越南牛肉粉專門店

Open Now

Now Closed

今日中午12:50才去到等位, 點知前面已有20個等跟....大排長龍又未食過, 真以為會好好味, 但很失望! 入到去叫了2個香豬撈檬+ 香茅鶏翼+咸o七及凍奶茶-香豬撈檬--> 的酸甜汁很甜又無乜酸, 豬排小及硬, 一點也不鬆化-香茅鶏翼--> 很細隻仲burn 到很黑, 硬及無乜味比起家樓下的店仔仲差! 真的一次就夠

店面裝修很平實舒適. 略嫌高腳座椅數目太多, 畢竟自問是腰長腳短的表表者, 進食時仍覺得像伏在桌面. 而且不是多數客人的首選. 食物方面, 反正所有其他國家的菜式來到香港都會化為碟頭飯, 車仔麵或茶餐廰質素. 四十多五十元一餐, 以今天的標準來說, 算不過不失. 要知道在公司已日對夜對電腦打字都很夠皮, 令我不會再幫襯還要半夜寫食評的原因是其差劣的服務質素.本來和朋友連我一共2人是坐4人卡位的, 店差不多滿.一般來說都會順應侍應要求坐位, 平時也體諒侍應的繁忙急促的工作而盡配合, 被帶到坐出菜位, 焗熱門口位, 狹窄比人撞位, 都不會有怨言. 今次明明還有其他吉位(是普通椅而非高腳椅). 阿媽系侍應一下指令就要我們讓出一邊卡位給新來的客人, 如不遵從指令即黑面並化為人形怨氣阿媽, 在你耳旁囉囉唆唆. 我們為避開而改坐沒人問津的高腳椅坐位, 阿媽系侍應又立刻不滿前來干預, 命令我們要坐在出菜位必經的枱邊位置. 不能待有其他新客人才讓位. 真心希望生意興隆, 業主狂加租帶旺樓巿. 明白香港物價高脹,生意難做, 想做多幾轉枱, 但也不要做到我是來等餵飼的牲口, 任你呼喝, 你不投訴, 會活得

平時午飯多數都係Happy Friday先出去食，今日冇帶飯，忍唔到口就同同事走左落去食番左新工個幾月，食黎食去都係離不開呢間越南菜，一來係正正係公司樓下，二來真係好好食香茅豬扒撈檬撈汁：係靈魂，夠酸，十分開胃粉底：好大碗，女仔一定食唔哂豬扒：水準一時時，但多數都好味（因為有次食過好硬）越南特色飲品（當然跟餐要加＄）都正宗但係侍應態度麻麻，每次都催落單，飲品又唔可以後叫雖然係咁，但對於質數黎講，貴Ｄ都值得既

之前經過這家越南菜，今天突然想試！午飯12：30有很多位！兩個人Order 左兩個午餐$39X2,一個香茅豬扒湯河 熱OT,另外，香芧雞亦飯 凍OT,很快就來了一大盤芽菜，原來加到湯粉裡，湯河很滑，不錯！個飯是輕微暖，不夠熱！上菜速度很快，可能外面很多人等位，我杯凍OT飲左四份一，伙記已經試過收走幾次啦！好趕客呀！如想坐得舒服傾計，千祺不要來這間！

朋友隨便選了這裡, 便進去一試...飲品一般, 不是重點, 可以不點湯底一般, 牛肉及粉都不算多, 而且不夠熱這'穩陣' 的選擇, 湯較熱, 整體接受很多油的炸春卷, 吃完一口都是油, 連碗內都有油剩, 有點可怕全晚最好吃的一食品, 份量非常多, 豬扒香脆, 很難想像之前幾款食物都一般, 這個有點驚喜由於工廠區, 晚飯時間很少客人, 所以坐得舒適, 可以慢慢吃

尋找「荔枝角美食」征途第三站：「越南牛肉粉專門店」。由於不是第一次在這裡進餐，大多東西都吃過。因此，今天回歸最基本，吃「香茅豬扒飯」。感覺好像比之前退步。今次香茅豬扒欠缺香茅味，而且不夠香口。最大問題是肉質偏「鞋」。另外，飯煮得比往時硬身。（之前飯質偏軟）而分量就同往常一樣，偏少。最後，評餐飲。餐飲是最少改變的一環，繼續偏甜。雖然退步了，但是在荔枝角區，仍穩佔中間位置。最後總結如下：「食物退步份量少，　效率尚可唔會小。　環境不錯可以坐，　可以嚟多幾次囉。」

我在附近返工 ,同幾個同事去食佢既lunch , 叫咗個生牛肉河好難食 ! d 牛肉勁......勁騷 , 佢d 奶茶同咖啡好淡 , 附近d 茶餐廳好過佢 , 瀨晒野 , 下次唔會再食 , 越南餐廳個生牛肉河都唔好食 , 都唔知仲去黎仲咩 !!!

天氣熱,，胃口也不是太好，大家都同意去吃點越南湯粉。叫了三個套餐，大家分吃。有我的雞絲湯河，自行在香菜籃內加上適量的九層塔、蕃茜、芽菜及青檸，可以吃了。河粉感覺一般，不很滑，雞絲亦不嫩口，最喜歡的反而就是爽口的芽菜。另外要了香茅豬扒撈檬，檬粉好爽滑，伴著鮮味的魚露，以及爽脆的青瓜和姐蘿蔔絲，好醒胃，不一會便把它幹掉；而豬扒，真的有點肥，同埋相當稔身，甚至稔得有點假。再來的是香茅牛肉飯，我只試了些牛肉，有香茅味道，卻韌得離譜，我是無法咬得開的。之後是幾款小食，春卷是炸得香口熱辣，都收貨；豬肉蝦片，豬肉的質素同撈檬是一樣的，蝦片就完全唔脆，是又稔又韌，令人失望；最好就是扎肉木瓜絲沙律，木瓜絲清涼爽脆，扎肉口感亦不錯，配上鮮味魚露，這個時候吃最好。餐飲揀喝酸梅梳打，是有酸梅放在杯底，另一罐梳打水分開上的。

公司附近行過見到里間門面幾靚就入去試吓, 叫左個套餐, 雞翼湯檬+凍檸茶, 見佢先上兜香葉同芽菜, 就有d期望啦, 點知希望愈大失望愈大, 個湯底好似滾水咁淡, 叫waiter比d 酸汁比我, 加左都無用都係好淡, d 雞翼又炸到黑晒, 不過都幾脆同有味既, 杯檸茶無茶味無檸味, 啦啦聲食完算數, 失望爆.

同朋友黎食lunch, 係我第一次黎呢間餐廳聽講已經開左一段時間, 因為平日帶飯多, 少出去食飯, 所以out晒兩個人黎, 好快就有位, 侍應安排我地坐架位, 一人坐一邊, 面對面咁食, 行出行入好唔太方便, 好似阻倒人咁, 唔明白點解唔坐埋一邊, 方便大家呢...環境比其他荔枝角餐廳好...朋友點左生牛肉湯河, 我就點左雞絲撈檬, 大家一樣要咸檸七見倒好多人都點生牛肉湯粉食, 相信一定比雞絲撈檬更好食, 有機會一定要試下...雞絲撈檬: 好大碗, 但d 餸好少, 檬粉好多, 但唔覺得特別以前去過佐敦有間食雞絲撈檬, 玻璃窗會見倒廚師手撕雞肉出黎, 味道比呢間好食得多

發現公司附近新開了一間越南餐廳，見裝修好靚又有很多人排隊，中午便約埋同事一齊試吓。我點了一碗生牛河、春卷及一杯清保涼冰，我同事叫了一碗豬扒撈檬、雞翼及龍眼冰。生牛河︰湯好清又好鮮甜，牛肉還是鮮紅色的，用筷子一攪便熟了，一口氣連湯都飲埋，唯一是牛肉份量多一點便更加好。豬扒撈檬︰豬扒炸到金黃色又熱騰騰，同事給我吃了一條，很好味，那碗撈檬還有很多生菜絲、紅蘿蔔絲及青瓜絲伴著，看似很好吃的樣子，她也吃得乾乾淨淨。春卷︰炸得有點黑，但味道尚可，有生菜及魚露伴著吃也很野味。雞翼︰賣相OK，味道可以，普普通通。清保涼冰︰清保涼糖水飲得多，但冰還是第一次飲，有很多類似清保涼的物體，有得飲，有得食，幾得意。龍眼冰︰味道稍甜，會同事說龍眼好好味。