快靚正燒味粉麵茶餐廳 (Closed)

去男朋友屋企食飯 放工即刻去斬料加餸 係西九龍經過呢間燒味 見到有兩間店 一間好多人排隊斬料 見到吊起既燒味好似好新鮮出爐 於是我又排隊斬個料 大包圍乜都買啲試下佢有肥叉瘦叉肥瘦叉，因應個人喜好 我揀左肥瘦叉 有肉地又有小小肥膏 好邪惡但係唔錯 幾好味再黎就係一份乳豬 新鮮燒起 皮仲係好脆 唔會硬 乳豬肉好香 唔太肥 啖啖肉 男朋友屋企人都話好好食呢個一定要食之後就有貴妃雞雞味好香 白切雞來說都唔錯 好中意食雞皮 但唔敢食太多 佢雞皮好肥好厚又係啖啖肉既好正個燒腩仔更加冇得講 外皮好脆呀！！！！又肥又瘦 係好食既 個人勁中意食燒肉 老闆話佢燒腩仔好出名所以叫左一大盒一齊食重點都係啲醬汁 唔同既燒味配唔同既醬汁 唔點都已經好香好好食 點左又再燒味加左啲色

是日驚螫，阿媽話要去打小人和還神。兵分兩路，佢去海壇街嗰邊嘅天橋底搵人打小人 (打小人唔一定去鵝頸橋，深水埗都有的，當然無咁熱鬧啦)，我就幫佢去買燒味返佢屋企還神。阿媽指定我要呢間，因為佢幫襯開，響佢個朵之後，燒肉哥哥就會自動波揀啲好嘢俾我哋。我自己係第一次來呢間，原來呢間舖係雙連舖。一邊專斬燒味和煮粉麵，仲見到啲街坊買燒味添，而另一邊係茶記，真係多元化嘅食肆。見到啲燒味掛晒出來都覺得震撼，叉燒、乳豬、燒肉、豉油雞、切雞、燒鵝、燒鴨、乳鴿樣樣有，仲有滷水嘢俾人揀添。攞番張阿媽嘅錦囊字條出來睇睇，寫住 “一條叉燒、兩條燒腩、一隻燒鵝肶、豉油雞和切雞半邊嘅下樁”。我成張字條俾咗個靚姐睇，響埋阿媽個朵之後，靚姐就吩咐燒肉哥哥斬料。果然，正如舖名一樣，快、靚、正! 好快就斬咗四盒靚嘢俾我，仲俾咗好多薑蔥、酸梅醬、芥醬我添。我拎返去阿媽屋企，原來阿媽已經打完小人，準備還神。佢見到四盒靚嘢好開心，一睇就知係靚部位。不過，佢發現載著燒鵝肶嗰盒唔多妥，原來，佢係要所用嘢免斬，樣樣嘢要拜完神先至自己去斬。不過，佢又話算啦，因為佢見到嗰盒嘢唔單只有燒鵝肶，仲多咗幾舊上肉，知道係舖送俾佢的。阿媽稟完一輪神之

今日要到親戚家食飯, 早前聽同事們介紹我去深水步有間”快靚正燒味粉麵茶餐廳”啲燒味好正 所以今日決定去買黎比親戚們加加送!價錢個人覺得合理化, 見到餐廳所吊住既乳豬 燒鵝,真系令我流晒口水了,哈哈!大家吾好以為系深水步既服務態度就會差, 佢地十分好客 仲幾岩傾咖, 對深水步改觀埋XDD乳豬 : 可以清楚地見到不太肥不太瘦, 中間只帶有少少脂肪 甘樣既乳豬食起上黎先林度才適中！外層十分香脆，入口十分香口, 仲有卜卜聲呢！一口放入口中, 令整個口中滲出乳豬既香油, 超級正啊！連親戚刀大讚好食~~特別一讚既系師傅刀功十分了得, 乳豬既外層依然保留完整的~~~十分推介大家無論節日又好, 普通食飯好 刀可以買反去試下啊!!!!燒鵝 : 見到餐廳所吊住既燒鵝就當然買反半隻喇, 幸好買時剛燒好, 可見外層色澤十分光澤 一睇就知吾會中伏既, 所以二話不說就買左0v0!! 燒鵝肉厚夠嫩, 同樣不會太肥 ; 重點一咬落去所有既油份同肉汁慢慢在口中滲出, 正爆! 而且仲啖啖肉, 宜家仲回味緊啊! 同樣地, 又讚師傅刀功了!! 影左相出黎靚到好似假甘 哈哈! 一致地又推介啊~~~~

今日出深水埗玩具街買嘢畀阿囝, 約了朋友在附近下午茶，她返夜，介紹了這間燒味茶餐廳，一坐下便點了個燒肉燒鵝飯(送例湯)，我自己點了個下午茶，沙爹牛肉包及凍檸水。這茶餐廳都有車仔麵，下次要嚟試下。今晚會吃燒味，特別想吃個沙爹牛肉包，廚師用芝麻甜豬仔，本身已經烘底，夾了又林又香又滑的牛肉， 醬汁剛剛好，個包不會太濕，是個有質素嘅牛肉包，香港茶記不是間間有得食沙嗲牛肉包。朋友那碟成座山那麼高，肉多过飯，都算抵食。這間食店是自設烤爐，每日新鮮烤焗各樣燒味，有不少街坊幫襯，尤其是燒肉，走的時候到燒臘部外買了一些燒味，今天有些朋友來我家聚會。燒腩返到去食都非常新鮮， 皮依然脆， 肥瘦肉相间，天下美食!半肥瘦叉燒，肥肉瘦肉 比例啱啱好，正呀!可惜乳豬返到去皮已唔脆，但肉質依然鮮味， 肥瘦適中。買多半隻油雞，師傅話 个葱油自己製， 雞肉好嫩滑，熟的程度啱啱好。臨走時見到門口一碟十蚊( 唔係靚仔部位不過都好有份量)，好多街坊都幫襯，尤其是長者。

星期六老公陪我行西九龍中心附近同北河街買餸行下，趁放假去買定餸同生果價錢較平，之後行過間燒味店，老公話想食燒鵝同叉燒，而我就想食乳豬，決定買回家加餸同媽媽分享添。呢間係深水埗好多年架啦！ 好多時都會去斬料，廚窗整整齊齊同乾淨最重要，一排排掛滿晒燒味。燒味師父還提意試下佢地炸乳鴿，但今次已經買左三款留待下次吧。燒鵝拿回家還暖的，皮脆肉香，不過鵝本身較肥，鵝油滿口，大滿足！脆皮乳豬油脂分佈均勻，好鬆化皮脆肉有層次感，點埋乳豬醬更好色！ 厚切叉燒要求要淋身的，肥瘦適中，甜甜地燒得膿邊！ 價錢比大家參考下啦 我覺得同其他燒味店價位都差不多！

位於深水埗基隆街383號的快靚正燒味粉麵茶餐廳，主打港式燒味，這餐廳在往西九龍中心的天橋旁，位置方便。門口掛滿了各式各樣的燒味，而且也有不少住附近的街坊光顧堂食，也有些食客打包燒味。除了有斬料，也有特價燒味飯，單拼的為廿五元，頗為抵食。外賣了一整隻的燒鵝作晚飯加料，師傅把鵝切件，每半隻放於一個盒內。打包的姐姐效率十足，還細心地把醬油和酸梅汁分開包好，袋口紮個小結才交給食客。整個發泡膠盒也滿滿的，夠曬足料，不會擔心不夠吃。燒鵝的肥膏不算太多，肥瘦適中。個人最喜愛吃啖啖肉的鵝胸，點少許酸梅汁更美味，燒鵝皮也頗為香口。

屋企做節，因為都多親戚上嚟食飯，所以老豆叫我去燒味店斬料返屋企食，所以落咗去樓下斬料。老豆指明要燒腩肉，我自己就想要叉燒，老公再加多半隻油雞。叉燒勁香，買嗰陣已經聞到好重蜜汁味，我嗌左半肥瘦叉燒，咬落口有肉汁，唔會太乾身師傅好好人幫我揀咗舊靚嘅燒腩肉，屋企人都話好食，而且燒肉上面層皮燒得卜卜脆，見到舊燒肉每層肉好分明，但又唔會好肥師傅話油雞好食啲，所以叫咗半隻，嗰層皮好滑，「絕」聲就滑入口，雞肉好滑， 用黎送飯一流，我自己就夾左雞脾食，正。三樣夾理$300有找，剩返嗰啲叉燒種類留番聽日整叉燒炒飯，真係堅抵食

呢間野啲燒味一般 買成盒油雞 比得果dd蔥油 仲要問完同番你講係得咁多 所以下次行遠小小幫襯第間算 趕客趕到咁😪 又唔算平 衛生情況麻麻 何必受氣呢😫 仲要啲雞又生到出血水咁

差不多十一點去到深水埗，又未食早餐，就拿拿臨搵餐廳啦，叫到呢間快靚正早餐食到11:30，咪即刻入去坐低啦。早餐價錢都唔算平要成三十幾蚊，不過勝咗食出前一丁唔使加錢沙嗲牛肉夠濃味出前一丁就有d唔同屋企煮

又到午飯時間，外出透透氣，來到基隆街這店，門外看見掛滿各式燒臘，頗吸引，今天吃燒臘飯吧！點了叉燒油雞飯，燒臘飯送例湯，都是大路的紅蘿蔔豬骨湯，反正燒臘檔的燒豬骨多的是，味道一般。叉燒太瘦，而且是爽的，俗稱「腎腎地」，不喜歡，蜜汁味尚可，油雞近背位，無乜肉，不太滿意的一餐。

午飯時一大班同事去食, 我地十個人, 有個好人既姐姐, 細細粒, 戴眼鏡, 扎辮, 把聲算幾溫柔(茶餐廳阿姐多數都係大聲, 甚至無乜禮貌, 呢位姐姐完全唔似呀!!!), 佢五分鐘內已幫我地搵晒位! 之後佢見我地人多, 仲幫我地浸好晒筷子叉匙羹, 擺響隻碟俾我地添, 無諗過茶餐廳咁好服務, 讚!!!我細食, 叫叉燒飯用碗上。叉燒好多, 覆蓋左碗面三份之二, 叉燒上面仲好有蜜糖既光澤, 又唔韌, 好味。三十幾蚊既價錢有咁既質素同服務, 一定再黎!

今日下晝係同ＦＤ深水步買完星期6出海釣魚既釣具, 就想搵個TEA 食..今次去左基隆街既茶餐廳, 見到佢個名...幾得意就入左去試下~佢個名係快靚正燒味粉麵茶餐廳!!唔知係未快靚正呢~坐底睇睇餐牌, 叫左個雞中翼薯條, 20$, 雞翼又細隻, 又係番叮, 入面仲凍凍地, 個D著條呢...唉..又唸又唔好食...另外杯紅豆冰...勁難飲LOL...D奶味怪怪地既~紅豆又爛晒...好似擺左好耐咁...好鬼死難飲....一半都冇就算~以後都唔去~

一坐下，叫了叉燒燒肉飯，唔夠兩分鐘就送上，25元幾大碟，砌得幾靚仔下，舊舊都大件，但味道麻麻，叉燒有少少咸，燒肉個皮唔脆，仲林了，送例湯（多渣）。有電視看，坐得都舒服。

星期六係西九辦完貨, 拿著兩大抽野...叫我係西九同班潮童呀, 二等公民呀, 地膽長者等等爭位行商場, 爭位食飯. 不如走出出面, 過一過馬路, 選擇多, 人流又冇咁激...最多都係同鴨記長者同饗一檯. 一出西九天橋, 食左先行吧....橋下就有一間快靚正. 就咁, 決定來一個快靚正既叉燒飯. 抽住兩大袋野, 找了位坐, 之後一如慣常 (食燒味飯駛鬼睇Menu), 直叫一碟叉鴨飯.沒有改叫飲品, 所以一來, 就一碗例湯. 又是既來之, 則食之....湯, 是蓮藕花生豬肉湯, 用了什麼豬肉不考究了, 沒有湯渣, 只飲到有蓮藕味, 同少許花生, 雖然油了少少但係無味精湯....不過, 唔夠濃, 再浠一點, 就是水湯.叉鴨飯, 凍鴨脾一隻, 有時不用特別要求, 冇人要脾時, 又唔想斬過隻, 通常都有脾既驚喜. 叉燒, 看見的, 是瘦肉叉燒, 但瘦得黎, 又非常之淋. 惟蜜味不夠, 味道好街坊式, 不是登大堂之作.食飽飽, 有力, 抽起兩大袋野.....又要去街市買野, 又要入西貢....好彩呢道夠快, 夠正, 填好肚子有力抽抽抽.....