Porker (Moved) New Location

去完日本髮型屋CHICCA 剪髮後，發現在同一條街上的”Porker”。 一進入位於地庫的“Porker”，真係有種柳暗花明又一村既驚喜感！店舖裝潢是近似酒吧，設有吧台，也有適合一大班人聚的卡台。食物的質素也頗高，頭兩張圖是吉烈豬柳餐，後三張是滑蛋吉列肉眼扒，各$160及$185。吉烈豬扒的脆漿是有少少厚度，夠乾身，未加上醬汁時可吃到香的豬肉味及帶少少白胡椒味，加醬汁會更好。滑蛋吉烈豬扒原來更好吃，拮爛半生熟蛋的心情超治癒，飯底是類似鰻魚飯既飯底，加紫菜同蛋汁👅。 兩個飯都是用鹿兒島三元豚肉，但前者豬柳更軟。後者是肉眼扒有點油脂，所以更香，怪不得更貴😂雖然$160一個吉烈豬扒飯一啲都唔算平，但真是幾好吃，店員好貼心，主動問椰菜同麵豉湯要唔要refill，真是食得幾開心🥳盛惠: 每人$170 👩🏻👦🏻

第一次試呢間餐廳，期待已久，食完表示不失望，符合預期。日式炸豬排，外脆內軟，炸而不油，呢到做到。生菜任加，正常。惟恐可以挑剔既係佢太多肥膏，我真係無辦法說服自己將幾舊肥膏放入口。整體都係滿意既，不過要早食/晏d食，否則要排長龍

是日午餐約左同事落中環食，就再次挑戰好多人排隊嘅Porker，今次竟然等左一陣就有位。Lunch Set有沙律菜同埋面豉湯，叫左吉列熟成豬柳定食，豬柳唔會太油，但份量唔算大份，配埋啲汁，味道唔錯。

今天跟同事午飯，去了炸豬扒飯。其實我們都己經去過不止一次，它們的炸豬扒是挺好吃的。連豬扒的部位也是分得仔細的，你可以挑選你想吃的部位，如果不吃豬扒，也有炸蝦。這次同事們點豬扒西冷、豬扒肉眼，因為兩個我都吃過了，所以這次點了咖哩豬柳飯，豬柳也是一如既往的厚切，份量十足！喜歡它們的炸豬扒就算拈到咖哩汁表皮也不會因為變淋變軟，或是變成皮跟肉分開的。全熟的豬扒也是很有咬口，喜歡。食物質素當然好，缺點是不能訂位，每次都要等好久，這次也是等了差不多45分鐘。下次2位以上都不會再堂食。

呢間隱藏係中環鬧市嘅PORKER 唔係開左好耐 但lunch都已經成日full 一試之後終於明點解禁受歡迎 因為真係有日本嘅味道❤️❤️.PORKER定食(HK$200) 有齊熟成豚西冷&豬柳 套餐包括面鼓湯 沙律同飯(都可以隨意添加) 豬柳同豚西冷都好好味 豬柳嘅脂肪比例高啲 超級嫩滑 加上厚厚的一塊 食落口層次分明 肉汁會係你口到爆出黎 溶化你味蕾 而豚西冷就瘦啲 但口感都好好 炸得亦岩岩好 香滑鬆軟👍🏻👍🏻👍🏻.豚肉生姜燒定食(HK$160)呢個生姜燒有8片鹿兒島豚肉 個汁好濃厚 色香味俱全 好味👍🏻👍🏻餐廳主打鹿兒島白豚 再低溫處理發酵分解而成”熟成豬排” 所以愛豬之人唔可以錯過呀🐽

半個月前同朋友諗著去食日本嘢，所以去咗中環呢間吉列炸豬扒食晚飯。舖頭座落係一個地庫，面積較細。想嚟嘅朋友記得要預先打電話預約。一入去，操日式英文嘅老闆娘就好熱情咁招呼我地，成個感覺好似去咗日本咁！本身都冇抱好大期望，因為我覺得香港嘅吉列炸豬扒一定冇日本嘅咁出色。但係呢餐飯竟然令我改觀！我私心好鐘意飲梅酒，同難得見到好耐無見嘅朋友，決定食豪啲嗌杯試下！ 當晚所見其實餐廳有drinks special, 用大約$100就可以試清酒set (有成3杯),大家嚟食飯嘅時候都可以留意下！朋友就叫咗杯燒酒，但係啲我都係鍾意杯梅酒多啲嘢食嚟啦！ 我地分別叫咗老闆娘誠意推薦嘅燒茄子、煎豬肉餃子同一個full house定食試下。燒茄子一上枱，我同朋友都好急不及待要試下！色澤好吸引之餘，一咬入去佢識爆汁!上面個啲蘿蔔泥亦非常清甜，成個感覺好開胃絕對係隱藏主打！餃子亦同樣高汁！外皮極脆，餡料嘅分佈啱啱好終於嚟到重頭戲啦！吉列炸豬扒好大份！店員同我地講定食入面嘅麵豉湯係free flow嘅!所以一定夠飽full house set入面有正常炸豬扒同炸芝士豬扒!啱哂貪心嘅朋友！麵包糠嘅部分唔會過多，豬扒亦唔會

熟成牛排吃得多，熟成豬排還是第一次，最近發現熟成方法愈來愈流行，上次長假期間，我到美國加州醸酒區的一間美式法國菜館吃飯，發覺西人廚師連吞拿魚也拿去熟成，他說會令吞拿魚的味道更濃郁幼嫩，可見熟成方法的普遍程度。説回這店，它用上了鹿兒島的白豚，而非較常見的黑豚，我們叫了午市最昂貴的套餐，因它包括了豬排和豬柳兩個部位，除了分量大些，套餐與其他日式吉列豬排專賣店的差別不大，有前菜、椰菜絲沙拉、白飯和湯；豬排肥瘦均勻，豬柳亦嫩滑，熟成後，其肉質更鬆化，而且也炸得很香脆；另外值得一讚的是其餐湯，用上了白蘿蔔和豬肉絲用心熬製，異常美味可口！總括而言，喜歡吃日式吉列豬排的人，這店不容錯過！

This is the best place for Katsu Style Pork Rice, period. The shop is opened by a japanese and kept it authenticity.,Portions are good unlike some other places ive been to and you get unlimited refilling of lettuce just like in japan. Set comes with some appertiser and a soup, a mash potatoe as well as fine cutted lettuce.The shop offer sake tasting sets at night so i would be coming here for happy hour next time.

One day one of my friend suddenly calling in and reach me, and I was like what is going on man. My friend claims watched an ad and knew a place for pork rice, and making in into a Katsu style, hope no one mind if I spell it not really correct or something.I have been loving to eat Katsu pork rice with some lattice  also come with some sour sauce. this is a place that I should always going huh.back to the meal experience, the shop is really hard to find and only my fd know how to get there. perha

間舖有d隱閉，我地又唔熟路，要打去問先知點行☹️我同朋友都想試哂西冷同豬柳，所以各叫一個share食，如果一個人都可以叫個set有齊西冷同豬柳！不過女仔就未必食得哂，份量都幾大。平時係香港食既所謂日式炸豬扒，好多都係皮肉分離，層炸粉分開左好唔match，但依度絕對係唔同層次！依度係用日本豬，唔會好似大陸豬咁有so味又驚有非洲豬溫。佢層麵包糠炸粉好脆，一咬就散！豬柳雖然好厚身，但都算係juicy。西冷一入口好似食和牛咁，脂肪均勻，好有驚喜，絕對唔鞋唔un!!!! 再食翻豬柳，有左對比，突然覺得豬柳冇咁好食，比較欣賞西冷果種鬆軟既口感。我覺得依個係我係香港食過最好食既炸豬扒，雖然唔平，但一定會再食！不過唔係咁多人願意食咁熱氣既炸野，要好好珍惜肯陪你一齊食炸豬扒既朋友😭😭😭

每日都諗食咩真係好煩惱今日同事就話帶我地去食吉列豬扒仲話係298 Nikuya 既姊妹店😂點知都係..... 中伏...我哋喺威靈頓街入（豚王附近）行左兩層樓梯梯終於去到餐廳啦（正門係喺石板街小巷入邊，好多垃圾所以唔想行）店員介紹餐廳都係用鹿兒島豬再低溫處理發酵分解 達致「熟成」啱啱先去完鹿兒島 即刻可以分高下🤭👇🏻自家製家吉列醬汁我哋幾個都比較貪心就揀咗最多款式既set B- Full House 定食熟成芝士豚肉餅+豬柳+豬西冷👇🏻✅芝士豚肉餅我認為呢個豚肉餅處理得唔錯芝士係小咸 帶出左豚肉既味道食落去好香滑鬆軟 外面又脆卜卜🆗吉列豬柳雖然睇落就好似充滿油份好juicy咁但係咬落去其實係頗硬身...❌吉列豚西冷就咁睇張圖大家都明點解我比一個❌好dry 好硬 好鞋 我哋大家都放棄左唔再食🆗個湯味道OK但太多油啦❌最後我想講一講個飯我認為飯同吉列豬扒都相當重要好可惜飯都係唔合格 唔熱、太多水，食唔到日本米既Q彈煙韌服務係唔錯嘅 幫你加菜加茶水但係食物質素同埋價錢就唔成正比二百幾食吉列豬扒應該有其他好d嘅選擇——————————食物質素：3/10環境衛生：7/10舒適度：7/10服務：7

厚厚豚肉之選, 餐廳係BAR枱形式入座, menu有好多選擇, 唔同部位既豚肉任君選擇 當日我就order左curry系列 - 吉烈熟成豚西冷咖哩, 一上枱wow一餐, 因為真係好大碟, 西冷豚肉好juicy, 咖哩汁亦都好惹味, 下次可以試下其他部位!! 友人就order左B set - 熟成芝士豚肉餅&西冷&豬柳, 係另一種風味, 可以一次過試唔同既位部  

Have been getting takeaway twice now and so far no complaints at all about the food, but the price is a bit on the high side for a lunch takeaway. But in this case you do get what you paid for.Their Pork Tenderloin Set as well as the Aged Pork Sirloin Set were both delicious and of high quality. The pork was juicy with a crunchy coat. Although deep fried it wasn't greasy at all.This place is definitely worth a visit if you feel like Tonkatsu!

早上在中環附近工作 可以約埋朋友一齊食個Lunch好豪爽咁揀左呢間 因為佢價位都唔平 令人個期待感更加上升不過位置真係好隱蔽 錯過左個門口又行返轉頭先見到佢 座位唔算多 但都坐得舒適 Porker 定食 (熟成豚西冷及豬柳) $220基本上都亳無懸念地揀呢個set 一場黎到呀嘛味噌味味道剛好 唔好咸 飲得出真係店家自己煲出來 較細舊的係豬柳 外表脆脆的內裡充滿肉汁啖啖肉 真係好好食 吉列豚西冷非常厚切 肉滿肉味 而且有少許肥肉 但食到尾聲有少少油 同埋底的吉列皮有少少淋左少少影響左口感 另外食吉列豬扒不可少的椰菜絲令成個set fresh 返無咁飽膩 雖然貴但值得的！

係香港，要搵一間好味既日本吉列餐廳，絕對唔係一件易事。呢間鋪頭係中環underground，係好容易經過就miss左，但佢既食物真係幾出色。大家都見到張相，炸得好好好靚仔，食落係好脆但一d都唔乾，裡面肉質仍然好juicy，顏色都炸得非常好。另外，因為佢用左肉眼關係，會比多肥，食起上黎更加鬆化，但如果一個人食，一set我覺得可能有點‘流’，所以建議叫mix set，佢仲有西冷豬柳選擇。另外佢鋪頭比較細，坐得比較唔舒服，冷氣都唔太夠，所以環境係唯一不足地方，但食物質素絕對值得encore!