勝面 (Closed)

睇戲前嘅晚餐，人流唔算多，座位寬敞，內部光線同裝潢簡潔風、純白色牆。嗌咗白肉湯飯，花枝丸，同埋九層塔手抓餅。 最好食係花枝丸。湯飯放得太多生蔥，成碗嘢食完都覺得好辣，唔會再叫。椒鹽味嘅花枝丸夠晒脆同大粒。九層塔手抓餅都OK，不過同喺屋企自己煎嘅蔥油餅差唔多。Remarks：過程中一直播住台灣歌，略嫌有點太大聲，吵耳。水杯好細而且每次都唔裝滿，搞到要麻煩店員幫手fill水好幾次。總消費：～$160 total味道：6.5/10視覺：7/10環境：7.5/10

台式甜不辣拼花枝丸滷肉飯 $62整體分量都幾足👍，花枝丸炸至外脆内軟。甜不辣同之前食既完全唔同，呢到既甜不辣煎炸至外皮微脆，偏乾身。但之前食既係軟軟糯糯，比較煙靭，而且上面會淋上醬汁，個人覺得兩種都好味😋。滷肉飯表現正常，但滷肉可以再多啲。 涼拌手撕無骨鹽水雞滷肉飯 $70鹽水雞係分開另上，都幾大碗，鷄肉唔會過乾，而且麻油分量剛好，整體唔會太油，加埋青瓜食好fresh💁‍♀️。 流心麻薯芋泥鷄蛋手工手抓餅 $38本身期望都幾高，可惜有啲失望😿。手抓餅似一早整好放係度，涼涼地，亦都做唔到流心麻薯效果🙈，不過麻薯同芋泥都幾有椰奶味，味道唔錯，加番啲分。由於手抓餅已經放涼左，所以餅皮唔脆。整體黎講，唔熱既手抓餅扣左唔少分。

每次經過都想試下，今日終於去了，叫了個台式甜不辣配花枝丸滷肉飯，同杯野飲，花漾繽紛茶，份量剛剛好，同幾好味😋但我見我朋友食麵類的就相對下份量好小，不推薦，杯水果茶幾好飲，不會太甜，十分推

由於疫情關係，就算星期六中午都唔使排隊，第一次食有好多野想試，叫到一枱都係。叫左芝士肉鬆手抓蛋餅，麻辣四寶牛肉麵，涼拌手撕鹽水雞，小碗滷肉飯。太耐無去旅行，想食新鮮製蛋餅想左好耐，呢份做到酥脆效果，芝士同肉鬆亦好夠味，但想以為當小食就太天真，佢都幾飽肚。牛肉麵叫左中辣+刀削麵，味道不錯，但牛肉一般，下次再食，會選入味好多又夠香嘅滷肉飯。鹽水雞就正正常常叫得過啦。另加鴉片黑糖波波奶茶同珍珠奶茶，因為天氣凍所以叫左熱嘅，但其實只係室溫，波波珍珠好味，係琳琳地唔太煙韌個隻，好飲嘅。服務態度好好，有機會會再黎，試埋佢其他小食。😋

冇錯又係台灣野👻1. 涼拌綜合手撕無骨鹽水雞 $45幾入味 份量都夠兩個人share 不過可以再滑啲啲雞會再好食啲 唔差嘅2. 御廚滷肉飯 （小）$38係有菇嘅滷肉飯 事關小編好偏食 所以就打左折扣 但係撇除唔食菇喱樣嘢 都香嘅 不過肉可以再多啲 隻蛋幾好食嘅3. 芝士肉鬆雞蛋手工手抓餅 $42呢個應該係咁多碟餸入面最鍾意食嘅一個 手抓餅皮好鬆脆 芝士好邪惡 不過略嫌蛋香味唔夠 不過整體都幾好味4. 抹茶歐蕾熔岩 $33嘢飲味道幾特別 不過抹茶味唔算好出 甜味同布丁味比較多 鍾意抹茶個個澀味嘅話 就未必咁鍾意飲Overall 推介指數：3/5今日兩點去食冇咩人 唔洗等幾好 不過staff得一兩個 咁少人嘢飲都要催一催先到 所以服務有待改善 不過食物質素還好 如果路過旺角又唔洗排隊 想食台灣野都可以試嘅

呢個芝士肉鬆手抓餅啲芝士係可以拉絲的，而且真係食到台灣嘅原味道😍😋台灣的味道，想念！另外叫左鹽酥雞，炸得比較乾同硬，味偏淡！珍珠奶茶一般般。反而桂花鳥龍感覺不錯，有茶香，食完手抓餅消滯啱晒。

上次食過已經覺得幾好食今次同朋友黎開朗豪坊就帶佢試下先，平日晚上八點幾都坐滿左9成人🍴食物🍴1️⃣招牌麻辣牛三寶$85，牛三寶=牛腱心+牛頰肉+牛頸脊，肉很淋有牛味👍🏻麵都幾彈牙，鴨血同豆腐吸埋麻辣汁yummy，而且有小/中/大辣選擇，小辣對我哋來講就啱啱好，麻辣很香👍🏻2️⃣流心麻薯芋泥雞蛋手工手抓餅$42，麻薯煙韌口感好喜歡💕配搭芋泥好夾3️⃣白桃烏龍$25，茶味偏淡但有淡淡的桃味好清新。💥服務💥員工有禮貌，有笑容。💥環境💥簡單嘅裝修，座位與座位之間唔會好迫坐得幾舒服。

離晚飯仲有一段時間，就找間餐廳坐坐，見到這店都有人龍出現，唔係等得太耐便去試試。雖然店內用隔板隔開了每一張枱，但感覺上仍然坐得有點密。<蒜香台式香腸>香腸有兩款，一款是墨魚香腸，外表烏黑黑，個樣有點不討好，我卻第一次食，好像比較鹹，而且味精也好像較多。另外一款是台式香腸，味道也是一般一般的，而且內裏也充滿了脂肪，使人感覺肥膩。<鮮敖豚骨 豚白肉>湯底都幾濃，豚肉都燒香過，不過只得幾片薄片，份量較少。<人氣精燉 牛腱心>肉質軟滑，筋肉分明，經過燉製處理，味道濃郁，鹹味適中，這個要刀削麵，口感煙韌。雖然飲了杯百香果茶，但食完都幾口渴。

之前諗住去朗豪坊食天吉屋，一嚟到見到好多人排隊，以為係排緊天吉屋，所以都一齊排，等咗差唔多成半個鐘先發現原來係等緊呢一間勝面，排咗咁耐諗住佢點都有少少過人之處，先會有咁多人排，所以諗住就算排錯都照食，點知係我諗多咗，我嗌左一個牛肉麵同埋甜不辣，覺得好一般，唔難食但係價錢有啲貴， CP值唔高。

今晚同雞仔做完港女後，便來到朗豪坊揾下輕食地方這間食台灣面的就最適合我倆胃口店員大多數講國語的，由於我們國語不是太好，好彩店員聽得懂我們的廣東話，哈哈我們點了：白桃烏龍$25 - 冷泡烏龍茶，茶味清香，有桃粒，不會太甜，好飲涼拌手撕雞配拌刀削面$68 - 初時以為份量少，但食落都足夠。原來拌面是麻辣味，好麻好惹味面條口感好煙韌彈牙雞絲有麻油味好清香整體味道不錯流心麻糬芋泥雞蛋手抓餅$42 - 大大粒麻糬煙煙韌韌，口感非常芋泥香滑，被雞蛋餅及酥餅夾住爆瀉，超好食喜歡食麻糬的朋友一定要試今晚食得好滿足另有加一收費!

Unbelievably clear broth which almost looked like water. The beef shank slices were so tender that only minimal chewing was required🍜清燉牛肉麵湯底超清 完全沒有油膩感牛肉炆得好淋 不過還是喜歡厚切有嚼勁的牛腱肉顆白菜顏色好翠綠好fresh🥬喜歡濃口味的可試麻辣牛三寶🐂有齊牛頸脊肉、牛腱肉和牛頰肉還配鴨血豆腐 看上紅噹噹 但其實不太辣

星期五晚上黎講排隊等左十分鐘都算ok，座位位置尚算舒服，裝修以簡約為主，進食期間不斷有小蚊仔飛黎飛去，呢方面就有待改善。首先叫左4款菜式：總括而言，成間店最台灣既地方就係店員既口音，想食台灣野有其他更好既選擇✍🏻！

經過見到呢間無咩人又環境乾淨，又唔見有寫限時，同fd入咗去食，2個女仔叫咗4個餸2杯野飲，大肚婆係大食啲😅 啲嘢食都唔差，我哋食到一半，個職員無啦啦攞張單黎話我哋限時60分鐘，你哋俾card 定現金，我即刻問佢，我入黎到而家你哋都無講有限時，仲要係60分鐘！！！個職員黑口黑面話：我哋門口有寫，呢度好多間都係限時60分鐘，麻煩埋單。我話：有限時我明，但係咪應該要講聲先，得60分鐘我一定唔會揀你呢間食！！個職員黑面走開咗🙄🙄🙄同我fd講，大肚婆食嘢本身唔可以食得咁快，同埋我哋叫咗咁多野，佢哋而家開始有人排隊就趕客！但我哋啲野仲有一半未食曬，都要逼著埋單先。出到門口，我望咗好耐都唔見有寫限時60分鐘，入返去問個職員係邊度寫，佢話玻璃mon 有顯市，我再出去望咗2分鐘，唔見有顯示！由於我唔想動到胎氣，唔想再同個職員糾纏，但好想講咁嘅服務態度真係好差，就算啲嘢食唔差都無用！有要限時真係係無問題，但唔該提前同人講或者每張枱溫馨提示俾人睇到，而唔係逼人埋單🙄🙄

通常去開旺角真係必行朗豪坊😚唔知係咪太耐冇行，感覺開左好多新餐廳咁😝今次就去尋找台灣既原味道「勝面」😎-🎈招牌麻辣·牛三寶 $85牛三寶其實即係牛頸脊、牛頰肉同牛腱心～原本仲會附上豆腐同鴨血，但鴨血又缺貨🥺我發現好似每次去親邊間想食鴨血時，都冇得食🤔😰至於呢個牛三寶食落好重牛肉味，份量都幾多，平均每款都有三至四塊好足料😊今次叫左小辣但感覺唔係好辣，不過有時候少少麻辣既味道反而可以帶到成個味道出黎😳至於關廟麵個人覺得又唔算太特別，正正常常咁🙈-🎈人氣清燉·牛腱心 $65 呢碗真係超清淡，望落去都好清湯的感覺😅😂如果係注重健康同食得清淡既就一定好岩😎佢味道都還好的只是相對比較清淡而言～牛腱心其實係屬於牛小腿既肌肉，食落應該比較有嚼勁，但經過長時間既燉煮，已經變得好軟淋🤤😋我反而鐘意軟淋啲既牛肉😳-🎈涼拌綜合手撕無骨鹽水雞 $65 呢個我同男朋友仔都一致覺得好食😋綜合其實就係除左有鹽水雞外仲包埋豆腐、青瓜、雞蛋同甜不辣🤣又係好貪心咁叫左勁多😆食落個鹽水雞唔會好鹹，落左芝麻油所以好香，不過個整體黎講都係偏油左少少🙈-🎈脆脆布丁歐蕾奶茶 (冷) $35喝起來這個奶茶很重茶味😚原本其實唔知原來呢杯

第二次再去食勝面，為的是他的芋泥手抓餅。其實這間餐廳質素不錯，但不知為何每次去食，店面人客都很少。涼拌手撕無骨鹽水雞配刀削麵（$68）細細份可能不夠飽肚，但雞肉嫩滑好食。人氣精燉牛腱心湯麵（$72）牛肉燉得好淋亦保留牛味，不過刀削麵底不算太彈牙，不過不失。流心麻糬芋泥雞蛋手工手抓餅（$42）手抓餅夾著煙韌麻糬，好香芋頭味，食落不會太油膩。桂花之秋（$25）清新花香味，不會太甜。整體來說不錯，雖然麵類不算非常出色，份量偏少所以不算太抵食，但甜品值得一試。