籠太子點心專門店 (Closed)

今日約左朋友食飯, 朋友話見到佢公司附近開左間籠太子, 提議去食, 我梗係話好啦其實我係太子食過好幾次啦, 知道點心幾好食雖然鋪頭唔大, 但夜晚都有位坐, 我地唔使等位食點心, 必叫燒賣蝦餃, 可以叫每款兩粒咁食燒賣, 有豬肉加蝦仁, 都幾大粒蝦餃都一樣, 包上大大粒蝦肉, 餃皮晶瑩透薄鮮餃腐皮卷, 除左蝦肉,  腐化都煎得幾香口煎蝦膠釀茄子, 又係蝦將蝦膠釀係茄子上再煎炸, 入口唔算油膩, 蘸上醬汁幾好味棉花雞, 魚肚淋得黎索哂汁好入味雞肉又嫩又滑流沙奶黃包,  係我最鍾意既包,熱騰騰既包皮, 裡面流出金黃奶黃, 香甜濃郁鳳爪, 醬汁入味, 鳳爪入口一吮即脫骨鮮竹牛肉球, 入口有馬蹄粒, 莞茜, 蔥 加左喼汁後, 味道更香濃另外, 茶錢$3/ 位, 係用玄米茶, 好香

昨晚到深水埗探剛剛搬嚟嘅老友，畀我哋發現咗附近有一間精緻點心舖，外面冇華麗嘅門面，但食物質素媲美五星級酒店，本人食過多間點心專門店，唯獨是呢一間最貨真價實，、佢嘅師傅已經有35年做點心經驗，我們試了多款點心，你會感覺得到真是全心全意製作，原隻鮑魚燒賣，鮑魚把每一顆燒賣都蓋過，幼嫩爽滑又鮮甜，燒賣吸收鮑魚鮮味，整顆滋味無窮。籠太子蝦餃皇同樣出色，蝦餃皮軟綿爽滑，煙煙靭，原隻鮮蝦爽口彈牙，汁液豐富。原粒瑤柱子灌湯餃，瑤柱鮮香撲鼻，軟腍可口，餃子皮同樣柔韌爽滑，裹著豐富食材，上湯更是錦上添花，鮮甜無比。一碟翡翠帶子腸，晶瑩通透雪白腸粉，滑溜非常，軟綿綿，米香四溢，原粒 鮮甜帶子好像披上一件白衣裳，緊緊裹著，佢嘅賣相已經深深吸引著你，見到會急不及待地把它放進嘴裏，大快朵頤。另一個海皇芝士千絲卷， 又係一個巧手之作，大廚精心烹調，一絲絲裹著濃郁芝士配搭原隻鮮蝦，外面鬆化，內心濃蜜鮮甜，口感跟鼻蕾同一時間得到豐富享受，令你食到不停口。還有大師傅精選老火湯， 在別家店舖你未必能夠飲得到，真材實料，一丁點味精都沒有，絕對係媽媽老火湯嘅味道。還有就係價錢非常實惠之餘質素超水準，日後我們定必再來惠顧。

今晚去左長沙灣做義工, 之後同朋友食埋飯~~我地黎到呢間籠太子，價錢超抵，要推介下！我地先叫左碗老火靚湯飲, 今晚係西洋菜煲豬骨湯, 湯入面有好多西洋菜, 而且完全飲唔到味精, 正!一人叫左一個飯, 有咸魚蒸肉餅, 鳳爪蒸排骨飯，飯較硬身，而咸魚、肉餅、鳳爪、排骨份量剛剛好，味道亦唔錯～另外,叫左皮蛋牛肉腸, 好彈牙~ 雞扎又飽肚! 仲叫左蝦餃同小籠包. 蝦餃勁彈牙爽口, 小籠包皮薄餡靚～～最後黎個菜心，清清地好健康～OVERALL 每人都唔洗$100, 真心好抵食, 食物質素又唔差, 有機會試下其他分店!!

籠太子係銅鑼灣分店久不久就媽媽去嘆一盅兩件，最近發現左新開分店係長沙灣保安道，適逢新年前要辦年貨換新銀紙，朋友相約交收，所以就簡單食點心嘆夜茶，地點都幾隱避不過朋友地膽無難度。即叫即蒸所以要預時間約15mins到啦！ 經濟實惠！點心熱辣辣夠火喉，我每次必叫就係虾膠讓茄子，虾膠新鮮彈牙茄子外脆外嫩。叉燒腸粉足料腸粉煙韌但黎又滑口 呢間店可取之處，可以每次 order 2 粒 方便人少少，試過 d款式點心！ 鮑魚燒賣 燒賣上有隻真係鮑魚架 燒賣用上虾肉豬肉整有質感。虾餃又點少得，同兩粒一籠，每人一粒。皮薄蝦肉飽滿！懷舊糯米雞酒樓好多時已經改做珍珠雞了，不過籠太子就竟然保留傳統有大大糯米雞，內餡有鵪鶉蛋火腿肉碎東菇雞肉，何其豐富，熱辣辣。鮮蝦腐皮卷香脆可口還有蝦肉做餡夠晒咬口！

今日夜麻麻去探班，朋友話不如落去樓下飲個茶，原來這裡仲有夜茶飲，見到這小店之前我在太子飲過都不錯就入去試這間長沙灣店。選擇都吾少，見到有二隻同四隻選擇太好，岩晒我地一人一粒，今次叫左推介嘅鮑魚燒賣和蝦餃皇，鮑魚口感不錯幾彈牙，燒賣肉味不少，蝦餃幾大隻而且蝦都十分爽口皮夠薄。我喜歡的鮮竹牛肉球，肉味不錯口感都軟熟。朋友話這裡的多汁小籠包不錯就叫一個，真係湯汁不少味道都夠濃又香。鮮蝦菜苗餃，菜苗同蝦勁多都足料。瑤柱灌湯餃，湯底幾清甜，吾會太咸，餃入面餡超足料。鮮蝦腸，蝦是原隻而且皮又薄又淜有驚喜好味道。最後我地怕吾夠食所以再叫了鳳爪排骨飯，份量都幾大，味道不錯而且都十分足料。

點心店位置有d難搵，長沙灣站出左要行10分鐘左右，近順寧道，我喺附近做野經過幾次今日終於有時間黎食個lunch。小店座位二十幾個，幾清靜，傾計方便。點心選擇好吸引，有好多特色點心添，同平時茶樓果d有d唔同，正！哩度茶芥每位$3，都合理，平過去酒樓好多，係玄米茶好香。蜜汁叉燒包 $17好鬆軟，好多料，熱辣辣好滿足。蝦餃皇 $13/2隻用籠仔蒸可愛！大大隻蝦餃皮薄，蝦肉好爽，調味岩好。古法糯米雞 $24估唔到咁大隻呀！好滿足想食好耐。有鴨胸、雞肉等料，糯米飯帶有微微荷葉香氣。鮮竹牛肉球 $19見隔離台既牛肉球咁大粒，我地又叫番籠黎食。3大粒沾上喼汁好正，牛肉新鮮，爽口，好食！椰汁桂花糕 $18做得好靚既糕點，我最中意食糕。桂花夾椰奶香，食完咸既點心食番d甜品，就係完美既lunch。

搬到長沙灣後發現附近竟然開了平時在銅鑼灣獨自去吃一盎兩件的「籠太子」！夜晚至凌晨時段都有即叫即蒸點心，而且點心種類都很齊, 當中更加入了新派款式點心，當然還要是是平民價, 全日仲免收加一之餘茗茶都只是$3/位！除了點心還有老火湯，適合少湯水的人，真貼心！鮑魚雖然迷你，但帶鮮味,燒賣又大粒，豬肉和蝦肉都有肉汁，肉味鮮甜。原粒瑤柱好有誠意，餡料又多又豐富，連湯都飲曬。「不是炸兩」口感豐富，腸粉皮很薄，亦有香脆的網皮包着，有西芹配料。剛打開葉子濃濃的荷葉香馬上就噴出來，份量比起想像中的還要扎實，有火腰、鵪春蛋、肉碎和雞肉。湯汁香濃，用當歸、杞子、紅棗、川芎和白芷熬製，很滋補，雞腳亦大隻入味。水餃和魚肚原來是分開的。水餃包著的蝦肉多，魚肚軟綿而且吸湯。點心之下盎頭飯都不錯，肉餅入味，而且抵吃。小店十分有人情味，整體都不錯，下次再來。

今日去朋友屋企附近食點心…從地鐵站一直走來真的是超級遠，位置不大方便，對於附近居民當然可以，但其他的還是太子店平較方便。位置在車房旁邊，有時會聞到汽車油味…有點嘈吵。不過點心水平和太子店的也一樣好。黃沙豬潤腸：在别的酒樓也不常見，蒸的時間要掌握得很好，這樣豬潤蒸出黎才不會韌，這裡的豬潤不韌又甜，腸粉皮薄，必點之選！鮮蝦腐皮卷：蝦新鮮彈牙，而且炸到皮脆內餡夠熱！上湯鮮竹卷：還是太子店的平較好食…沒有太多上湯，但內餡多而且實淨燒賣：可以2粒或4粒嗌，配自家製辣椒油很好食，燒賣中的鮮蝦很彈牙，有香菇味，幾好食四寶滑雞扎：材料豐富，但腐皮和裡頭的魚肚都偏硬，好難咬，這個中規中矩。蒜味排骨：蒜味非常濃，每舊排骨都有滿滿的蒜泥，底下鋪了烏冬吸味，相信如果改成芋頭粒更好味！南瓜煎堆：相信炸起趁熱即食會比較好！因為我們放到最後才食…煎堆已經變軟身而且偏油，沒有什麽南瓜味，下次要記得趁熱食！蟲草花豬骨湯：味道偏淡，但飲得出全無味精，抵讚！其實一向去開太子那間…始終比較就腳…環境亦較大，相對舒服…不過對比食物質素也差不多，附近居民也可以一試

The food is good. The shop only have 3 staffs. I went in and approached the elder lady (in her 50s), and she ignored me and just went into the kitchen. She did not bother to serve new incoming customers. There is 1 guy managing the steam items in the kitchen. The young lady is also act like very busy... all 3 of them act like very busy, but actual fact is there are only 4 tables of customers total about 10-12... and most of them already have their food. I am one of the 3 customers here to buy ta