生昌潮州海鮮酒家

Open Now

Now Closed

一班中同五行人飯聚，約到了位於顯徑邨中的一間老字號潮州菜館。這食店平日都已經多客人，適逢星期日，下午6:30到達時就已經滿座。這裡沒有帶座，是要自己霸位的，顯得更加混亂。我們等了約20分鐘，終於有位了。很多菜式我們都想試，最後共點了6道菜。鹽焗烏頭：這裡的烏頭尾部都有一標籤，說明是香港元朗魚棚飼養，絕非野生。厚厚的鹽舖於烏頭上，魚身並無去鱗，所以魚皮可以輕易地整塊與魚肉分離。烏頭魚肉煮得難得的嫩滑，油脂豐富，可看到黃色的魚油，但完全不覺腥。蠔仔粥很足料，蠔仔份量多，而且鮮味重，配上豬肉碎調味，整體很和味！糖醋麵：炸得酥脆，但驚喜不足，點嫌糖太多。滷水拼盤（中）：只有中和大兩個選擇，雖然我們揀了中，但上枱時我們全都嚇了一跳，因為即使是中，都很大碟！其實滷水味不算香濃，而且材料都很肥膩，五花腩、豬大腸、肥鵝肉、紅腸等等，所以整體不太吸引，根本不值$228。蠔餅：炸得又香又脆，蠔味鮮甜，很好吃，如果炸漿再薄一點兒就完美了。腐乳通菜：腐乳鹹香，夠火候，不過不失。

好多朋友試過呢間都話正咁就試一試啦叫左個$1600套餐7pm 已經好爆我地book左位直入成個套餐 最正條鳥頭食到欲罷不能其他都水準以上如果等得建議散叫若果下次再黎個翅 (魚翅個人麻麻) 同 蝦丸 (冇咬口)真係未必會叫

端午節晚前來食飯，已心知中餐一定忙碌，因此5：30pm已先來取位，好多客人已預先訂檯(但訂檯一定要食魚翅餐約$3xxx多並是12人的，我們只有6人因此不可訂。。。。 )到達了問呀姐“有冇6人檯？”， 在34度高溫下呀姐看也沒看居然大大聲就回應“冇呀 坐外面啦!”。。。。。 OK.... 即係有就有冇就冇。。。。 再自己行一行，問第二個呀姐， 她總算對5：30pm 已到的 fans 客看一看， 還有一張小小的4人室內檯。 即坐下點菜。人齊點菜，我們己先點了6款餸， 包括烏頭， 凍蟹， 鵝片等。。。。 上檯的話桌上一定放不下，因此同呀姐說句“先點這些，一會再點”。。。。呀姐又神回應(態度當然不好)： “你叫左我哋都唔會即刻比哂你哋，叫得就叫啦” 我地話 得啦， 點左先唔該哂當然，不用10分鐘， 所有餸一次過上碟啦， 又要人借借 又話咩放埋一齊咁。。。。 其實當時6點都未夠，個廚梗係即煮。。。 (好多已不用再煮 好似荀蝦咁) 。跟住再叫第二輪， 全程急急忙忙， 坐路口位唔知點 “借借”比佢地拎住啲菜行。。。。。其實一間食肆， 味道故言重要， 人客對潮州式中餐的態度要求都唔係高 ，

呢幾日都好想食潮州野, 但元朗D潮州野麻麻, 甘就上黎睇下有咩好介紹, 呢個老字號, 好多人都讚好, 所以去開宜家睇傢私, 咪就黎試下.網友推介K, 價錢抵!話係新鮮鵝腸, 不過好難咬, 肥油超多...麻麻(同深井果D 無得比)個個都推介呢樣, 特登叫黎食, 我地2大2小, 小朋友每人1舊, 食2啖就話唔食, 我本身好LIKE, 但食左1舊都放棄左, 打包俾工人食....潮州3併, $88, 都幾抵, 但都係一般...全程食左4XX, 我老公話抵食, 好食又唔講得...

是日 , 四少我突然TAKE左野想同D FD聚聚 , 咁我地就係個WHATSUP GROUP到傾下食乜啦 , 本身我D FD就話"不如去強記丫(沙田行到幾入果間)" , 但係本四少之前食過一次有D唔係太KAI心既回憶 (等位好耐 , 但係D野食又太涷 , 我覺得唔值LOL)所以我就一野BAN左 , 咁大家都知本四少對食 , 有要求嫁MA , 所以成個WHATSUP GROUP就問我有咩好介紹 , 我當堂定左係到 , 你問我MK有咩野食我就知姐 , 仲要只可以問我放題 , 其他類別就真係GG啦 , 然後我當然就上開飯啦做做功課啦 , 以下係真實對話(呢間你地有冇食過 , 我都係睇OPENRICE搵)(其實我本來都打算去呢間，不過唔就腳而已)(我都未去過 , 但係我諗果到應該有車來回沙田/大圍?)(大圍，問我嘛！"笑臉1""笑臉1")(大圍站有VAN去: 803K)咁栓子就講完啦 , 入正題了 , 本身我地五個毒男就約8點半果到等既 , 但係包括我在內有三個就早左 , 7點45就到啦 , 然後就見到 ...... 爆到丫.....咁當中我地有一個神勇飛鷹俠就走左入去搵位霸 , 而我同另一個

幸運！剛剛有位！魚飯是把魚原條煮熟後用鹽封全身，去皮凍食的(以前無雪櫃鹽助防腐)。是潮菜必備！這店用的是元朗烏頭，而且每次也保留魚扣(魚胃。每條烏頭只有一個。外貌似康樂棋，爽爽的)。 跟着的兩個小食都是初嘗。煎雜棵必定要一到即食。皮QQ又帶點脆，很香~ 否則，涼了皮變硬。味道差太遠。另一個很糯米腸，建議點店的秘製辣醬。為平凡加一點點刺激。 對這個山楂骨滿有期望，可是汁過份甜欠山楂酸味。唯有放山楂片入口自製。。 醬爆鵝腸用了兩種鹅腸，一肥一瘦。肥的很爽脆。怕肥？去脂後也可口！缺點？汁過份鹹！ 很久没吃的椒鹽九肚魚。炸乾身，不馬虎。 當然，少不了這個潮州出名的澱粉質食物。另外，還有沙茶牛肉炒河和方魚炒芥蘭。菜很甜，炒得亦爽。好味！至於炒河。。雖然不愛河粉，也試了一口。頗滑。

跟朋友仔睇完<<五個小孩的校長>>後，話獎勵我選到好位置而請我食好野。(籍口有點爛 ^^” 哈哈)他帶我來到生昌食打冷。在大圍行走多年，很少過來顯徑搵食。想不到6:30; 未到，已經高朋滿坐。我們要上三樓坐。生昌門面光猛又企理，有別於一般的打冷店。一條條鹽焗烏頭、又有蟹、鹵味……未睇menu已經找到心頭好。鹵味拼盤(鵝翼拼紅腸+豆腐底)鵝翼未夠入味(由於食剩太多，第二天蒸熱來食更入味，而肉與更有彈性)紅腸又薄又有彈性，豆腐最入味最好食煎蠔餅(中)最細只有中size，但中size已經好大。每一啖都有蠔和蛋，煎得脆口，又不過火。又是食剩太多，第二天翻熱更惹味。蠔仔粥超足料，很鮮味，每蠔都有我姆指般大，除了蠔仔還有魚乾鹽焗烏頭烏頭非常新鮮，出晒黃油，雖然是鹽焗，但不會太咸，肉質結實，魚尾還有身份証，保證正野。其他小菜都很正，可惜二人胃有限，下次一定會再來試其他小菜

我們家最愛吃中菜，不管粵菜滬菜京菜什麼中菜也愛吃早前爸爸提議到生昌吃潮洲菜，為了吃一尋找高水準的潮洲菜，我們作為港島人長途跋涉到大圍我們點了：鹽焗烏頭這條烏頭黃油十分豐富，魚肉嫩滑不會太老，本身魚肉也不會太鹹，不會被那些鹽煨得太鹹，普寧醬也不太過鹹喧賓奪主，好味！鹵水鵝片這個鵝片相對較普通，不過鵝的味道不會太騷，合我心意凍蟹說實話這個沒有太多肉，不過一分錢一分貨吧！我們也只是至在嚐一嚐。十分鮮甜，有少量的羔，新鮮！總括而言這也是一頓不錯的潮洲菜！

再到生昌，這是我久不久就會來一次的好地方，這裏主要是吃潮州菜，也有海鮮可以吃。上兩次吃了打冷小菜，今次主力試他們的海鮮；當然，蠔餅及蠔仔粥仍然是我的不二之選。看到隔壁的朋友叫了這味蒜蓉開邊蝦，看上去甚好味，我們也叫了一碟。雖是例牌，但分量甚足，我們不停吃也吃不完。蝦用蒜蓉蒸無得輸，只要蝦夠新鮮就沒有問題；在這方面生昌完全做到，味很濃。我們原本想叫潮州凍蟹，但他們賣光了，只能下次再試，餘下的選擇有花彫蒸花蟹，三大隻，港幣二百多，完全不貴。很入味，蟹是游水的，絕對新鮮；我很喜歡那種淡淡的酒香。卥水拼盤，每次必叫，份量特大而且有很足料，每樣都很美味：紅腸，墨魚，鵝腸，鵝肉，豬腩肉，蛋，全部都是極高膽固醇但極好味的東西，都是在朋友吃飯出來就叫。久不久吃一次好了，不過真的很美味。蠔餅每次必叫，大大份而且底極厚，蠔仔大大隻，啖啖肉：糖醋麵很有水準，這道菜式其實是很難做的，難得他們做得極好。白灼螺，這是最好的做法。螺很爽口，很鮮甜，吃得滋味無窮。生昌，坐得自在，大排檔格局，但招呼極好，食物上上美味，價錢超級平，真是吃一次讚一次。

天口凍，莫明其妙好想食打冷，雖然香港地周圍都食到潮州嘢，但往往徒具其形，為免貼錢買難受，山長水遠都要嚟生昌。鹽焗元朗烏頭$108呢條魚係鎮店之寶，好多人包括我都係為咗佢先咁神心嚟幫襯。老闆不惜高價用元朗養嘅烏頭，每條魚尾都附有相關認證標籤。烏頭肉質鮮甜嫩滑無泥味，魚身油脂充足，用粗鹽焗完就見到一層黃油喺皮與肉之間，淡淡鹽香再配普寧豆醬，魚鮮功夫足，簡簡單單，一試難忘。蠔餅$88坊間蠔餅為求慳成本慳功夫(或功夫唔夠)，多數會將蠔餅煎得平薄，但一夾即散。生昌蠔飯厚身之餘不失鬆化，新鮮蠔肉夾雜軟糯蛋香餅底，外脆內軟，蘸上魚露同胡椒粉，微酸帶甜，食多都唔覺滯。上湯浸勝瓜$78用鮮魚熬湯底，勝瓜完全吸收晒魚湯，勝瓜難得完全無泥味而爽脆，火候啱啱好。鹵水獅頭鵝片$105打冷嘅ICON,亦可以見到餐館嘅功力。師傅刀工了得，鵝片切得只有5mm,入味無渣，鵝肉少肥，鹵水汁濃郁，而且份量夠，仲有豆腐花生跟上，送潮州粥一流。👍👍今生無悔白果芋泥(4人份)$68見到個名已經非常好奇，唔食對唔住自己啦。顧名思義就係將芋頭隔水蒸熟碾成芋泥，加糖煮開攤凍，加已煠熟去芯嘅白果同油泡過嘅葱花，芋泥入口微甜，軟熟，白果微

長到我咁大個女，今次都係第一年同爸爸媽咪慶祝佢地周年紀念飯，今次來呢到都係佢地揀嘅，記得上一次來已經係好幾年前的母親節喇。雖然我同哥哥對潮州野都唔太好，我就更加冇乜野好食啦，不過難得(真係好少)一家落街食飯，佢地想食乜都去的啦！！因為不嬲都知呢間野係冇得Book位又成日都Full哂驚有排等，所以呢晚我一收工即刻去搵位喇，我地搵到位後，爸爸都係7點3來到喇，好快已經叫好餸添。上菜速度都極之快，只係最後的炒蜆等得較耐啫，其實以我地食過呢頭的食店，「生昌」已經算係呢邊貴得來份量也算是合理的了，因為好多間嘅味道都只係一般，有Ｄ更是難食的呢.....雖然我唔喜潮州菜，不過又的確ＯＫ嘅，比起早年食過果次好左添，爸爸媽咪更感滿意啦！！最緊要佢地將來日子更恩愛快樂！！呢晚我地一家人點了以下野食：① 鹽焗烏頭 (大 $118)② 獅頭鵝肉 (中 $95)③ 潮州煎蠔餅 (中 $88)④ 馳名沙茶牛肉介蘭 ($88)⑤ 金不換炒蜆 ($88)⑥ 一碗白飯 ($10)Total：$487 ① 鹽焗烏頭：魚油極豐富，肉質鮮嫩好滑，豆醬唔太咸好味，本身對烏頭麻麻又怕腥的，都覺讚！ ② 生昌鹵水鵝：鹵水汁唔太咸，

媽咪話今年中秋提早做節，所以吩咐我揾地方食飯。通常做節都係去酒樓，無新意又淨得套餐可揀，想來想去決定去生昌食潮州嘢。幾日前打電話去book位，聽電話嗰個哥哥仔話book位一定要食套餐，而且我book8点幾，佢話實有位。果然嗰晚去到就有位。一家九口叫咗12款嘢，包括:鹽焗烏頭，鵝片，豉油王鵝腸，蒜蓉蒸開邊蝦，沙律明蝦球，薑蒽炒蟹，蟹棗，椒鹽鮮魷，白灼獅蛤，糖醋麵，蠔仔粥，蝦醬通菜。鹽焗烏頭，生昌選用元朗靚烏頭，成條魚充滿黃油，有大同細si差ze可以揀，價錢相差唔多，所以大條較抵食。豉油王鵝腸，超肥美又入味，好少見打冷啲鵝腸咁肥美。以前聽人講話獅蛤血淋淋好核突。但試完呢度嘅白灼獅蛤，你可能會改觀，啲獅蛤好鮮甜爽口，而且好乾淨，配蒜蓉醋更能帶出獅蛤嘅鮮味。第一次食糖醋麵，炸到金黃色嘅麵餅，上面灑滿白砂糖，加少許酸醋，酸酸甜甜，卜卜脆，好開胃。蠔仔粥啲蠔仔大大隻，用料十足，值得推介。至於其他菜式都好滿意，散叫平過套餐，套餐最平嗰款大約$1400幾，但套餐有煲翅。一煲翅約400幾蚊，下次有機會再試。

幫襯左好多年. 老婆同我特別鐘意食呢度的蟹棗. 今次去自然有叫. 發覺水準差了. 以前是彈牙的, 依家是散的, 也少了鮮味. 唔緊要啦, 埋單時見老細收銀, 同佢講聲"蟹棗差左喎". 老細聽後面露不悅, 話出面高級既食店就全部都係肉, 你要食彈牙既可以去街邊食魚蛋. 其實我都係反映下. 蟹棗價錢$98, 要維持質素落多些材料, 再加些價絕對可以理解吧. 食潮州野一向較貴. 好多客(好似我咁)特登楂車入來食, 唔通會計較? 暫時觀望住先. 希望蟹棗質素會回復以前一樣吧.

生昌，在大圍無人不識，開業多年場場爆滿，很少會有位置。不過，大排檔格局所以沒有訂位，如有心去最好六時到，比較穏陣。這裏吃的，是地道的潮州菜，價錢相宜，而且食物水準甚高。先來一條元朗烏頭，來到我們面前，只見身邊不停有黃油滴出，讓我們流哂口水；其情況如李白一樣，「天生我才，比 D 你用」，整條魚甚為新鮮，而且用鹽焗沒有太大腥味；連我這個對魚甚麼要求只吃海班的人也不停吃，可想而知它是很好吃的。𧐢烙絕對是必叫項目，我未見過有那麼大的𧐢烙：入口甘香，而且份量大，八個人也吃不完。𧐢仔很有鮮味，記著點魚露吃。走地雞，好像比較熟，感覺一般。鹵水真是稱皇，大家請留意一下圖中的魷魚，如手掌般大，讓人食慾大增：這裏有隻併，我們拼了生腸，同樣出色。𧐢仔粥：很大窩，八個人可以一人吃一碗。味道很甜，吸收了蠔仔的鮮味，讓人神往，而且吃潮州菜，最重是有碗粥，好過送飯。春菜，不是很多人懂叫，是將菜心煲腍再加肥腩肉而成，識食潮州菜，一定食呢D；其情況有如「煲腍大白菜」一樣。椒鹽九肚魚，也是必叫項目，每條魚有手掌般大，不可置信。生昌，是我們幾位好朋友以後可以定期來的地方，價錢很實惠而且很好吃。

同事升職一大班人去呢度食,叫咗好多野有成十樣凍蟹好新鲜無雪味蟹膏甚豐富 而且肉質味道鮮甜鹵水拼盤成員有蛋紅腸豆腐鵝片大腸,色香味合格有餘豉油皇鵝腸,鵝腸略帶少許肥膏,鵝腸爽口稍有嚼頭元郎烏頭魚身沒甚麼黃油幸入口完全沒泥味,魚身甚結實香炸蟹棗丸上檯時已覺香味入口香脆彈牙無比,咬落又有口感仲有多款小菜都幾好食,其他比較普通所以吾講咯