北京酒樓 (Closed)

***食物水準***北京填鴨---------乾, 一些油香都冇, 有肥膏, 不過係實的的, 淨食膽固醇, 沒有一點香味賽旁蟹------------好普通, 不難食, 也不特別好吃高力豆沙---------需要是炸, 但不油, 值得一試***服務態度***間店全部都係大台, 大部份兩三人組合, 都會給服務生編位, 所以一圍台大約會有四組不相識的人客, 咁樣都好當然,但每次有組合離開, 那些服務生都好不友善大大聲放低新的碗筷, 及更換台布D塵被佢揚到周圍都係, 係側跟食野真係好難頂可能因服務生清一色過六十阿伯, 全程大大聲落單,每有新人客點菜, 都會嘈嘈閉的!其中一個CASEC生: 唔該, 係咪有六至七人既套餐呀? 我想睇睇呀服務生A: 冇呀, 冇套餐呀!C生: 唔係喎, 我上次先叫過套餐咋喎, 六七人套餐! 冇幾耐之前先食過!服務生A: 我唔會拿給你的, 十一個人有乜理由淨係食六人野!C生: 大部份都係老人家, 食唔到D咩, 所以想找一些六、七人餐, 諗住再加D餸服務生A: 咁你十一個人, 我淨係俾六張椅你坐得唔得呀? (重覆幾次)C生: (好有禮貌地) 咁緊係唔得啦, 不過佢地真係

由於一心黎食片皮鴨, 所以之前一早book左12位, 點知只得9個同事(全女班)到. 我地叫左個套餐&兩款小吃.serve我地0既伙計幾好喎, 風趣幽默, 態度唔錯. 佢地都只係好認真咁做野, 趕收工, 所以先會俾人"態度唔好"既感覺. 但其實, 佢地只係一班做左好耐既老人家, 希望大家容忍下.小吃:炸雲吞 - 本人覺得好好味, 雲吞皮炸得夠脆, 入面既肉唔多唔少, 個酸甜汁又好好味!! 蔥油餅 - 同出面街賣幾蚊塊既味道及外貌完全唔同, 味道一般.套餐:冷盤雞包翅 (連兩個大包)片皮鴨賽螃蟹 - 加d醋一齊食, 好好味.餃子松鼠魚 - 酸甜醬既味好好.蝦仁西芹腰果露筍炒XX (忘記了)高麗豆沙 - 唔會太甜, OK.** 套餐部份可能有忘記 **** 套餐既食物總括係"不錯", 唔會係因為套餐而唔好食或好"行貨", 值得一讚. **有機會下次會再黎食!

很多人喜歡把"北京酒樓"和"鹿鳴春"比較，並認為"北京酒樓"的味道及服務較"鹿鳴春"次一等。我倆者都喜歡。雖然有人認為這裡的服務粗枝大葉，不夠細心，但在我眼中，只是態度率直、不做作。我喜歡她的菜，愛她的味道，服務只是其次。我愛吃這裡的鍋貼，一碟十隻，每隻都炸得脹卜卜，像極一個個元寶，外表酥脆萬分，咬落肉汁飽滿，吃過不忘。山東燒雞及賽螃蟹亦是每次必吃的菜餚。前者去骨拆絲，配上足料醬汁，叫人吃得乾淨利落。後者的蛋白炒得極滑，把醋及蛋黃一拌，可吃一大碗飯。對我來說，只要肯下功夫，用心烹調，堅持傳統口味，做出來的菜都是值得讚賞。"北京酒樓"和"鹿鳴春"都做到了這點，誰也搶不了誰的風頭。

早前聽朋友推介這間在佐敦的舊式京菜館，一直都想找機會來試食，上個禮拜朋友相約到佐敦一起購物，便來北京酒樓吃飯，這店住置不好找，就在柯士甸道和佐敦道中間一段彌敦道的一個窄門進入，跟著爬上一條窄長的樓梯上一樓。 一推門便發覺像回到了上世紀七十年代，裝修是用那年代流行的宮廷式裝潢，連氣味也是跟當時一模一樣，侍應都是穿著舊式的制服，這天雖然是週日但上座率都超過九成，客人中有OL也有外國遊客，看來雖然外表較舊，但依然幾受食客歡迎。今晚雖則只有兩人但叫了不少菜:1. 火腿津白 - 津白本身味道較淡，但入口帶鮮甜味，配合味濃的金華火腿是一個平衡的配搭。2. 叉子燒餅及炸萊肉末 叫了二件叉子燒餅加上伙記建議的炸萊肉末，想不到炸萊肉末份量這麼重，最後也放棄了大部份。3. 蝦子鍋鎉豆腐 - 地道北京菜式，份量比京味居多很多，但京味居煎的較硬身及香口一些。4. 三鮮餃子一碟 - 地道京式乾身的餃子，味道唔錯。5. 酸辣湯小窩 - 每人可喝二碗以上，用料足酸辣度適中，很醒胃味道幾好！6. 高力豆沙 - 飯後送的甜品，豆沙很幼滑，不過甜。服務也是老式招呼，侍應點菜時會給意見客人參考。 如果各位不太重

因為見 HKW 介紹呢間北京菜...好似好好味咁...就book左枱一試...一入到去...好"騎呢"咁...好逼好多人好嘈... 環境令人唔多想留低不過 book 左台就試下啦... 仲要同人搭台(我地一行4人)...食物方面各有特色既...1. 水晶肉: HKW介紹食物...本人覺得皮凍位置好味但凍肉位置比較"鞋"...普通。2. 山東燒雞: 都係推介的...好大碟...味道好燶鹵水味...本人覺得普通...友人覺得不錯。3. 賽磅蟹: 炒好的賽磅蟹(旦白)中間有一個生旦黃...店員加左唔知醋定酒...再打散個旦黃.. 勁好食...係全台最好味既食物。4. 火腿津白: 普通...沒什麼特別的。5. 小籠包: 完全唔得...皮唔薄...包唔夠熱...餡唔好味...V_V6. 炸饅頭: 本來叫了"一客"...店員落了"一個"...好彩...因為太飽食唔晒...甜品: 高力豆沙係送既... 本來唔知有得送...因為太飽而冇叫...好彩.. 因為唔好味...服務方面: 騎呢...資深店員們其實係有禮貌的...不過人比較粗豪一點令人誤會吧...

此店服務被批評至極點,好彩並未禍廷至我們身上.椒麻雞(細) ~ 胡麻及椒碎,並不辣的醬牛肉 (細) ~ 幾特別的,並不似牛展那般,此款趙落有點’鞋’小籠包10pcs ~ 皮有點乾,但包內仍肉汁豐富雞絲粉皮 ~ 粉皮比平時那些食店切得較濶,醬混得剛好片皮鴨 ~ 每件真的肉比皮多,但味道非常一般賽螃蟹 ~ 真的很好味呀,師傅混醬恰到好處炒豆苗及鴨湯 ~ 一般高力豆沙 ~ 差,暖都唔暖,所以好難食

佛誕假期一行十人往北京酒樓開餐，聽過了這裡的劣評不禁令人擔心，甚至令到我作出一個決定，唔畀朋友遲黎（因為呢度ｄ朋友仔講到１５分鐘唔齊人就已經上晒送，又會吹你埋單等等），發現根本無呢一回事喎訂位訂８點鐘，準時８點鐘交位，伙記亦沒有趨促落單，只係叫我地慢慢睇下有什麼想食，叫了一個十人套餐，加山東燒雞和拔絲蘋果，足夠十位吃飽在賽旁蟹上菜時，大家都想叫白飯來一起吃，正想叫靚仔的時候，伙記埋黎同我地講還有很多的菜還未上檯，又有拉麵，又有北京填鴨的包皮，唔洗叫都得啦，就係咁我地就聽他的說話，無叫白飯．．真係第一次見到有食店有錢都唔賺，識得為客人的胃口著想，值得一讚其實去一間食店最緊要係食得開心和好味，服務態度其實都係次要，無錯呢度的伙計仕部都上晒年紀，語氣可能粗聲粗氣一點，但我又覺得可以接受埋單果陣已經係九點半，足足有個半鐘頭畀人食野，真係有ｄ後悔叫個friend 唔好黎，大把時間有得傾計和吃飯．．．不過記住呢間野係只收現金，唔收卡，食得貴的話記住去銀行手禁機推介食品：　

我從未試過寫食評，呢間酒樓真係經典中的經典，可以迫到我出手。昨天是朋友生日，約咗在佐敦地鐵站等，本來是去食日本菜自助餐，臨時朋友又話比多兩個選擇給我，北京酒樓或韓國燒烤，我話從來沒聽過北京酒樓，問他是否北京樓？我的friend話係北京酒樓，就在地鐵站樓上，既然未試過，不妨去試吓。我的friend話他已有6年無去過，啲嘢都幾好食架。上到去地方很舊，枱與枱的距離很窄，因為時間尚早約6點，我哋坐咗一張4人枱，叫咗賽螃蟹，薰魚和砂煱雲吞雞。食物上得很快，賽螃蟹就好味，雲吞雞內的雲吞就很難食，死實實咁，薰魚就一般。因為兩個人食三個菜，唔係話食得好快，過咗一陣個伙計就放下兩個高力豆沙，係送的甜品，但係我一碟菜都未食完喎。我一邊食一邊看四周的環境，覺得與"鹿鳴春"很相似，但"鹿鳴春"的地方大些和人客更多。約7點10分好戲就上演，我哋食剩半煱雲吞雞，個伙計突然拍的一聲放咗一張新的枱布在其中一張椅上，我即刻望望我個friend，咁即是點呀？催我哋走？當時的枱約七成滿，又無人等枱，我都唔明佢為乜咁做。我無理佢，繼續和朋友傾偈，但覺得啲伙計咁做真係好無禮貌，再過多6-7分鐘，個伙計攞張單來話，你哋埋單啦，呢

6人晚飯，訂了7:30，遲了一點亦沒問題。點了一個6人餐:1)雞絲粉皮-份量較少，作為冷盤尚可，麻醬味道出色。2)酸甜大蝦-表面炸粉太厚，味道一般。3)賽螃蟹-招牌菜之一，質感及味道皆屬一流，混有魚肉碎，口感特別。4)清炒荳苗-味太咸，失敗。5)小籠飽-自己無食，份量足溫度夠，朋友認為味道不錯。6)北京填鴨-招牌菜之一，各人一致讚好，份量足夠，要求增添京蔥、青爪亦沒問題。7)鴨骨湯-津白、鴨骨(北京填鴨餘下部份)煲成，鴨味沒想像中濃郁，有點肥膩，但味道不錯，只渴一小碗沒問題吧。8)甜品(炸圓宵?)-球狀外形，質感實在，最外層是鬆脆餅面，成龜裂狀。中層糯米滋皮般黏黏的，但太厚，吃不完似的。內層麻蓉、花生、芝麻，有點像新年"角仔"餡。店員稱此為"炸圓宵"，只在圓宵一周期內發賣(限量版?)，但整體因size太大，作為甜品不夠精緻，而且飯後各人已滿飽，實在吃不消。9)糖醋魚塊(外加餸)-炸粉太厚，黏口，幸好內裡魚肉新鮮，糖醋汁亦不錯。10)西蘭花帶子(外加餸)-帶子緊緊熟，藝高膽大吃下，味道普通。11)蔥油餅(外加餸)-新鮮熱辣，外層鬆脆，味道略淡，蔥油香，多吃不膩，好!青島啤x3 白飯x2由

鮮肉鍋貼-- 好好味火腿津白-- 一般賽螃蟹-- 一般雜錦拼盆-- 一般酸辣湯-- 一般高力豆沙—好味服務-- 極差!第一次, 亦係最後一次! 我唔會再幫襯呢間食店!Book咗星期四7:30pm 5位, 我準時到, 但未齊人(仲有三位未到), 經理帶我地埋位, 點知原來要”搭枱”, 唔緊要啦志在食啫! 7:40pm我地點咗菜先, 點知俾個亞叔黑住面鬧: 「呢三個位有冇人o架? 人呢? d 人幾時到呀? 未到齊經理就唔好放d人入嚟啦, 阻住晒! 」, 好尷尬!7:45pm 所有人到齊, d菜亦都好快上晒, 不過亞叔就好似同我地有仇咁碟碟好大力放低d餸! 我地食到8:30pm 就走人, 真係此地不宜久留!呢位亞叔嚴重影響食店嘅形象! 啲野幾好食都假!

尋晚同朋友聚舊, 上黎第一個感覺:好多人好迫呀! 果d圓枱好似六神合體咁黏埋一齊, 客人坐到好似返工搭地鐵咁, 隻手擺後d都可以摸到人地蘿柚. 侍應叔叔一眼關七, 反應快, 一句起兩句止, "得" "好" "黎" "小心" "上菜"....有啲人會唔慣, 但我覺得好配合呢度嘅環境同氣氛, "快狠準", 猶如武俠小說裡的店小二, 而我就同幾位掌門醉酒論劍....飲勝....(發夢中)....咁迫, 點解都咁多人黎食? 因為好食. 北京填鴨皮脆肉厚, 小籠包多汁, 高力豆沙香口, 其他菜式都好好味! 有機會一定再黎!

it's always a relaxing time to go Peking restaurant even though there is always a long queue. I enjoy the food, sometimes quite greasy. However, the food is superb. I enjoy the traditional duck. it's crispy and it's fun to do the wrapping yourself!it's good for a family dinner!

朋友生日, 開頭仲以為係去北京樓, 點知原來係去北京酒樓- 一間好耐無去o既食肆, 一間好老字號o既食肆... 呢次去之前收到風, 幾豪添.... 真係十年如一日, 裝修無咩點變過... 都係d木板叻架牆身, 天花吊住好多花燈, 最凸出應該係佢d侍應, 個個都係上左年紀, 真係可以入博物館, 哈哈.. 不過叫o既食物就好大唔同... 以前只會當佢係一間有特色o既京菜館, 呢次已經事先張揚會食翅, 朋友都問我會唔會食, 我會盡可能避免(鯊魚就快俾中國人食晒喇), 但好朋友生日, 無計喇. 先上一碟冷盆- 海蜇燻蹄, 海蜇好嫩滑, 無平時食的咁硬, 但都爽脆. 燻蹄就好特別, 非一般的燻蹄, 比較腍, 但感覺好好.. 第二道菜係必食o既賽螃蟹, 好大碟, 好滑, 好香, 味道一流, 真係好似食蟹咁, 一共食左兩碗多. 好味道.... 再上就係全晚重點, 雞燉翅- 有d咩, 只係有d鮑魚片同金華火腿見唔到.. 最特別你有兩個好似豬仔包o既東西.. 個湯係成煲翅o既精髓, 侍應話要煲4個鐘先得, 味道好濃, 好香金華火腿味... d翅好腍.. 個包用黎點湯食, 方法幾特別... 最後先

d野好食都冇用，service真係負分首先，去到600 入去既時候因為未齊人，已經問左有冇時間set左要走架，佢話冇咁我地未入去囉，一路係咁叫我地叫野食，615我地就叫左個餐喇到630，我地都係未齊人，但大部份人都到左勁快快快，640就上哂d野食喇...諗住等埋個兩個朋友先開始食啦點知個waiter走黎問好大聲咁問我地做乜仲唔食呀？食啦？又問，吉左個兩個位li兩個人呢？仲未到既？幾時到呀？過左一陣又再次叫我地要開始食野655pm 竟然上甜品仲講喇，個甜品送架730你地要走喇但我地兩個朋友仲未到佢地真係好惡fill water既時候仲好大力放個野上台最後俾完錢我一個外國朋友用英文同daddy講叫佢同對我地態度極差既人講你咁樣同客講野唔岩我daddy 同左個個人講之後個waiter同惡咁話你唔好同我講英文我唔識聽，我地li 度d人係咁架喇我daddy好嬲叫佢叫老闆出黎，要投訴個waiter話li度個個都係老闆你唔洗叫喇............就係咁........d野幾好食都冇用啦.......

跟樓下的百力占叫埋同一個餐, 那是六人餐, 大約夠五位用, 600 幾蚊, 收費比鹿鳴春平。入去時, 猶似穿越時光隧道回到六十年代, 值得去下, 最好抱住「參觀」心態, 而非「吃」的心態. 北京填鴨★☆☆☆☆皮不脆, 肉多過皮, 肉質"鞋霎霎", 調味的花椒八角亦落唔足, 好淡口, 好耐未食過咁差. 小籠包★☆☆☆☆皮厚, 乾身, 以為係超市貨式高力豆沙★☆☆☆☆原本應該做到梳夫喱一樣, 可惜跟鹿鳴春一樣, 不再鬆化, 大概預早做太多, 放得太耐雞絲粉皮★★☆☆☆無驚無起, 屋企都做到。賽螃蟹★★★★☆好食, 即使唔加醋, 蛋味香濃酸甜大蝦★★★☆☆甜酸汁多到浸住盤蝦, 但蝦新鮮彈牙夠大隻, 還可以清炒蔬菜★★☆☆☆毫不特別鴨骨湯★★☆☆☆用填鴨的鴨身去滾湯, 毫不特別