幸拉麵 (Closed)

入到餐廳，女服務員用日本打招呼加微笑😊歡迎，餐廳內播放日文歌。點了黑豚肉拉麵。一陣拉麵到，賣相唔錯，有蛋，有紫菜，蔥，木耳和大塊豚肉。木耳爽帶點酸性。蛋半熟好味，湯味夠香，麵質帶韌性還可以。

之前試過黑豚 今次試赤豚後者正好多! 濃濃的蕃茄味 仲要有激多鮮蕃茄蓉浮面 最surprise同加分就係佢辣辣哋🌶再過份啲係 呢個湯底有專屬嘅芝士粉比佢蕃茄湯 酸酸甜甜 已經好醒神㗎啦 辣味再令味覺刺激得多 再加埋芝士粉。。真係更上一層樓好有獨突性among另外嘅選擇麵底我就唔表揚啦因為唔係我杯茶就係好幼好圓dum dur gum lorr味道：7/10幸 Shiawase Ramen赤豚 (番茄豚骨味道)-肩胛肉、半熟蛋$108📍北角

剛好到北角找到小街裡一間店面亮亮的拉麵店，想不到有驚喜！拉麵種類不多，去的當晚有白、黑、赤豚，最後點了一紅一黑！赤豚 （番茄豚骨味道）
這個真的很有驚喜，比較少吃過赤拉麵是有番茄湯式的，所以辣得來還有陣陣番茄的甜味，非常好吃！而且湯底味道濃郁得來不會很過咸或很油。配菜有肩甲肉、半熟蛋、筍干、大蔥和紫菜，份量挺多的。肩甲肉是薄薄的很挺大片的，脂肪比例平均不會過肥或過瘦，沾著湯汁吃很好吃😋半熟蛋生熟程度剛剛好，超滑而且有淡淡醬油味。麵條是幼幼的比較硬身，掛湯度很高！推介！
黑豚（大蒜豚骨味道）
很多拉麵店都有黑蒜拉麵，但很多都會煮得過油，但這個味道很剛好，啖啖都有濃郁的黑蒜味～配菜幾乎與赤豚一樣，但少了筍干多了木耳，同樣地份量足夠！我一個人都吃不完一碗啊～

我很喜歡這個小小的店面，很有日本拉麵店風情，看到師傅專心致志煮麵的樣子覺得這裡的拉麵比連鎖拉麵店的多了份感情啊～店員還很貼心給了點黑豚的我一粒薄荷糖除臭～總括來就是十分推介的！

小白兔既舊同事曾經介紹過哩間隠世拉麵鋪，今晚見喺附近，一於黎試一試。的確係幾隠閉，雖然喺AIA TOWER度，但原來入口喺宏安道，唔喺附近做嘢都未必會知。再睇一睇先, 門口貼左告示話豚肉來自西班牙, 熬煮湯骨分別來自歐洲同美洲。睇黎材料都比較名貴，行真材實料路線。滿心期待。再睇睇有咩食先, 選擇唔多, 都係豚肉為主,可以選擇不同口味. 今次我地試左黑豚冋赤豚, 另再追加各一份筍干同木耳。黑豚 為大蒜豚骨味, 配上肩胛肉，半熟蛋，木耳，大蔥，紫菜。濃郁既黑蒜味 配上滑溜既豚骨湯底，香氣撲鼻。麵好幼滑，肩胛肉帶少量油脂，好淋同入味，入口有溶化既感覺。幼麵配上黑蒜油，令口感更滑更香。半熟蛋外層略帶茶香，咬開後流心湧出黎，蛋味重，好味。赤豚 為番茄豚骨味, 配上肩胛肉，半熟蛋，筍干，大蔥，紫菜。蔥花擺放精美。同黑豚一樣咁好味，唯一不同係換上蕃茄湯及筍干。蕃茄湯好濃郁，略帶微辣。蕃茄既微酸同辣味相輔相成，原來拉麵都可以咁好食。另可灑上蕃茄湯底專用既芝士粉一齊食用，原來又係另一種層次。仲有一個昆布醋可以用來沾麵用。不過我個人認為咩都唔落，都已經好好味。細節做得好，係幸拉麵既另一優勢。冰水係用隔溫既

北角出名有不少美食，今天在油街展覽前，在附近就發現了一間美味的拉麵店，湯拉麵的選擇有四款，我選擇了赤豚，朋友選擇了黑豚。先來一個飯前小吃，木耳一碟，木耳爽口，麻油味很香，一疊有10數塊左右。朋友點的黑豚，其實就是黑蒜油拉麵，有蔥花、多件叉燒、木耳，糖心蛋，紫菜，拉麵是幼身的，麵質很不會過腍，幼麵也比較能吸收黑蒜油湯，黑蒜油湯也不會過油膩，朋友喜歡到把它整碗喝光。😂我點了赤豚，湯底是蕃茄豚肉湯，同樣有叉燒、大蔥、筍乾、糖心蛋、紫菜，番茄豚肉湯有少許辣，辣得來很可口，令我食慾大增，旁邊有芝士粉可以調味，灑下芝士粉的豚肉湯賣相更吸引，而且這個配搭也出奇地配合，湯底用新鮮蕃茄餚成，特別濃郁美味。

今天星期五晚下著毛雨，剛到這區活動，活動前梗係搵下食先自己搵食，梗係搵平時老公唔食既拉麵，見到食評呢間幸拉麵好高分，二話不說來了星期五晚七點以為人會多，點知黎到我係第一個客人喔店員好有禮咁招呼我，仲開埋音樂添。店內裝潢很舒服，木色系為主，又有自閉位，最岩偽文青既我由於做足功課，我拎起餐單好快就劃左黑豚蒜味拉麵(88蚊)，再加木耳(10蚊)。一上麵，超~級~香~呀！大愛，飲了幾口湯，唔覺口渴。麵質適中，木耳有醋醃過，同出面其他拉麵店既味道同口感有點唔同好快便食左大半碗，見到係呢間播日本歌，裝潢勁日本既拉麵店，用左個有龍既中囍字碗播無違和感，又夾得幾好播呢間一定係我既re eat list上面佔一席位~希望下次黎有海老麵食喇

今晚朋友有兩張免費戲飛， 叫咗我去北角睇戲，我地都早左啲去到，見有啲時間就諗住食完飯先至去睇戲，其實大家都唔係好熟呢度，不過我知電器道附近有好多嘢食嘅，我們地見到有一間食拉麵嘅小店叫幸拉麵，睇黎好似都幾傳統咁，就入去試下！呢度主打都係拉麵，有幾款唔同嘅湯底，同埋一啲小食配料。我哋就叫咗一個黑豚🍜一個白豚拉麵🍜豚肉吾太肥好好，湯底亦都唔係太油，麵都好爽口👍我最欣賞嘅就係半熟蛋，啲蛋黃心真係流出嚟囉，好好味！

拉麵除咗係日本嘅地道美食，仲隱含住日本人嘅飲食文化同禮儀，呢間位於北角嘅拉麵小店：幸拉麵，由一踏入門口嘅日文歡迎光臨，再播放住日文歌，加上店內佈置，真係好有日本feel！呢度嘅拉麵口味有三款，包括白豚、黑豚同赤豚，仲可以根據個人口味同食量加大麵底同增加湯嘅濃度，加肉同加配料亦得。黑豚拉麵A姐叫咗黑豚拉麵，配料有肩胛肉、半熟蛋、木耳、大蔥同紫菜。黑豚湯底嘅蒜香味非常濃郁，而麵條掛湯力十足，好惹味。而慢煮嘅叉燒用上西班牙豚肉，肉質軟腍，肉香味濃！黑木耳無切撕，但反而更有口感。仲有爆汁嘅溏心蛋，好滿足。赤豚拉麵而我就叫咗赤豚拉麵，除咗帶有少少辣，更重要係用上番茄湯底，夠晒新鮮。仲可以加上專用嘅芝士粉，令到味道更濃郁！配料方面有筍、大葱、紫菜同流心蛋。大讚流心蛋！鋪面嘅蕃茄肉碎份量好多，令成碗麵都充滿番茄濃香。

幸拉麵-隱世拉麵小店位於廣場一小角的小店，門面以落地玻璃窗為主，招牌以幸一字小小的掛上，相當低調，內裡秉承日系拉麵店木元素的風格，和風的小店，有點小確幸的感覺。豚骨拉麵，每款拉麵都付有半熟蛋、筍干、木耳、大蔥和紫菜。肉是採用肩胛肉，肥瘦均勻，肉質有咬口；麵條是採用幼身的麵，充分沾上湯汁，半熟蛋時間剛好，外滑內順，木耳和筍干爽脆得很。赤豚赤色的湯底，蕃茄豚骨味道。新鮮蕃茄打成蓉加上辣椒，酸酸甜甜的味道帶點辣的刺激，蕃茄蓉增加拉麵的口感，另外更設有赤豚專用的芝士粉，日式的拉麵、蕃茄的湯底、西式的芝士粉，味道更豐富更有層次，瞬間變成fusion拉麵。黑豚烏黑色的湯底，大蒜豚骨味道。濃濃的黑蒜油，遠遠就可聞到，黑蒜油的香、油分令麵條更順滑更惹味，味道又不會太死鹹，喝下湯後最暖暖的，沒有一點口喝味精的感覺。

約了老友來北角聚舊兼互派利是，友人想吃拉麵，問我可有好推介。講真，其實我也沒甚麼心水，一於去食評網找找。輸入「北角」和「日本拉麵」等字眼，排頭位彈出就是這間「幸拉麵」，反正沒吃過，就一於去試下。餐廳位於電器道 183 號友邦廣場地下，不過其實門口係喺宏安道。店內地方不大，除了一列吧檯位外，就只有兩張四人木桌和一張向街的高腳檯櫈，不過環境唔錯，位置清靜，裝潢簡潔舒適，甚有日式小店風味。拿起桌上餐牌，拉麵的口味很簡單，只有三款，包括白豚、黑豚和赤豚，另外客人亦可以加錢把麵增量 1 倍或將豚骨湯增量 20%。由於我和友人都唔食得辣，所以就點了黑豚和白豚各一，另外友人就再追加咗肩胛肉 ($15/2枚) 同黑木耳 ($10)。我點的大蒜豚骨味黑豚拉麵 ($88) 率先送上，配料有肩胛肉、半熟蛋、木耳、大蔥和紫菜。先舀起湯底嘗一口，蒜香味非常濃郁，既濃厚又豐腴，但喝起來一點也不覺膩滯。麵條煮至軟硬適中，而且掛湯力十足。叉燒選用來自西班牙的豚肉，並以慢煮方法炮製，吃一口，肉質腍嫩柔軟，而且中間還夾雜著少許肥膏，入口甘香油潤，充滿肉香，很不錯！黑木耳呈花瓣狀，食落爽口彈牙，配埋蛋黃盪漾嘅溏心蛋，滋味好

炮台山一帶很少有拉麵店，這間店似是新開的。今晚約了同事放工去試試，內裏位置不多，不但充滿日式小店味道。我們點了赤豚，是番茄湯底，有點辣，味道一點都不似平常吃到的，充滿新鮮感。蕃茄味很濃，還可配上專用的芝士粉，這可以令辣味中和。配料方面，有筍，大葱，紫菜，流心蛋。大讚流心蛋！麵質是幼身的，掛湯一流！白豚，是原味濃厚的豬骨湯底。我們還追加了筍，黑木耳，黑木耳醃了香醋，十分開胃。這店比不少連鎖的拉麵店還好吃。

星期日走到北角附近，打算與伴侶參觀一下油街，慢活在這個繁忙都市當中。我們隨意地行，隨意地逛，沒有刻意地規劃當天的行程。走到晚上，大家都餓肚了，我倆又不太懂北角區，對於晚餐並沒有任何想法。不過我們堅持不用電話，正如今天行程一樣，隨心隨意，看見合適的就可。剛好，一走出油街，過一條馬路就是AIA Tower，街鋪看似有不少美食。我們逛一逛，看見正正在Tower的旁邊，有一間日式拉麵店－幸拉麵。我們都覺得吃一下日式食物，好像很適合今天的心情，於是就直接決定。正如標題，店舖名字為Shiawase Ramen，幸拉麵。翻譯一下原來Shiawase，日文為幸せ，即是幸福、幸運的意思。店員和拉麵師傅見到我們，便很親切地向我們說聲日文，估計都是歡迎光臨之類的。接著就非常有禮貌地招待我們，簡單解釋一下食物種類。很精簡，幸拉麵有三款味道供售，大概是豚肉原味、大蒜味及番茄香辣味。我和另一半各選了黑豚和赤豚，試試北角這間幸福拉麵吧。⥀ 1. 黑豚 (大蒜豚骨味道), $88黑豚，有著黑烏烏的濃湯。拉麵上鋪著多塊木耳，令整碗拉麵更為黑黝。嚐一口熱湯，大蒜的味道十分強烈！感覺整個口腔都充滿蒜味，作為殺菌的功用。但其

聽住日文歌食拉麵哪 呢個黑咪蚊過份濃味啱晒啲重口味人士拉麵有韌度 麵身幼滑乾身肩胛肉雖然唔多脂肪為主但係又唔會太乾 肉質彈囗環境橘子但又唔洗排隊味道：6.5/10幸拉麵Shiawase Ramen黑豚$98📍炮台山

自從俺之沾麵專門店結業之後，我沒有踏足北角區吃拉麵。但我在開飯見到有間新拉麵店天鷲拉麵在北角開張，才發現北角成為了拉麵小戰區，純以拉麵作營銷的拉麵店達至五間，我滿以為這是一個良性競爭的進步發展時，黑龍拉麵北角分店在我寫這篇文章之時，宣佈2019年1月上旬結業，俺之沾麵專門店是北角區內獨佔鰲頭，隨後亦有幾間拉麵店或日式餐廳在區內開業，但經營似乎只屬普通，俺之結業後黑龍在開飯內北角區拉麵店獲最多好評，直到幸拉麵開業後位置有變。幸拉麵舖位雖然設在AIA TOWER，但背向繁忙英皇道而面向七姊妹道，要稍為找尋才可見到。我點選了赤豚，之前我曾細閱開飯內各位的食後文章，似乎赤豚是相當俗的選擇，於是決定一試。稍為驚喜的是餐牌一面寫上中文，一面寫上英文，赤豚英文寫法是Spicy Tomato Flavour Tonkotsu Ramen。而另一個有趣地方是加多$10可以有豚骨湯增量，即是增加濃郁豚骨湯，我看到這裡懷疑原本的豚骨湯是淡味的嗎?厨房只得主厨一人，我看過其他食客的食後文章，很多時間都只有主厨一人，似乎沒有其他厨工幫手，繁忙時間的午市究竟如何應付呢?赤豚煮好上桌，賣相鮮明奪目，不過細心一睇，

跟同事晚上因爲要到炮台山上堂，偶然經過此小店，睇見裝潢簡單整潔，就吸引咗我哋入去啦，店內播日文歌，我同事話應該會好味。我哋坐Bar檯位，明顯老闆很有心思，想客人坐得舒服，坐位相比其他麵店嘅闊，坐得好舒服😌我叫咗個赤豚拉麵，其實係蕃茄豚骨湯，佢哋碗麵非常足料，全部都附送糖芯蛋半隻，兩大塊豚肉，肥瘦適中，至於我碗赤豚就梗係有大量嘅蕃茄蓉啦⋯⋯，好濃厚嘅蕃茄湯，而辣味又剛剛好，唔會搶走蕃茄嘅味道，每條麵都沾到湯嘅味道，唔會湯還湯味，麵還麵味［喜歡吃拉麵的人應該會明白這個重要性］其實檯面仲有赤豚專用嘅芝士粉，不過我因爲敏感唔食得，如果大家有興趣可以試吓。覺得非常物有所值，可惜我唔係喺炮台山附近返工😭⋯⋯好羨慕喺炮台山嘅人，有機會的話一定會再幫襯。