匠心廚房 (Closed)

今晚幾姊妹同爸爸晚飯， 一家大細，有老有嫩當然選擇食中菜啦， 聽同事講佢上星期試左尖沙咀新開既匠心廚房，味道唔錯，最好既係因為環境夠寬敞，一家大細都可以坐得較舒適。一打開個餐牌十分多選擇，小朋友當然喜歡吃脆口香口野，就叫左個"脆皮松露蘑菇卷"同埋"小蠔肉碎煎蛋角"（其實即係蠔餅），蠔仔食落係好有鮮味，而且煎炸得好金黃，非常脆口（我地後尾再encore 多碟）。然後就到主菜，嗌左個招牌菜"鮮茄魚湯酸菜魚", 湯底係好好味，爸爸話d 魚食得出係靚魚， 唔係平時果D cheap cheap 鯇魚片，我爸食野咁醃尖都讚好滑好鮮，我就欣賞佢d 酸菜夠爽脆，正！ 我地仲叫左"拍蒜醬油豆角", "美極牛肉鬆（碎）炒飯","山楂柚子汁脆腩片". 我地基本上叫曬餐牌有like 既餸（我地都係穩陣派).但真係so far 全部都唔錯， 有like 果然係有返咁上下水準既。而且侍應們都好好招呼，都算幾好service總括黎講係可以有下次，阿爸話做節做冬可以約埋姑媽一家黎食！（由於顧住食同埋要照顧小少爺，有d 餸無影到)

尖沙咀這間新開的匠心廚房，晚市以小菜為主，小菜由幾十至百元起。每位茶錢$8，另有加一收費。七味黃金豆腐粒炸至金黃香脆，一口一粒，份量頗多。陳皮滷牛展有啖淡陳皮香，牛展炆至很腍，而且很入味，陳皮跟牛展味道很頗夾，還帶點甜香。潮汕蠔烙煎至表面金黃，蠔仔份量十足，而且完全唔腥，啖啖蠔肉鮮味，粉漿亦不算太厚。蝦乾蝦醬蒸腩片是必食推介，豬腩片半肥瘦，有淡淡蝦醬鮮味，但又不會太濃太咸，腩肉嫩腍，另外還要送白飯，簡直是絕配。

匠心廚房Passion and Craft Chinese Cuisine🌟整體: 新舊融合 有新嘅擺盤同環境 亦都有熟悉而不過時的味道🏠環境: 一入到去會以為係去咗cafe 好乾淨企理嘅環境 枱同枱之間 夠哂距離 幾適合三五知己吹水嘅餐廳🧑🏻‍🍳服務: ✔️☆║．．．．．．．．．．．．．║☆‼️ 松露帶子炒滑蛋 $128好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 成晚嘅最出色嘅一道餸 滑蛋冇過熟 依然有蛋汁 成個口感好水嫩✅ 黑松露味唔算好搶✅ 帶子份量ok 好多時每一啖都有帶子‼️ 辣子雞丁 $98好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 炒至半乾身 未算好油 ✅ 味道麻而唔會好辣 依然食到肉味 呢個送茶送酒幾好‼️ 椒鹽鮮魷 $128好食指數：⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 同我食開嘅椒鹽鮮魷 唔同 呢個有靚靚擺盤 好似鳥巢咁✅ 不過今次D鮮魷有少少唔夠嫩 雖然調味係OK冇問題📍 尖沙咀北京道71-77號誠信大廈一樓1/F, Mary Building, 71-77 Pekin

一上去見到裝修得很優雅，座位闊落，令人感覺很舒服。餐牌，碗碟顏色都有配襯過令人賞悅目。桂花瑤柱鮮蟹肉 $268即拆新鮮蟹肉所以製作需時，會見到一梳梳的蟹肉，份量絕不吝嗇，炒得很清新蜜餞金瓜欖豉骨 $98這個味道很特別，是我從未食過的，但又如此美味，排骨肉質彈牙又新鮮，果然是必點菜式之一。火焰口水雞 $68/例想不到例牌的份量也這麼多，口水雞的調味很香很特別，適中的辣道很開胃，雞肉嫩滑蒜花醬爆花甲肉 $148獲氣很足，蒜芯很甜，花甲肉超多，差不多有成斤，而且花甲肉大大粒又無殼，送飯一流！本來想食甜品，但因為太飽了，下次一定要試到啊總括是性價比非常高，味道又好，惹味得來又不會食得好口渴，火候拿捏得非常好！大廚果然非同凡響。餐廳環境又舒適，下次會再帶家人來光臨，家人一定會讚不絕口。

The one 正門口對面搭lift上一樓就到一入門口就見到地板同埋招牌 灰色嘅長身加上整間室內佈置有格調坐得闊落 安排坐卡位 看看餐牌 很多選擇 午市套餐 包白飯和飲品 有燉湯得只係加$8 下次會再來幫襯 附近返工過嚟食都唔錯 的確如其名一樣 每一道菜都匠心製作 午餐只不過是茶餐廳的價錢 但是質素 環境 服務 絕對更勝很多更加見到有包廂房間 就算同朋友 長輩慶祝生日呢度都絕對係好嘅選擇 ^_^ ♥︎ 鮮茄燴蝦球 $65 加入雞蛋炒得很滑 用上大量鮮茄 加上大個蝦球 非常好吃♥︎ 沙薑霸王雞 $68 用上1/4隻走地雞 食落肉質真的不一樣 有咬口和質感加上配上這個獨特的醬汁 還有大量蔥絲 非常惹味♥︎ 鳳梨生炒骨 $59有水準 夠鑊氣 輕輕薄脆的外表 香口的肉加入青椒紅椒和菠蘿 顏色鮮艷 酸酸甜甜 刺激食慾 ♥︎ 羅漢果烏梅茶 跟餐免費free甜酸度剛好 足料好喝 夠冰凍 冬天也可以選擇熱飲 潤喉解渴♥︎ 精選燉湯 跟餐+$8加入粟米 菇 豬肉 杞子 等材料好清甜 完全冇味精 原盅燉湯

The shrimp was fresh and good. Funny part is I don’t like that kind of chicken as I believe always they are not cooked enough. But this one was so good. Specially the sauce.The Plum drink and soup were good too. The sweet and sour pork was also nice.

因為一次中國旅程而相識，到了今天為了慶祝週年紀念，專登選了尖沙咀新開的呢間中菜館去回味一下餐廳位於ISQUARE對面一樓，窗口卡位對住ISQUARE門外的聖誕裝飾，感覺非常好，由於新開店舖裝修很靚一坐低，店員十分好招呼問我地飲咩茶。開了茶後，點了几款食物，前菜七味炸豆腐，外脆內軟非常正，大大碟，真係冇預計咁大碟😂蠔餅個邊位超脆，食到CHOP CHOP聲😋水煮牛，分量好多，令人意想不到的它不是用寬粉做底而是用粉絲，粉絲入晒味，辣到好過癮海鮮蛋白炒飯好足料，又係勁大碟，低估了分量，食不晒

番左尖沙咀好多年, 不過好少出去搵新野食, 今次俾同事捉黎, 食個靚靚輕鬆中餐呢到都坐得幾舒服, 食既小菜, 炒野都比茶記靚, 又唔會太貴, CP值高LUNCH野有包野飲, 小菜會跟個飯鳳梨生炒骨 每粒都脆卜卜, 以一人份小菜黎講都好大碟水煮龍躉球好好食, 麻好夠, 個人鍾意辣少少, 不過同事覺得岩岩好, 個湯底都好香, 魚係一條骨都冇呀! 底到有粉絲同埋娃娃菜, 夠晒入味~~瑤柱海鮮炒飯加左好多菇乾, 味道好香好夾, 覺得好特別, 海鮮方面就有蝦仔同帶子仔, 冇雪味, 好好食~~

依間由5星級酒店大廚主理嘅中菜，最近由美孚搬咗去尖沙咀，主要以粵菜同京川滬菜為主。鮮茄魚湯龍躉球有得揀酸辣同走辣，配菜有酸菜、金菇、粉絲等，加埋蕃茄湯，酸味醒神非常開胃。龍躉球嫩滑結實，連埋豐富膠質嘅龍躉皮，魚味好濃郁。蒜芯醬爆花甲肉蒜芯非常之柔嫩，完全冇渣。花甲肉唔連殼，啱晒我依啲嫌麻煩嘅人，可以每次大啖大啖咁放入口，配合埋XO醬，香辣惹味，送飯一流。籠仔排骨蒸陳村粉將排骨放喺陳村粉上面蒸，排骨非常軟腍入味，而陳村粉吸收晒排骨嘅精華同蒜茸汁，味道非常豐富。更以荷葉墊底，透出淡淡荷葉清香。

正所謂：TVB搞左個處女黨，尖沙咀開左間匠心廚房，今晚想吃廣東菜，OPENRICE又推介，活動地點又近尖沙咀，又幾新淨，我又...都係唔寫咁多'又'，容乜易變左況天佑，一諗起況天佑，又諗起馬小玲，一諗起馬小玲，又諗起D人話打跛雙腳唔使憂，但如果馬小玲被人打跛雙腳就要憂，佢對腳咁靚...oh no...結果都係寫左好多'又'字...扯...遠了，好啦，既然新餐廳未有人寫食評，就等我又黎破處(應該手民之誤，處又豈能破兩次?唔通你今次結婚我黎唔到，你下次結婚我早D到?)空無一人，這間餐廳，(冷氣)風吹過來，冷冷枱面，我輕輕抖落鞋裡的沙，看著我的腳印，OH，一個人，一步步，好寂寞...岩岩唱完首歌，一轉角，就係廁所門口碰見了老闆，好采前後腳去者，差D同佢肉帛相見。滋補足料燉湯$38：一黎即有熱辣辣燉湯飲，杞子、粟米、豬骨，又真係滿滿一碗足料燉湯。麻辣牛孖寶$78：這對孖寶兄弟，係由牛腱、牛筋結合而成，牛腱肉即你大腿上的肌肉群，不帶肥脂，有多種食法，係中醫角度黎講，牛腱確能補腎益精，今次混合牛筋的勁，麻辣的辣，拌飯一流。七味黃金豆腐粒$48：粒粒金黃，外皮夠脆，內裡發熱，十足我的熱情，好像一把火

忙足一日之後終有時間抖下，歎個靚茶，之前見到佢新開張有八折就黎左，餐廳新裝修地方同廁所都乾淨企理，中意佢夠光猛兼且有大玻璃比你望住個景食飯🌆🌆香片茶味好香濃，清清地唔會有好多茶葉碎，我先點左個滋補足料燉湯，凍冰冰最啱飲熱湯，佢係排骨粟米蟲草蓉燉湯，瘦肉既鹹味，加粟米既鮮甜，加埋蟲草少許藥材味，非常滋潤清甜🥣主菜我叫左黑松露帶子炒滑蛋配絲苗白飯，份量好大碟，一個人都食唔哂，我直頭飽到上心口，滑蛋炒得十分出色，入口滑捋捋，撈飯一流，廚師絕對無吝嗇黑松露，實行做到啖啖黑松露味，帶子質感爽滑，中菜廳黎講性價比都頗高，下次會帶同事黎食lunch👍

放假，約咗舊同事午餐，聚一聚舊，佢新公司係尖沙咀，佢帶我嚟喺呢間餐廳，佢話好抵食。餐廳好大，空間感足，店員安排我哋坐卡位，幾舒服。新張優惠午市都有88折，我點招牌沙姜霸王雞$68，燉湯+$8，加個油菜+$20，飲熱奶茶+$5。今日燉湯係雪耳椰子燉雞，一打開蓋，奶白色嘅燉湯，好香椰子香味，材料十足，飲完覺得好滋潤。沙姜霸王雞份量足，有¼隻雞，雖然係午市套餐，但做法沒有馬虎，整隻雞應該有浸過冰水，做到皮脆肉嫩，然後再淋上爆香咗嘅姜粒、沙姜粒、蔥絲、醬油等，咸香嫩滑，送飯一流😋。舊同事就點咗蕃茄燴牛肋$65，然後就同我一樣，加燉湯、飲熱奶茶，同埋加咗個油菜。牛肋肉燴得好入味又軟腍，味道酸酸甜甜，同事話好味。今餐我哋兩個都話好抵食，我哋兩個飽到捧住個肚，午市仲無加一，折咗每人$87.5，呢個午餐價錢同質數，真係我呢啲中環上班族羨慕不已。