鮨月 (Closed)

是日黎到灣仔日街月街呢個超有feel嘅area食廚師發辦。呢間鮨月，燈光半暗，播住你我熟悉嘅台灣同廣東流行曲，侍應同師傅都係年輕人。今日係平日夜晚，但係未到8點已經差唔多全場滿座。呢度師傅有四個，未計廚房入面，個個手起刀落已經上到一個菜，係廚師發辦入面難得嘅爽手。<前菜>螢光魷魚，配薑絲，魷魚入面仲有啲膏，咬落有爆汁效果。<刺身>間八魚，柚子皮仲有四季紅係上面令味道更豐富，肉質有咬口，配滿佈蔥花嘅酸汁食，超開胃。北海道厚岸蠔，上面有海葡萄，落左檸檬汁，所以就咁就食得。又到生蠔當造嘅季節，夠曬厚肉，冰涼入口，海水味重。粒貝，上面加左岩鹽，口感好似象拔蚌咁韌韌地，我自己就鍾意落多啲檸檬汁酸酸味味。赤身，上面有拖羅蓉。不得了，赤身勁厚身，拖羅蓉又夠曬油脂。呢個一啖入口，口腔滿滿吞拿魚嘅魚油，魚嘅鮮味超無敵。<壽司>龍，魚油多，超嫩口。比壳之，火炙過，魚油更出，軟嫩上面係甜酒浸過嘅海帶。笛鯛，柚子胡椒，較爽口，魚鮮味重。蟹膏赤蝦，本身啖味啲所以配重味嘅蟹膏。入口滿滿，蟹膏味道好搶，口感亦豐富。大拖羅，靠近魚餃位所以脂肪帶較低，帶少少筋，但始終係刺

難得約到閨蜜食好西，當然要同佢擦餐勁嘅同事介紹一間隱世嘅正宗日本omakase餐廳－鮨月如果想更加感受到傳統omakase廚師發辦嘅滋味，識揀一定坐吧枱一邊品嚐美食，一邊欣賞壽司師傅嘅精湛手藝侍應保證餐廳食材每日由日本空運到港，保證新鮮及原汁原味頭盤薄切幼油甘魚，四季紅葉及特製酸醬汁，肉質鮮甜且彈牙，味道清清地鮮炸青森沢蟹配上鮟鱇魚肝，好新奇嘅配搭，先咬一口咸嘅蟹仔，再吃一口滑溜溜嘅魚肝，膏腴肥厚，入口即溶，令人一試難忘，為今晚美食之旅揭開序幕北海道厚岸蠔，配上海葡萄及檸檬汁，肉質肥美，入口爽脆，仲帶有一層甜味，鍾意食蠔但又怕腥嘅就一定要試下刺身北海道帆立貝+火炙裙邊+海膽手卷，配上即磨山葵，三種食材交集嘅口感，簡直係「味覺の感動」吞拿魚赤身x 拖羅蓉珍貴嘅拖羅蓉混合蔥花，芝麻，蘿蔔漬，口感更佳。連埋底層嘅赤身食，入口即化，啖啖肉，質感鬆軟 ，油脂腴美，非常甘香冰頭漬「冰頭」乃鮭魚(三文魚)的鼻樑軟骨位，有咬感！且含有豐富骨膠原。日本人喜以醋及味醂等醃製成漬物，入口爽脆軟韌，酸酸甜甜的。據說只有高級的omakase餐廳才會供應魴鮄壽司師傅刀功了得，厚薄均稱，透白肉質呈淡粉紅色，鮮甜嫩滑

番左一星期新工真係好累😭可憐寶寶需要安慰，所以港島做野既人緊係搵番港島既 omakase，位置係星街，女仔記得唔好著高踭鞋啦，因為要上一段樓梯，但上到去真係自成一覺既感覺，靜靜地冇 Soho 咁雜咁多人。omakase 分別有$980, 1280, 係港島黎講晚市算係好好抵食呢。事不疑遲食左先講，首先食左個頭盤，清淡味道既薄切真鯛先，淡淡既柚子香係魚肉度滲出嚟。 鮟鱇魚肝，好大肝醬既味，口感綿密，中意食魚既人應該會愛上，重魚味。北海道厚岸蠔好大隻，仲好厚身，滑do do 一啖食落口超滿足，因為蠔味較淡身，海葡萄發揮左調味既作用。已經加左岩鹽既粒貝，鮮味之餘更喜歡爽脆的口感，配醬油又有另一風味，值得一讚即磨山葵very good，大自然既清爽撲鼻而來。已用醬油同紫蘇葉漬製過已超拖羅同赤大根一齊食係新嘗試，肥美甘香既魚肉帶點紫蘇獨特既氣味，酸脆既赤大根又令人開胃得再來一口。師傅呢個時候送來冰頭漬同酸薑清一清口腔就到壽司的部分。櫻之鯛魚果然係帶點浪漫既粉紅色，而且上而加了小小的梅干，魚肉好彈牙，果然彈牙的魚生食是一流的 伊助木魚個名好得意，所以特地搜尋一下，伊佐木屬白身魚，主要棲息於溫暖、高

為慶祝事項，同朋友去左食廚師發辦，真係好豐富既一餐。厚岸蠔，黎自北海道，飽滿大隻，再加埋海萄葡口感層次更加豐富。真鯛，刀功細膩，切到簿簿一片呈透明狀，新鮮爽口，另一樣係海膽豆腐，固明思意豆腐係加入左海膽汁製成，好滑，配埋真·海膽味道更濃郁。赤身和中拖羅，兩者都係厚切，好肥美，蘿蔔漬物可以解膩，清一清口內太濃既味道。三文魚咀，切片之後再經過醃製，味道帶微酸，同樣有助消除濃郁既味道，因為跟住落黎既食物比較濃，就可以夾一片三文魚咀黎食。粒貝，肉質比一般貝類更爽口，索索聲咁，好好味。主角出場喇，各款特式壽司都係由當日廚師發辦，我覺得原汁原味就最好，所以我冇點過豉油，中間既蝦膏赤蝦係最令我印象深刻，因為膏味真係好濃郁，返到屋企仲回味緊果種味道。燒太刀魚，個醬汁簡直係精華所在，味道帶少少甜，我覺得調製得唔錯。天婦羅，粉漿簿脆而且夠熱辣辣，綠色既係青椒仔，看似平平無其，入面釀滿左明太子，幾有驚喜。花螺，爽口，廚師話已經將螺既內臟已經去掉，所以可以一啖放晒入口食。冷梅素麵，雖然唔知咩係冷梅子，但口感方面幾滑。士多啤梨雪糕，雪糕好重士多啤梨味，再加埋紅豆粒一齊食味道好夾，不過得一球太少，好想再食多球。

日月星街有許多的小店，這次我們逛完街之後，就膽粗粗的嘗試新餐廳。我們點了廚師發辦，第一道上的是島鰺薄切，上面灑了黃柚子皮粉，除了單吃也可以沾酸汁，島鰺魚肉有白身魚的輕巧和微微果香，非常開胃。一起上的是海膽豆腐，鋪在上面的是北海道海膽，下面的豆腐綿密，帶有海膽餘韻，海膽濃郁，配上微酸的醬汁，都是輕盈的前菜。厚岸蠔，蠔身厚肉也夠份量，上面已放了檸檬汁，爽口清甜，帶有礦物香氣，加上海葡萄作點綴。另一道是粒貝刺身，上面灑了岩鹽，可以單吃，或是沾醬油芥茉吃，非常爽口，帶有貝類的香甜，芥茉是生磨，不會太嗆口。中拖羅和赤身，前者肉質柔軟，肥美的脂香恰到好處，後者肉質緊緻，帶有鐵質的香氣。吃過之後，就用冰頭漬，即用三文魚頭的軟骨用甘草醃製的漬物清理口腔的氣味，非常美味，口感得宜。之後一連串是壽司，整體的飯份量剛好。首先是鱸魚，上面是白干梅，帶有酸味，帶有甜意，非常柔軟。之後是伊左目，乾鯛粒舖在上面，肉質微微的彈牙。再來是牛鰍，廚師把表面燒好，上面放上用甜酒煮好的海苔，肉質結實，微微酸香和油香。我最喜歡是這一道赤蝦，比較爽口，上面是松葉蟹的蟹膏味噌，濃淡得宜，質感爽口配上味噌的細滑，結尾是大拖羅，腹位，

哩間日本菜有露天雅座，而室內亦可以坐吧枱或者4人座位，坐吧枱其實幾正可以睇主師傅切魚生和講解食物魚生片晶瑩剔透，好爽口，另一款係豆腐，非常滑溜，海膽新鮮無苦澀味北海道蠔，海水味重，鐘意食蠔既人絕對鐘意哩種海水味吞拿魚厚切，用材新鮮，有漿住口腔既感覺，因為魚生霉的話一食便知非常脆口同爽口壽司幾款裏面最好食當然係大拖羅，入口即溶果種感覺真係難以形容，其他各款都好新鮮，飯亦搓得夠實，夾起唔容易鬆散剪餃子，個皮脆卜卜好香口，控制火候真係控制得好好太刀魚軟腍，醬汁既入味明太子青椒、炸蝦、白子，只要唔知白子係咩其實幾好味，但知道左，有人會較抗拒冷梅素麵，將麵沾上落左薑粒既醬汁，令味道帶點薑辣味

鮨月好耐無出動食好西，過年前嚟到灣仔月街呢間日本菜，地方唔大，貪佢人少少夠安靜。食omakase 絕對要坐吧枱，因為咁樣先可以慢慢欣賞師傅嘅手藝。先嚟一個安康魚肝配北海道海膽，雖然師傅建議一齊食，但個人覺得分開食可以有雙重享受！魚肝嘅油香質感一流，海膽鮮味濃郁！係正嘅！之後嘅縞鯵刺身係全晚最驚喜! 薄切刺身配酸汁，魚肉爽口，酸汁帶出鮮味，完美！再嚟就係北海道厚岸蠔同帆立貝，加上燒帶子群邊，呢三款就不過不失啦，帆立貝口感比較實，厚岸蠔肥美肉厚，都叫做唔錯。中呑拿魚腩醬油漬配赤大根！toro 同赤大根一向係我嘅至愛，toro魚油夠香，肉質又夠淋滑。赤大根成朵花咁又薄又爽口！手握壽司代表就有鱸魚配柚子胡椒、連子鯛配梅子同埋黑鯥魚配海苔，款款都好特別，喺出面好少食到嘅魚，味道由淡至濃咁上枱。赤蝦，松葉蟹膏係濃味嘅代表，蝦肉大隻又爽口，最後大呑拿魚更加無得輸！燒物方面有大刀魚，雞肉棒，天婦羅蝦🍤同明太子釀青椒。非常之鐘意大刀魚，燒得好香，魚肉好滑！第一次食明太子青椒，估唔到又幾好味wo! 最後甜品係紅豆士多啤梨雪糕，呢餐都算大滿足！

新一年新開始，對自己好d。約左朋友試下位於灣仔既鮨月食omakase 廚師發辦顧名思義就係由師父決定當日既菜色，由當日最新鮮既食材精心挑選既，而每日送到既海鮮都會有唔同，留意到個日食野其實起門口旁邊都掛哂出黎架啦真鯛薄切加上少少柚子皮粉，肉質結實，味道相對清淡鮟鱇魚肝，營養非常豐富，日本關東人更稱之為「人間極品」北海道厚岸蠔，上菜前已落檸檬汁，一d都唔腥好新鮮清新，連海葡萄一齊食，海水味同鮮味配合得宜粒貝刺身灑上適量岩鹽， 口感爽脆，師父刀功細膩超拖羅配赤大根，拖羅油花分佈平均肥美，一淡岩岩好， 拖羅嘅軟滑赤大根嘅爽口加埋淡淡紫蘇葉既香味，各方面都配合得岩岩好冰頭漬，經師父講解先知道原來係三文魚鼻樑軟骨位， 含有豐富骨膠原，加左甘草醋等醃製成漬物，入口非常爽脆鷹之羽鯛壽 魚肉好有彈性有點煙韌，魚味較淡，配上梅干有提鮮效果伊佐木壽司，味道清爽配合柚子皮胡椒，大大提升個份清爽既層次火炙透抽壽司，新鮮既透抽在背面輕劃火炙後除左透抽本身既清甜味更多左火烤既香氣作為生蝦愛好者既我，最鐘意就係呢個赤蝦配北海道海膽同海葡萄呢個組合，一入口蝦同海膽既鮮甜立即釋放出來，三樣海鮮既味道完美咁融合左，真係想

係灣仔利東街漫步完就上上面月街的搵食，老公提議不如去食鮨月的廚師發辦。刺身有真鯛，青森河蟹仔，安康魚肝，北海道厚岸蠔，非常鮮味！另外有北海道大元貝配蘿蔔苗，元貝輕炙過 ，用爽脆紫菜包住口感一流。跟住有一系列壽司目張魚，金目鯛，系撚鯛，松葉蟹赤蝦，灸燒過嘅大拖羅等等，非常精彩。然後就係和食，燒太刀魚，有別一般燒鰻魚，肥美得黎有豐富魚香！雞肉棒正常水準。 炒鮑魚非常香口爽口彈牙。酒煮大蜆非常好，因份量十足，內有大量蜆，湯底因此非常鮮甜！麵食有梅子冷麵，充滿淡淡梅子清香！最後甜品係日本士多啤梨雪糕，簡簡單單都已很好！！

團年飯，兩公婆撐枱腳，今年揀了去灣仔月街的鮨月。辛苦一年，食好少少，來一次廚師發板吧！價錢大約$1000左右先來刺身真鯛灑上柚子皮粉，十分清新，食的時候加上少許四季紅，提升至更高層次，再配上即炸青森河蟹仔安康魚肝，蟹仔炸得通透，安康魚肝配上酸汁，不會感到油膩。北海道厚岸蠔，淡淡海水味，加上海葡萄更加鮮味！北海道大元貝配蘿蔔苗，元貝輕輕的燒過 ，用海苔包住嚟食，啖啖肉，好滿足！ 油漬赤大根，酸酸甜甜，十分開胃，加上灸燒過的赤身，和赤身刺身配上紫蘇葉，雙重滿足，食完成個口都充斥著魚油香味😆冰頭漬，即係三文魚嘅咀再用醋醃咗。目張魚 ,出產自瀨戶內海一帶，油分適中、肉質嫩滑。金目調柚子胡椒,灑上柚子皮粉 清新 色澤鮮紅，味道鮮美！系撚調,呢款為日本人熟悉嘅深水魚又名金線魚,味道來得鮮甜，肉質結實有彈性。松葉蟹高赤蝦海葡萄，三重口感，三重鮮味！灸燒過大拖配麵屎，基本上食完滿口都係魚油，很邪惡！燒太刀魚，皮脆肉嫩，魚味十足！雞肉捧，燒得香口。酒煮大蜆，份量十足，清甜無比！炒鮑魚，爽口彈牙，作為小食一流又高貴！梅子冷麵，淡淡梅子清香，很有日式風味！日本士多啤梨雪糕，雪糕不太甜，清一清油膩感！ 店面

依晚係我期待已久嘅omakase夜🌃，無幾耐之前先至第一次踏足灣仔日月星街嘅小社區，上次經過我已經發現鮨月呢間日本料理，單望見個「鮨」字，我就估計係有得食omakase，上網一睇就知道我嘅推斷無錯😝，見到好似幾正咁喎，而且夜晚食都係$980(+10%)一位，廚師發辦以言唔算太貴，就即刻book咗位。我邀約咗個至愛食日本嘢嘅港女friend(講笑XD)陪我食，我哋七點半鐘準時去到，餐廳店員安排咗我哋坐喺bar枱位置，仲好好咁畀咗個籃我哋放袋😊。每一位店員全程都好友善，不斷幫我哋換碟同斟茶，又同我哋傾偈，其中短髮女店員仲好鬼幽默。由於係廚師發辦👨🏼‍🍳，我哋唔使睇餐牌之餘，仲帶有一份神秘感，永遠唔知下一樣會食啲乜，有乜食哈哈。餐具嘅🐼熊貓筷子座同🦉貓頭鷹牙簽筒好可愛。Omakase開始喇！真鯛刺身配上黃柚子鹽，鮮味無比，富有口感，薄薄一片顯得非常晶凝通透✨。至於海膽豆腐配上北海道海膽，師傅建議我哋用匙羹舀嚟食，呢個海膽雙重奏嘅組合又係令人津津樂道，海膽好甜😚。北海道厚岸蠔，超大隻！利申我本身一般生蠔，但師傅落左🍋檸檬汁辟腥，夾埋海葡萄一齊食都幾好味。粒貝刺身🐚，師傅話已經落咗啲岩鹽吊味，不

好耐冇同男朋友食飯，所以決定食餐好嘅omakase！今次男朋友就揀咗呢間位於月街嘅「鮨月」嚟食！我哋去嘅時候係平日大約7點半，但都已經坐滿咗咁濟，所以建議可以提前book位，保證唔洗摸門釘！第一樣嚟嘅嘢係鯌鰺刺身，有近腩同近背兩邊嘅位置，仲有兩隻蟹仔叫沢蟹，佢哋係真係食得㗎！炸到脆脆嘅！最上嗰兜係牛蒡：之後係北海道厚岸蠔，好大隻，上面有檸檬汁，襯埋海葡萄一齊食，加一啲醎味：再嚟係帆立貝加海膽，卷係紫菜入面，啲汁有好少好少嘅辣味：再嚟係中吞拿魚腩，近赤身嘅位置，配埋醃咗嘅蘿蔔一齊食：之後開始食壽司！有鱸：連子鯛：黑鯥：松葉蟹膏赤蝦：大拖羅，比普通嘅拖羅少啲筋，輕輕燒過，好香：之後到和食，有燒雞肉棒、燒太刀魚、天婦羅、炒鮑魚：仲有蟹肉茶漬飯：最後有士多啤梨雪糕做甜品，好滿足 😋😋😋

灣仔的日月星街是一個悠閒舒適的小區，有多間西式餐廳，自成一角，不似市區般繁榮喧鬧。今日經過才發現這𥚃有一間Omakase日本餐廳，以黑色木裝修為主，富有日式風格。於是訂位今晚來食，一嚐高級日本料理。我們今晚被安排有吧檯位坐，可以一邊食美食，一邊欣賞師傅手藝。刺身系列薄切縞鰺魚切得得薄，晶瑩剔透，魚肉彈牙爽滑，有黃柚子皮碎調味更清新。青森縣炸蟹仔即撈即炸，入口香脆惹味，蟹味香濃。海膽豆腐配有四季紅，味道清新𧶘帶微辣，連豆腐都以海膽混入去製成，味道豐富，海膽入口即溶。北海道厚岸蠔 加有檸檬汁，蠔大隻厚身，肉質爽滑鮮甜，完全無腥味，帶有淡淡的海水味。粒貝 新鮮即開即劏，十分爽脆鮮甜，放有岩鹽 和即磨芥末調味，不用點䜴油，更能突出鮮味。吞拿魚赤身和吞拿魚中拖羅，中拖羅肉質油份較身，入口較滑溜，魚香味濃郁。壽司系列 赤粒子點上白干梅，赤粒子在香港較為少有，肉質彈牙有質感，入口香甜。縞伊佐木肉質嫩滑香滑，魚皮煙韌有口感，魚香味散。黑鯥 用甜酒煮海藻，口感豐富，魚肉厚身肥美，入口即溶。赤蝦配松葉蟹膏蟹膏份量多，香濃美味，鮮甜味散發，蝦肉爽口鮮甜，同蟹味好夾。大拖羅壽司雪花油脂分佈平均，入口滑溜香甜，