生昌潮州海鮮酒家

Open Now

Now Closed

悲在那方來，歡也到那方，自尋甚麽事，在意得甚麼?與靚太同享三十多年的日子裏，常常用吵嘴作為生活的點綴，用雜物作為客廳及房間的花環，用烹飪作為功夫的比試，話題有舊無新，而奇怪的是舊的好呀！隨時隨地在身旁就有無盡的東西，是我與她的，也是她與我的。人要有歡天喜地的熱情迎接每一天，也要接受反面的感覺，而悲傷是一個齒輪，並帶動着堅強的上升及自然地存在啊！好久沒有與大親親晚餐，她的理由十分多，工作丶拍拖丶睇電影丶朋友聚會等等，而我已無奈接受了幾年，只好在家中望望她。但今天，因為一位長輩的去世，各人也要放下手上的工作，進行世俗的儀式。之後由大親親陪同到大圍的《生昌》飽餐一頓。晚上八時，街上流動着小許薇風，店鋪外已座無虛席，但冷氣開放的室内，餐枱仍有三丶四可選，這一定是港式大排檔的味道了。在室內坐下後，已被主持人發現我們是新客，他熱情地推介店中名物丶廚師精選等，要我們光顧一個月，也不能品嚐完畢呢！我們四人敵不過主持人了，只覺心有餘而力不足，眼闊肚窄是重點啊。最後都訂下四餸一粥，作為等一次的試練吧。“椒鹽走地豬”嗰名改得十分有動感，唔知隻豬走咗幾多步，就畀人放上碟呢？將細細的一片片五花腩及腩肉以高温炸至

間中都有食開 不過不失叫左個例牌滷水三拼菜芯炒走地豬呢兩樣都可以 不太差但今次第一次叫"椒鹽九肚魚"粉厚 散晒 魚頭一忽魚尾一忽咬開空心既 比錢個陣同收銀阿姐講佢不斷話個個客食都讚 佢地員工都有食 冇問題咁即係我冇野搵野講? 得閒無事講大話?大家有機會可以試下唔緊要 食肆唔係得你一間

聽聞這家潮洲菜不錯，今晚同家人4個人專程搭車來試試。晚上7點左右，人未算多，很快就有位。鋪面好光猛，好熱鬧。我們叫了豬腸嚷糯米，馳名鵝片，糖醋麵，花枝蝦蟹棗，蠔餅，清心綠豆爽豬腸嚷糯米：好味！個汁甜甜地不太濃配得好，豬腸內完全無肥膏，糯米當中仲有栗子，只係連個豬腸的皮都好簿。馳名鵝片：比較肥美。。。。底下藏住鹵豆腐和花生，隔開d肥膩，不錯！糖醋麵： 不是我想像的那樣，佢成底麵拎去炸……好乾好硬！！這個有點失望。花枝蝦蟹棗：外脆但內裡d肉唔彈牙……蠔餅：這個熱辣辣的送來….好香脆，蠔仔好足料！甜品---清心綠豆爽：好清甜清潤！剛好做整餐飯的結尾，好舒服！

已聽聞呢間嘅打冷好正，今日約埋行山友上完獅子山順路行過去大圍試下6點去到無乜人等位好入味嘅鹵水鵝片，而且仲有陣好重嘅八角味豬肚湯有加埋粉腸，不過咸左少少 黃油烏頭，肉質嫰滑鹽味適中 生腸和墨魚都好爽口但無乜鹵水味 好厚炸粉，蠔嘅size和數量都可以 比預期嘅上湯好得多，有冬菇配料，好香鑊氣嘅浸菜

去大圍拜年 一班姐妹話要食好出名的打冷。我當然舉腳贊成 有得食咪得。哈哈蠔餅 - 正！新鮮炸起 蠔仔一粒粒好肥美 蛋香夠 唔會成口炸粉。 鹵水鵝片 - 睇落已經覺得想食。一片片切得好靚 下面墊著豆腐 豆腐鹵得好入味。鵝片一食 五香八角個d味全部出曬黎 鵝片又滑 肉都算嫩。配料仲有大量花生 好正。 豉椒炒蜆 都幾大碟。熱辣辣炒起 蜆全部都熟曬 但唔會太老 紅綠青椒紫洋蔥樣樣齊 幾惹味。 鹽焗烏頭 - 我唔食魚。但姐妹話好入味 魚肉幾鮮甜 唔腥。再配搭特製酸酸地既汁 水準不錯。 韮菜豬紅 - 呢碟係今晚唯一覺得失色的。韮菜超少 莫非菜呢期太貴？豬紅 其實食落唔似豬紅 口感怪怪地 而且個汁太咸 麻麻。 最後點了清心大四喜做甜品 好清潤 大家都好鐘意 有食落QQ的清心丸 綠豆 蕃薯 白果 甜甜地 又有咬口 好滿足。

有朋自遠方回來，暫居大圍，籍貫潮州，要諗食咩，好然就會諗起潮州打冷，好讓佢懷念一下舊時的味道。向來喜歡打冷，今次乃第一次幫襯生昌。鹵水鵝片，係潮州打冷嘅一個重頭戲，素來對鵝片都又愛又恨，愛她鹵水味濃，但恨她太肥膩。但係生昌嘅鹵水鵝片真係值得一讚。肥瘦適中，肉質柔軟，重點係相當之入味。鵝片底下嘅豆腐同花生同樣不容忽視，一向以黎我都唔會主動食鹵水花生，覺得又無味，又硬。但係呢度嘅鹵水花生炆得又淋又入味，係第一次令我食唔停口。點鹵水鵝片嘅醋都好味，蒜味香，實在係絕配。至於蠔餅，個人覺得太硬，蛋味亦唔夠，外面又唔脆，實屬一般。韭菜豬紅ok,豬紅新鮮，但個汁唔夠惹味。韭菜亦可以多些。後來再睇其他blogger嘅食評，先知道凍烏頭好出名，下次再黎，一定encore鵝片同試下鼎鼎大名嘅黃油烏頭。

踏完單車搵野食，朋友有介紹，就一行九人去依肚，好味，比想像中更正祟，可惜地下無大枱，如果唔係就更有風味。少少一提，朋友提前將蛋糕拎去雪，三樓個waiter好醒目，我地一食完叫佢收野，佢將碗碟清晒，膠枱布換埋，立即送上蛋糕，幫我地影相，十分友善及快手，值得一讚！

都有年幾無黎幫襯喇，上次大埔飛的出黎買外賣再飛的返大埔，為的只係生昌頂級鹽焗黃油烏頭！朋友仔要嫁去日本喇，最後的晚餐。鹽焗烏頭，極品招牌菜，從來未食過一間好食過生昌架 ﹗有埋標籤寫到明係元朗楊氏烏頭，都試過買所謂元朗烏頭，但完全係兩回事囉，一滴黃油都無。食過咁多間潮州冷，唯一一間烏頭黃油爆到不得了﹗侍應阿姐一剪開魚皮，已聞到魚肉飄香，魚肉鮮嫩多汁，眼見得到的濕潤，肉汁澎湃，魚味濃郁，而且完全唔需要任何調味，點佢本身既黃油已經超級鮮甜﹗依條烏頭既黃油算少架喇，不過依然金光閃閃，真係好味到不得了。試試麵豉醬，調得十分香甜喎，跟其他打冷店完全唔同，不過咸不會嗆。生昌鹽焗烏頭一定要食，唔食必定遺憾！凍膏蟹一隻，凍紅蟹就食得多，膏蟹都係第一次，仲有花蟹、麵包蟹僕應添喎。膏蟹肉好有彈性，點醋食非常開胃，不停啜不停啜，正啊。蟹肉非常鮮甜彈牙，好味。但我要再大隻呀，巨蟹就更爽啦，但今晚無呢。辣汁田螺，雖然我對田螺麻麻，但個汁非常香濃，微辣但係勁惹味，令我好有一食再食既衝動 ﹗最衰本地田螺尾部唔食得啦，每次要專登咬走淨係食粒螺頭較麻煩，但係個味道真係好正，而且螺肉好入味，煮得軟棉帶嚥韌感覺。咸菜胡椒豬肚

第一站大埔群記嘆頂級清湯腩，第二站荔枝角攞新居用品，第三站沙田宜家傢私，再回大埔屋企放低貨物，最後飛的去第四站大圍生昌買外賣，睏死我喇！食勻全港只有生昌既烏頭最好食，爆黃油鹽焗烏頭一條送 Baby 老友，一條送阿爸阿媽，搭的士飛返大埔最實際，哈哈！飛的速遞美味烏頭返屋企。鹽焗烏頭，激爆黃油元朗烏頭，叫侍應姐姐唔好剪開住，我要長途跋涉送返大埔呢，但澎湃黃油依然流晒出黎，好浪費啊！見到都心痛。一打開烏頭塊皮，黃油泛濫成災，急急噴射出黎呢。夾一大大舊魚肉浸在鮮甜黃油中翻滾，直接整舊啪入口。鮮味直衝腦袋至反白眼，魚肉出奇地嫩滑 juicy，魚味震撼地濃郁，超香甜黃油黏在每一吋舌頭，氣味久久不散。唔好停，即刻黎第二口、第三四五口，實在控制不了！暴走般搶食，天堂級的美味！

鹽焗元朗烏頭，超勁黃油元朗烏頭！正呀！雖然係街巿魚檔同超巿都有元朗烏頭賣，但係點解無黃油既？黎生昌真係為左條烏頭架乍，如果唔係要食其他野，連食兩三條都唔會厭多。侍應阿姐剪開魚皮，黃油激射，溜到成碟都係黃油，好勁呀﹗魚肉嫩滑無比，不需要任何調味料幫助，真係魚味濃郁帶甜味，超奉既肉汁同黃油，欲罷不能﹗要大啖大啖咁食先能安撫住激動既情緒呀﹗另外，佢地既麵豉醬經過調較，唔會太杰又唔會太咸，味鮮帶香，與眾不同。鹽焗元朗烏頭，勁誇張既黃油﹗澎湃泛濫，充滿肉汁既鮮嫩魚肉，用眼睇已感受都何等美味呀！潮州凍蟹，都好抵食，價錢由 HKD60 到 HKD100，我想要大隻啲架，最大只得依款 HKD100 蚊，最理想有三四百嗰啲囉。好采依隻肉質彈牙又帶天然海水咸香，有蟹肉鮮味帶點肉汁，點醋食好醒胃，正！蟹鉗肉特別肉厚多汁有咬口。白灼鮮吊桶，終於食到您喇，黎左幾次都賣晒，真係新鮮到不得了﹗一咬落去既質感同味道完全唔同，味道非常鮮甜，不用加任何調味料，質地彈牙爽嫩，肉汁豐富澎湃，部份吊桶有卵添呀，超級香甜﹗天然墨魚汁更添鮮味。唔掛得成日都沽清啦。必食推介，搶呀！淨豬紅，湯底唔係一般既滷水或豉汁喎，係生昌既獨門招牌

初嚐生昌禁果，心血來潮，即刻係大埔飛百三蚊的士過黎開餐，慕名而來，第一次幫襯 ﹗個 menu 真係好多野想食、好多野想試，但得兩個胃叫唔得多野啦。Order 左多款美食，即刻擺好個調味料陣先！東面有啡色麵豉醬配烏頭、北面有浙醋配凍蟹、南面蒜粒白醋配滷水鵝，西面仲有碟唔知咩混醬配螄蚶添。鹽焗元朗烏頭，打晒標籤證明貨真價實元朗漁場。嘩！從來未見過如此爆汁黃油，都唔知幾多年無食過有黃油既烏頭喇，超乎想想既驚喜，好感動啊！魚油甘香甜美，魚味特濃，魚肉又特別嫩滑多汁，一定要將魚肉放係黃油裡面滾動，沾得黃油滿滿的才放入口，味道鮮甜到想落淚呀！轉眼成條魚蒸發得一乾二淨，得返層皮同棚骨乍，連骨都想損埋，真係超美味！冷烏頭非試不可！另外佢地個麵豉醬唔太咸喎，仲泛著淡淡清甜味道，推介。潮州凍蟹，勁抵食，平到隻蟹都識笑，大大隻都只需二百蚊，係街巿買隻新鮮都要百四五蚊，真超值。肉質鮮嫩、啖啖肉，又有膏，正呀﹗點少少浙醋不停啜，酸甜鮮味又開胃！豉汁田螺，由細到大我都有啲抗拒，細個唔識食，成條放入口吞晒落肚，好嗅呀﹗原來田螺跟東風螺、花螺、角螺唔同，條尾唔食得架囉。可能搞到有陰影，以後唔再食港式炒田螺。事隔多年，

一家人今晚食潮州打冷 , 星期日如果要book 位要叫指定的套餐, 一點也不值....所以我們決定去等位 必食佢最出名的烏頭魚, 這個魚焗得好靚, 裡面沒有腥味, 而且肉質很滑, 帶有少少油, 配豆板醬一流 必食蠔仔粥, 蠔仔好大粒, 有口感, 而且粥很鮮味, 一家人食都食到兩轉! 這個蠔餅自己在家整不到了, 在街叫就最好, 蠔餅炸得很脆, 不會一團粉糊, 有功力哦, 而且蠔也很大粒 這個札肉牛丸都不錯, 牛丸真的是手打呀, 有口感夠彈牙 ^^札肉也很好味! 喜歡吃滷水, 下次可以不叫拚盤, 其實只有鵝肉同鵝腸好味, 墨魚沒味, 豆腐偏乾硬這個"阿鴻小吃" 更好吃 冰菠蘿......可以不再吃, 很不值呢菠蘿都未熟, 不甜又沒味....趕客用的 

尋晚同老公o係顯徑游完水, o係附近搵野食.......見到顯徑街旁邊燈火好猛, 有好多間食肆...第一次黎食野, 梗係揀間最多人最熱鬧o既黎試...驚中伏ma...呢道係自己搵位o既, 有位就埋去坐...我地行行企企都等左15分鐘左右...算快架啦~~之後諗左一段時間食咩, 因為我地坐舖頭入面, o係正廚房出菜位...見到d 野食出出入入, 心大心細~ 不過我好想食蠔餅, 所以叫左一個中size $88~潮州野就當然會諗起滷水...其實我有d 係唔食o既, 豬耳、豬頭肉果d ...不過老公話第一次黎就咩都試...所最後叫左一個滷水拼盤$228 (定$288??? ) ~第一樣黎o既係蠔餅, 一等就等左半個鐘.......明o既, 真係車水馬龍...~蠔餅好多蠔, 隻隻漲卜卜, 好鮮甜...麵粉唔會過多, 仲炸到好香脆...唔會太多蔥同莞茜...我唔食o既, 亦唔會好油淋淋~ 由於好大塊, 食完飽左4成~之後再等半個鐘先上滷水拼盤~ 落單果陣靚姐都提我地個拼盤好大個, 問我地係咪真係食得晒~老公堅決要試, 最多打包.......滷水拼盤有: 花生、大豆芽、豆腐、紅腸、豬肉、鵝肉(鵝脾)

經常滿座嘅打冷,七點後一定要等位,咁多人食必有原因,首先條鹽焗元朗烏頭,條條魚尾都有號碼証明,我食咁多次都係黃油又大條;跟住必食嘅係鵝肝,又滑又好味,唔識形容,好食過西餐廳整法;蠔仔粥又係冇得頂,食過先講得出味道;今次仲叫咗辣酒煮花螺,辣度適中,裡面有D豬肉都入哂味;炒蜆就合格,因為同出面食差唔多;芥菜就好睇個人口味,我太座就嫌佢苦,我就鍾意食;特別點咗唔係度度食到嘅笋蝦,因為細個過年外婆都會整南乳味,婆婆走咗之後失傳,亦都好難喺街買到,今晚見到就點了嚟食,雖然呢度有煮法係有小小辣唔係南乳味,都可以懷念吓小時候

已經係第四次來吃生昌啦！雖然地方有點遠，環境都麻麻，但是每次吃都覺得好不錯，也好抵食。八點半左右到達，沒有等位，要自己搵位啦~好在好快就搵到一個冷氣位鹽焗烏頭必食必食啊！好吃的要爆掉了，油脂丰富，魚肉緊實。普寧豆醬本該點睛之筆，不過好salty。同埋我覺得最近烏頭變細了，明明選的大烏頭，上來之後感覺還沒有之前細的大。今次撿咗三拼，紅腸魷魚同埋鵝腸，大豆芽做底。鵝腸尤其好吃，肥而不膩，魷魚也很有嚼頭。紅腸就麻麻，不過L先生覺得很好吃，可能因為我唔鍾意食紅腸。通常都撿豆腐做底，沒想到大豆芽都很鮮美，必食之一蠔仔粥很足料，加上肉碎和大地魚提鮮，味道上去一個檔次。吃到一半加了一碗白粥進去，很和味！這個賣相極佳，不過食咗第一件就不想食第二件了，口感似churros，有點油膩。適合大夥人叫，每人一件還差不多，我地三個人最后食唔嗮仲要打包，下次唔會叫啦。據說是潮州特產的綠豆爽，白果軟糯，綠豆爽QQ哋，不過綠豆口感有點奇怪，我鍾意平時食到個哋綠豆多D。