是勁花功夫，而且加入杏汁更加添上一份醇厚芳香，入口順喉滑溜，真的想多飲幾碗。川椒雞球自少已經常吃的潮州菜，伴碟的珍珠葉炸至脆卜卜，而保留了深黝的綠色，雞球略嫌過了火，

打從魚子醬開學以來，自我失蹤多時，難得這次大家約在元朗聚首，15分鐘車程，跟西鐵站直接連接，點都來跟朋友們聚一聚，吃的是最愛的潮州菜 ^_^ 先來杏汁豬肺湯，平常突然想喝，也會跑來元朗，但就往過橋麵檔進發，這次人多好辦事，直接點上一煲，味濃肉腍，要添飲了不客氣 =]川椒雞球上桌，大家的焦點  都落在圍邊的炸珍珠葉！它的出現就像小時候看見燒味拼盤，眼裡只有 "橡筋"一樣 XD 大家第一口都是吃著薄脆非常的珍珠葉，川椒味香勝於辣，微辣反倒沒有將嫩滑的雞肉給搶過來，不錯。豉油皇倉魚球更是全晚驚喜，一向覺得倉魚煎炸後都會乾鞋  但這裡的卻嫩滑得很，魚子醬就比較著眼於那顆超巨大的草莓，獨享了 =o=上館子吃潮州菜，沙茶牛肉少不了，質感稠身但不漿口，惹味非常而不過鹹，炒後的芥蘭依舊爽脆，也剛好中和一下沙茶牛肉的濃厚感覺薑米鴨吃得多，這次換來薑米雞，份量正好，每人一兩口清碟，足以證明好味程度，兩者的味道非常匹配，丁點不油膩以芋泥和水晶包作甜點，個人認為前者太飽滯，跟魚子醬分享紅豆水晶包，甜度剛好，水晶皮的煙韌度也拿捏得好好，因為自己也做過幾次，澄麵的比例始終不好找到最合適的，所以，以後要吃還是乖乖上

車媽媽籍貫東莞除了小時候回過一次鄉外對它沒甚印象,只知有聞名東莞臘腸外便好像沒太多特色嘢令我有深刻印象,反而潮州菜令我倍感親切,大大隻滷墨魚,香煎蠔餅,鮮甜蠔仔粥,札實凍蟹,滑捋捋春菜,軟綿綿芋泥全都十分喜歡啊!!這天一班好朋友約埋一起慶祝母親節便選了位於元朗形點新開張不久百樂潮州酒樓吃我最喜愛的潮州菜~一到酒樓門口見到凍蟹,鹵水鵝及大墨魚巳流晒口水呢!!裝修走優雅的路線店子掛滿大紅燈籠裝飾增添喜慶感~先來杯功夫茶,自少巳愛喝甘甜的茶這絕對係我杯茶喔!!百樂的鹹酸菜酸香不搶喉吃下又爽脆大家也十分喜歡呢^0^最想吃的{潮州凍蟹}終於上場,得到的是蟹公肉質嫩滑鮮味非常而蟹膏亦鬆軟香甜好想吃多件啊!!不過我會乖乖忍口的^0^{凍黃花魚}即係潮州人愛食的魚飯,魚肉好新鮮實淨不霉爛沾點豆醬吃更添滋味~滷水叫了四款豬耳和鵝片,滷汁味道香濃不過鹹豬耳口感脆卜卜我向來喜歡吃,鵝片軟綿不韌除了滷水味外還吃到肉香^0^另一份係{滷水掌翼}及{滷水鵝腸},沒有肥膏的鵝腸少了一份甘香但令人食得較健康,掌翼係最吃得出滷水味來,入口滑

補足母親節晚餐(09/05/2016 星期一) 四個人前一晚訂枱都有位，好耐無食過潮州菜，適逢元朗新開所以去試試。前一日已經上網睇過其他分鋪既食評有咩好介紹(因依間新開未有人寫過晚餐)，其中有子母龍鬚蝦。一坐低同埋單時都會功夫茶比你飲，我地一開始叫左手斯雞，鹵味雙併(鵝片併墨魚片)，雜菜煲及子母龍鬚蝦，佢落完單之後會print番張單比你睇落左啲咩，落單後過左約五分鐘，男部長稱今日無子母龍鬚蝦，當時只係八點半左右就已經無，唔知係無定買哂啦，都無再深究，之後我地後補點左個鹵水千屠峯(唔記得個名係咪咁叫) - 即鹵水豬耳，啲野唔算黎得慢，大約十分鐘都到，當我地差唔多食完一開始叫果幾樣餸，發現個手斯雞都未黎，於是我地就問下啲職員啦，佢竟然話賣哂，都食左成半個鐘都無通知我地，係我地講既時候佢先話無，於是我地又要再叫第二樣野食，我地叫左個糖醋伊面另外加左個水晶包做甜品。*鹵味雙併(鵝片併墨魚片)鹵味汁唔夠入味，鵝片有兩層，面果層啲鵝啖啖肉，但底層的只有鵝皮；只於墨魚片夠淋身，而且切片夠薄，如鹵味汁夠會更好食。*鹵水千屠峯(唔記得個名係咪咁叫) - 即鹵水豬耳以前都係食開一條條既豬耳，但今次依個係一

繼前文，都說元朗區較四正的酒樓不多，第二天已經返上返兜，帶家人再去飲茶，試試點心同時預慶母親節。這次多拿了張點心紙回來，所以比較清楚收費：頂點 $48、特點 $36、大點 $33、中點 $28、小點 $23，茗茶每位 $12，前菜每碟 $12。又是人多關係點心亂點一輪，上圖的 蜜汁叉燒腸 (大) 皮薄餡香，味道不錯，後來加點一份 鮮蝦腸粉 (特) 也不錯，但忘了拍照。安蝦咸水角 (小) 也香脆不油，質素了得。然後是一系列甜魔媽媽拍了但沒嚐的 百樂蝦餃皇 (特)、潮式糯米卷 (中)、薑蔥牛栢葉 (中) 及 XO醬蒸鳳爪 (中)。由點心的狂風掃落葉速度，估計水準不差，特別是蝦餃皇身量巨大，非常足料！接下來三款點心：蟹籽粒燒賣 (特)、蜜汁叉燒包 (小)、豆沙煎堆仔 (中) 也是拍了沒試。沒辦法，週六忙碌接送囝囝上興趣班，又熱又開始背痛 (!!!)，胃口不大好啦....不過來到這 芋茸冬菇包 (中)，就忍不住要試了。其實包子不特別像真，至少沒有冬菇掟；不過配上芋茸的確很新奇呢！芋茸有點像前一晚吃的芋泥，香甜軟滑，配上包子甜度更合適～也點了囝囝愛吃的 荷香珍珠雞 (大)，這回與玉仔姨姨分嚐了半

嫲嫲已於上週五平安回港，甜魔媽媽終於 (間中) 可以有幫手啦！同時 YOHO Mall 二期（也即鄰近西鐵站的新元中商場）近日開了不少新食肆，實在是雙重喜慶。上星期，甜魔一家也兩度到訪其中的 百樂潮州酒樓，與友儕親朋晚餐／飲茶，今天一次過記錄，首先是晚市。 　新店位於3樓A316號舖，在那裡？行人天橋上去的話，直走直上電梯，上兩層就走；不要走去鴻星那邊，兩間餐廳正好是一邊南、一邊北。大概時近母親節，這兩天到訪新店都很爆場呢（圖片攝於七時未夠，已經坐了不少人）！當然氣派的裝修以及元朗缺乏中高檔的中菜／酒樓，也是原因之一。所以要吃真要訂位。　首晚到訪是十大三小晚餐小菜，開餐前先喝杯味道甘醇的功夫茶，還有忘了獨立拍、但酸甜爽口的美味咸酸菜，來為一頓潮式盛宴作好準備！豐富的頭盤陸續上檯，甜魔媽媽第一口吃的，是美味的 凍黃花！黃花魚向來魚脂平均、肉質細嫩，輕抹上鹽後冷凍淨食已經很美味，配上潮式豆瓣醬又是另一番滋味。小兄妹也跟住吃了些，當然要留意去骨！　 　更豐富美味的，絕對是 潮式白烚凍花蟹。這蟹應該也有斤多，殼薄肉厚且多、肉質無比細嫩鮮甜，不管是淨食或加醋來吃，都超美味啊！這晚兩口子又分享了一

以往，元朗有很多小店，前來該區掃食，是假日的好節目。如今，除了小店，亦有不少優質食肆進駐，選擇更加多元化，元朗人實在幸福。百樂潮州，是其中的新成員。查實，家住荃灣的筆者，來這新店，比前往其他分店，更為方便。人齊，飲杯功夫茶，可以開始豐盛的潮州晚宴啦喂！唔使講咁多，先整隻凍蟹，豪一豪佢。久休復出既我，用手拿起豪邁地狂咬，實在太爽呀~有凍蟹也有凍魚，是黃花，嫩口既魚肉沾上普寧豆醬，醒胃，在炎炎天氣嚐此味，岩數。老字號，有靚鹵水膽，縱然是新分店，鹵水鵝片、掌翼、鵝腸、豬耳與豆腐，也合格，當然仲可以再好。接著來的川椒雞，大家搶攻的，並不是雞件，而是核心外圍的珍珠葉，可惜不香不脆。反而，雞肉是嫩滑又入味。這類飯局，每次都會有湯品，只是，想不到今次朋友會柯打杏汁白肺湯。奶白色的湯頭，杏香味濃，豬肺豐腴，沒有異味，比預期中出色。再有功夫菜，是薑米雞，總之有釀既菜色，朋友必會歡喜。拍照後，店員幫忙切開，雞是皮目，內含糯米與不少的薑米，口感煙韌又帶點點辣勁，蠻不錯。要挑剔的是，旁邊的蝦片超級的油……吃潮菜，若沒有香口的蠔仔洛，便不夠圓滿。糖醋麵之前，是惹味的沙茶牛肉，如果能有個河粉墊底，就好了。單尾的糖

先説食物，點心唔算好多款，不過落order後點心上得幾快，而且夠熱。大部份點心都算中上價，茶位$12一位。蝦餃: 皮薄多蝦，夠爽口燒賣: 有麻雀般大，入味，豬肉有咬口而鬆軟水晶包: 有奶黃同芋頭味，個人認為奶黃較香，芋頭反而無乜芋味腸粉: 普通貨色，不算出色桂花糕: 我無食，個阿媽話不錯，唔會一夾即散$12一碟既酸菜，返而都幾好食，但一黎就黎2碟，而$12一碟其實量好少，真係相叫佢收返食物講完，講環境，座位唔算多，估計只能夠容納80人內，個環境幾靚，算坐得闊落。服務方面，當日其實好多人嘈，因為明明打去問話無得hold 台，但當日有張大檯俾個女部長hold左半個鐘吉檯，仲堅稱有人座，但明明無人坐，最後在群眾壓力下，部長唯有讓返張檯出黎，但就不斷俾説話俾茶客聽，又話啲茶客鬧帶位姐姐，而hold檯班茶客最後才施施然到場，女部長即刻上前笑曬又派咭片又拎自己個手提出黎示意打過俾嗰班茶客，簡真2個樣😤其實都無人鬧帶位姐姐，而帶位姐姐全程面帶笑容講唔好意思，值得一讚。呢間酒樓食物其實唔錯，但女部長呢個態度如果無改善，咁都真係幾趕客！