探魚烤魚

Open Now

Now Closed

朋友推介左好多次叫我一定要試，佢話呢間係內地出名人氣食店，不過一直冇時間去，今日终於有機會試吓去到店舖見佢環境設計和燈光效果都幾舒服，睇餐牌都幾多款烤魚和小食而且每隔一段時間會推出新口味烤魚，我就選左款唔辣嘅烤魚、幾款小食和無限添食甜品冰粉醬香魚柳烤魚：有三款魚揀，最後問咗侍應選咗鮰魚，雖然多骨，但魚肉比較結實好味等咗大概15分鐘就有得食喇，原條魚開邊大大條，熱辣辣滾住食肉質好嫰滑而且醬汁好濃好香，所以加錢叫左個寬粉索吓d汁寬粉：本身冇乜味嘅寬粉，滾完索晒個汁唔同晒，又淋又滑又入味好好食易燃易爆小吃天團：有幾款不同炸物，分別有小酥肉🥩、椒鹽金針菇🍄、炸鷄🐓和炸山藥片。小酥肉和炸鷄炸得色澤金黄，外脆內嫩，尤其係炸鷄非常出色炸山藥片食入口似食緊薯片噤脆椒鹽金針菇，入口外脆內裡還是好鲜嫩一把滿足羊肉串：一共有6串，细细粒容易入口，羊肉有d孜然粉味和有少少辣，非常惹味最後甜品就係加$9無限任食冰粉，食完噤濃味嘅烤魚，食埋呢個清凉嘅冰粉就可中和返晒而且在自助區可自行配搭自己喜歡嘅味道食飽飽

今日同媽媽嚟沙田新城市買電器，買完風筒之後望到對面有一間烤魚店，叫做探魚。個名非常熟悉，上網一搜尋就發現原來佢係一間內地人氣超紅嘅烤魚店，所以就一於去試吓。原來佢午市11:30-17:00都有做呢啲限定一人餐已經包括一份烤魚、飯同埋任食冰粉，順理成章就一於嗌咗兩份嚟嘆吓。辣嘅香辣烤魚味就俾自己，媽媽就食金銀蒜香味。老人家最鍾意飲茶，呢度有個自助茶水，可以攞獨立嘅菊花茶茶包，沖茶俾媽媽飲。另外再叫咗個小食，芥味海茸$48又脆又爽口，Q彈，有少少芥辣味同甜，而且佢營養價值好高，低卡兼低熱量，啱晒減肥肥女士或者老人家食。易燃易爆小吃天團$68係一個炸物嘅拼盤，有炸雞、炸酥肉、炸金菇、爆谷同埋炸淮山。個炸雞真係做到鮮嫩多汁，小酥肉非常酥脆，最驚喜係個炸金菇，重重椒鹽香。兩個烤魚都好好味，中間有一條超長超大嘅無骨烤魚柳，好嫩滑，怕食到魚骨嘅我都輕易食晒成條魚柳。嗰啲配菜都選擇得非常恰當，有豆皮，豆腐、娃娃菜，呢啲全部都好吸味嘅食材吸收晒湯嘅精華。食如果覺得辣都唔使怕，因為佢有自助飲食嘅冰粉區，俾你任加配料，食好多碗都唔使怕。自己DIY都非常之好味，佢入邊有一啲配料好特別。爆破燕麥米非常之煙靭，好

相信不少朋友都食過探魚，但我和太太居然從來未食過，有一天在沙田新城市廣場覓食，看到探魚鮮有不用排隊，便決定試試😎✏️位置（9/10）：港鐵站直達商場，當然非常方便✏️環境（8/10）：店內外頗有時代感，侍應清潔桌面相當認真✏️服務（8/10）：掃碼下單，侍應也相當友善✏️食物（9/10）：烤魚絕對是名物，也能解釋為什麼總是客似雲來🌟鮮青椒爽麻味烤魚(鮰魚) - $338既然第一次食，當然要點她的招牌菜「鮮青椒爽麻味烤魚」，湯底果然相當出色，又香又麻又辣，而且非常入味，果然能做到爽麻效果！😊作為主角的魚，就選最貴的鮰魚，據說肉嫩鮮美，是淡水魚類中的上品。果然魚身只有一條脊椎骨，幾乎没有細刺，魚肉中富含豐富的脂肪，口感潤滑鮮美，加上入味的湯汁，終於明白為什麼那多人會喜歡🥰🌟嘭嘭小酥肉 - $58小酥肉炸得酥香，口感爽脆，配上一些爆谷，多了不同的層次😄🌟絕絕子爆汁炸雞 - $58比想像中出色，炸雞外皮有空氣感且非常酥脆，雞肉肉汁鮮嫩多汁，上台熱辣辣，配上雞醬味道一絕🤩🌟冰粉自由 - $9/位只需$9一位就可以無限添加冰粉，而且有多款配料及醬汁，可以DIY出一款最合自己口味的冰粉，難怪幾乎每一台都會點

呢間係內地係超出名嘅烤魚，估唔到已經係香港開左分店🤩有時都會想食但又冇咁多時間北上，所以香港有分店真係好好，而味道仲同內地係差唔多👍🏻今次因為朋友唔太食辣，所以叫左個唔辣，味道比想像中更出色🥰.味道：🌕🌕🌕🌕🌑人均消費：$200～$250.古早沙茶醬烤魚 $298 另加寬粉$30、大白菜 $30今次得2個人就揀左條細啲嘅凌波魚☺️估唔到呢款係超多配料，有小豆卜、鴨血、蟹柳、響鈴同埋西蘭花🤩每款配菜都超夾個湯底，吸晒啲味好好食🤤而條魚就得條大骨，食魚唔叻都唔洗驚有骨👍🏻易燃易爆小吃天團 $68呢款係炸物拼盤，有金菇、小酥肉、炸雞同山藥片☺️每款麵係即炸所以麵唔錯，當中山藥片最有驚喜，好似食緊炸蝦片咁😋海陸空天團（15串） $68呢個係串燒拼盤，有魷魚鬚、牛肉同埋雞掌👍🏻不過呢個串燒係內地果款一口一串果啲，所以15串其實冇想像中咁抵☺️當中魷魚鬚好好食🥰任食冰粉 $6/位呢款係必點👍🏻$6真係好抵，而且係無限添加🤩食到辣辣地/咸咸地又可以出去整一碗解一解辣😋配料都幾多，值得叫嘅甜品🥰

今日同朋友嚟到沙田行街shopping!! 大家都未食早餐，想食個飽啲嘅lunch，見到依間《探魚》黎左香港，一於試吓啦！🫑鮮青椒爽麻辣烤魚餐好鍾意青椒麻辣味！椒味濃郁，啖啖都好惹味，魚越烤越入味，真係食到停唔到口，估唔到午餐性價比咁高，除咗連埋飯，仲有小食！我哋兩個都係嗌咗鮮雜菇，佢係涼菜，食落好清新，好開胃！仲可以出去自助區自己配搭冰粉～只能夠講呢冇食早餐，將呢個當係早午餐就係非常之大嘅份量，食完仲好飽！🧄金銀蒜香味烤魚餐朋友唔想食辣就揀咗呢個蒜香味，佢都話呢個配搭非常之好最啱啲唔食辣嘅朋友，食落又唔會好油膩，同埋配搭飯真係不得了，佢仲話自己想食多碗飯😝佢仲話個豆腐入晒味，非常出色！🥔孜鹽甜辣土豆仔呢個土豆仔有驚喜，外層好脆口，入面既薯仔味就甜甜辣辣，明明好飽都食完一粒又一粒！個人覺得呢個小食係必食！呢度嘅環境呢都幾特別，燈光光偏向紅橙調，侍應都好熱烈招待，如果鍾意食烤魚，嚟到沙田又想試吓啲性價比高嘅午餐，係一個唔錯嘅選擇‼️好食指數9/10‼️推介指數9/10🍽 探魚烤魚📌 沙田沙田正街18-19號新城市廣場一期6樓626號舖☎️ 3165 8889⏰ 星期一至日 11:30

平時唔鍾意食魚嘅我，淨係識得食酸菜魚，貪佢無骨！ 金銀蒜香烤魚一人套餐 $98 一嚟到熱辣辣，香噴噴，個底仲有好多娃娃菜 ，食嘅時候吸晒啲蒜香味，送飯一流！魚肉超級滑，一啲都唔腥又冇骨連皮都食埋，條魚係烤香咗先至放落去蒜汁度，非常惹味，食到我舔舔脷！鮮青椒爽麻味烤魚一人套餐 $98見到面頭嘅新鮮麻椒，覺得超級足料，同樣條魚係預先烤過先至放落去啲麻椒汁到煮，食嘅時候熱辣辣完全唔冇魚腥味，好正！至於個BB套餐，係薯仔葡汁雞，配有好精緻嘅紅啤啤，紅蘿蔔同蔬菜，仲有鹹蛋超人甜品，再加埋漢堡包橡皮糖，賣相吸引，BB仲食得好開心！同BB出街食飯，最緊要有BB凳，探魚有齊寶寶套餐同BB凳，令我可以解放雙手，BB又可以自己食，我又有得食，十分好！我另外再叫咗兩個小食，拼盤脆卜卜，有炸魷魚炸雞，炸金菇，怕熱氣嘅話呢就出去斟咗個熱菊花茶！ 出面有得任飲泡菊花茶！解晒啲熱氣！ 仲有有得自助任食冰粉，我自己加咗啲桂花蜜同埋少少紅豆，冰粉用匙羹筆嘅時候嘅嘅時候完全透明，好得意！食完烤魚飲個菊花茶，再食碗冰粉。

探魚星期一至六午市推出限定 $98 一人餐，有四款烤魚口味可以揀，包米飯同自助解辣冰粉任食！每窩烤魚均有一片無骨魚柳，魚肉烤到好香，食落好滑嫩👍🏻 配菜有非常吸湯汁嘅豆皮、豆腐、娃娃菜，可以額外追加配料，點咗海帶、萵筍同寬薯粉，份量都好多，一個人嚟嘅話建議追加一份都好足夠😛我哋點咗醬香味烤魚及鮮青椒爽麻味烤魚～醬香味啱晒唔愛辣嘅人士，湯汁比較濃稠，適合配飯～鮮青椒爽麻辣味係人氣口味，味道比較香麻清爽，配寬薯粉好好味～想試吓串燒就點咗海陸空把把燒天團～有魷魚、牛肉、雞軟骨各5串，味道夠重孜然粉，加上芝麻好夠惹味！仲有好香口嘅嘭嘭小酥肉，配爆谷幾過癮！香烤花菜帶點微辣，都炒得幾有鑊氣！最後嚟個自助冰粉，可以狂加自己鍾意嘅黑糖麻糬同桃膠，唔客氣食咗兩碗太滿足😆

1. **午市一人餐** - 香辣味烤魚壹人食 HK$ 98 -芥味海茸 HK$ 22 （跟餐加）香辣味烤魚壹人食，味道非常濃郁，魚肉鮮嫩，配上香辣醬，食完真係回味無窮。另外，芥味海茸好有驚喜，有啲似食壽司芥末八爪魚嘅感覺，但又比較彈口，好值得一試！2. **午市一人餐**- 醬香味烤魚壹人食 HK$ 98- 爆漿鴛鴦燃杷 HK$ 28 （跟餐加）如果唔食辣，醬香味烤魚絕對係另一個好選擇，味道同樣出色，醬汁入味，魚肉非常滑嫩叫咗個跟餐小食爆漿鴛鴦燃杷，好煙韌，外脆內軟！3. **海陸空天團** - 魷魚鬚、牛肉、雞軟骨各5串 HK$ 68海陸空天團亦唔錯，五串魷魚鬚、牛肉同雞軟骨，各種肉類嘅風味都唔差，特別係雞軟骨，口感彈牙，絕對值得一試。4. **黃金組合** HK$ 56因為要食烤魚個汁，所以都叫咗一個蔬菜組合，健康搭配5. **鮮腐竹** HK$ 30好新鮮好嫩！6. **野飲** - 探魚德式小麥啤酒（330ml） HK$ 29 - 低糖紫米豆漿（熱） HK$ 19食辣烤魚飲返個啤酒，在加健康豆漿😆**跟餐係有無限任添嘅冰粉，實現冰粉自由口感清爽，非常適合消暑，食完熱辣辣嘅烤魚

之前試隔壁Fusion 法國菜，行過已被探魚傳出濃濃的香麻味吸引，今晚唔知食咩好，決定試試。7點左右到㩒飛仔，等咗大概40分鐘至有位入座；以我觀察，可能索性8點過後至嚟食，會快啲有位。第一次光顧，試下招牌嘢先，我和老公點了鮮青椒爽麻味烤魚（鮰魚），加蔬菜雜錦及豆皮，小食天團，當然唔少得自助冰粉。鮰魚肉厚少骨，啖啖肉，難怪幾款魚中最貴。烤魚麻味控制得非常適中，香麻而不太辣，對於喜歡麻味的我，真係食得好爽。小吃天團既炸物火候非常好，外脆多汁，絕無乾柴柴。自助冰粉的麥米爆珠及桂花蜜非常有驚喜，以致我同老公各自食咗3碗

而家探魚真係唔需要返大陸食啦，今日特登過咗嚟呢度試吓香港嘅探魚同國內嘅一唔一樣。坐低咗之後叫咗個鮮青椒爽麻味烤魚，唔使等太耐已經有得食，一上台超級香，已經流晒口水，成條魚上面鋪滿青椒同麻籽，超正，魚既肉質好好，好嫩好滑，另有萵筍同埋豆花配菜，如果唔夠食嘅，仲可以另外再叫打邊爐配料，不過我哋叫咗一個海陸空串燒，有雞軟骨，魷魚鬚，牛肉串，燒得好好味，真係拍得住係國內既味道一樣。最係有冰粉食，仲要係無限添加架，自己中意食咩就要咩，全部自己揀。

天氣清涼，食鍋特別暖笠笠，午市有一人餐，4款烤魚口味選擇，有辣和不辣，一人一鍋都幾滿足醬香味烤魚一人餐配飯、冰粉各一，原條魚柳不用去骨，啖啖肉，醬香微辣，又香又麻。金銀蒜香味烤魚一人餐一樣配上飯、冰粉一份，蒜味十足，魚肉香滑，完全唔辣。絕絕子爆汁炸雞香脆內嫩，好多肉汁，孜然甜辣土豆仔 香脆可口海陸空天團（12串） 肉爽魷魚又香又辣，好送飯。爆漿鴛鴦糍粑 最鍾意黑色流心黑糖味冰粉自由配搭，解辣解膩，大滿足呀～

但一直都好鍾意食烤魚 呢間烤魚，我食完之後就返唔到轉頭 真係好好食 不過喺香港食價錢就貴啲😂- - - - - - - - - - - - - - - - - - - - - - - - ❤️青椒麻辣烤魚我哋揀咗最經典嗰款 個烤魚真係好好食 又麻又辣 個魚都好滑好入味 我最鍾意嘅係佢哋嘅豆腐花 冇諗過可以咁好食 不過一定要煮耐啲先夠入味 一啖落去勁滿足🤤🤤❤️小吃天團❤️海陸空天團呢兩款拼盤都唔係太推薦 份量比我想像中少 而且味道都一般 特別係個串燒 個肉真係超級細粒 一啖就冇🥲🥲

心思思想食烤魚，依家唔使返大陸都食到啦～ 餐廳主打多款口味嘅烤魚，有辣有唔辣，大人小朋友都啱食，另外亦有特色小食同飲品供應，加多$9仲可以無限享用自助區嘅冰粉，值得到訪✌️烤魚用大爐熱住，食得慢都唔怕，魚肉嫩滑，啖啖肉好滋味。湯就要咗金銀蒜香同醬香味，個人更喜歡前者，香濃入味，而且比想像中冇咁油，食完都唔覺得口乾，後者鹹香，適合配飯。鍋有好多配料，另可自由加配，蔬菜豆腐吸滿湯汁，唔使額外點醬都已經夠味。小食反而有驚喜，小酥肉超級脆身，皮厚咗少少但以味道取勝、土豆仔同花菜都唔錯，夠晒惹味。記得留肚食冰粉，桃膠、爆珠、珍珠、山楂片、提子乾等，因應個人喜好自由搭配，冰粉得原味，加埋生椰、紅糖、桂花蜜，冇可能唔好食。出邊仲有菊花茶，呢餐真係大滿足！

我落左order要兩碗飯，小菜上左之後，我話唔該上埋飯，個服務員即刻態度好差咁講落左order未？我話落左，但係佢冇上飯俾我，我又叫多左一次，食到一半，個服務員見到我啲食梗飯，即刻質問邊個俾飯你？你自己出去拎？我話，我叫你同事上嘅，佢下一句繼續態度好差咁講要落左order先，我話我落左，你自己去睇我當時真係服左，咩都冇確認過，先質問個客，想問下呢啲係咩道理？

几乎每个月来吃两次，但是今天实在是无法忍受叫号服务的混乱。门口的叫号服务员似乎并不明白什么是先来后到，什么是公平。在有四人座位空出的情况下，这位短发女服务员一直在叫B号（3-4人），而不让更早拿号的A号（1-2人）顾客入座。导致拿A号的顾客全部在门外等待，而拿了B号的顾客却可以很快等到座位。更滑稽的是，我亲眼见到一对情侣，比我来得晚，只有两个人却拿了B号排队，并且在上述服务员的混乱叫号之下成功地提早入座。在我指出之后，叫号服务员心虚不已地岔开话题说“我们没有叫A号只因为店内双人座位还没有收拾好。”她的借口也着实可笑，因为店外排队的其他双人行顾客也都看到了，那时候店内已经空出2-3个双人座位，这个叫号服务员却仍在叫B号。希望店内经理或其他管理人员重视此事，否则我会怀疑你们是否只希望3-4人顾客来吃？