百樂潮州酒樓 (Closed)

與家人開飯, 都會偏向選擇中菜, 而今次就選擇座得舒服的潮州菜。開飯前先飲杯甘香醇美既功夫茶。錦繡大拼盤拼盤包括有: 蝦棗, 蟹棗, 腐皮發財卷和香麻海蜇。蝦棗, 蟹棗都係潮州孖寶。炸到金黃既蝦棗加入肥豬肉入蝦膠度, 香口美味又彈牙, 仲食到馬蹄既爽口。蟹棗用腐皮包住, 用料好足, 豬肉餡入面加左蟹肉, 酥香可口, 唔係好油膩。腐皮發財卷, 即係用腐皮包住發菜去炸, 香脆可口。海蜇爽口彈牙又有麻油味, 好食。滷水鵝片食潮州菜, 鵝片一定係必然之選! 鵝片切得頗薄, 肉質嫩滑, 夠晒腍身, 鵝味香濃, 滷水味好香醇又入味, 份量又夠多, 好好食。仲有滷水豆腐, 入味又滑身。麻辣炒花膠絲將名貴食材-花膠切絲, 加埋肉絲, 冬菇絲同大蔥絲, 再用麻辣炒勻, 好香口, 而且味道麻而不辣, 帶點刺激, 好食!沙爹牛肉炒芥蘭沙爹醬淋係芥蘭同牛肉上面, 香濃既沙爹醬好稠身, 牛肉炒得夠嫩口, 連埋帶有花生醬味既沙爹汁食更加惹味。 而芥蘭爽口清甜, 點上沙爹醬食, 令人更加想多吃幾條。香煎蠔仔餅又係食潮州菜例牌會叫既蠔仔餅。煎得香口, 每啖都食到蠔肉, 蛋香味幾香濃, 口感厚身, 又唔會食到成口油,

喜歡吃中菜，是因為可以相約一班朋友，或者與家人一起食飯，一邊吃飯，一邊聊天，不亦樂乎。今晚亦相約了友人，一起到元朗飯聚。百樂潮州酒樓位於西鐵站旁的商場內，可謂佔了有利位置，只要上兩層電梯，即可瞬間到達。內裡有中式大紅燈罩，別具中式味道。每次食潮州菜，少不了的是功夫茶，一杯一口，是最好不過的。每次都會食潮州白烚大花蟹（二千零四十個大洋），是每次聚會都會點來的菜式。花蟹可有不同的食法，白烚花蟹，不用加上任何調味，就會吃到當中的鮮味，亦可嚐到當中蟹肉的濃郁味道。淨滷水鵝片（一百八十八個大洋）可謂是潮州名菜，不點來吃，似乎有點欠缺甚麼似的。每次食滷水鵝片，都是有著滷水的鹹香，加上鵝片的柔糯和軟腍，是最好不過的。當中麻辣炒膠絲（三百二十個大洋）的食材豐富，上桌時亦具甘香，食落有種麻辣的味道，但麻辣程度不高，且略有鑊氣的口感。喜歡食沙爹牛肉炒芥蘭（九十八個大洋），是因為沙爹醬汁較濃，其成份包括花生粉（或花生醬）和香料的成份。而牛肉和芥蘭沾上沙爹醬，味道會較香口和濃厚，亦能提升牛肉和芥蘭的層次，亦不失牛肉的軟腍，芥蘭的爽脆口感，今晚可以同朋友聚餐，是很難得機會，可以聚會之餘，又可聊天以笑說一番，不亦

形點二期近日有不少品牌進駐，又是逛街購物的好時機了。這兒前身是新元朗中心，經歷數年的翻新工程後，加入不少大眾化的品牌，也有好些餐廳開業，既有中式酒樓，也有粉麵小廚，元朗開飯又多了個選擇。  百樂潮州酒樓位處二期三樓，鄰近西鐵站十分方便。曾嘗過百樂銅鑼灣店，一道糖醋麵實在是滋味難忘，既然是近水樓台，逛街過後便與友人嚐嚐新店的水準。元朗店店面不大，與銅鑼灣店相比風格迴然不同，陳設相當雅致，垂吊的燈籠，水墨風書畫、深木的屏風，貴氣卻不落俗套。  百樂主打高雅潮菜，加上米芝蓮的光環，友人猜想價位自是不低，事實不然。翻開餐牌一看，既有貴價的鮑蔘刺肚，也有平價的家常小菜，加上侍應沒有硬推貴價菜式，說到底還是豐儉由人吧！   滷水鵝片($120)百樂的滷水，絕對是必食推介。滷水香料複雜，吃着只覺清香，不會過濃偏咸。鵝片切得厚薄均稱，入口鬆軟帶點嚼勁，很有鵝香，微帶鵝脂令鵝片更顯甘香。炸豆腐吸盡鵝片的滷汁，不可錯過。    梅子蟠龍鱔($220)潮洲菜講求手工，也講究刀功。原條白鱔盤捲成形，賣相也美。鱔件外皮嫩滑，肉質細嫩，豉汁梅子醤微帶清酸，輕輕帶出魚肉的鮮香。  沙爹牛肉炒芥蘭($98)傳統潮州家

元朗食店雖然非常之多, 但數到潮州打冷來來去去都只是坐於街頭的的風味小店, 環境當然亦較為地踎, 腸胃不算太好的, 真叫人卻步。隨著新元中翻新改名變成Yoho Mall後, 開了不少新食店, 其中一員就是老字號百樂集團旗下的潮州酒樓。摩登新穎的裝潢行走中國風, 大紅燈籠高高掛非常搶眼, 傑作竟是出自日本設計師的手筆, 細節地方也顯示了日本人一絲不苟的作風。時間尚早, 食客未算多, 坐得舒服。一開始當然少不了的潮州菜特色 - 功夫茶。 茶味甘醇, 是叫醒味蕾享受美食的開始。 還有前菜: 鹹酸菜, 鹹香清爽, 是潮州菜的基礎。潮州白烚凍花蟹 $2040稱得上是潮州菜代表之一, 夏天吃凍花蟹是最好不過。 差不多有斤半重的花蟹, 份量十足, 肥美而顏色鮮明, 店員等我們拍照後, 為我們分件。蟹殼半開了的蟹鉗下, 蟹肉很豐滿地呈現, 每口盡是蟹肉, 肉質飽滿紮實, 味道鮮甜, 非常美味, 沾上蟹醋, 令蟹肉更提升層次, 突顯鮮甜。蟹腳內的蟹肉亦不遑多讓, 花蟹肉可不少呢, 水準之作, 非常滿足!滷水鵝片 $188鵝片是潮州菜的名物, 簡直是我的最愛! 鵝肉切成薄片層層疊放著帶獨有的羶香, 每口都

某日, 舊同學相約出來吃晚飯, 吹吹水 .... 住在 元朗 的一位人兄預早諚了檯, 就在這 百樂潮州酒樓 ~ 時間尚早, 餐廳未有太多食客 ~ 功夫茶 吃潮州菜, 先喝杯功夫茶 ~ Menu ~ 潮州白烚凍花蟹 (時價) 當晚是 $2040 花蟹大隻又有厚質感, 蟹的肉質既結實又細緻嫰滑, 味道鮮甜極緻, 十分美味 ~ 胡椒咸菜豬肚湯 $108湯十分清香, 胡椒味好重而且滿有咸菜的咸香味, 豬肚夠腍, 好喝 ~ 滷水鵝片 $188鵝肉滿是滷水香 , 鵝肉滷得滑嫩又濃香 , 滷水味道香濃醇厚 , 鹹度也適中 ~ 香煎蠔仔烙 $98有蛋香而且非常鬆化, 油份少, 內餡有不少蠔仔, 蠔仔也有其獨有的鮮味, 還算不俗 ~ 㰖菜肉碎芥蘭炒飯 $90夠鑊氣, 飯炒得乾身, 粒粒分明而且不太油膩, 滿有欖菜獨有的味道, 很惹味 ~反沙芋 $216一道出了名製作複雜亦十分考功夫的甜品, 外層是又乾身又脆又甜度高的脆糖皮, 芋頭鮮甜清香, 食落很是香口, 水準極高 ~本篇完 ~

記得小時候父親常帶我到潮州飯店與朋友共聚。年少無知的我，只隨行到飯店最憶記莫過於「功夫茶」。人大了有時還會想起這份味道，不過香港的正宗的潮式酒樓並不多，可能是工序繁複或是青黃不接。今日放工相約新界區的朋友吃個晚飯，港島區居住的我遷就大肚朋友沒所謂。放工時分在紅磡等待西鐵列車，熙來攘往好不容易上了車廂；大約25分鐘便抵達元朗區。【YOHO形點】已經來過數次，不同種類的食肆、商店、應有盡有；真的不用外出市區能夠買到心水之品。朋友心知我是一個潮州人，特意帶我到二期3樓的【百樂潮州酒樓】吃晚餐。我對「百樂」全不陌生，無論銅鑼灣、尖沙咀、旺角都有分店我都吃過。估不到走年輕人路線的「滿記甜品」都在「百樂」旁邊。喜歡中菜的我，從小被父親勳陶下漸漸偏愛潮菜的味道。【百樂】其實快將50年，可算是老字號。黑金的餐牌代表時代變遷，餐牌也要與時並進有別於舊式酒樓。場內有兩個地方截言不同，古色古香的燈籠與新潮吊燈成強烈的對比。牆身以梅花做主題，濃厚的中國風盛行；完全是我杯茶。我們一行五人決定點了九碟菜式，喻意「長長久久」；猶如我們的友誼長存。未上菜前，旁邊有一碟酸菜利用小魚盛載大為喜愛。酸菜沒有任何過鹹更帶甜味

話說今日係友人plan左好耐嘅潮州菜日，因為個位置並唔係大家見慣見熟嘅尖沙咀旺角，而係大名鼎鼎嘅---元朗！無錯，的而且確元朗真係出名多野食，泰國菜日本菜，小妹鐘意嘅串燒同甜品都有好多，點解友人揀食潮州菜，小妹都唔係好明，不過黎到呢度，小妹又覺得無黎錯呢間百樂潮州酒樓喺元朗西鐵站一出個形點二期三樓，位置都算方便易揾，友人見到隔離果間甜品舖两眼發光，話食完要去食甜品，不如食完先講，小妹餓了七點幾，唔算多人，相信係呢頭食肆競爭大，但呢度服務簡直一流，起碼唔係酒樓嘅行過見你唔到，呢度見怕你啲衫整污糟，比返個笠你笠住啲衫，幾好！先黎個席前小菜，酸菜！小妹真係好欣賞，佢小小酸得黎甜甜地，又有咬口，索索聲，小妹忍唔住獨食一碟然後品一口功夫茶，呢度功夫茶係餐前同餐後都奉上，比你清一清口腔解膩，茶甘香濃郁，齒夾留香，友人獨愛呢度嘅滷水鵝片拼掌鵝肝老實，鵝肝除左喺西餐食，真係什少喺中餐食過，呢個將滷水汁融入鵝肝嘅做法，香甜濃郁加上軟綿綿口感，好沖衝味蕾鵝片雖然薄切不過一啲都唔un...肉質夠嫩，配上香醋，解一口肉膩感潮陽炸雙棗 分別係蝦棗同蟹棗，食得出入面有蝦/蟹肉之外，仲有薑絲，馬碲，口感香口同鬆軟，

NBA 同潮菜究竟有咩關係？其實完全無，但今日容讓我先分享喜悅。今日雖然係星期一，但我請左假，唔係去旅行，又唔係有咩頭暈身慶，而係今日係NBA 總決賽既Game 7，重要程度絕對不下於歐國盃既冠軍戰。對於兩隊都鐘意既我，如果騎士贏，James就可以為自己母歷史性奪冠；如果勇士贏，就係成為兩連冠，同樣寫入歷史。個人情感上，我比較想騎士贏。結果當然不負我所望。難得心情要好，天氣亦好，外出走走就更加好，咁就入左南生圍親親藍天白雲。至於晚餐，當然要食餐好既慶祝下，由南生圍出番嚟，揀左食潮州菜。呢度舒適又闊落既環境，岩晒一班人傾計分享。大量潮州小菜，大家share食岩晒。餐前先飲一口功夫茶，打開味蕾。惹味前菜係潮菜既特色之一。滷水鵝片拼掌翼+鵝肝 $220鵝肝，我食開煎，以滷水既食法又真係未試過。開頭仲擔心用滷水會唔會浪費左個鵝肝，原來滷水同鵝肝味道都幾夾，而食落無煎鵝肝果種"漏"既感覺，厚厚既鵝肝入口又腍又啖啖肉。鵝片同埋掌翼反而鹵味更強烈，鵝片雖薄，但鵝味一樣出眾。潮陽炸雙棗 $104雙棗分別用左蝦同蟹製成，用料新鮮，所以兩者同樣爽口又彈牙。咬落去會感覺到有咬口，因為係蝦蟹既肉身加入馬蹄，令

百樂，這詞真的是個永遠不會忘記的。一年前在這餐廳跟你們相識，那時候我像隻小羔羊，甚麼也不懂。意想不到我們已經相識一年，一年話多不話，話少也不少。我想能夠把我們相連的是種緣份，是一種“為食”的緣份，一年裡頭真的很感謝你們，教懂我很多很多，見識也增廣不少，最重要是笑容增加不少，每次飯聚也鬧出不少笑話，這些旁人不懂的幽默，你們總是捧場笑個開懷。這天，也是百樂！在元朗新開了一間分店，我們又聚在一起了，今晚點了些特別的菜式，好好慶祝一下我們相識一週年！淨滷水鵝片$188 鵝片肉質軟腍皮帶煙韌感，加上豆腐墊底吸附滷水汁的味道，豆腐軟熟口感嫩滑。這碟菜也佈滿滿的，八個人分也足夠，最重要點上醋酸更惹味。麻辣炒花膠絲$320 炒花膠絲的用料頗重手，花膠煙韌有嚼勁，味道帶麻香微微香辣感，不愛辣的也可點上一個嘗嘗，如果有點上個飯，可以拌飯更惹味。梅子蟠龍鱔$220 在家每一位也很愛吃鱔的，家中多數是用上豆豉蒜泥蒸煮。這家潮州菜的是用上梅子蒸鱔，味道酸甜開胃在這炎熱的夏天，吃這味道會更開胃。師傅先把鱔切割一刀刀，蒸熟便會卷曲在一起，形成蟠龍鱔。鱔也有分兩種的，肉質有爽脆也有種是軟熟嫩身些。這是屬後

隨著元朗區逐漸發展及新商場的落成，這一區比以前成熟了很多,最近某大地產發展商在元朗有新樓盤開賣, 有朋友對此樓盤好有興趣, 這一天，大伙兒來到元朗陪他看看示範單位, 之後由朋友帶路來到位於元朗Yoho Mall的百樂潮州酒樓吃晚飯。全晩比較期待的菜式是潮州白烚凍花蟹, 花蟹本身也算大隻，每件蟹件都是十分好肉也兼實肉，勝在味道夠鮮甜嫩滑, 還有一些橙紅色和豐腴的蟹膏, 此品很快已被掃清，大家也吃得滿足。當然要試滷水靚鵝片，此品是潮州菜常吃之物，一大碟堆得滿滿的, 鋪面是卥水鵝片，鹵水鵝片份量不少, 鵝片肉質軟熟而鹵水味足，底下是鹵水豆腐，豆腐入口質感軟滑, 也不錯。還有香煎蠔仔烙，蠔餅煎得剛剛好, 沒有過火, 表面有點焦, 蠔的份量也算多,雖然不大隻, 蠔仔滑嘟嘟, 入口沒有腥味, 吃起來口感鬆軟，蛋香襯托出蠔的鮮味，而且木薯粉不多, 不會吃到滿口粉漿。是晚點了梅子蟠龍鱔, 用了原條的白鱔, 把鱔肉切成一片片, 再卷成圓形, 白鱔肉厚嫩滑而味道鮮甜，加上梅子就更加滋味。湯品是胡椒咸菜豬肚湯，感覺上是沒有下味精，用一粒粒的粗胡椒,有很濃的胡椒味,味道清甜香濃, 喜歡當中的豬肚, 豬肚煲得很

雖然我唔係潮州人, 但非常中意食潮州野, 食潮州野就梗係唔少得鹵水鵝片. 當然鹵水汁先係個精髓~ 百樂潮州個鹵水膽已經有幾十年歷史! 今日去開元朗, 發現百樂開到黎元朗, 真係有D驚喜. 首先裝修格局同其他分店一樣高貴舒服! 而且店員都好有禮貌, 值得一讚!鹵水鵝片我最中意食既唔係塊鵝片, 係佢低下個D豆腐, 因為D豆腐索哂D汁, 勁入味! 而鵝片都好入味~ 而且肉質好嫩, 係我食潮州野既首選!

百樂潮州終於在元朗開設新分店，區內中上酒樓算是買少見少，難得有間香港老字號選址在元朗開設分店，元朗一帶居民有食神啦…..今次專登來試下百樂的鹵水，所以當然以潮式鹵水鵝片為中心啦，鵝片一片片鋪排整齊有序，厚度不會太薄，但又不會過於厚實，這點足以證明師傅的刀上功夫不凡，鹵水附帶淡淡的清醇，甘香之餘也極之濃郁，鵝片每一片都有飽滿汁感，柔軟嫩滑得來還保持該有的嚼口，單憑這道鹵水鵝片亦不難理解百樂潮州點解經歷將近半世紀仍然屹立不倒。椒鹽白飯魚條條都手指咁大，外層炸到金黃鬆脆，脆口之餘魚肉本身依然還附帶少少汁感，唔似得坊間的酥炸白飯魚般內外都乾身，欠缺層次感。這道鮮蝦腐皮卷雖然是一道普通菜色，但依據其炸得酥脆的腐皮，餘溫猶在的鮮蝦肉和配料，嚼咬時候那脆口爽彈的口感，整個感覺令人不自覺對一些默默為製造好味道的廚師們多了一份敬意。