石亭居酒屋

Open Now

Now Closed

石亭高汁食材吹水夜😻星期一收工去左公司附近食野，呢間日本平時經過睇落都幾日本地道咁，想試好耐。2個可以選擇多小小～出面望，簡約日本居酒屋🏮入面裝修都真係好日式feel，有bar台，幾台2-4人位，另外有間房仔。前菜係螺肉海藻，幾好味，當餸送飯都正🤣黎居酒屋，食刺身走吾甩！叫左幾款侍應推介。中拖羅，鯛魚，帶子，赤背同油甘魚刺身。我最鐘意個拖羅，岩岩好油脂，唔會好膩，又香，yummy！朋友仔鐘意油甘魚，覺得好新鮮，一d都吾腥。小食都叫左幾多！😋😋活蠔，蘆筍豚肉卷，牛舌串，雞皮串，雞泡魚乾同燒馬友魚。活蠔好新鮮，加鋪頭配係上面既醬，一啖食都吾錯。蘆筍豚肉卷，個筍甜甜地，豚肉又燒完好香肉味，送sake 一流。燒牛舌同雞皮，不得了，上台勁香，岩岩燒出黎即食，仲keep有肉汁，e次棒！兩款燒魚，各有吾同，都食得過。雞泡魚干燒得岩岩好，吾會太乾，咬落又脆口，煙煙韌韌，送酒吹水之選！燒馬友魚好鬼香，我鐘意，本身馬友都好食，用黎燒小小岩鹽係面，連啖啖魚肉食，皮脆口，肉香滑，小小咸，我連魚頭都食埋🙊最後叫左個北海道三色魚生飯結尾。魚生分別係馬糞，蟹膏同帶子。朋友勁讚馬糞，好新鮮，甜，食完個回甘好勁。我就一

位於赫德道嘅石亭，地方雖然唔係好大，但係隔局同日本居酒屋非常相似，係呢個環境用餐仲會增添美味添! 先有呢兩道小食鹽焗枝豆同燒雞泡魚乾，枝豆粒粒都夠豐滿，加上有輕微鹽花，咸香味道加上清新嘅枝豆，非常開胃; 而燒雞泡魚乾，質感一啲都唔硬，燒熱後入口仲非常易於咀嚼，加上燒海鮮嘅香味，呢道小食送酒就最適合。接著就係刺身拼盤，淨係賣相都非常吸引，油甘魚、帶子、魷魚、吞拿魚、生蠔等新鮮食材一次過呈上，吞拿魚同油甘魚都係厚切，可以同朋友大大啖品嚐，而且仲充滿濃郁魚油香味，絕對係上乘嘅選料。而帶子入口嘅質感完全無雜質、無雪藏味道，入口只係有鮮味！而一人一隻嘅生蠔，加添青檸再提升鮮味，入口豐盈嘅鮮味，有少許海水咸味，蠔身白淨絕對係一流品嚐。食完刺身當然有壽司啦，甜蛋壽司、吞拿魚卷物、海膽軍艦，味道由淺至濃，先有質感軟熟嘅甜蛋、吞拿魚水準平穩，接著嘅海膽軍艦，海膽裝得滿滿，幾乎滿瀉，而入口順滑，味道鮮味十足而無臭味，真係令人滿足。最後仲有即叫即燒嘅串燒添！雞皮、燒白鱔、牛舌通通一上檯就聞到香味十足，雞皮超級脆口、感覺有啲似食薯片，而燒白鱔表皮香脆，而燒到魚身保持嫩滑質感，非常之考功夫，亦都係呢度好食之處。

我印象中的赫德道是一條酒吧街，附近有我喜愛的La Vache!，除此之外，每次經過赫德道都是因為順路去坐回家的巴士而已。而且自從在觀塘區工作，即使下班有飯局都甚少相約在尖沙咀了。難得今晚要到赫德道附近一趟，於是在開飯網瀏覽下附近餐廳才發現到這家居酒屋!買完需要的東西往居酒屋走去，才發現自己一直「眼大睇過龍」，常常經過赫德道都沒注意到有居酒屋在此，可能是因為餐廳水泥色的牆身跟附近大廈外牆差不多，驟眼看的確不易發覺吧。推開木門，居酒屋屬於日本小店的溫暖風格，餐檯只有三兩檯和四五個吧檯坐位，只見兩位侍應小妹輪流在狹窄的走廊走來走去，吧檯已坐滿幾個喝得滿臉通紅的日本人…根據以往日本餐廳用餐經驗，不乏日本人光顧的餐廳總不差，令我帶著輕微期待去用餐。侍應會捧著木板過來向我們推介時令刺身和熟食，看到板上有我最喜愛的赤鯥、真鯛、鯖魚，實在驚喜! 但以兩人來說，價錢未免略貴，唯有少有少叫吧，心中期待下次飯局可以再來試試刺身質素如何!!牆上都寫滿不同種類熟食，用來佐酒的確一流!雞泡魚乾幾乎是每次到日本餐廳的必點小食，普遍價格大同小異，但今次看到餐牌上有雞泡魚乾外還有七味燒魚翅($78)，一於試試分別在那。

好耐無踏足過尖沙咀，但由於要睇演唱會所以就出去搵野食，見到呢地鋪間門面幾特別，見到係居酒屋就入去試下！裡面地方唔大，時間尚早好彩無Book都有位☺️座底就上前菜一小碟前菜都幾特別唔係平時出面見果d店員都好細心咁介紹時日推薦同有咩野係新鮮返，即刻點左🤣因為唔想唸活真蠔我都係第一次食蠔上面有青檸,但原來出黎個味會好正好鮮，淡淡既檸香加新鮮蠔👍🏻另一番口感剌身併盤又係好新鮮，拖羅好肥美🤤佢厚切👍🏻仲有象拔蚌😍好有日本地道Feel魴鮄魚刺身呢款我地見隔離檯叫我地又叫😂因為上檯個樣真係好吸引，不得不讚下師傅既刀功👍🏻 薄薄的配埋個醬汁食，勁好味呀！居酒屋點小得叫串燒😚好味燒池魚😌下次要再黎點埋清酒先得🍶☺️

石亨居酒屋是位於尖沙咀的赫德道的日式餐廳雖然不是在市中心但是也有不少人慕名而來先上的是龍蝦沙津吃下真的好滿足有十分多的小龍蝦在沙津中七味魚翅是我最愛的日式小吃拿來當下酒菜吃一流吃下十分香口的魚乾加上烤得脆脆的再加上美乃滋更美味牛舌串和雞腎串這2款串燒都燒得剛剛好不會有過乾的情況出現池魚這次的重頭戲來了是整條的池魚刺身在外面點壽司我都不太會點池魚來吃因為都不新鮮但在這裡的整條池魚都十分新鮮吃下甘甜爽彈加上自製的酸汁更開胃壽司這裡的壽司飯煮得剛剛好材料也十分新鮮

香港人大多喜歡食日本菜，朋友仔亦喺其其一個，而日式居酒屋🏮亦愈開愈多，今次搵到一間歷史悠久的居酒屋-石亭餐廳位於尖沙咀赫德道，地點方便，居洒屋細細間，座位唔多，最好預先訂位刺身及海產每天由日本直送，十分新鮮日本活真蠔，蠔身飽満，有光澤入口鮮甜美味雞泡魚干入口煙靭，作為佐酒小食，相當夾柚子淸酒，柚子味道濃，入口淸新池魚及象拔蚌刺身池魚切成薄片，肉質雪白新鮮，配埋醬汁、蔥粒，味道更有層次象拔蚌入口爽脆，味道鮮甜，唔需要蘸任何醬汁吞拿魚壽司，魚油豐富，入口即溶海膽壽司，新鮮甜美串燒牛舌，牛舌腍身，唔靭，咸咸地又幾惹味喎最後食埋野菜烏冬，暖暖胃，呢餐好滿足喔

居酒屋位於尖沙咀區繁榮鬧市中的一個角落，路過都未必看到，好彩是好友介紹的。地方不會很大，是正宗日式居酒屋的裝修，連日本人都光顧。散座約有卅人，還有一間貴賓房，可以坐六個人。先來一個餐前小食，酒盜芝士$78，是吞拿魚內臟製成的漬物，再加在芝士上，兩者混合之後，有點似中國的腐乳，又有點酒味，用來下酒，效果一流。另一個小食，芥末八爪魚🐙，芥末味重，八爪魚爽口，吃著等代主菜，很是期待。Asahi啤酒🍻，這啤酒是我最愛的日本啤酒，冰凍又容易入口。厚岸蠔是來自日本北海道的，蠔身味道清甜，加點青檸可以帶起鮮甜味。魴鮄魚也是來自北海道，魚肉白中帶點紅，味道鮮甜，配合酸汁、羗蓉、蘿蔔蓉和蔥粒，味道更佳。北海道象拔蚌，體積沒有加拿大象拔蚌大，不過味道更鮮甜，口感更爽脆。壽司鯛魚壽司，帶子壽司，北海道海膽壽司🍣，全部都是飛機當日直送，新鮮情度可想而知，其中以帶子最鮮味。燒物燒牛舌，燒鰻魚，燒雞軟骨，火候控制恰到好處，由其是牛舌，不會過靱，令人回味無窮。

一個落雨嘅晚上，就係呢個居酒屋燈籠，令我放工後都趕過黎係呢個門口前拉門內進舖頭唔大，目測有十幾個位，有BAR枱有餐枱，無論兩口子拍拖或三五知己都岩數見到是日新鮮海產放出黎吸引客人牆上掛上各式食物餐牌，仲有酒類/飲品介紹，感覺幾有居酒屋FEEL飲啖熱茶，食下呢客墨魚咀沙律作為迎客前菜，小小地開下胃口先呢2隻肥嘟嘟嘅生蠔，係來自北海道，睇個樣咁飽滿，真係好想一啖吞佢落肚食前可唧少少青檸汁調味，蠔身肥美，口感creamy，味道鮮甜，餘味強勁!既然海產咁新鮮，一於黎多個刺身，於是今晚出現左佢 : 左口魚刺身師傅刀功好，將魚片成薄片，每片厚薄一致用魚片包住蘿蔔蓉，蔥粒及薑蓉，點上醋汁一齊食，先食到醋汁味，跟住魚肉嘅獨有鮮甜味就由頭帶到尾，好味道!呢客活象拔蚌刺身，冰粒墊底保持凍感，擺盤吸引點少少芥末，放入口中，口感超爽脆，一股鮮甜味攻佔味蕾!燒至熱辣辣嘅鷄泡魚干上枱，以味醂入味，切至一條條方便進食味道偏甜，魚干較為軟腍，用黎送野飲之選!要知道一間居酒屋嘅食物質素如何，從佢地嘅串燒水準可略知一二!  今晚點了牛舌，白鱔及鷄皮牛舌以黑椒調味，有些少厚度，質感軟腍中又帶點嚼口，中間帶點肉汁，GOOD呀

位於尖沙咀赫德道地下的石亭居灑屋，雖然地舖細細，還有一張坐四個人的吧枱，居酒屋佈置感覺非常有日本feel。我們選擇了三款飲品，分別是颶風乳酸梳打，白桃汁，蘋果汁全部飲品都是來自日本本土製作的，非常之清爽。今晚我們的菜式是由店長推介的廚師點提。頭盤是龍蝦沙律，和冰鎮生蠔，值得一試的是生蠔因為非常之爽，和有濃濃的海水味，加上少許的青檸汁，極之開胃。當然少不了的是雜錦魚生拼盤，分別有像拔蚌，油甘魚，大吞拿魚魚腩，鯛魚，牡丹蝦帶子，我最欣賞的是帶子，因為是日本直送香港，非常的爽口帶子肉，油甘魚和鯛魚的魚油香味十足，象拔蚌亦非常爽口彈牙，牡丹嚇甜味十足。日本串燒分別是，鹽燒牛舌，雞肝，牛舌爽口和鹽味鹹度剛剛好。當然少不了的是手作壽司，分別有海膽壽司，油甘魚壽司和吞拿魚壽司。我最喜歡當然係分量超多嘅海膽壽司，真係比得好足料。另外其他壽司都恰到好處，魚生嘅比例剛剛好。最後是飯後甜品，分別是柚子雪筢，椰子雪糕牛奶。

今日同幾個同事係尖沙咀做完野，其中一個話想食日本🇯🇵野，行到赫德道，見到一間日本餐廳，我地就入左去，可能時間尚早，因地方唔係太大，但好有日本feel，入到去冇乜人，好彩又有位，嘻嘻！侍應好有禮貌地帶我地入座，笑容滿面，仲介紹當日既主打菜式。我班餓底同事，叫左好多野食 ：）先黎開開胃，活真蠔，蠔味唔太重，但入口鮮甜，食完仲有少少海水味係口度，正！推介 ！我地點左清酒，易入口，味道唔錯店主有推介呢款生魚片刺身--》魴鮄魚，我地聽落好好笑，佢話未食過可以試下，我地就心心眼咁，就點左； 一黎到，又係嘩嘩嘩聲，賣相相當吸引，我都未影相，班友仔已經攞起筷子。一口放落口，肉質幾得意，甜甜的，有魚味； 點埋佢配果個汁，釣到個鮮味出黎，確實唔錯！食完都有少少彷彷佛佛，回味無窮！另外我地都叫左幾款刺生，夾埋一齊整左個小刺身併盤（大拖羅/ 象拔蚌/劍魚腩/蟹子魷魚🦑）我自己係香港就少食拖羅，今次呢間野既大拖羅確係冇得輸，一放入口，啖啖油香滲出，正！象拔蚌刺身簡直係鮮甜到一個點，必叫！呢度刺身確係有料到，有驚喜！黎到居酒屋，點都會叫下D 串燒，送下酒，一流燒鱔燒得剛剛好，鱔皮仲係脆脆的 /燒雞皮堅係正，我平時

又搵到食飯吹水既好地方門口什有日本居酒屋既感覺居酒屋係日本人放工想搵個地方食飯聯誼下同relax一下令我有一點點想念日本入面有吧枱位我地被安排坐係吧枱前菜係煮淋咗既魷魚同白蘿白魷魚同白蘿白忟得好淋同好入味日式龍蝦沙律龍蝦切肉、沙律醬加入昆布碎及魚子龍蝦肉好彈牙小食—雞泡魚乾稍微香烤，暖暖地既魚乾，帶魚香味，口感煙韌原條池魚刺身超鮮味，沒有魚腥的味道，豐富魚油脂吃得多也不會感覺油膩肉質透出粉嫩的顏色 象拔蚌刺身，帶點海水咸鮮味，香脆口感軍艦海膽同吞拿魚壽司吞拿魚沒有筋，魚脂豐富甘香金黃而肥美既海膽鋪滿壽司入面🍣咬落軟綿鮮甜😍醋飯酸味適中仲叫咗幾串串燒，有燒牛舌、炸芝麻雞翼、同雞軟骨串色澤方面，燒得金黃不乾身，但略嫌落咸咗小小牛舌都幾厚嫁，食落有咬感雞翼勁Juicy，咬落滿口油脂最後以湯烏冬作總結店員好細心咁分咗兩碗係扁身既稻庭鳥冬，有昆布、椰菜同冬菇鏗魚湯底，湯底好清，一點都不死咸

石庭居酒屋，食日本菜可以一解我思鄉情緒。首先來一客龍蝦沙律：蝦肉彈牙，開開胃口。時令海鮮、刺身魴鮄魚刺身、生蠔：魚肉鮮甜爽口，可以點酸汁黎釣釣味。生蠔（活真蠔）：手掌咁大隻的生蠔，肉厚得黎亦鮮甜。芝麻雞翼：皮脆肉嫩、一咬充滿肉汁，下酒菜的好選擇。串燒有水準，呢度有蕃薯、雞軟骨同牛舌，特別係牛舌調味得適中，帶點焦香味，蕃薯仔就用好料，燒出黎更帶出香甜味。魚湯一碗，其實係由頭先的刺身起骨熬煮的，白色魚湯好有營養喔！最後追加一碗湯烏冬，烏冬麵質彈牙，食完全身暖暖，大滿足！

識我既人都知道我喜愛嘗試新事物，特別係喺食方面，基本上每逢有新既餐廳朋友試過覺得好食，都會向我推介，正正係因為咁，我先可以搵到咁多間好野食，而呢間日式餐廳亦都唔例外。餐廳位於尖沙咀，位置方便，來到門口，好難唔察覺，因為佢既門面裝潢，實在非常吸睛。門外以石紋設計，帶出一種高級居酒屋的味道。店舖唔算大，有數張方枱加少少既吧枱，大約7時到達已經座無虛席，要確保來到有位坐還是先行預定會比較穩陣。餐牌都幾大本，基本上唸得出既菜式都可以喺呢本餐本找到，而且價錢唔貴，十分親民。另外亦都有一張時令海產刺身之選，裡面會有最新鮮既廚師推介。芥辣八爪魚 $68八爪魚加佐紫菜同埋wasabi，辣嶃地夠哂刺激得黎好好味。真鯛 $320真鯛魚薄切，食落比較淋身，魚味都幾濃，帶有鮮甜感，配埋薑蓉蘿蔔蓉。多款刺身刺身我地就揀佐大拖羅，北寄貝，牡丹蝦，同埋魷魚。每一款都好新鮮，同喺日本魚市場食到既差唔多，牡丹蝦食落清甜夠哂 Juicy，而最令人回味既一家首選大拖羅，食落口感一流，而拖羅中既根咬落每一口都有多一份層次感，多一份滋味感，食落真係充滿幸福感。雞泡魚乾 $68即叫即燒，用既汁量控制得好好，唔會太乾，帶少少蜜糖甜

近年尾除左同屋企人食團年飯之外，還要和好朋友出來聚聚食下團年飯先，今日就揀左黎尖沙咀石亭居酒屋食日本菜，终於可以唔使去酒樓食了。首先我們點了幾款刺身，買相好惦兼食落好新鲜，日本空運到港刺身，無得頂呀剌身活蠔$58魴鮄魚$380油甘魚刺身$65吞拿魚中魚腩刺身$380貝柱刺身$160食過刺身後，就點了些美味可口小食小食雞泡魚干$68牛舌串$34/串雞軟骨串$21/串冬菇串$21/串芝麻雞翼$19/串蟹肉忌廉餅$19/串