六小館

係東薈城諗緊食咩，見到舖面裝修好靚，又好耐冇飲茶，兩人套餐好似幾ok，我同fd決定試下。兩人套餐包左粟米羹、一盅六件點心、兩款主菜。再加甜品。粟米羹好大碗，但略嫌有d咸。點心不過不失，最有驚喜係胡麻醬蝦球同炒飯。

大年初一, 中午, 由於食完午餐趕著入大澳, 所以order 了和牛炒河上來時都忘記影相, 只影了這兩張相, 這個北菇滑雞飯是囝囝叫的, 他很失望, 我沒吃, 不知是怎樣不好, 可能只因份量太少, 但和牛炒河很不錯, 和牛很有牛味, 真的好味過一般的炒牛河。流沙奶皇包都很流沙, 而且包身很軟滑。珍珠雞亦是份量的的色色的, 始終此間六小館行商檔路線, 不要期望份量大,  而且我們趕時間, 沒法好好享受,  這裡亦不應帶喜歡食西餐及大食量的囝囝來光顧。

真係估唔到東涌有咁好食嘅餐廳，早2日行完大東山 就求其係東涌揾嘢食，尼間嘢真係好驚為天人⋯⋯唔係講笑，點解佢無分店？真係好食到我想日日入去食🤤我哋6個人叫左9個餸，我就唔逐個講了，直接講我覺得最好食嘅花雕豉油雞(必食)尼個真係一食難忘，我而家每日都掛住佢🤤咕嚕肉脆卜卜，粉肉均秤水煮牛辣度剛剛好，如果入面有埋薯粉就perfect 了魚香茄子煲尼個我見係人人都會叫的，唔洗講咁多人推介一定好食，送飯一流🤤

同歲半兒子两仔爺去東涌行街，入在呢間餐廳食Lunch，侍應姐姐見我帶住小朋友馬上準備好高櫈又摆好兒童餐具，上菜之後見我無帶蛟剪幫小朋友剪食物，自動拿了一把蟹剪俾我而且係用滾水洗過既因為重熱，真係值得一讚 宜家要揾到一間重有熱誠服務既餐廳真心好難，成日都好似要睇D侍應既面色食飯，唔係黑面就係串，今次意外地遇到呢間餐廳，D侍應姐姐同客人有交流，又細心留意到客人既需要，真心享受今次用膳既過程，也為有熱誠的服務從業員點讚

we were a group of nine and went there for dinner back in chinese new year. it was such a horrible experience. food was bad, service was bad and bill was expensive. even the food court is better than this restaurant. definitely wont go there again.

午市時間光顧，圖中職員態度惡劣，是次一行六人，由於限聚令關係，希望能坐相連之餐枱，職員一口拒絕，話相連枱已全部預訂。唯有分開坐，入坐後，見到旁邊的一枱客人埋單離開，故要求換枱，望能與友人坐近一點。職員態度奇差，黑面兼唔耐煩，我哋話自己搬茶杯茶壺，先免強應承。圖中所見，午市時間坐無虛席，加上有這種服務態度既員工，趕客功夫真係做得非常好，就算食品達到米之蓮質素，亦不會再幫襯！貼錢買難受！

呢間係東涌嘅六小館係尖沙咀六公館嘅副線，裝修同樣現代型格。疫情期間午市就只係供應點心，紅米鮮蝦帶子腸粉相當唔錯，紅米皮薄得嚟好煙韌，相反蝦餃同燒賣都真係麻麻哋！⁣ This trendily-decorated dim sum restaurant was a sister shop of HEXA in Tsim Sha Tsui. The steamed rice roll with shrimp and scallop was nice, but the hargow and siumai were below average!⁣

週末入東涌買嘢，見到呢間好評如潮，決定晚飯比次機會。點知好失望，原來性價比好高嘅二人餐週末唔提供。不過都照食啦，叫左三個菜，都唔算太驚豔。梅菜扣肉無咩特別，不過肥瘦相宜。姜蔥味幾香，不過份量唔大，豆腐得四塊。今晚本身期待最高係蛋焗魚腸，因為唔係個個地方都有呢個菜，仲要標到明每日限量，所以特別點來試下。上碟就幾吸引，表面焗蛋好香，不過吃落就大失所望。魚嘴處理得唔好，好苦，兼吃到有魚鱗！ 不過同侍應投訴之後，態度都還好，直接幫我地取消左呢道菜。不過以後都唔會夠膽再試，真心考功夫。

好掛住一家人開開心心去飲茶，限聚令下只可二人同枱用膳，唯有暫時同老公兩條友去嘆一盅兩件。疫情期間，六小館12點前埋單或兩點半後入座都有8折！雖然只得點心，無小菜無小食，但選擇尚算豐富，樣樣都想食，最後揀咗五款。金菇牛肉腸粉好食，皮薄餡靚，好滑。雞絲炸春卷睇個樣都知掂啦，金黃色脆卜卜。粉果啲皮厚咗啲，但餡料好足。蘿蔔絲酥麻麻，好油。咸水角熱辣辣，不過個皮都係太厚。環境舒適，八人枱坐兩個人，仲要隔枱坐，做足社交距離，食得安心又放心。有八折的話都可以再 encore.

依間野開咗咁耐都未去食過，同屋企人食飯就去咗呢間到試吓。佢嘅裝修設計係幾好嘅，俾人一種比較高級嘅氛圍，打開個價錢牌更加覺得要試吓佢。咁嗰日晚市我哋就叫咗個大排檔四人餐食，咁就有四碗老火湯，我哋揀咗鎮江骨同埋燒汁野菌，主菜揀咗西檸雞，薑蔥斑腩豆腐煲同埋咖喱牛腩煲。咁其實呢個套餐588算OK嘅，不過其實佢啲份量都比較少，我哋五個人食都食唔到啲乜嘢，最後都係要再嗌多個魚香茄子煲同埋試吓佢個黑毛豬炒飯。佢三個主菜其實都做得好入味，特別係薑蔥斑腩豆腐煲，送飯食一流的薑同埋沖炒到啱啱好啲香味出晒嚟，我覺得個薑蔥比起個斑腩會更加出色。另外果兩個就不過不失正常大排檔嘅味道不過係好味少少，味道嘅層次係足啲。最後到個炒飯其實都係正常楊州炒飯味冇乜特別不過就貴咗啲。咁最後買單嘅話大概食咗$1000左右，咁其實就住份量同味道以講我覺得佢係OK但係偏貴嘅。

Happy Baba’s Day🥳尋晚提早食個爸爸節飯~今次挑選左呢間都幾多好評嘅菜館🤓.📍六小館 SIXA.🍴大排檔四人套餐($588)呢個餐都幾抵食!首先有4碗私房老火湯(尋晚係青紅蘿蔔煲豬骨🥰)之後再有以下小菜:🌽椒鹽黃金粟米-好特別!燒過嘅粟米香甜配上椒鹽變得惹味👍🥬南乳齋煲-好夠南乳味~配料有白菜粉絲冬菇雲耳荀等等~唯一要彈嘅係啲粉絲一舊舊唔係幾易分開😅🍚六小館炒飯-呢個幾出色!飯粒分明有蛋一齊炒仲有金華火腿同大大粒蝦仁🥰🐔薑蔥霸王雞(+$58)-味道啱啱好唔會好咸~雞肉都嫩滑!爸爸大讚好食😋🐮水煮安格斯牛肉(+$38)-鍾意食辣嘅一家見到水煮仲要只係加38蚊咁抵就即刻叫左黎試吓~確實都幾辣幾香!牛肉嫩滑唔會韌~底仲有窩荀同芽菜雲耳😆🦪潮洲煎蠔餅-呢個抵食!!套餐包埋嫁~煎得香脆好食!都算幾多蠔仔🍭懷舊芝麻卷($38)-呢個係散叫嘅~媽咪見到有所以想食😂凍冰冰嘅芝麻卷幾正喎!芝麻味勁rich😆忍唔住encore左!

六小館我朋友曾吃過，因力推而留下印象。早前跟家人慶生日，因此帶去吃吃看。因地方好吃得好壽星非常滿意～開心雞肉非常嫩口香滑，並保用鮮味豆腐皮很香脆，裡頭很嫩，完全兩重口感。櫻花蝦很香脆，茅菜炒得很清爽，配上蛋香，配飯一流。湯很清甜，菜也鮮，裡頭配料不少，很健康鮮膩的一道菜式。這個很香口惹味，蠔個頭也不少，蒜香味十足，一起吃超開胃。最後是甜品，很清甜香滑，帶濃郁的紫米香，裡頭差紫米不少，完成不減料～這間中菜真的好吃，又不會覺油膩，吃起來既可清香又可惹味～味道很多樣好吃。

東薈城重新裝修亦加入唔少新餐廳，依間餐廳裝潢雅緻間隔闊落，坐得舒服。大排檔四人餐包括私房老火湯、兩款前菜、古法鹽焗雞半隻同三款主菜。我地揀左比較少見桂花菊花茶，每碟菜雖然望落份量唔算大，但四人餐夠飽肚，服務唔錯。《燒汁野菌》野菌爽口吸收甜甜燒汁好入味，調味剛剛好。《椒鹽豆腐》豆腐一口大小外脆內軟，加上椒鹽香口惹味《古法鹽焗雞》色澤鮮豔，雞肉嫩滑，鹹味適中《香芋排骨煲》香芋好腍夠粉頗有飽足感，排骨再多d肉更好《大排檔炸大腸》薄切炸大腸，下面有菠蘿執底，相比其他有點失色《海鮮蒸蛋白》有蝦仁、帶子、瑤柱、西芹紅蘿蔔片，蛋白滑溜，入口即溶，味道比較清淡

東涌東薈城名店倉都以經有一段時間冇黎過，今日經開發現原想開咗好多餐廳，選擇都好多元化，仲有最重要係人少！啲餐廳裝修得比市區靚仲要冇咩人，想避世入嚟食吓嘢都幾唔錯。.今次試咗呢間餐廳叫六小館，食中菜嘅，有精緻嘅點心，小菜同甜品，其實好似小妹咁續碟叫就真係唔太抵食，但套餐上面個啲餸唔啱在座嘅老人家胃口所以冇辦法，叫套餐的確係最抵食，$588加一有湯有三個餸仲有兩個前菜，甜品再加$18。.佢地有啲古法嘅餸菜食，而家出面都少之有少，例如砵仔焗魚腸，豬油砵仔焗飯，魚腸配以蛋焗，再用火槍燒到表面焦焦地，裏面多汁軟滑，啱晒女士食。而豬油飯豬油味香噴噴，另上豬油，豬油渣同甜鼓油，味道口感可以自己調較，相當細心。.甜品法蘭西燉蛋非常值得一試，一嚟外觀精美，二嚟味道可口，三嚟有兩個好cute嘅波蘿包仔（熱的😋），燉蛋係凍食，表面加咗層薄薄嘅焦糖，燉蛋超級creamy，感覺似布甸，食落又唔溜，絕對有驚喜。

一嚟到呢間餐廳已經覺得好舒適，feel到餐廳為咗客人嘅用餐體驗花咗好多心思，雖然佢有少少似酒樓嘅形式，但係佢知道你係夜晚食飯，唔會想比強光晒處，所以幾睇得清楚啲嘢亦都好舒適。首先嚟嘅係楊州炒飯，雖然話間間餐廳都差唔多，但係佢真係幾香口。呢一個真係好啱我同我朋友嘅胃口，因為我同佢都好鍾意食薑絲同蔥的人，佢成疊錯嘅感覺就係清蒸魚嘅味，但係超級滑嘅牛肉。點可以冇一盅六件椒鹽魷魚當然唔使講係清左碟，撈飯食真係一流