Seoulmate Cafe (Moved) New Location

<<身為香港大學學生，可能你會覺得午餐晚餐都好難搵食，食黎食去都個幾樣今日本畢業生就以個人經驗介紹番你周圍有咩好野食/伏喇>><<If you are one of the HKU students who thinks nothing can suit your starvation around Campus. Please pay some leisure time to study my dining experience collection. If you cannot read Chinese, Please simply watch the pictures, follow the overall rating , or find the local mates for translating my comments>>事先聲明，我幫襯既時候仲係舊鋪。見到openrice既相片同評價，加上過百食評就係我去幫襯既原因。價格絕對不是頹飯系列。入左cafe之後，無曬平時你所認識既步隊鍋，泡菜，人參雞湯或者伴飯，就

西環實在太多好野食啦，隨便一間都已經好正😍呢間seoulmate係韓國人開既～佢既甜品都幾唔錯架😃而且環境好令，有得坐室外同室內👌🏽影相一流！K爆米餅脆脆柚子芒果 hkd58 😊 佢個雪糕好好味👍🏿而且啲芒果好甜！加埋啲米餅食一流🤓而且賣相100分！另外亞豬媽年糕多士 紫薯味hkd63 😳佢個多士係熱辣辣，食落完全係爆紫薯😈啲年糕煙煙unun 冇得輸呀！加埋佢個雪糕一冷一熱咁食好正呀✋🏿推推推

最近，有朋友告訴我位於西環西營盤第三街的 Seoulmate Cafe 即將搬往銅鑼灣，趁週末順道到西環看看是否已結業？！ 西環店已結業！自從 2014 & 2015 年幫襯後，起了草稿一直都未出食評！還打算今年再幫襯才出食評，恐怕現在是時候出這篇倉底貨嘞！ 之前，媽咪叫我幫她走到西環買藥材，為免放工走過來藥材舖收舖，還是星期六來比較穩陣！ 既然一場來到西環，不妨在這裡食 lunch！ 韓式咖啡店 Seoulmate Cafe 由3 位港男及1位韓籍 Oppa 開設，店名亦取 Soul 同音靈魂的意思，店主希望食客可在這裡讓靈魂休息放鬆一下！由於，店內的負責人是一位年輕的韓國人 Oppa 就當他是老闆吧！只有他一位一腳踢弄食物! 另有一位女店員幫手送餐，每當有食客走入來，他都會告訴對方，食物要等上 20~30分鐘！食物即叫即製，要耐心等候！我專程走過來，就算要等上半小時，也在所不計！店子環境清幽舒適，猶如走進一間小韓舍！店子後半露天部份是一個神秘花園！ 還設有一座木製鞦韆！感覺優閒寫意！卻是夏天幫襯，這裡不但只熱還會餵蚊！雅興盡消！ 店內的小擺設，總透出店主的心思！牆上擺放著韓文書籍

tea time時間諗住坐低飲杯咖啡休息下~ 外面望入去以為餐廳好細, 點知原來入面仲有個好靚既小花園!熱紫薯Latte - 本身諗住會好甜, 但點知一飲落去, 好濃郁既紫薯味, 甜味適中!! 蒜香K爆米餅配柚子芒果煙三文魚 - 有兩大塊米餅, 然後自己再加柚子芒果三文魚, 賣相好標緻, 味道就一般...K爆米餅+脆脆柚子芒果 - 賣相真係一流, 好靚! 但d米餅本身整到好細塊, 當盛載水果時, 大力少少取出都會斷, 好難去進食... 而且d士多啤梨好酸... 

呢期每個月首個禮拜六搭地鐵都有優惠，趁優惠期間，就同老公過海覓食。我哋嘅目標其實係一間近期爆紅嘅台灣餐廳🤗由於人頭湧湧有排等，所以一於試埋呢間响隔離嘅甜品Cafe。一邊食一邊等。呵呵！我哋叫咗好多人推介嘅甜品——亞豬媽紫薯年糕多士大戰雪糕！（叫餐嗰陣好似讀急口令，哈哈！ ）我係一個紫薯控，我老公就連甜品控都不是！賣相唔使多講，相機食先，大家有眼睇。😜我急不及待切開塊多士，嘩！外脆內軟，多士夠脆，年糕同紫薯嘅份量比例啱啱好，連老公都話好味！不過啲紫薯味再濃啲就更好。雪糕同多士真係有得fight! 清新的豆腐味，中和番紫薯年糕嘅膩感。雪糕細滑，唔太甜！一啖雪糕加一啖多士，難分高下！再加埋面頭啲果仁，成個甜品有層次感。如果你鍾意食重口味嘅甜品，呢一款就未必啱你。同埋呢款雪糕要用力切先至切得開，堅係大戰雪糕 😅慢慢嘆完個甜品，就準備食下一餐！

西環呢頭真係越來越多好嘢食，所以放假都專登過嚟西環呢度，想搵間環境好啲嘅Cafe坐下。呢度買嘅嘢食好多都係韓式嘅fusion嘢，另外就係紫薯嘅產品喇。今次我就叫咗個紫薯餡嘅吐司，一嚟到個賣相都唔錯，幾精緻，味道唔算太甜，都幾好食。不過呢度環境真係比較細，座位同座位之間都幾迫，加上出面又有人排緊隊，所以都唔敢坐得耐。

想搵間文青cafe hea！ 上網就search到呢間位於西環的SEOULMATE CAFE。仲要係OPENRICE頭幾位的CAFE！岩晒喇！西環地鐵站又開左！方便晒！出左西環站行8分鐘左右就到，又易搵！其實原先係睇中左佢既OUTDOOR同埋搖搖椅，想懶係有FEEL咁影下相點知不幸地落雨，就算OUTDOOR有cover擋雨，都唔方便但..室內又好凍，所以都係坐左室外至於食物方面，叫左 岩漿蛋拌飯配黑松露煙三文魚樣的確好吸引，岩漿蛋汁都可以，但可惜黑松露味唔夠濃..

每個人身邊緊有一個紫薯控❗️金翅一於直擊Openrice得獎熱店🔥粉嫩誘人的紫薯甜品😍教我如何抗拒呀～😂亞豬媽紫薯年糕多士大戰雪糕 🍠 ($62)哈哈個名好長好有氣勢😆上枱就傳出啖啖紫薯香味💕賣相夠哂精緻吸睛👀紫薯控come on！🤘🏻外層多士烘得相當香脆👏🏻原來入面仲有年糕同紫薯蓉架😳切落去難捨難離。欲斷難斷🙊多士面頭仲細心灑上紫薯粉🙇🏻口感果然超煙韌呀！😛原來豆腐雪糕都好出色💯影完相都完全無溶過😂味道香濃細滑。冷熱交融🍦杏仁同南瓜子秒速提升脆脆口感👄不愧為Oppa得獎食店呀！🏆🙏🏼

作為二零一六年OpenRice最優秀開飯咖啡茶室之一的Seoulmate Cafe，久仰大名，終於難得一臨西環這片平日從不途經踏足的土地，首當其衝當然要到訪一下。餐廳分為室內及室外環境，室外環境猶如一個小庭園，食物方面主要是fusion韓國菜，下單及取餐都要客人自行到櫃位辦理。亞朱媽年糕多士和雪糕大戰黑芝麻和綠茶 ($63)名稱長如流水，簡單而言其實即是黑芝麻抹茶雪糕年糕多士，另外更有榛子醬脆焦糖香蕉、紫薯或烤棉花糖OREO味選擇。薄身多士烘得外脆內軟，切開雖然沒有預期中的拉絲效果，不過中間的年糕口感相當煙韌。抹茶雪糕味道偏淡亦較重冰感，不過濃郁香滑。多士上面撒滿杏仁片及葵瓜子，增強口感。雖然整體抹茶味欠奉，但是黑芝麻味反倒是極之香濃，多士夾著一層滿滿的黑芝麻醬，徹底令我這個黑芝麻控為之瘋狂。紫薯芝士蛋糕 ($42)紫薯芝士蛋糕是這裡的熱門甜品，夢幻紫色遍佈整件蛋糕，令人心花怒放。芝士蛋糕質感綿密，沒有紐約芝士蛋糕那種厚實甜膩的感覺，芝士味道與紫薯並駕齊驅，恰到好處，雙方亦沒有蓋過彼此香氣。清熱茶 ($29)首次品嚐韓式涼茶，杯子別具家居感覺，味道比中式涼茶容易接受得多，更加平和。韓山

生日特登黎朝聖一下，不過都係食環境…食物方面，真係一般般。叫左個 "脆芝士泡菜炒飯配蜜糖鴨胸"首先，個鴨胸係唔錯，甜甜地，但個芝士好鹹，好膩，影響左個口感如果用返平日芝士條會好味得多，如果想脆，可以加少少麥米果啲…另一個係 "紫薯k爆米脆餅配泡菜肉腸"呢個唔錯，鹹鹹甜甜，幾得意，但食唔到肉腸，因為太薄同俾泡菜搶左個味道!! 但不妨一試野飲方面，分別係 "摩卡咖啡" 同 "雜莓茶"係人都知摩卡即係朱古力味，但呢杯野朱古力淡，而且無咩咖啡味至於另一杯，同利賓立差唔多，又無果肉所以我只會黎一次

本來睇ig及openrice既介紹 覺得食物幾靚幾吸引 所以決定昨晚去試下餐廳坐位不多 幸好當日係平日 只有我和友人Menu只有主食 甜品 及飲品 ，想食小食都無機會～我地叫左 主食：溶岩蛋黑松露煙三文魚飯 及 脆芝士泡菜炒飯配蜜糖鴨胸飲品：榛子咖啡 及 摩卡咖啡甜品：傳統冰沙 及 心太軟煙三文魚飯：個人不好南瓜 但menu無寫清楚 飯內有南瓜增加甜味 然而蛋太熟 無'溶岩'感覺脆芝士泡菜炒飯：比較辣 脆芝士豐富口感 咖啡普普通通甜品係最失望傳統冰沙：黃豆粉、紅豆、糯米糍重點係冰沙好粗粒 好似刨冰咁 韓國冰沙唔係應該幼細入口即溶架咩 完全唔合格心太軟亦不如理想 個人鐘情食心太軟 但seoulmate cafe既心太軟蛋糕身唔夠挺 挺同軟熟係有分別 但呢個心太軟就太稔 朱古力漿唔夠熱溶唔曬 有啲朱古力漿都凍總括黎講 ：觀賞性食物 唔會再食

韓國返嚟之後抽起條筋又會想食韓國菜，睇番都有人介紹過seoulmate cafe，大部分都係好評，襯聖誕假期去試下~店面位置不大，不過餐廳後面有露天位置，晚上坐外面，採光一般，唔適合影相，不過有另一種氣氛，感覺寧靜。雖然由韓國人主理菜式，但完全唔係韓國街嗰回事：fusion野餐單大概有五六款主食，甜點、飲品選擇較多~(餐單看文末)脆芝士泡菜炒飯配蜜糖鴨胸 $84 個名夠哂長，不過好安全，因為已經將所有材料列出價錢稍貴，但賣相不俗~溫泉蛋放泡菜炒飯上，撈勻食。泡菜味唔太突出，止唔到條癮，叫唔醒味蕾…煙鴨胸加上蜜糖烹調 唔會乾，不過不失。比較特別係墊底嘅芝士脆脆，芝士味香，可惜唔太脆。不過成個飯唔夠熱係致命點，可能我麻煩，食飯係鐘意食熱辣辣的~紫薯K爆米薄餅配泡菜肉腸 $56薄餅細細一人份，不過始終係頂肚野，share食最好。相對泡菜炒飯 薄餅嘅泡菜味反而更濃，肉腸弱弱幾塊，不說…芝士、泡菜、肉腸、薄餅本來都係夾得到嘅材料，加入紫薯，不至於怪，但口感蓉蓉地，食落甜甜地，好難形容。餅底以爆米做，唔太脆口，但每人兩塊都有少許膩。韓山什莓 $32果茶有6款，全部來自韓國，大部分係有機咁話。(高敞

見ig介紹啲相又幾靚 所以今日就去左去到其實得4張枱，不過原來入面仲有得遮既室外位。 我地叫左一個棉花糖奧利奧冰，我覺得啲冰可以加啲煉奶 感覺無咁hea。另外個飯都算好食 加埋酸酸地既汁 都幾好配搭 不過價錢比較貴

我點咗Caramel iced Latte 少冰~事先已問了服務員店中的latte 是否重espresso味，他們說有兩shot～平時有兩shot espresso對我來說才夠味~但出來的效果是勁奶味～蓋過咖啡味另外我朋友點的凍抹茶latte, 亦是很淡抹茶~甜品亦不外如是。。。而且要趁熱食 ～有層焦糖綿花糖，跟整個甜品不是太配合

Ok I can understand they've tried to be creative.. But the menu is totally different what Koreans really eat. My friend and I tried Bibimbap&rice pizza&yuja tea&omija tea and it is hard to say which one is worst. Everything is just.. DON'T THINK ABOUT HAVING A MEAL HERE