紅花會 (Moved) New Location

朋友鐘意食辣野，於是book左呢間餐廳同幾個朋友慶祝生日。一入去餐廳感覺環境好舒適闊落，可以靜靜地傾計 😬首先上菜嘅係清炒萵筍絲，本身對前菜無期望，但個萵筍絲出奇好食，萵筍絲切得好幼，食落香脆爽口。之後期待已久既酸菜魚終於黎到😋果然無令人失望，魚好滑無骨新鮮同埋個辣味真係整得好好！我地仲叫左水煮魚、蔥油麵，最出色都係酸菜魚，朋友個個讚不絕口👍🏻總括嚟講呢個價錢同環境食物對比好合理，下次一定會再去！

踏進餐廳環境舒適，寬敞服務態度好茶：菊花茶， 陣陣的菊花味樸進鼻子食：小吃：蒜泥青瓜及涼拌土豆絲主菜：老壇酸菜海沙巴，由於桂花魚常常可以吃到，所以選擇了海沙巴，但未能分別出兩款魚有什麼差別半隻茶燻樟茶鴨，有點少驚喜追加了麻辣豬耳， 乾煸豬大腸（中辣）如喜歡麻油的朋友可以一試（麻油調出的味道是剛剛好）辣度有點小失望，小辣的辣連完全平時不吃辣的朋友到能吃，中辣也不覺得怎麼辣，但會感覺到有一點點麻痺喜歡吃辣的朋友也許會感覺失色了

😛😛近排好想食下中菜，咁啱朋友話有間中菜環境幾安靜，可以放鬆下傾下計，所以啦啦聲去book位茶燻樟茶鴨，好香既煙燻味，鴨肉一啲都唔老，配埋個麻辣醬汁，超級好味🤩🤩🤩超新奇嘅食法，而且鴨肉嘅份量都幾多🥰🥰🥰熗炒包菜，個菜勁有鑊氣，小小辣，好香口🥰🥰🥰🥳勁有四川川菜手撕包菜嘅味道鮮🐔燴麵，勁濃郁嘅雞湯，有啲雞肉同冬菇係入面，雞肉超嫩滑😍😍😍一碗真係唔夠食紅棗糕😊😊😊，上黎嘅時候熱辣辣，好重紅棗味，唔會偏甜😝😝當飯後甜品一流

叫咗4人午餐，上漏口水雞，埋咗單先發現，只想問吓侍應係咪套餐有，點知另一位侍應出嚟講，「單表示係有出嘅，我哋冇得扣番錢，而家打包比你拎走」。梗係明白套餐唔可以扣錢啦，我又冇諗過要補番，點解你唔問吓我想唔想要呢？其實出錯單，上漏菜，好多餐廳都有，講聲對唔住，承認錯誤會改進，已經係一個禮貌嘅交待，唔需要一個覺得客人要求什麼補償嘅態度嘅

今日同摯愛嘅閨蜜睇完一場充滿MK味嘅舞台劇，喺開心指數唔好俾佢停之下，我地泥到期待已久嘅川菜餐廳。，一到樓下大堂，已經有位妹妹非常貼心咨詢我地嘅訂位狀況，貴賓式服務。，一出lift，一整層嘅餐廳，感覺非常寬敞。枱與枱有適當嘅距離，唔會感覺侷促。開埋支House Red Wine ($320) 慢慢歎，心情特別舒暢。餐廳侍應亦非常有禮，不停為我地收拾枱上嘅碗碟，服務一流。。。。(侍應捧出泥已經眼都特，好大嘅一個大碗，裝了滿滿嘅辣椒🌶️其實我地都係叫少辣打撈進行中，發現非常多嘅配料，分別有芽菜、萵荀、雞髀菇，木耳、蓮藕、薯粉⋯⋯份量十足，有別於一般嘅水煮魚擺盤精緻，非常吸睛。蓮藕爽身有口感。menu寫避風塘九肚魚，但泥左椒鹽九肚魚，不過都係好味嘅，脆漿唔厚，九肚魚開左邊，一片片的，唔錯唔錯食落好似福建炒飯嘅麻辣海鮮炒飯。。由於俾水煮魚嘅辣蓋過左，食唔出有麻辣。

之前見朋友嚟食過賣相唔錯，openRice又有百幾個笑哈哈，早兩個禮拜已經book定枱，但係食完都幾失望！首先係成餐飯我哋覺得都算係OK嘅菜式：老壇酸菜魚（$468）差唔多見到枱都有叫。魚係新鮮嘅，有魚片，另外魚骨就拎咗去炸，食落都幾香口。其他配菜有酸菜、大豆芽、蓮藕、小木耳、寬粉等等。花椒有紅花椒同青花椒，份量都算多但係味道唔夠突出，好似花椒嘅存在只係一個襯托，並唔係同成個酸菜魚融為一體。酸菜魚整體來講味道OK，唔算太油膩，屬於中上水平，但未係最好。除咗酸菜魚之外，以下菜式全部都唔得🙅🏼椒麻鮮雞（$148）、清炒萵筍絲（$138）椒麻鮮雞：一食落去就知係雪雞，又霉又冇雞味，味道好一般，又係花椒好多，但係一啲味都冇。另外份量亦屬於少。清炒萵筍絲：從未食過可以切到咁幼嘅萵筍絲，幼嘅程度講緊係每一條唔超過2mm，近排啲萵筍好貴咩？夫妻肺片（$108）圖片一眼望晒，有八成以上都係唐芹仔，肺片應該唔超過十塊，每一塊肺片又係唔超過2mm….. 分量亦唔需要多講，一隻手掌咁多麻辣豬耳 （$88）呢碟應該係全晚最過分嘅一碟菜，隻碟已經唔係大，每塊豬耳簡直薄到係透光，不得不讚師傅嘅刀工，點解可以切到每

上次黎紅花會食唔到佢既名物酸菜魚, 知道佢有個商務LUNCH SET幾抵食, 又有酸菜魚係個SET入面, 就特登BOOK左位食LUNCH。日頭既紅花會有大玻璃窗外既自然日光, 感覺更加舒適, 坐低飲啖靚茶, 等待上菜。老火湯熱辣辣鮮甜滋潤, 飲得出有D火喉兼冇味精, 飲完一D都唔口渴。前菜:  醋辣雲耳  麻辣豬耳香辣味道加埋醋既酸MAYMAY,  雲耳同豬耳都有咬口爽脆, 開胃一流。椒汁飽魚好多粒粒尖椒同紅椒, 咬下咬下香辣過癮, 飽魚切成簿片, 沾左香辣既味道, 不錯! 最中意反而係佢加入左芹菜, 又香又脆, 食唔停口~酸菜沙巴魚今日最期待既主角! 揀左沙巴魚, 冇骨啖啖肉, 魚肉嫩滑而且仲有好多片, 湯底入口有齊椒香酸味, 認真細味仲帶有魚鮮味, 味道豐富又有層次, 真係有D料到! 入面仲有好多配菜, 特別中意既係爽脆既蓮偶同埋煙韌既薯粉, 吸哂湯非常好食!蛋黃肉即係咸蛋肉餅, 充滿肉汁, 肉質腍滑, 帶咸蛋黃香,  撈個白飯都可以食到兩碗!XO醬海皇炒絲苗絲苗米炒得粒粒分明又夠乾身, XO醬味道唔會OVER, 加埋蝦粒, 蛋同蔥等香氣十足, 仲好大碟下, 食到依度已經飽到上心口

在這個炎熱的夏天, 星期六下午在灣仔想涼冷氣舒舒服服地吃一餐午餐, 突然間想起在凱聯2樓的紅花會。尖椒黃金皮蛋首先點了一份小食, 平日吃到大多數只是尖椒皮蛋, 但這裡的黃金皮蛋實屬罕見。濃厚的咸蛋黃配上嫩滑的皮蛋, 味道與口感層次豐富, 而且尖椒的味道亦很突出。茶燻樟茶鴨主菜部分今天揀選了這碟茶燻樟茶鴨, 擺碟精美, 一放上枱時已散發陣陣香氣, 鴨皮燒得香脆無比, 鴨肉被燻得非常入味, 肉香嫩滑。鮮雞燴麵雞柳很嫩滑可口, 燴麵的質感爽彈, 而且麵的湯底很香濃, 令人食指大動。蔥油麵這碗蔥油麵我相信很難在一般餐廳品嚐到, 經撈勻後, 醬油和香蔥的味道配合得天衣無縫。

朋友介紹呢道既茶燻樟茶鴨好有誠意，帶左我來試試我們訂了7點枱，人客不多，2人也給我們四人的卡位，非常寬敞當然要試朋友推介，聽聞樟茶鴨頗考功夫，上枱時熱辣辣，仲有煙出，好香煙燻味因為燻過一點都不油膩，外脆內軟，而且沒有鴨酥味，好好食，鍾意食鴨的一定要試試！避風塘炒蜆，非常惹味，朋友覺得好辣，但我食得辣覺得ok，呢道係食川菜，當然要食辣麻婆豆腐，好四川味，麻中帶香，又不太油，豆腐好滑鮮雞燴麵，呢個喜出望外，麵有點彈牙，雞湯膿又香，雞肉夠哂嫩滑，呢碗麵仲只係$68蚊，呢個地方來講真係超級低食，一定要試啊呢道環境好清幽，好岩朋友仔來傾計聚聚，開心的一餐

同老公慶祝結婚週年紀念大家都異口同聲話想食水煮魚我地一直都有個習慣一定會喺Openrice bookmark 水煮/酸菜魚嘅店，今次就選左紅花會！一開lift 門入到餐廳 裝潢都格外中國風，仲有牆上壁畫！我地一坐低，急不及待地點左我地最愛嘅水煮魚-水煮桂花魚，再點多一碟小食-口水雞雞肉滑到不得了！嘩，水煮魚黎到，大碟到四個人share 都得呀，而家有好多我最愛嘅寬粉呀 寬粉非常QQ彈，吸收左水煮嘅辣，非常惹味呀！桂花肉質嫩滑非常，所以水煮系列，有得揀我多數都會揀桂花！而且酸菜同水煮系列拌飯十分一流呀！最後食埋個甜品就完滿！楊枝金露 真係好足料大大粒茫果，仲要好甜呀。

今日放工同屋企人去左食川菜，朋友介紹灣仔紅花會川菜味道正宗又好食😋店內環境非常好，地方寬敞，座位舒適，私隱度夠高。甫座下，店員就詢問喝什麼茶，這裡竟然有我最愛的菊花🌼實在太好了餐牌食物種類夠多====—====—====—====—🐟☘️老壇酸菜海沙巴魚🌶（$468）酸菜魚幾乎是每枱必點的餸之一，賣相精緻美觀，非常吸睛👀大大窩的酸菜魚可以選擇桂魚或海沙巴，店員說前者比較滑一點，後者比較爽口一點。我選擇了沙巴魚，因為平日外面吃到的都是桂魚為主，沙巴魚質感比桂魚厚實，不易鬆散，魚肉同樣嫩滑美味可口。除了酸菜和魚片外，還有多款配料如雞髀菇、萵荀、雲耳、蓮藕、芽菜、薯粉，配料沾滿了濃郁的酸菜魚湯味道非常入味。酸菜魚湯頭也非常鮮味美味，點了中辣，酸菜魚湯味道調配得宜，味道非常好，風味可口😍====—====—====—====—

呢到係一間高雅的川菜館，環境舒適，座位闊落，優質服務。.🐥紅花椒香脆辣雞（$268/半隻）本來以為係類似辣子雞嘅菜式，但原來真身係炸子雞，炸子雞熱辣辣，相信係即叫即炸，口感嫰滑，配上香辣麻香的醬汁，十分惹味。.🍝銀芽肉絲煎黃金脆麵（$148）銀芽肉絲非常知足料，麵炸得香脆，加上肉絲汁令麵條又脆又軟，兩種口感融合埋一齊，滋味非常。.🥭楊枝甘露（$48）呢道甜品可以話係店中嘅王牌，店員嘅強力推介之下試咗一碗，發現確係很好吃，用料十分之多，包括芒果西柚絲西米，味道不似坊間嘅甜品咁甜，呢一碗楊枝甘露夏天食真係非常之清甜解渴。🌞

母親節正日BOOK左紅花會帶母親大人食川菜, 餐廳樓底高又闊落, 每個位都好有自己空間, 一坐低店員就奉上熱茶, 仲有驚喜母親節小禮物, 透明小袋子裝住既乃馨同埋陳皮普洱, 仲有張小卡片, 真係好有心思, tum到媽咪好開心~紅花椒香脆辣雞餐廳signature之一, 比起一般炸子雞更香口, 雞既皮位又薄又脆, 雞肉嫩滑, 本身已經醃得咸香, 再點埋另外跟既椒香辣醬, 有非常香既麻辣味, 有辣勁但又唔會太over, 令到隻雞惹味加倍! 食到lamlam脷乾扁四季豆特別之處加入左蝦米, 辣肉碎同埋花椒, 令到整道菜充滿麻辣味, 四季豆都可以炒到咁香口, 撈飯一流!紅花會既川菜真係有d料到, 個種麻辣既鮮香唔係度度都食到, 簡單一個小菜好似四季豆依d普通菜式都可以炒得好好味, 真係好值得一黎! 另外因為母親節加持下店員全部勁忙碌, 但係佢地都有主動加菜, service抵讚。

晚餐想搵一個安安靜靜, 舒服既餐廳, 同朋友傾下計,慢慢食下精緻中菜, 搵下搵下就搵到”紅花會”。(*•ω•)ﾉ～♫-一開始以為要行好遠, 但原來係銅鑼灣C出口,一直行一陣就到了, (^_^) 所以地理位置都幾方便。一入到去商場已經有一位小姐好熱情咁問你Walk in/ 訂左位,同佢交待左已訂座之後, 佢都隨即同同事講聲,確保我係一上到2/F 餐廳的時候, 已經有同事幫忙招待。♪٩(✿´ヮ`✿)۶♪-一入去, 格局燈光都柔和, 同埋檯同檯之間都有點空間,不會有壓迫同埋都會有私人空間的感覺。同事安排左我地坐卡位, 梳化都好闊, 好舒服(*’∪’*)-D姐姐好好, 幫我地沖完茶之後仲幫我地針埋,見到我飲完唔記得針番, 又走來幫我再針茶!-同朋友2人叫左3味 :1)茶薰樟茶鴨2)避風塘九肚魚3)鮮雞燴麵再加個甜品4)杞子桂花糕-(*´ ˘ `๓)♬“茶薰樟茶鴨”同朋友覺得一上菜就好香煙薰味,一咬入口淺粉紅色既鴨肉油香十足,肉味唔會過咸, 煙薰味係口腔呼應住,再加上鴨皮既香脆 (._.) 真係好有驚喜!!!!!!!!!!!!!!!!一邊食一邊飲啖茶, 真係好夾!唔食辣的朋友仔可以一試喔~-(*

迷上了酸菜魚，今日我地兩個女仔，好想食酸菜魚，就叫了一份老壇酸菜魚，酸菜魚可選辣度，今日叫了小辣，魚也可選沙巴或者桂花，因為友人好想食沙巴，就選了。在上菜之前，飲住茶等，座位相當闊落，環境靜得黎也坐得舒服，環境十分好。終於到了上菜時候，估吾到係咁咁咁大份！比一個iPhone 大好多我地兩人都十分驚喜。酸菜魚十分十分正宗同足料。首先個湯好濃好香，好惹味。魚呢好鮮味，而且火喉岩岩好，魚煮得好滑，每一件魚都好香好滑。魚係整條的，表面的就切片，餘下近骨的地方，就去炸，然後可以食到魚片，又可食到魚尾炸件等等。喜歡食骨，喜歡食魚片都一樣可以。另外，湯底好正，睇到足料 有八角，辣椒等等。仲有配料都好多，連藕片，雲耳等等好食好食。仲有寬條薯粉係底。吸曬湯既味道。食魚，配飯一流呀，酸菜魚，再整兩個白飯