石亭居酒屋

Open Now

Now Closed

上星期舊同事聚會，大家都不约而同都想日本菜，所以我地去左尖沙咀赫德道嘅“石亭居酒屋”，嘆一下風味日本菜。前菜有蜆肉，挺開胃又彈牙。雞泡魚乾，好脆口，煙煙韌韌，下酒一流。日式春菜，好爽口，清甜，不過D汁醎左少少，但都okay啦。海膽非常新鲜，唔會腥，簡直係舌尖上嘅享受。鹽燒牛脷，好香口且軟腍，唔會韌，燒得恰到好處，幾有水準。各式天婦羅，有帶子，细香魚，目光魚，非常脆口，但又唔會太油且不失原味“石亭”店面不大，但卻別樹風格，保留居酒居風情，不失為三五知己聚腳嘅好地方。

朋友請食飯揀咗呢間居酒屋，地方雖少但好有日本氣氛，食物新鮮，我地叫咗幾款Sashimi，再叫熱食。真係要讚一下個魚兩食，魚生份量夠我地三個人食，又爽又滑，食完魚生跟住去滾湯，平時唔飲湯嘅我都飲晒成碗，好有魚味，好香滑

近年韓風甚盛，但日食仍然係我最愛。所以上星期就去左尖沙咀赫德道嘅“石亭”居酒屋。地方不大但都挺舒適，先黎D前菜，最欣賞係北海道白粟米，又甜又爽口，好；另外，佢地D刺身，即劏即做，份外新鮮，當中活龍蝦刺身，蝦肉晶瑩通透，超新鮮。串燒方面，和牛串同牛舌都相當有水準，和牛非常軟稔，香口非常；而牛舌亦好有口感，牛味十足。“石亭”整體非常有水準，用料上乘，值得推介。

上個月去完日本旅行番黎，去日本一定會到當地居酒屋試下地道風味，已經唔識形容，只可以話正😂，番到黎香港都想試下香港日本居酒屋餐廳質素，於是問下朋友香港邊到有居酒屋同日本質素一樣，佢就叫我黎石亭居酒屋，質素都不錯，價錢唔算貴，食材好新鮮。餐廳外觀好似日本平民成日去，好地道😂。無時間去日本，去呢到都係唔錯選擇😂

究竟石亭是甚樣的居酒屋？在香港及日本試過無數的日本料理，居酒屋就是甚麼都有！每次來到赫德道附近飲酒或在不同餐廳用膳也會經過石亭這間店子。只看到灰色的磚牆，啡色的木門，不能看到餐廳內裡是怎樣。好啦，今次到你了，就試試看你有甚麼好吃的！我們一行二人愛飲愛吃，步進店子後發現枱同枱很少空間，坐得算擠迫。坐下後首先嚟兩杯生啤啦。可惜他們沒有生啤供應，只有樽裝啤酒。可是樽裝啤酒不是跟空杯送到你面前讓你自己斟入杯子，而係預先斟了再呈上。就是可能枱子細小的關係吧。接著侍應介紹當天新鮮的食材及菜式。我們就點了一些剌身包括：石垣貝，新鮮北寄貝，海螺及牡丹蝦。先說兩款貝類及海螺，香港以往只有紅色熟了的北寄貝，但這幾年新鮮灰色的北寄貝食材已普遍，只是未必每個人都愛它帶有海水的咸及本身貝類腥味，但本人就是喜愛他的鮮及肥美肉質。店子師傅不是日本人，但刀工幾好，海螺片不會太厚否則就會好硬。這海螺也很新鮮！ 說到牡丹蝦剌身，可能開始的時候無聽清楚可造“二食“，兩隻蝦來到的時候不見了蝦頭！在那呢？原來另外把剩餘的蝦肉做了軍艦壽司了。說到這，我本人其實希望見到蝦頭！當蝦肉連頭一起就能容易分辨蝦的質素。首先眼睛要圓也要脹卜

見倒OR呢間日本居酒屋咁多好評就即管同老婆試吓，打去book果陣話全晚都爆左walkin都無位，心諗真係咁多人食？留左電話waiting list之後無耐就打比我有位，即刻搭車過去啦！原來舖頭係好細，應該得十五、六人加bar枱二人倒，都幾有居酒屋feel，之後就緊係點菜啦，睇過佢哋嘅wine list有D貴所以就只係叫左啤酒同一杯特飲.....味道唔錯，綠色唔記得咩名嘅葡萄幾好咬口真係燒得啱啱好，送啤酒最正不過不失，無想像中咁鮮味，正常咁啦白鱔唔錯及肥美但牛舌好薄無咬口好肥無咩肉味，食落口只係一塊凍肥膏咁，最唔得呢個不過最大鑊係食食吓有隻大強出現，店員很快就消除左，但已令我太太之後都無胃口食了.....

石亭是一間香港難得的日本居酒屋！因為真的太好味！今次已是第二次光顧，依然是沒有失望！廣島真蠔！真係睇到眼得凸埋的真蠔！完全整個手掌咁長好肥美好誇張。入口差點整隻就吞落喉嚨，好似飲水一樣shu一聲就食左，只能用一個字形容：鮮！連加青檸汁都不用，因為dd腥味都冇呢！刺身拼盤終於出場（只能說我輸了也許是你怕了）order萬年唔捨得食的好野！刺身！！ - 牡丹蝦 吞拿腩 海膽海膽大大片不苦不廿 如果唔中意太濃味可以用紫菜包住黎食！但我覺直接食先可以食到本身的味道！重點就是呢片吞拿魚腩 $100一片！完全係一入口即溶 唔會好油 味道好出與出面其他地方食無得比較！白鱔其實我對於食魚唔係太大興趣但食落去好又不錯皮脆好香口！日本黑毛和牛平常食和牛都係燒住食再加上燒汁簡直係整品但廢青從來冇諗過可以生食和牛，入口好軟有口感如何唔想太dry可以沾汁一起食更加野味！

近年韓風仍然大熱，韓式餐廳成行成市，但日式居酒屋仍然都有唔少嘅支持者，我就係其中一個！上星期去到尖沙咀辦事，之後就同幾位好友去到位於赫德道嘅“石亭居酒屋”店面雖小，但和風味濃，陳設雖然簡單，正正就是居酒屋的特色。坐低後店員先奉上一份前菜，當日有魷魚軟骨沙律，軟骨係魷魚的頭部與爪嘅中間位置，食落非常爽口彈牙。再黎份涼菜醒醒胃先，“冷日本春菜”，上面有D木魚絲，菜爽脆，味道有D苦苦地，但好食！餐廳上菜嘅速度都幾快，我地order嘅菜式好快就送上，刺身拼盤: 活北寄貝，肉厚甜美，口感爽脆吞拿魚大腩，好肥美，脂肪比例平均 ，食落滿口油香  珍寶牡丹蝦(兩食)，蝦肉晶瑩通透，非常新鮮，爽口彈牙。珍寶牡丹蝦蝦膏、春，師傅就整左做壽司，蝦膏似一粒粒綠色珍珠提子，晶瑩通透，非常吸睛，口感非常脆嫩，而且鮮味濃郁！有佳餚，當然要有美酒黎烘托，大家一致贊成點左枝好好飲架“獺祭” 天扶良：有花竹蝦和目光鱼，炸得酥脆，蝦鮮甜及香味濃郁，目光鱼外形有點似多春魚，但口感比多春魚香滑  和食就點咗清酒煮蜆，蜆大隻肥美，無沙，配以清酒烹調，鮮味無比  餐廳整體食物質量有水準，服務亦殷勤，係三五知己消閒暢飲嘅好地方，值得

金仔我好中意食日本料理但食黎食去都係普通放題無咩特別今次問了高級商務部大臣的提議不如就去居酒屋食一次!!入到去原來是細小的店但充滿濃濃日式氣氛!事不宜遲, 立即核試!- 雞泡魚干真係估不到咁好味！好煙un鹽鹽地好開胃！-日本粟米第一次生食粟米一口咬落去較清甜 幾過引- 天婦羅廢青最中意食烤物所以一口氣order六款沙追魚，花竹蝦，南瓜，蕃薯，苦瓜，栗子通常好多人最愛食就是蝦 但廢青我最愛的是栗子 估唔到已炸的栗子係咁甜～如果食魚/蝦 店員亦建議可以沾柚子鹽/抹茶鹽- 明太子未試過一大啖吞落去 不過對於廢青就鹽左d辣左d 如果送白飯可能仲正!- 燒物牛舌~好厚的牛舌! 哎落好juicy!! 正！- 壺調 其實金仔我對於食魚唔係太大興趣但食落去好又不錯皮脆好香口!!

到過呢間居酒屋好多次，晚飯、午餐都食過，最正而最抵食當然係只有午市供應既定食套餐啦。最喜歡點既係自選三色魚生飯定食，呢次揀左北海道帶子、海膽、劍魚。食日本菜或者壽司，最唔鍾意港式大大件果啲，壽司應該做返壽司既size一口可以食一件，而呢度絕對唔係港式果種。定食套餐係用一個托盤上枱～刺身飯用一個呈漏斗型既飯碗盛載，裝既飯剛剛係平時食飯碗咁既分量，上面放滿我order既刺身：劍魚足有四大片、足有三分之一板既海膽、肥美大粒既帶子上掃上左自家調製既醬油，睇下呢種豐富同新鮮既光澤度！很少會在午市定食既刺身飯上面睇到～ 店家會跟一小支壽司醬油比你，不過其實師傅已經調好味，自己按需要伴入芥末就食得架喇～真係覺得唔夠味先再加醬油啦～另外套餐配有前菜鰹魚花漬蘿蔔（按時令替換）、茶碗蒸、薯仔沙律（按心情替換）、唔少得有麵豉湯。食完重有飯後果，橙、西瓜都好細心去左皮，一督就食得～ 另外晚市既生蠔同刺身都好正架，重擺設得好靚添，相機食先愛好者啱哂呀！

去完日本翻黎之後 一直好掛住日本既美食 雖然香港好多日本餐廳 但唔係間間都做到高質素既食物 而石亭就一向表現出色 所以我又黎到呢度食晚飯 懷念一下日本既味道石亭佔地唔大 只有幾張枱 幾個吧位 所以好有日本居酒屋既感覺 一坐低就叫左個從來未試過既菜式- 水晶菜 個名好特別好靚 賣相亦一樣 葉子既面頭好似有水珠咁 食落嫩脆 清涼 爽口 風味清香 配埋胡麻醬一齊食又係另一口味 呢款前菜新穎可口 唔錯跟住個刺身拼盤又係好正 全部刺身都好新鮮 我至愛係日本真蠔 洗得好乾淨 大大隻好肥美 食落肉質滑溜爽口 蠔味幾重 略帶海水味 拖羅又係我好鍾意既 粉紅色既雪花紋路分佈平均 肉質充滿油香 入口即溶 而且魚香持久 和牛刺身亦係我另一推薦 和牛片被冰鎮住 以免溫度過高 令和牛融合或者氧化 所以和牛片首先要係秘制醬汁入面拖幾下先放入口 呢個係最佳既食法 和牛薄片油脂分佈均勻 油香豐富 但一d都唔肥膩 同拖羅一樣入口即溶 黎到居酒屋又點可以唔叫串燒呢 分別叫左牛舌同白鱔 兩款都燒得啱啱好 牛舌燒得外脆內嫩 雖然唔係厚切 但一樣啖啖肉 好有牛味 調味簡簡單單 更加帶出牛既鮮味 而白鱔既外

一個寒冷既晚上走在尖沙咀的街頭，同三五之己想搵到地方食下野，飲下酒，我推介大家可以試下日式居酒屋，和亭。一來個前菜就是凍食水晶菜，水晶菜特別之處係表面有好多水珠，一咬落去口腔充滿住水，係食正餐之前濕潤下口腔。今次我地黎飲酒為主，主要介紹送酒小菜，先來是白子配魚肝，味道上帶有酸味，十分醒胃，入口融化既白子配有咬口既魚肝，有不同的口感。之後來了一個雜錦天婦羅，有蝦，有魚，有南瓜等，最深刻有苦瓜，整體佢表面唔會太厚粉，裹面仲保持到嫩，唔會乾哂，個苦瓜炸完之後好香口之後仲無左苦瓜既澀。係天婦羅既旁邊有炸左既蝦頭，店主會呢個可以當薯條咁食，送酒是非常夾，食落十分香口，好脆，送酒一流。最後推介一個清酒煮蜆，出面好多都會出現既情況係有酒味無蜆味，或有蜆味無酒味，呢個好在入口時一陣陣既清酒香味停在口腔一會，隔會蜆既鮮甜隨之跟上。

又一解思鄉病晚餐~刺身拼盤好華麗既刺身拼盤,日本蠔同北海道海膽係亮點,日本蠔鮮甜肥美,正到暈!北海道海膽,店子好貼心咁附上紫菜夾海膽食,海膽係海水浸既,無香港食海膽有既怪味,即係防腐劑味,苦苦地既果種味.呢度用最新鮮既海水浸海膽,真係有係日本食既感覺!用紫菜夾住食就咸咸地,更加特顯海膽既鮮甜拖羅係厚切,勁肥美!帶子壽司,呢個係出面食既珍寶size,鮮甜到不得了!燒蟹腳,蟹腳燒至剛熟,唔洗加任何調味,食出蟹既鮮味！燒白鱔,其實我係唔食鱔既,但店員極力推薦,咁就膽粗粗試下,.真係燒得好香脆,又厚肉,最重要係無骨!絕對令我對白鱔改觀晒!最後以椰子雪糕作結,用椰子殼裝返住,雪糕應該係以純椰汁同鮮奶制,唔太甜,又香又滑!

今年生日, 老姊話有間日本料理係不二之選, 於是我們來了這間位於尖沙咀的石亭吃晚餐.店子位處赫德道這條酒吧街內, 只有十多個位, 加上各種裝飾擺設, 很有日式居酒屋風味. 店內有用粉筆寫上每日推介的新鮮食材, 方便食客點菜. 是晚由老姊請客, 當然食物選擇也是由她發板.前菜鮟鱇魚肝($20): 鮟鱇魚肝聽得多, 但食還是第一次. 魚肝入口幼滑, 味道甘香而沒有腥味, 感覺真的有點像吃鵝肝一樣. 不膩不滯, 作為前菜實在不俗!龍蝦沙律 ($78): 看起來像薯仔沙律, 但其實內裡包含有小龍蝦, 蟹子, 芥末, 沙律醬等等. 每咬一口都感受到軟腍的薯蓉, 脆口的蟹子加上彈牙的小龍蝦, 而且芥辣味很重, 吃起來很刺激.師傅刺身拼盤($800): 老姊選了赤貝, 海膽, 吞拿魚腩, 牡丹蝦, 帶子和油甘魚. 一上枱已經令人眼前一亮, 顏色鮮明而有光澤, 與平時日本料理的刺身不同. 各種食材都很新鮮, 赤貝比平常的大得多, 味道爽口; 海膽味道甘甜富海水味; 還有帶子夠厚身; 牡丹蝦肉質嫩滑; 油甘魚和吞拿魚腩油脂不俗, 滑而不膩, 質素與在日本吃到的不相伯仲.天婦羅點了薑花($28), 南瓜(

今次輪到好姊妹生日, 好姊妹鍾意食日菜, 我當然識做早早打電話去訂位, 石亭係不二之選.果日訂咗六點半, 由於座位得十零個唔多, 我地坐吧枱.小店位於赫德道, 入內比較擠迫, 可以感受到居酒屋氣氛, 裝飾好有日本風.今日前菜係鮟鱇魚肝, 魚肝好重魚肝味, 但一啲都唔腥, 質感細嫩.另一前菜龍蝦沙律, 佢將小龍蝦拆肉, 混合蟹子, 芥末, 沙律醬, 甜甜辣辣又脆口, 好有層次.主菜師傅刺身拼盤, 從肉眼都睇到好新鮮. 帶子油甘魚鮮甜美味, 牡丹蝦爽中帶綿滑, 拖羅海胆甘香, 赤貝原隻上, 同平時薄薄一片唔同, 過足口癮. 師傅刺身果然唔錯, 比得上築地貨色.跟著到熱食天婦羅, 薑花好似蔬菜, 有好多水份喺入面. 南瓜目光魚蘸上薄薄炸粉食出原味又唔熱氣.清酒煮蜆蜆大鮮甜冇沙, 湯中清酒味香濃.牡丹蝦和牛壽司雙拼, 牡丹蝦跟蝦籽質感唔同, 牡丹蝦綿滑而蝦籽脆口, 食落雙倍享受. 和牛獨有油脂味香濃, 牛味十足.和牛串燒肉質細嫩, 美中不足有少少過咸.雞翼串燒雞皮香脆可口, 雞肉細嫩.最後甜品桃子雪芭同柚子雪芭, 桃子雪芭甜味比較濃, 柚子雪芭就比較清新, 客人可根據口味選擇.