壽喜燒·肉屋

Open Now

Now Closed

午市最平$199就食到關西風壽喜燒（個人麻麻哋關東style🤥) 而家嗌兩份或以上指定套餐有8️⃣8️⃣折 食物質素同服務完全對得住價錢🉐─ ⊹ ⊱ what we had ⊰ ⊹ ─ᡣ𐭩 特上•薩摩牛壽喜燒 - 4.5 / 5 $219 (折扣後）- 特上A5薩摩牛壽喜 110g 雪花好靚 油脂分布💯 入口即溶😭- 前菜超級精緻! 有北寄貝沙律 茸菇豆腐 薯仔沙律- 野菜盛合- 米飯及漬物 （日本米選用)- 蘭王蛋─ ⊹ ⊱ tldr ⊰ ⊹ ─超級推介比鍾意關西風壽喜燒嘅朋友❤️ 大滿足( ˶>ᴗ<˶)味道: 4.5 / 5價錢: $ 200 - 300 pp服務: 5 / 5 (服務超好 除咗講解詳細之外 我哋嗰日唔小心倒瀉咗杯嘢飲🥲 店員好識得隨機應變!! 照顧到客人之餘仲好快清理好場地❣️)環境: 4.5 / 5cp value: 4 / 5re-visit: 一定❣️

小編同另一半都好鍾意食壽喜燒，會周圍去試吓唔同餐廳嘅壽喜燒，今次就俾我哋發現咗一間性價比超高嘅壽喜燒，晚餐有三個價位，分別$398，$498，$698位置仲要好便利，喺尖沙咀A出口一出嚟行2分鐘已經到，如果有興趣嘅朋友一定要早啲book位，好彩小編有book位，如果唔係Walk in都冇乜機會可以食到，而且依家餐廳一周年紀念，有八八折呀，凡享用「特上•壽喜燒套餐」或「極上、壽喜燒套餐，兩份或以上套餐可享88新優惠！（午市及晚市都可以享有優惠）特上•薩摩牛壽喜燒前菜：明太子和牛卷，北寄貝龍蝦沙律，凍豆腐4%奇跡A5薩摩牛西冷/肉眼切片70g擁有出色的大理石花紋,脂肪與瘦肉完美融合,口感緻密豐腴，經過職員細心煮嘅壽喜燒肉汁豐富,入口即融化,極富肉香, 之後再加上蘭王蛋及日本無菌蛋撈埋一齊食，經過壽喜汁煮薩摩牛再加上蛋漿，再放入口，簡直係完美嘅結合，可以食到好多碗飯😉霜降A5薩摩牛切片110g肉質出色,既細膩柔軟又富有彈性,無論是視覺、香氣還是口感都令人回味無窮，係口腔中散發出濃郁的牛肉香氣，脂肪與肉融合度極高,口感層次豐富而不膩另外值得一提嘅就係餐廳普遍嘅肉類都係比較大片，每人食到三片，不

《壽喜燒·肉屋》尖沙咀親民版壽喜燒店其實肉屋係疫情期間已經幫親過，當時佢地只係間網店提供不同的在家壽喜燒套餐，上年開始擴充到開設餐廳，價錢親民，好食又方便。▪︎特上薩摩牛壽喜燒 ($498/pp)▪︎前菜：龍蝦沙律、和明太子牛卷、麻醬豆腐龍蝦沙律爽口帶鹹香；和明太子牛卷肉質紮實，加上明太子吊味更出色；麻醬豆腐嫩滑，好香豆香味4%奇蹟薩摩牛西冷/肉眼切片 70g喱個「4%奇蹟」之薩摩牛係極罕有的和牛，每13000隻和牛只有4%可達到的最頂級質素，霜降程度達10級或以上，油花分佈如大理石般，肉質入口即融，油脂豐腴甘香，肉味及油脂香在口中爆發。箱降A5薩摩牛切片 110g雖然不是4%奇蹟，但一些也不遜色，同樣油脂分佈均，肉質嫩滑可口，油脂味濃。加上甜甜的壽喜燒汁和蛋汁，再配上熱辣辣的日本米飯真好滿足。野菜盛盒非常豐富的野菜盛盒，有京蔥、冬菇、日式燒豆腐、芝士竹輪、蒟蒻結、大白菜等，蔬菜鮮甜，芝士竹輪幾有驚喜，一咬開芝士味勁濃。米飯及漬物蘭王蛋及無菌蛋好喜歡有一次過沾到兩款蛋汁，蘭王蛋呈燈紅色，蛋香味濃；無菌蛋蛋黃挺身，掛汁力足。甜品柚子雪芭清甜微酸，清清味噌之餘又可以解一解膩。

🥩特上·薩摩牛壽喜燒（$249）🥩極上· 薩摩牛壽喜燒（$349）上網見到lunch set抵食啲，即刻趁住仲有88折優惠，叫咗兩個餐—特上同極上 薩摩牛壽喜燒，食落真係有分別🤣極上雖然得兩片牛肉，但食落肉質較腍，比較多油脂🐮特上就較有口感，肉味重少少🤏🏻而其他配菜，份量對於小編嚟講都啱啱好，食落好舒服唔會太飽，係對個芋絲有少少意見🤣個形態唔太好煮hahaa不得不提，餐廳服務小編幾滿意，壽喜燒採用半自助方式，開頭會有店員幫你燒，後尾就自己嚟，但店員都會不時嚟睇吓有冇需要幫忙👍🏻👍🏻整體都坐得好舒服！

介紹下近期食過好好食嘅一間壽喜燒餐廳，呢間餐廳係尖沙咀，岩岩做緊一週年優惠，食特上或者極上套餐，就可以有88折。最後揀左特上•薩摩牛壽喜燒套餐，提供嘅係4%奇跡A5薩摩牛西冷/肉眼切片 70g及 霜降A5薩摩牛切片110g，都是係日本入口，油花勁靚！確保每一塊都達到完美嘅油花分佈同嫩滑口感。🎈前菜嘅設計都好精巧，明太子和牛卷入面包住水果，甜鹹中和左，亦都開左胃口；豆腐嘅細膩同菇嘅口咬又形成一個對比，最後鹹香十足嘅北寄貝沙律則帶黎清新嘅海味。配菜方面，京蔥、大白菜等蔬菜不但吸曬壽喜燒汁而提味，仲平衡左和牛嘅油膩。食到最後仲有柚子雪芭做甜品，酸酸甜甜，好完美🥰另外仲加左特飲「星紫流砂」同「夕燒け」係視覺同味覺上都俾人驚喜。前者嘅石榴、乳酸同蝶豆花茶混合出獨特嘅層次，勁好打卡😍；而後者嘅橙、蜜桃、百香果同四季春茶則帶黎清新同甜美嘅口感。評分：9 / 10

疫情嘅時候Online買過佢哋嘅壽喜燒套餐，見原來佢哋喺尖沙咀都開咗，今日同姨甥嚟食個晚餐～ 特上•薩摩牛壽喜燒套餐 $498/位做緊2位或以上88折套餐有前菜4%奇跡A5薩摩牛肉眼切片70g霜降A5薩摩牛切片 110g野菜盛合蘭王蛋及無菌蛋米飯甜品前菜：明太子炙燒和牛、松菇蓉豆腐、北寄貝龍蝦沙律～ 用和牛包住蘋果，減輕和牛嘅膩，仲突顯到明太子嘅咸香。豆腐同沙律就清新開胃前菜之後店員會幫手開爐同煎第一塊A5薩摩牛～ 我哋呢件係肉眼位～ 嚟自鹿兒島嘅薩摩牛脂肪分佈均勻，肉質幼嫩，入口即溶～ 而壽喜燒醬汁係肉屋自家調製～ 唔會太甜，煎好嘅和牛可以沾打勻嘅蘭王蛋同無菌蛋，令牛肉食落更加滑，而用兩款蛋係想溝淡蘭王嘅蛋味，唔會喧賓奪主～ 用野菜嚟同牛肉間住食可以減輕牛肉嘅油膩感～ 配菜用嚟送日本米飯都一流最後甜品係柚子雪芭～ 超清爽飲品就點咗夕燒け同星紫流砂夕燒け偏向似果茶星紫流砂乳酸味濃呢個價位同質素就算幾抵食

尖沙咀最近開咗間幾正嘅日本壽喜燒店，牛肉好高質，入口即溶，食完一次之後包你一定會回訪 💯 價錢方面都好合理，環境坐得又舒服，好適合同朋友過嚟一齊食😋 佢一共有三個套餐，唔同之處就係牛肉嘅選擇，今次就試咗以下呢個，真係超好食，食完覺得好滿足😍💯 「特上·薩摩牛壽喜燒套餐」 𝘛𝘰𝘱 𝘘𝘶𝘢𝘭𝘪𝘵𝘺 𝘚𝘢𝘵𝘴𝘶𝘮𝘢 𝘎𝘺𝘶 𝘚𝘶𝘬𝘪𝘺𝘢𝘬𝘪 ▫️4%奇跡A5薩摩牛西冷/肉限切片70g 🥩▫️霜降A5薩摩牛切片110g 🥓▫️前菜 🥠▫️野菜盛合 🥗▫️蘭王蛋及無菌蛋 🥚 ▫️米飯（日本米選用） 🍚 ▫️甜品 - 柚子雪葩 🍧另外再叫多咗兩杯飲品，建議可以試NIKUYA特調飲品🤭 都係啲比較特別嘅配搭👍「星紫流砂」 🍹呢個包括石榴、乳酸同蝶豆花茶，少少乳酸甜甜地，蝶豆花令到顏色更加特別😉「夕焼け」🍸呢個就係水果茶，包括芒果、蜜桃、百香果同四季春，有啲似台式冷泡茶 🍑

適逢壽喜燒·肉屋開業1周年，「特上·壽喜燒套餐」或「極上·壽喜燒套餐」 都做緊88折優惠$498 一位就食到高質壽喜燒仲唔快啲約埋朋友仔一齊大飽口福😋今次同朋友仔食左「特上·薩摩牛壽喜燒套餐」，成果排場，格局都令我好滿意會有2隻蛋，蘭王蛋，無菌蛋各1隻，蛋香味濃三款前菜相當精緻由淡至濃開始食，先食最左手邊既炙燒明太子醬慢煮和牛釀一口梨，茸菇醬豆腐，北寄貝龍蝦沙律最驚艷我嘅係和牛，入口即溶，明太子醬同和牛好match沙律都好正，裡面食到有龍蝦肉，好新鮮嘅海水味一開始侍應會幫你起爐先，教你之後點煮先幫我地烹調好最正嘅4%奇蹟A5薩摩牛西冷切片，牛肉好大片，紋理靚，脂肪分布均勻，吸晒壽喜燒汁嘅甜味🥰燒完第一塊，加蛋汁用黎送飯,味道一流另一款牛肉係霜降A5薩摩牛壽喜燒片，好濃牛肉味，有入口即溶嘅感覺野菜盛合有唔同款式嘅蔬菜🥬，好似係芝士竹輪，硬豆腐，芋絲，香菇，大白菜，京蔥燒完牛再燒蔬菜，就可以吸收晒牛肉嘅鮮甜味，食落更加惹味柚子雪葩柚子味好突出，有柚子肉粒，酸酸甜甜的，食完熱辣辣嘅壽喜燒，來一個cool down 很不錯飲品🍹 星紫流砂 （石榴，乳酸，蝶豆花茶） $48 呢杯嘢顏色帶着夢幻嘅

😍💕 一個不可不試的尖沙咀抵食日本壽喜燒‼️環境真係好舒服，裝修簡約又高檔，今次試咗佢哋嘅特上套餐，滿足呀😋！⭐ 慢煮和牛 ⭐慢煮和牛真係入口即溶，肉質鮮嫩，配埋佢哋自家製嘅醬汁，人間美味🤤！⭐ 茸菇醬豆腐 ⭐茸菇醬豆腐都好香，豆腐滑溜溜，配埋香菇醬汁😋！⭐ 北寄貝龍蝦沙律 ⭐北寄貝龍蝦沙律好新鮮，龍蝦肉彈牙，配埋沙律醬，真係好開胃🥗！⭐ 4%奇跡A5薩摩牛西冷切片 ⭐4%奇跡A5薩摩牛西冷切片真係超級正‼️肉質軟嫩，油脂豐富，入口即溶，配埋蛋汁，真係絕配🤤！⭐ 霜降A5薩摩牛切片 ⭐霜降A5薩摩牛切片都好香，肉質軟嫩，油脂分布均勻，配埋壽喜燒汁，真係好正😋！⭐ 野菜盛合 ⭐野菜盛合有好多款蔬菜，全部都好新鮮，配埋壽喜燒汁，真係好健康又好味🥬！⭐ 青森蘋果汁 ⭐青森蘋果汁好清甜，酸酸甜甜，好解膩🍎！⭐ 夕燒け ⭐夕燒け好香，芒果味好濃郁，配埋其他水果，真係好清新🍹！⭐ 蘭王蛋及無菌蛋 ⭐蘭王蛋及無菌蛋都好滑，配埋壽喜燒汁，真係好正😋！⭐ 柚子雪葩 ⭐柚子雪葩好清新，可以解膩，而且好香柚子味，真係好正😋！

和朋友各嗌了一個「特上·薩摩牛壽喜燒套餐」。包前菜、A5 薩摩牛西冷/肉眼切片、霜降A5 薩摩牛切片、野菜盛合、蘭王蛋及無菌蛋、米飯(日本米選用)、甜品。有三款前菜：明太子醬慢烤和牛一口雪梨、茸菇豆腐、北寄貝龍蝦沙律。明太子醬慢烤和牛一口雪梨口感清新茸菇豆腐口感滑溜～北寄貝龍蝦沙律切成粒的龍蝦肉彈牙令沙律吃起來很有口感餐廳提供半自助式服務，職員會協助客人開鍋烹煮，其後交由客人自行烹調。職員先替我們烹調「A5 薩摩牛西冷/肉眼切片」。只見職員烹調手法十分熟練，不消一會便替我們把煮好了的肉放在我和朋友各自的飯上。職員話佢地餐廳係用「關東煮法嘅壽喜燒」。雖然我不知道這是什麼煮法但只覺得餐廳所有職員都十分專業而且服務態度很好👍🏻。A5 薩摩牛西冷/肉眼切片十分大片，牛味香濃～😻😋蘭王蛋及無菌蛋各一，職員解釋蘭王蛋和無菌蛋分別一濃一淡，將兩者混合再把牛肉沾上蛋汁同吃會令肉質吃起來更滑溜～野菜盛合也十分豐富，有冬菇、豆腐、芝士竹輪、芋絲、京蔥、皇帝菜和旺菜。芋絲十分特別因它不是平時卷起的樣子，是像米粉般散開，要吃起來感到口感彈牙才知道。甜品是柚子雪葩。酸酸甜甜，清新解膩，加上內裏的粒粒柚子更添口感

♥️尖沙咀出地鐵站幾步路已經到搭𨋢嘅時候，已經聞到壽喜燒汁嘅味道🐽勁誇張😂😂 入到去人頭湧湧，大家都係為咗食牛肉！！！♥️♥️♥️叫咗「特上·薩摩牛壽喜燒套餐」🥩首先係前菜，分別係和牛明太子、菇醬豆腐、北寄貝沙律🥗侍應建議由左邊食起果然，因為北寄貝係好香濃 鹹鹹地食得出新鮮嘅海水味🤪😅🔥跟住就開始起動啦 侍應會幫你煮唔使擔心唔識處理🤪先用咗牛油起鑊先，跟住就放上一塊大大既4%奇跡A5薩摩牛西冷切片🥩西冷原本係捲着 散開佢就可以吸晒壽喜燒汁嘅甜味😋🥰一路望住都覺得好吸引然後擺上新鮮濃郁既蘭王蛋到🐣🥚Omg 真係好似去咗日本咁🇯🇵🇯🇵🇯🇵壽喜燒汁太惹味 成碗無菌蛋米飯幾乎食晒🍚另一款牛肉係霜降A5薩摩牛切片🥩外貌已經非常漂亮☺️🥰鋪滿咗成隻碟食落口 只能夠講 係非常 嫩！🥰🥰即使唔係太肥，但都有入口即溶嘅感覺然後最重要就係有成大盤野菜盛合其實都唔止蔬菜🥗仲有豆腐、冬菇、芝士竹崙、芋絲全部都係朔晒啲汁 食到好飽好飽……陣間間餐廳都係充滿歡樂嘅氣氛♥️太鍾意食日本嘢了♥️飲埋杯嘢飲，有杯叫夕燒，係由芒果、蜜桃、百香果造仲有另一杯就係巨峰乳酸梳打

以前成日係ig見到佢既肉好正，但覺得好貴，又怕屋企煮吾好。今次見有優惠就去試吓。叫咗兩個極上套餐,而家有優惠凡係叫兩個 特上或極上套餐哥享有88折優惠前菜3小碟分別係明太子和牛卷、豆腐、北寄貝沙律。和牛包住蘋果,牛味好岀👍北寄貝沙律都好好味。4%奇跡A5薩摩牛西冷/肉眼切片 240g今次餐廳係有肉眼,店員會先幫忙燒肉眼同埋介紹 一下之後可以點樣燒,枱面有壽喜燒汁同埋清水,可以 之後因自己口味調校濃度。佢煮緊既時候，會叫我哋將日本無菌蛋同埋蘭王蛋攪勻,肉眼切片煮到剛剛 好,入口即溶,必須要沾蛋汁。店員燒一塊之後就自己燒😩仲配一仲野菜盛盒配菜有京蔥,大白菜,香菇,日式燒豆腐,芝士。蔬菜拼盤比想像中多好多。牛肉整體最令我印象深刻的牛 肉的口感,牛肉的脂肪味不會過份突出,不會蓋住蛋黃味,整體味道適中。柚子雪芭甜品有雪芭柚子好清爽解膩。

好耐無食過壽喜燒喇，今日就同朋友壽咗尖沙咀壽喜燒·肉屋食晚餐。適逢做緊一週年優惠，食特上或者極上套餐，可以享有88折，可以當係抵消返加一服務費。我哋都叫咗特上套餐，套餐包括咗4%奇蹟A5薩摩牛西冷/肉眼切片，兩片霜降薩摩牛切片，前菜，野菜盛盒，蘭王蛋+無菌蛋，日本米飯同甜品。前菜嘅炙燒和牛明太子卷幾出色，特別在於裏面卷住一條梨子，入口牛同明太子嘅味道實在太正，而中間嘅梨就一掃和牛嘅油膩。講返正題，當然係A5薩摩牛啦，店員會幫食客烹調好果塊最正嘅4%奇蹟A5薩摩牛切片。可以話好食到離哂地。薩摩牛肉質柔軟細嫩，脂肪分佈均勻，幾乎可以在口中融化。牛肉嘅嫩度、香氣都十分明顯。食完4%奇蹟，店員就會示範點烹煮野菜盛合同霜降薩摩牛切片。雖然霜降薩摩牛切片相比4%奇蹟略為遜色，但亦都非常好味。整體來講，依個價格，可以食到咁優質嘅和牛壽喜燒，值得推介一下。

見到好多食評話佢嘅壽喜燒差唔多係全港最抵食，就嚟試咗個午餐。。。但係首先冇覺得好抵食先啦，199蚊加一，要咗個特上牛肉，而且非常令人失望嘅係個牛竟然韌到咬唔落。。。雖然話佢係最平嘅套餐，但係我真係冇諗過個肉質會咁差，壽喜燒來講除咗個汁，和牛嘅肉質就最重要，睇相見佢油脂分佈好平均，點知食落全部都係筋，唔係講笑，真係仲差過我求其去超級市場賣一包切好嘅和牛而且個爐好細，用好長時間先整得熟配菜真係非常失望，試過一次就算

朋友返工尖沙咀，見到個Menu好似幾吸引，收工同佢一齊去食dinner。一入到去已經見到有promotion，叫兩份特上或者極上套餐都有八八折優惠😍😍於是我哋嗌咗特上set兩份😆坐低之後個Staff好快已經將啲食材準備好，仲有專人幫手燒🤣🤣唔使自己落手very good！啲牛好好食，同埋個前菜超入味，我哋仲嗌咗兩杯特飲，本身以為食完會有啲唔夠飽，點知眼闊肚窄，最後仲上埋甜品，真係好抵食，啱晒同朋友/屋企人一齊一邊傾偈一邊食嘢😋