鋿晶館

Open Now

Now Closed

喺上水想食飽個肚，不妨試吓呢間中菜餐廳。平時仲有即叫即做嘅點心食。今日我食中式小菜，真係好味又大份抵食🫶🏻招牌籠仔 蒜香斑腩蒸飯：真係好大份😋斑腩好大塊，魚肉夠鮮嫩👍🏻係飯面蒸D魚汁俾下面🌾飯吸收晒👍🏻令飯粒都好鮮味。滑蛋炒蝦仁：蝦仁好大粒🤩又爽又彈牙👍🏻滑蛋又黃又好味😋一食就知材料又靚又新鮮 通菜炒牛肉：有鑊氣👍🏻牛肉片大大塊，通菜有蒜香味，炒得好惹味，正！姬松茸響螺燉赤肉湯：燉湯真係大力推介呀😍大大碗，好甘香👍🏻滿滿嘅湯料，螺片甘甜，赤肉鮮味，姬松茸又夠香👍🏻真係好好飲。飲完又暖又飽肚😋仲有2杯特飲都好大杯好好飲🤩紅豆冰仲有玫瑰花造型嘅冰塊😍打卡感一流，紅豆仲好甜好冧😋好好味而且店員服務又好又快手😉餐廳師傅仲係之前係米芝蓮酒店做過主管，再創立嘅自家品牌🤩唔怪得出品咁高質素，好味👍🏻 會回頭再食

呢間餐廳以中菜為主打，亦配有少許西餐元素。我哋今次試咗幾款特色菜式，首先係蛋沙律牛角酥，酥皮香脆，內餡蛋沙律滑溜溜，好有驚喜。跟住意大利黑醋豬扒，豬扒煎得金黃香脆，再配上酸酸甜甜嘅黑醋醬汁，味道層次豐富，真係好惹味。另外仲有尖椒回鍋炒腩片，豬腩片肥瘦適中，炒得香口入味，加上尖椒嘅微辣，食落去好開胃。最後一定要介紹嘅係蒜香海班頭腩蒸飯，海班頭腩鮮美嫩滑，配上蒜香調味，再鋪喺熱辣辣o既荷葉蒸飯上，真係一流。湯品方面，我哋試咗蟲草花紅棘杞子燉雞湯，同姬松茸螺片燉赤肉湯，兩款湯都好滋潤，材料豐富，湯底清甜，絕對係養生之選。飲品方面，咸檸七清爽解渴，奶茶紅豆冰甜而不膩，好適合夏天飲。聽講主理既師傳曾經係日本富麗華做左好年，係多間米芝蓮酒店、大型連鎖酒樓做主管。餐廳是自家製點心，均是手作，現場即點即做。我地今次晚市就無食點心，下次一於飲早茶試下先😋

上水 想食吓中式菜，但又諗唔到specific食咩好可以嚟呢間 中式餐館 鋿晶館餐館師傅 起 香港起多間 米芝蓮酒店、連鎖集團做過餐牌 有多款菜式選擇我今次就試咗 荷葉飯、燉湯蒜香石斑片蒸飯-招牌荷葉籠仔蒸飯，最欣賞個飯係炒飯底～蒜頭嘅香味 香口、濃郁再加上荷葉嘅淡淡香味係 嗅覺👃同味覺 👅嘅雙層享受冇骨嘅魚 就係幼滑、易入口川芎白芷天麻燉斑骨湯-無添加嘅養生湯 呢幾日都有少少作感冒飲咗呢個行氣活血嘅燉湯真係感覺到去到頭風～🥹

喺dinner同下午茶交界嘅時間,想食啲餸又想食tea ，咁啱見到一間咩都有餐廳，就去試吓，比我想像中有驚喜😆鮮菇菌炒蛋白呢個配搭好好，同埋佢炒出嚟嘅蛋唔會好老好嚡！啲蛋沾滿洋蔥同埋菇嘅味！蒜香班頭腩蒸飯佢揀嘅魚腩好大舊好肥，而且啲飯充滿咗魚油嘅香味，絕對對得住呢個價錢！下次如果夜啲食可以試埋佢個套餐😗蜜味欖角醬雞球第一次聽欖角醬🤔好奇叫黎試下，個醬偏甜，帶一啲梅味 ，感覺幾特別。芝士火腿牛角酥 由於想食下午茶😋叫咗個牛角包，俾我想像中好食，因為佢個牛角酥好重牛油味，上枱好香仲要熱辣辣☺️呢度嘅份量絕對可以三個人食，抵食！

上水有一間開咗唔係好耐嘅中菜館入邊除咗中菜外 仲有其他港式嘅菜式今次我就決定試吓佢嘅午市燉湯套餐🔥豉汁欖角鱔片蒸飯 配燉湯 $128可以配一個$60以下嘅燉湯我揀咗沙參玉竹燉赤肉湯😃結果真係好有驚喜.燉湯飲得出嚟好足料好似媽媽喺屋企煲嘅味道唔會過鹹，而且飲唔到有味精😃.另外超級推介豉汁欖角鱔片蒸飯😍😍大概要等15分鐘因為餐廳係即叫即製一上台一下熱辣辣嘅蒸籠入邊底部鋪咗荷葉再將飯同鱔片欖角一齊蒸超級香口，好好味😍😍飯都唔會太濕 而且有少少焦焦的感覺有啲似煲仔飯，而且有好香嘅荷葉味😍😍😍鱔片啖啖肉好新鮮唔使點佢提傾嘅豉油都好夠味🥳.

📍鋿晶館呢間粵菜館之前都食過幾次，遍怖新界港九，係自家製品牌！點心師傅曾係日本東京富麗華就職多年，專為高管達人和明星服務，回港之後係多間米芝蓮酒店同大型連鎖酒樓集團做主管，經驗豐富！🍐雪梨乾南北杏百合燉赤肉湯 $58呢個燉湯真材實料！超多材料😆落左好多赤肉，呢個位置肉質細嫩，脂肪含量少，用嚟燉湯係唔錯嘅選擇～雪梨、百合、紅棗嘅份量都唔少，飲完之後成身暖笠笠🐥滑蛋大蝦球 $98滑蛋食落好嫩口，整得啱啱好～大蝦球既份量好多，數到有成差唔多8-9隻，俾得有夠多😆幾有火候！雖然家常便飯，但煮得好食亦都唔簡單🐷尖椒回鍋炒腩片 $78腩片份量夠曬多，炒完之後唔會鞋口或者韌～味道幾足，好夠火候，喺屋企難以炒到嘅味道！尖椒既辣味更加提升左腩肉既味道，做到香而不膩 ，係一道惹味好下飯既餸🥄豉蒜帶子蒸飯 $98平日食左既蒸飯大多都係用雞、排骨果啲，今次食既帶子蒸飯又真係第一次！！！總共有八粒帶子鋪喺飯既上面，出奇地蒸完之後帶子食落都唔會乾柴，亦都冇縮水～沾埋啲豉蒜汁味道鹹鹹哋，配埋個蒸飯一齊食就啱啱好🥯雞扒菠蘿包 $48賣相好掂🤩一上枱已經瘋狂打卡😆Burger 用左菠蘿包幾特別！菠蘿包係新鮮熱辣焗起，金

郊遊前找個地方吃早餐，在openrice見到這家餐廳的評價不錯，到達後亦見店內相當有人氣，看來中伏機會微，就入內試試。選了早餐H，豬扒可免費轉雞扒或炸魚柳，麵亦可免費轉作貝殼粉或米粉，於是就成了雞扒蛋米粉。食物上枱時，兩隻荷包蛋均沒有明顯的油光，湯米粉亦是清的，沒泛油，看上去相當健康，滿意！煎雞扒另碟上，雞皮試了一口，香口帶脆，煎得相當不錯，不過早上尤其不想吃油膩食物，只好忍口起掉全塊。雞肉嫩滑不鞋口，帶點煎的香氣，美味！米粉份量偏多，合男士的食量。餐飲選擇多，跟餐轉凍飲只需加3元。選了凍菜蜜，是"賣飛佛"，十分合心意。環境企理衛生，枱椅不會黐𥹉𥹉，不錯！

上水匯有幾間餐廳，鋿晶館就位於2樓，天橋一入商場就會見到，商場比較暗但一入去間餐廳就非常光猛同寬敞！！去到坐左係邊邊位置，餐廳職員好熱情，完全無忽略坐喺角落頭嘅我哋，仲會主動行過嚟同我地落單。而且佢哋笑容都好親切，讚！（1）尖椒回鍋炒腩片 $78好夠火候，好夠味，熱辣辣，唔會太辣，腩片份量充足，食落好嫩口唔會太老。（2） 南瓜海皇浸菜遠 $88呢味菜一上枱見到佢黃黃嘅湯就覺得好入味，滿滿嘅南瓜清香，湯入面仲有南瓜蓉，啲湯比我清晒！呢碗菜遠海鮮份量都好多，有蝦有帶子有魚，無雪藏味，食落唔會好霉好腍！啲菜都好新鮮，煮得啱啱好。（3） 豉蒜帶子蝦球豆腐 $138呢款係餐廳嘅新菜色，8件豆腐，4舊鋪咗豆豉帶子，另外四舊鋪咗蒜蓉大蝦。兩隻味道完全唔同，一碟菜式可以有兩種口味，好滿足。帶子同大蝦啲肉都好結實，配上又滑又香豆味嘅豆腐，再加上豆豉/蒜蓉，送飯一流！兩款都好好味，但私心比較鍾意蒜蓉大蝦！！（4） 沙嗲牛肉麵 $28好香沙茶味，仲有花生味，牛肉唔會硬到咬唔開，啲汁唔會杰撻撻，公仔麵浸完都唔會淋晒脹晒，飽飽都忍唔住要KO晒成碗麵！（5） 蘋果山楂 荔枝烏龍茶 $38@呢間餐廳有提供特飲，叫黎

每間行大牌檔式中茶，都會必叫小炒皇試一試個廚師嘅鑊氣，喱碟小炒皇功夫足夠，拎嚟餸飯一流。要過通常有啲版乾魚仔海味嘅情況之下都會叫但滑蛋一齊撈飯，叫咗個滑蛋大蝦球，啖啖肉超正再配上流心滑蛋，早知叫白飯唔叫椒鹽豬扒，不過椒鹽豬扒飯$57性價比幾站，好幾塊豬扒都大大塊，佢地啲餸菜都真喺偏大碟。有趣嘅喺喱正到個餐牌真喺咩都有啲，中西式fusion，突然好想試個吞拿魚沙律牛角包。又喺超級大個，真喺好彩我地喺4個人食。聽到隔離檯話啲燉湯好正，屋企人都叫咗個淮杞圓肉螺片燉赤肉湯$58同埋姬松茸螺片燉赤肉$58，個人比較喜歡圓肉，因為超甜好入味，但老人家們就鍾意姬松茸比較清啲。後生嘅，梗係有飯杯凍野，整個鹹檸出嚟解吓熱氣喉嚨舒服，同埋山楂蘋果。新增蘋果幾好飲，估唔到，真係幾開胃，原本冇乜胃口飲落去舒舒服服。

今日泥都上水食呢間鋿晶館，見到做緊下午茶餐牌都幾抵食即刻去試吓🤤 呢間餐廳做嘅係點心係即叫即做手作點心非常有心思，聽聞佢個師傅仲係曾經做過好多間米芝蓮餐廳嘅主管期待感拉滿即刻去試吓👆🏻👆🏻蒜香班頭腩蒸飯（$88）班頭腩鮮味十足而且火候啱啱好魚肉，做得好嫩滑而且魚皮爽口再加埋蒜蓉嘅精華做出嚟嘅蒸飯真係唔錯，而且斑腩份量都好多😎原條鰻魚蛋包飯（$98）鰻魚份量好大條仲好厚肉而且鹹甜嘅鰻魚汁燒得好入味再加上份量超多嘅炒蛋，食落去蛋味香濃，而且口感嫩滑送飯一流🤤法式多士配珍寶腸（$42）煎炸好嘅多士，加上糖漿超邪惡多士食落去柔軟鬆脆😈

鋿晶館SC CUISINE📍上水龍琛路48號上水匯2樓204A & 205AB號舖最近同同事到這間去年10月才進駐上水匯的人氣中菜館用午餐。鋿晶館以平民價格提供酒店級的新派小菜,餐廳是自家品牌。師傅曾在多間米芝蓮酒店及大型連鎖酒樓集團擔任主管,擁有豐富的經驗。鋿晶館地理位置非常方便,從港鐵上水站步行只需約2分鐘。香芒貴妃大蝦球(六隻 $118)以16頭越南虎蝦為主料，蘸上蛋漿炸，配上自家調製的芒果日式沙律醬，外脆內裡蝦肉好爽口，真心抵食！椒鹽豬扒炒飯($78)以肥瘦適中的梅花肉為主料,快炒並搭配恰當的調味，肉質鮮嫩多汁,配上被蛋汁包裹粒粒分明的炒飯底，很搭配。咖哩牛腩煲($98)湯汁濃郁醇厚,牛腩軟嫩入味,散發咖哩香氣,配以新鮮青紅燈籠椒,層次豐富。雞扒菠蘿包($48)菠蘿包外皮烤焙鬆軟可口,雞扒汁多肉嫩。姬松茸燉螺頭($58/盅)以頂級姬松茸、美國生晒螺頭、新鮮雞腳和赤肉燉煮4小時,原汁原味，絕對值得一試。海底椰百合無花果燉湯（$58）湯品清甜可口，剛好昨天帶同事食完辣，今日飲這個生津滋潤既湯剛好。

鋿晶館（上水）餐廳位於上水龍琛路48號上水匯2樓,餐廳主打中西式茶餐廳,廚師曾就職於日本富麗華酒店,專服務明星和富貴達人,回港後在多間米芝蓮酒店和大型連鎖式集團酒樓當主管,經驗非常豐富,所有點心即場製作,係自家製品牌。餐湯姬松茸響螺燉赤肉湯燉湯材料豐富,湯底清甜,不膩,不鹹,無味精,啖啖湯都有香濃姬松茸和響螺味,此湯潤喉滋陰。香芒大蝦球大蝦球被芒果蓉包圍著,表面仲有花生碎,墊底有生菜絲,新鮮蝦球入口彈牙鮮甜,,連生菜絲都有芒菓蓉,食到滿口香芒味,廚師值得一讚。豉汁蒸白鱔配有香蔥的豉汁蒸白鱔係最佳配搭,廚師控制火喉剛剛好,啖啖白鱔肉好惹味。蒜香斑頭腩蒸飯廚師將新鮮斑頭腩用竹籠和荷葉來蒸飯,蒸飯會有荷葉香味,蒜香和蔥粒提升斑頭腩的鮮味,整個蒸飯芳香撲鼻。雞扒菠蘿包雞扒菠蘿包配有青瓜和沙律菜,菠蘿包有焗過,好脆口,大雞扒煎到金黃色,色香味俱全,啖啖雞扒肉食落好香口。餐飲有紅棗桂圓枸杞茶和咸檸七。

放假去上水探好友，一齊去試一間新開的餐廳，感覺真不錯。淮杞圓肉響螺燉赤肉湯 $58 (爆推🌟🌟🌟🌟🌟)見到無添加養生燉湯，立即叫嚟試下。湯原盅上枱，已經香氣四溢。一羹下去，滿滿都是湯料👍🏻湯頭清徹不油，非常清甜，感受到點點滴滴都是精華，果然真材實料，我同好友都立即雙眼發光🤩。原件蒲田燒鰻魚蛋包飯 $98 (爆推🌟🌟🌟🌟🌟)超級吸睛，鰻魚超級大條，就嚟隻碟都裝唔住😂。我哋兩個切開一半，都等於人哋出邊食飯嘅份量。鰻魚非常肥美，外脆內軟，鰻魚汁鹹淡適中，非常入味。滑蛋好嫩滑，啖啖都好滿足😌。香煎豬扒包 $46麵包非常軟熟，豬扒煎得香脆而不油膩，搭配爽口的蕃茄、生菜及青瓜，感覺幾清新，食完完全沒有負擔的感覺。咖啡紅豆冰 $38 (爆推🌟🌟🌟🌟🌟)勁吸睛，超級打卡able‼️紅豆蓉的玫瑰花，又靚又好味，配上絲滑濃郁的咖啡，真的深得我心😍。咖啡的香、紅豆的甜，這個組合真的冇得輸🤩。青檸梳打 $38大杯，酸酸甜甜，非常清爽及開胃。值得一讚的是侍應姐姐的態度，非常親切又好傾😂，服務態度一流。她仲話我哋知，他們食物多是自家製品牌，獲得好多人讚賞。全因為師傅曾經喺日本著名酒店就職，返香港之後喺多間米芝蓮酒店

同朋友去上水匯，午飯時間見「鋿晶館」坐無虛席，所以入去試吓！吃飯前一人點了一碗足料燉湯 — 「淮山圓肉響螺燉赤肉湯」 & 「姬松茸響螺燉赤肉湯」，一上枱兩個湯都熱辣辣，好足料，而且火候夠又香甜。另外再點咗「剁椒蒸斑頭腩」 & 「麻辣土雞蒸飯」，因為朋友不愛食白飯，所以點了「吞拿魚牛角飽」。😋剁椒蒸斑頭腩 — 這個菜要推薦，我本身好怕魚腥肉，但斑頭腩用咗蒜蓉，和少量辣椒去蒸，真係完全唔腥，肉質爽口，仲有厚厚又滑溜嘅魚雲，蒜味香濃，好惹味！😋麻辣土雞蒸飯 — 用荷葉包裹土雞去蒸，再加上麻辣醬料，香辣惹味，適合嚐辣人士！土雞肉厚彈牙，吃得出不是雪藏雞肉。😋吞拿魚牛角飽 — 牛角鮑上枱前烘過，外脆內軟，夾著混合了沙律醬嘅吞肉魚蓉，再加上爽口沙律菜，口感豐富。最後是女生們見到即心心眼嘅飲品 — 青梨烏龍茶 & 荔枝烏龍茶，賣相100分，玫瑰花形嘅冰不是用水凝結，而是茶冰！冰嘅溶化速度慢，可以慢慢打咭！水果烏龍茶嘅新鮮香甜，可以中和食物嘅濃味，夏天飲真係透心涼。

今晚同朋友去咗鋿晶館食飯，真係一次美味嘅用餐體驗首先，我哋試咗鋿晶館嘅原盅姬松茸螺片燉赤肉燉湯。湯底濃郁，加上姬松茸同螺片，帶嚟一種豐富嘅風味。湯嘅滋味好濃郁，令人回味無窮。另外一款前菜係原盅海底椰百合無花果燉赤肉燉湯，清爽又滋潤。海底椰同無花果嘅配搭，帶嚟一種獨特嘅口感，令湯更加豐富。主食方面，我哋試咗啫啫通菜煲。通菜新鮮脆嫩，配上其他食材，味道令人驚喜。蒜香班頭腩蒸飯係另一道精緻嘅菜式，班頭腩肉質鮮嫩，蒜香味更加提升味道。原條鰻魚蛋包飯係一個別出心裁嘅組合，鰻魚煎至香脆，再加上蛋包飯，美味無窮。飲品方面，我哋揀咗鋿晶館嘅荔枝梳打同青梨烏龍。飲品上邊嘅熊仔令到我哋未飲先興奮！荔枝梳打清新醒神，荔枝嘅甜味同氣泡水嘅口感絕配。青梨烏龍茶香濃郁，清爽又解渴。最後，我哋仲叫咗鋿晶館嘅招牌特式包，吉列豬扒菠蘿包。豬扒肉質嫩滑，配上菠蘿包，絕對是一個完美嘅結尾。