S2 鐵板燒 (Closed)

🤢🤮🤢🤮🤢🤮🤢🤮🤢🤮🤢🤮🤢🤮🤮🤢🤮🤢🤮🤢🤮🤢🤮🤢🤮🤢🤮🤢見佢咁好like，仲要做折咪趁節日去同屋企人去食下囉點知....我頂....所有既海鮮刺身沙律都唔新鮮全部係雪櫃拎出黎，出晒水，都唔知擺左幾耐（碟底都係水）仲要腥嫁......仲要個蟹肉又鞋又冇味我仲以為自己食緊煲湯瘦肉真心唔知道點解咁多like我真係好想問下佢地點解d野咁難食想cut單去隔離食算，食鐵板燒逐樣食我明，但如果咁難食果下好痛苦囉係一種煎熬囉如果唔係我屋企人阻止我.....我拍左枱走人左9世.....故事教訓我地.....要睇下d差評認真x1000000000000000 Trust me🤮

餐廳備有獨立包裝的酒精搓手液、口罩袋及一次性筷子套給客人。而熱水入面有原粒青檸， 飲落清新，侍應有不斷留意客人茶杯幫忙倒水，服務周到﹗點了一份和牛餐$780:開胃前菜有時令沙律和三點刺身盛合，三點刺身:三文魚厚實鮮甜，北極貝爽甜，甜蝦新鮮大隻~ 鴨胸芝麻醬沙律:沙律菜，滑豆腐配上芝麻醬等，夠清新﹗燒南瓜和燒番薯配上花巧形狀車厘子，賣相有趣﹗北海道原隻粒貝:碟上有原隻貝殼，粒貝肉爽口配上蟹子粒粒，口感豐富﹗法式煎鵝肝配時令水果:鵝肝粉嫰，多士香脆，旁邊有藍莓爆珠，配幾片伴碟蜜瓜，別有清新~澳洲M9和牛厚燒配水蜜桃爆珠:和牛粒五成熟，麵包墊底可以去吸收多剩油脂，配水蜜桃爆珠，味道相當有層次﹗焗雜菌:味道較清淡，可以温和味蕾~鐵板燒特色炒飯香噴噴，飯粒分明有咬口。以膠袋包著松茸蜆湯:整個湯包放在鐵板上加熱再放上碟上，送到枱時再由侍應剪開。大蜆的鮮甜無沙，入面有松茸、昆布、豆腐粒，香氣撲鼻，帶出鮮味清甜﹗呢份和牛餐真係相當滿足，多到碗飯都唔太食得晒，兩個人黎可以點一份一人餐，加少少小食都得﹗

呢排約人出嚟食飯都好難，約咗好幾次都約唔成。最後以鐵板燒嘅誘惑，先終於約齊人。大家都好耐無見，一見面都係好多嘢講。難得出嚟食飯，實要食餐好啦！好多餐廳宜家都有做緊優惠，我當然唔執輸，都要揀一間有折嘅！優惠後嘅價錢都幾抵食。我地一共4個人，大家都揀咗牛肉北海道二本蟹爪 1人前。包括刺身、西京醬煮銀雪魚、北海道二本蟹爪、芝士流心和牛漢堡扒、澳洲薄燒牛肉、炒飯和紙包花膠蜆湯。我最鐘意係芝士流心和牛漢堡扒，肉質好嫩，配上芝士流心，好滿足。二本蟹爪都幾好，鮮味十足，食到回味無窮。

鐵板燒主打健康少油，食完感覺一D都唔油膩。樂師傅獨創菜式特別，以海膽等材料設計的鐵板燒料理，推介海膽花膠、海膽流沙松茸大蝦多士和蟹粉甲羅燒。招牌菜： 18層海膽杯之前食過 而且今次食得太飽 所以冇追加一次性筷子 ：相當細心 仲有口罩袋同獨立包裝搓手液 加分💯前菜：煙鴨胸沙律 及三色刺身 (牡丹蝦好新鮮唔好錯過)咁開心 同老婆開支sake先呢支好飲 又唔算貴👍🏼北海道原隻粒貝🌟色香味俱全 睇相都睇到啦份量亦十足 必食推介日本櫻花蝦煎廣島蠔一上菜已經香噴噴配合煙肉櫻花蝦去燒 蠔既香味出晒嚟ah !!!!!主食：A5和牛薄燒 配水蜜桃爆珠樂師傅知我食得生 三成熟 啱啱好好牛之人 你懂的😉和牛包住香蔥粒 加埋D爆珠 食落感覺清新又特別 一D都唔覺漏 好正咁都諗到 師傅有料🙏🏻🙏🏻🙏🏻十勝黑豚肉厚切配意大利黑糖爆珠肥美多汁 又唔韌 😋😋S2特式紙包花膠蜆湯好特別啊 大佬包住燒既湯 濃郁嘅蜆肉味 有秋葵，香菇等材料我見隔離枱都大讚🤪🤪鵝肝吐司香口 加埋時令水果一齊食Nice 👍🏼 甜點雪糕泡芙 冇位影lu真.心成餐飯都冇失望 而且keep 住有驚喜侍應姐姐親切有禮 東西太多的時候主動跟我們換碟 唔

早幾日路過見肚餓入左去幫襯, 叫左個薄燒牛肉蟹爪一人餐有沙律有刺身有主菜有飯有湯仲有甜品價錢都係$480再加一呢個價錢黎講食鐵板燒我覺得都算幾抵啦如果出尖東個啲食可能都有呢個價錢但就唔會咁豐富囉侍應安排我坐吧枱, 可以睇住師父表演, 唔錯呀主菜有銀雪魚、兩隻北海道蟹爪、芝士流心和牛漢堡扒同埋燒牛肉真係極豐富, 仲要樣樣都咁啱我口味銀雪魚係我最喜歡既西京燒煮法, 甜度適中, 魚肉爽脆不帶腥味, 靚野!!超好食!!個薄燒牛肉都係驚喜之作, 肉味豐盈, 雖則唔會入口即化但肉質都非常鬆軟無筋, 同樣地幾好食食完成個餐都包哂~~~下次帶埋朋友黎試其他餐先

為好友慶生，餐廳當然不能馬虎，在佐敦的《S2》鐵板，美味非常，早已留下深刻好印象，特意推介好友們到此共進美食，好好享受一番。迎賓的青檸花旗參茶，相當有誠意，揭開盅蓋，清新的青檸味撲鼻而來，入口卻換成是花旗參味，滲著參香而沒有苦味，好茶一道。💖💖《S2》的 signature, 18層海膽杯，十八層高檔日式精選食材，層層都是獨當一面的特選食材，加起來就是無法抗拒的驚天美食。每次到 《S2》都沒法不點一杯回味回味 🤭🤭煙鴨胸豆腐沙律，清新醒胃，芝麻醬永遠都是那麼討好！三點刺身盛合，海老、北寄貝及三文魚，細細份， 高檔前菜。龍蝦餐，有龍蝦、帆立貝及鰻魚。先上北海道黑松露帆立貝，鐵板燒過的帆立貝剛剛熟，加上松露的濃香，好味道👍💖💖再上的是招牌脆皮煎鰻魚，肉質熟透鬆化，皮脆，加上惹味醬汁，又是高水準制作 👍💖💖主菜鐵板海膽醬芝士焗原隻龍蝦，燒過的芝士咸香惹味，加上龍蝦肉的鮮甜，完美的烤物。份量超值，沒想過龍蝦也有打包的情況，真是超大份的，隔天翻叮，味道也很好 👍💖💖，包裝也甚為精美。另一份是松葉蟹套餐，包松葉蟹腳、廣島蠔及黑豚。這客北海度松葉蟹腳，鮮味十足，蟹控不能錯過。日本櫻花廣島蠔，櫻花蝦

見OpenRice 咁多好評及是黃店 ，諗住支持下，點知中大伏。價錢一流，食材九流，味道不知所謂。地方細，油煙味大。食完出黎成身臭晒。18層海膽杯： 平價刺身切碎左放落杯度，刺身不鮮甜 ，海膽腥同臭。海膽甲羅燒： 材料同海膽杯差唔多，多左蟹羔。都係一個字腥。無鮮味芝士焗龍蝦： 龍蝦細 無肉。芝士汁 無芝士香 加了沙律汁。酸酸怪怪。普通酒樓芝士焗龍蝦比佢更好。和牛海膽卷： 只無普通肥牛加海膽 , 海膽都係臭。海膽炒飯： 腥同咸，一啖都吞唔落。焗什菌： 無落調味咁，苦既。海膽雪糕：腥同咸大蜆湯：咸。二人套餐 1980。龍蝦餐 780蚊一位。食材九流，全部低價貨，懷疑廚師無味覺。like 數係買返黎。咁既價錢 去普通酒店自助餐都開心過佢.

今年第三餐生日飯(11/5)，響2個鐘前先食完一餐生日飯，中間未夠鐘仲去飲咗杯嘢，再到呢餐係生日宵夜飯局，有人曾經話香港無宵夜，咁當然香港大把宵夜啦，嚟到佐敦偉晴街「S2鐵板燒」去揾「樂師傅」，咁入門口都係量體温嗰啲嘢啦，開頭得我哋一枱客，之後嚟多一枱，電視播住「S2鐵板燒」廣告，仲見到電視播住TVB「揾食飯團」嘅坤哥，吳業坤。因為之前午市宵夜時段有5折，所以訂位時已預訂咗一客北海道原隻毛蟹紐西蘭羊架套餐及一客海膽焗原隻龍蝦北海道帆立貝海鮮套餐(每客都係一人前，原價$1,380，優惠價$780，現午餐及宵夜時段再5折)，不過當晚聽到宵夜時段5折只會做多幾晚。我見到所有套餐都會跟時令沙律及三點刺身盛合，今晚沙律係鴨胸沙律，三點刺身盛合係三文魚刺身、北寄貝刺身及赤蝦刺身，赤蝦刺身尚算大隻彈牙，其他算普普通通，不過不失。另一早已預訂咗S2名物：18層海膽杯(原價$498，現優惠價$368)，最底層開始係：鮮海帶碎、北海道紫海膽、北海道松葉蟹肉、北海道紫海膽、三文魚籽、北海道粒貝、藍旗吞拿魚拖羅蓉、北歐花膠、凍磯煮鮑魚、櫻花魷魚、北海道紫海膽、牡丹蝦、明太子沙律、帆立貝、沖繩海葡萄、北海道紫海

見呢度做緊抗疫價, 午市惠顧套餐有5折, 比晚市抵食好多, 所以一試. 閒日午市客人不多, 當日有3檯客, 都是由樂師傅主理. 防疫措施都做得幾足, 提供了包裝搓手液、口罩套和一次性筷子頭.一心諗住食「海膽焗原隻龍蝦北海道帆立貝海鮮套餐」, 點知去到先話冇, 當日打電話confirm訂位時又唔講. 沒有龍蝦餐, 唯有各點一個「日本十勝黑豚肉北海道松葉蟹套餐」(原價$680)和「A5和牛北海道原隻粒貝套餐」(原價$780). 後來見隔離檯點最貴嗰set海膽餐又有龍蝦供應囉先黎頭盤煙鴨胸沙律和三點刺身盛合. 刺身有三文魚、北寄貝和牡丹蝦, 尚算新鮮.北海道原隻粒貝 - 粒貝爽口, 但鮮味不凸出.櫻花蝦煎廣島蠔 - 廣島蠔有3隻, 配上炒香的櫻花蝦、洋蔥和煙肉粒, 好惹味.法式煎鵝肝配哈密瓜 - 鵝肝都幾大塊, 煎得剛剛好, 咬開呈粉紅色. 不過呢款鵝肝香味略淡.日本十勝黑豚肉厚切配黑醋和蜜糖爆珠 - 份量都幾多, 豚肉肥美, 肉味濃, 不會韌.A5和牛薄燒 - 望住師傅燒, 見到塊肉油花都幾靚. 入口油香四逸, 配上香蔥味道口感俱佳.北海道松葉蟹腳 - 燒完的蟹腳肉質較乾, 鮮味欠奉.黃金

話時話咁大個人都無食過鐵板燒，可能係個人比較窮……宜家開始搵錢啦，偶爾都可以獎勵自己食餐好啲嘅。所以今日就約咗閨蜜一齊去佐敦食個鐵板燒！我地就點咗北海道原隻毛蟹紐西蘭羊架套餐$780 /1人一道道菜就比較難逐一點評咁就從服務，味道，環境三方面評下分。服務：4/5 從預約，到接待都覺得對待客人幾親切同友善。味道：4.5/5 一道道菜讓我都感覺幫味蕾做緊spa，食得幾滿足。環境：4/5 空間不大，但又日本feel，又比較幽靜。好似日本居酒屋。價錢就偏貴噶啦，食日本嘢都預咗，不過覺得幾值嘅。

因為男朋友生日 所以book左位食飯我地2個都有海鮮敏感 訂位既時候都有特別註明 餐廳都好細心咁打電話黎問我地嚴重程度我哋點左兩份和牛套餐一開始上咗個沙律同埋刺身做前菜之後就到呢個原隻日本仙貝 佢加左蟹籽同青瓜炒 食落去唔會好dry 個仙貝又唔會好韌 呢個下次黎會再食之後就到哈蜜瓜拼鵝肝多士 呢個係必點item 一咬落去個鵝肝既油脂爆發 哈密瓜中和返 令到食落去冇咁油膩之後到成個餐既主角 A5和牛薄燒A5和牛包住蔥同蒜 食落去好香口之後就係上炒飯同埋其他套餐入面包嘅嘢，前面已經食到太飽 後面既野都係正正常常。下次會再黎食

我兩公婆order 左18層海膽杯嗰個套餐，份量好多食唔晒！如果你好鍾意食海膽的話可以去試因為每一樣野都會有海膽裏面包括炒飯雪糕.好唔好食見仁見智.由於我晚上食有八折優惠，連埋加一服務費$1800，其實可以有好多選擇.不過最值得一提嘅係，我同我太太坐係面對着師傅整鐵板燒嗰啲位，諗住欣賞下佢嘅廚藝，點知道係依兩個鐘頭內，我哋淨係見到大師傅同一個做waitress 長頭髮嘅女仔,不停咁喺度講自己個老闆幾咁唔好幾咁刻薄，我估佢哋兩個應該啱啱開始拍拖我見有陣時玩吓手仔又有陣時攬下.非常之不專業.由於佢太唔專心，我見佢煎魚嘅時候煎燶咗，之後要起咗塊魚皮你遮醜.師傅所謂炒嘅海膽炒飯已經炒燶咗俾我哋，不過佢哋唔知.希望老板見到呢一段食評之後可以馬上跟進

啱啱得知一個令人振奮嘅消息，於是決定好好獎勵自己食返餐好野今日自己一個黎，就點左個 火焰海膽甲羅燒($288)，同埋一人餐 清酒鮑魚雞翼牛肉卷套餐($680)，即係有 沙律、刺身、主菜、食事、吸物、甜品入座時提供嘅花旗蔘茶，裡面有粒青檸調一調味，幾清新宜人，冇諗過連基本餐茶都可以咁正沙律：時令沙律，今日係鴨胸麻醬豆腐沙律，簡簡單單，開胃一流刺身：三點刺身盛合，有三文魚、北寄貝、刺身蝦，刺身夠厚身，食落冇雪藏味，幾新鮮火焰海膽甲羅燒：呢個一上菜已經極為吸引你會見到佢上菜隻碟係會令你好FOUCS返中間個甲羅燒，職員然後會點火開始燒，睇落已經流晒口水一大塊海膽上面仲加左D黑魚子醬點綴一下，而下面就有海葡萄、魚子，當然唔少得仲有大量蟹膏做底，食落基本上好鮮甜，唔會苦澀，超正主菜：總共有3樣，分別為西京醬煎煮銀雪魚、芝士流心和牛漢堡扒、清酒鮑魚雞翼牛肉卷配水蜜桃爆珠西京醬煎煮銀雪魚：我本身唔太中意食魚，因為最怕食到有骨。不過今次另眼相看，西京醬食落甜甜地，味道都幾特別，而銀雪魚煎得好香，肉質又夠滑，而且食落係連碎骨都冇，可以放心食，打破我係魚就唔食嘅定律芝士流心和牛漢堡扒：一SET有2件，用和牛

鐵板燒食嘅係師傅嘅功夫，而每個鐵板燒師傅都有自己一套功夫，有D係著重處理食材，刀功，炒蛋時會畫花，炒飯時會堆到卡通/動物咁。有D就著重氣氛，會同鐵板燒枱前食客互動下。咁今次嘅service都幾好，有水準。薄燒牛肉套餐有好多野食，有沙律、刺身、銀雪魚、蟹爪、牛肉、漢堡扒、炒飯、炒菇菌、湯及甜品。不過今次重點係18層海膽杯，上枱時真係視覺嘅享受，顯示到師傅嘅功架。全部係刺身層層疊，加上北海道海膽，配料極度豐富、而帶有多重味道。海膽、帶子、鮑魚、魚子、吞拿魚蓉、三文魚子、蟹肉、全部都係矜貴食材，真係值得一試。

除了日本，香港試過的鐵板燒普遍都過千元一位師傅開店於小區，價錢較為划算而且屬於良心黃店，要多多光顧即使坐在爐邊也沒有油煙味還能觀賞師傅的技巧真想全部也試試但還是套餐較划算選擇了清酒鮑魚雞翼牛肉卷套餐 - $680每位提供獨立包裝的酒精搓手液及口罩袋熱水入面有原粒青檸先來的時令沙律和三點刺身盛合北極貝口感厚實鮮甜三文魚細嫩鮮美，口感爽滑甜蝦新鮮的滑嫩感西京醬煎煮銀雪魚高級日本料理傳統風味西京漬源自京都關西一帶，味道帶甜銀鱈魚含油量較高，肉質軟且入口即溶，香味較突出芝士流心和牛漢堡扒和牛肉味濃郁煎後焦香的外表，裡面肉質鬆軟多汁加上幼滑的芝士，口感豐富惹味清酒鮑魚雞翼牛肉卷配水蜜桃爆珠神奇的配搭，肥牛包著雞翼，再包著鮑魚肥牛煎得剛巧，爽脆不帶油脂雞翼和鮑魚一軟一硬的口感每樣一點點的味道，再加上水蜜桃，味道層次很複雜但又配合底部的麵包用於吸收多剩油脂稻庭芝麻冷烏冬麵焗雜菌沒有調味料下，味道較清淡可配上七味粉特色紙包花膠蜆湯新奇做法，用膠袋包著整個湯包放在鐵板上加熱再放上碟上，直接剪開淡淡的酒香味、大蜆的鮮甜香氣撲鼻，口感一流雪糕泡芙