紅花會 (Moved) New Location

今日剪完髮想食個lunch酸菜魚我超鐘意食！搵左好耐附近就得呢間咁就抱住試下既心情上去食啦嘩 一上去係得我地呢一枱完全無人 心諗好驚喎唔通好難食？定貴到痴線？一坐底就有人問我地要茶定飲品咁我地揀左飲品 最唔開心係我地講左唔要茶最尾埋單先打茶位 咁樣好唔老實姐 我影左飯前飯後既單......講真如果事前你話會收茶錢 點解又問我地要茶定飲品？但講真 食物質素真係好好 我地叫左個二人餐 所有食物都幾好食 非常有水準同驚喜 由其係個湯 前菜 同個酸菜魚 ，雖然話例湯 但飲得出佢好濃郁 好正！但個甜品 主菜飯都未食曬就上左 到我食完主菜個甜品係凍既🌚同埋勁硬其實個場無人 但好似好急 我地感覺係咪阻住佢地收工😅整體飯食物質素係好好 真係食完想去食 但服務就....會令人唔想去下次

第一樣一定要講嘅係，呢度個木薰鴨係超正，超正，超正，重要嘅事情要講三次。絕對係外脆內軟，超重嘅鴨香味，鴨肉仲要係軟軟的， 油香四溢， 唯一欠缺就係佢冇蝴蝶包！ 酸菜魚亦沒有失望，湯底10分濃郁，魚片鮮嫩香滑。 酸辣湯底非常醒胃， 酸嘅程度同辣嘅程度恰到好處互不搶了對方嘅光芒。水煮田雞一上場依然係有震撼嘅感覺，啲辣椒多到呢！未開始起筷已經飄來陣陣辣椒香，喜歡辣嘅朋友真係唔可以錯過。田雞非常入味，肉嫩 juicy ! 先麻後辣嘅感覺超正，一邊食一邊流汗，勁爽。

平時我地每次想食飯，唔知點解間中就會想食下中式菜～最吸引我嘅原因係中式菜比較講究烹調技巧，唔係人人甘容易學到咖。所以今次就黎到網上有人推介ge中式餐廳，呢度揉合傳統和新派嘅四川菜一入黎就紅綠色的檯櫈感覺環境非常優雅，位置都幾寬尚，我同朋友都覺得夠曬舒服今次order了2個菜式，全部都幾滿意呀！口水雞 :分量有成半隻呀，非常足料哦！雞肉煮得剛剛好，一點都不老，非常鮮嫩。而且口水汁濃味，芝麻和醬汁滲透雞內，食起來津津有味 回鍋肉：呢一個回鍋肉炒得真係幾出色！肉質係肥瘦適中，薄薄一片領到肉可以更香口入味呀～融合煮出四川菜的味道，所以當中帶點小辣，突出肉的鮮味

疫情關係少咗好多出外食飯，好耐都冇食過酸菜魚，所以今日決定同朋友去試試灣仔一間食酸菜魚的餐廳一解酸菜魚的癮一上到餐廳感覺好寬敞，梳化以綠色為主調，有別於一般食川菜的餐廳嘅設計，感覺高檔。我哋被安排到坐梳化位，點左個前菜、酸菜魚、麻辣雞煲、乾扁四季豆、蜂巢黑糖糕同紅棗糕😋涼拌土豆絲前菜叫左涼拌土豆絲，試過自己整，要整得好食都有難度，土豆絲切得幼細得黎食落要有咬口、爽口，睇落咁淺色以為無咩味，食落原來調味都剛剛好，不太酸又不太辣，仲有啲芝麻香，非常開胃。乾扁四季豆呢個小菜送飯一流，呢度仲加咗蝦米同辣肉碎，份外野味，即刻好想叫碗白飯送👍🏻老壇酸菜魚（選了桂魚）嚟到最期待的酸菜魚，一上枱朋友都非常嘩然，超大碗，先試試個湯底不會太過酸，原來有加入甜酸菜，作為酸菜愛好者食哂魚肉後都不停咁繼續夾d酸菜食，魚肉都非常嫩滑無骨同大片，啖啖肉好正，仲有一啲炸過嘅魚骨肉，兩種口感都有齊，係香港好難得食到個酸菜魚係咁分量十足，4個女生食都岩岩好，大讚👍🏻麻辣雞煲麻辣雞煲都非常野味，麻辣汁不會太辣，雞件都大舊多肉，夠穫氣，同出面的雞煲不相伯仲。蜂巢黑糖糕&紅棗糕本人至愛食中式糕點，兩款糕都煙韌微甜，紅棗糕結實，

今日帶左女皇黎食晏～因為朋友介紹，話呢度既午市商務二人餐幾抵食，仲有我女皇愛食既酸菜魚啵，咁梗係要try try啦：）呢度午市二人份既“商務套餐”HKd$248+10%包有三款前菜、明火例湯、水煮魚/酸菜魚、兩款小菜、主食同甜品，的確非常豐富！！！先到既係當日既湯品，每人一份，飲完全身暖笠笠；）跟住有三款前菜，分别係香油萵筍絲、麻辣豬耳絲同椒汁鮑魚！椒汁鮑魚辣勁十足，薄切既鮑片爽嫩，一d都唔韌：）跟住我地揀左“老壇酸菜魚”，可選桂魚或沙巴，當日我地要左桂花魚～魚片無骨細滑，加上酸辣酸辣既味道，特感醒胃！！除左魚片同酸菜之外，當中仲有菇片、萵筍片、蓮藕片、大豆芽，仲有我超愛既QQ寬粉添呀：）之後兩款小菜都好快黎到～分別係“乾煸四季豆”同“麻婆豆腐”：）兩者都熱力十足，鑊氣非常，辣度不輕呢！！！而主食就係“xo醬海皇炒絲苗”，飯粒分明，惹味惹味最後仲有呢籠味道香甜，口感Q彈既“金絲棗蜂蜜黑糖糕”做甜品添

今日想試吓食川菜，有朋友之前食過呢間話唔錯，所以就book咗位去試吓，入面d枱都幾大張，坐得都好舒服。我地叫咗個前菜口水雞，d雞肉好嫩滑，配上個口水雞醬汁，好香，好惹味，個汁食落好麻，不過都唔算好辣。樟茶鴨，雖然叫咗半隻，不過都幾大碟，鴨嘅外皮燒得好香脆，塊皮一d油份都冇，所以食落完全唔油膩，d肉質唔會鞋，仲有好香嘅煙燻味，幾好食。魚香茄子，雖然係家常小菜，不過要煮得好味都幾巧功夫，d咸魚香味滲入晒d茄子果度，食落非常惹味，但唔算好油膩。油潑麵，見個名幾特別，所以叫黎試吓，原來係d麵質似刀削麵，好煙韌彈牙，再配個辣汁，食落都幾香辣可口。

我們全家人都愛食辣菜式,所以選來紅花會食晚飯,順便慶祝我的生日呢!店裝潢具多色彩,燈光柔和,座位闊落又舒適。***【蒜泥白肉】 $118切薄薄片的白肉包著青瓜條,如肉多點肥會更好味,略不夠滑口,如加多點點香濃的蒜末,會更好味呢!**【茶薰樟茶鴨】(半隻) $168想不到茶薰鴨後, 加添茶香,鴨出奇煙煙韌韌口感,沒鴨膻味,而香濃味美,食不停口,是全家人至愛食之一。**【老壇酸菜桂花魚】 $428桂花魚的鮮味能帶入湯度,高湯內魚肉片沒刺的,入口魚肉質好滑溜細嫩感,沒有腥及泥味,有酸帶辣味道,滿口酸辣鮮香,令人胃口全開。**【紅燒菊花獅子球】 $168大大粒獅子球入口即化綿密不油膩,同時又吸收左湯汁,完全夠味,連西蘭花也吸收左肉汁,送飯一流。**免費送上【菊花杞子糕】這菊花杞子糕外形好靚,入口十分清甜好味。**只要在 社交平台 讚好LIKE  紅花會 THE HUA CLUB,就免費送出自家製涼茶。

灣仔出名多高質素美食聚集嘅地方，今次去左食川菜館。呢個大廈應該係新起既感覺好新，坐lift上到去一開門見到又紅又綠嘅裝修好得意，完全冇嗰種好光猛好嘈好中式川菜館嘅感覺，一看就係走中高價路線。我叫左冷盤香油萵筍絲，菊花魚米羹，茶燻樟茶鴨，當然仲有川菜必食-酸菜沙巴魚。冷盤香油萵筍絲清清地都幾開胃不過唔太特別，魚米羹料足味道中規中距。本來林住呢間餐館食物一般但最後主菜係驚喜，兩個招牌菜-樟茶鴨同酸菜魚。鴨食得出有茶燻而且皮脆肉嫩，本身對鴨一般既我居然一一嚿嚿食吾停口。川菜既酸菜魚個酸菜湯味道同材料好足，沙巴魚吾多骨好嫩，雖然四百幾蚊比出邊嘅川菜館貴但食得出呢個係一分錢一分貨嘅材料同味道。沙巴魚份量足酸湯味道夠酸，而且酸菜好多食得出唔係平個種酸菜。食材同環境都好好不過果晚廚房好繁忙而且冇閂門所以成日聽到廚房講嘢聲，如果冇咗嘈雜聲會係非常好嘅一餐。感覺上佢哋着重美食同環境裝修多於服務質素。

同朋友一行四人早一星期約好食飯見網評呢間唔錯，就預先打去book枱一去到餐廳環境好闊落我地四人安排左坐卡位，一d都唔逼餐廳全部都係梳化椅設計又靚又坐得舒服職員細心周到為客人點餐同上茶我哋揀左菊花，不錯的首先點左前菜涼拌土豆絲 $𝟕𝟖食落爽口，食到好香麻油味慢慢滲出黎份量唔算好多但前菜黎講其實剛剛好！雞油菌乾煸四季豆 $𝟏𝟔𝟖新鮮滾熱辣上碟，仲岀哂煙上枱，正呢碟用辣肉碎，蝦米調味 配上四季豆特別好味重點雞油炒岀來，更多一陣油香老壇酸菜魚(可選桂魚/沙巴) $𝟒𝟐𝟖我哋揀左桂魚，黎到忍唔住嘩左聲大大兜之餘賣相睇到已流晒口水魚肉100%新鮮嫩滑！不得了配上酸菜湯汁，帶微微酸辣味口感滿分配菜有酸菜 甜酸菜 菇 芽菜 薯粉仲發現有d經油炸起左既魚骨肉美味可口，份量足夠我哋四個女仔食麻辣雞煲 $𝟏𝟔𝟖香噴噴既麻辣香味，個煲滾住上雞肉好鮮嫩，個汁調得好夠入味，咸味辣味適中，激惹味，食到條脷好麻🤣蜂蜜黑糖糕 $𝟒𝟖第一次食呢個好特別既甜品，以為蜂蜜加黑糖會好甜，但一d都唔太甜估唔到又幾夾，食到蜂蜜既清甜味四人一人一件，朋友食完話想再order🤣紅棗糕$𝟒𝟖口感好煙韌，紅棗甜味突岀實在太愛紅棗糕，唔係間

替家人慶生，選址在灣仔的紅花會。餐廳環境舒適，很適合家人、朋友聚會。餐牌選擇很多，很多菜式看起來都很吸引呢。我們一行4人點了一份酸菜魚。酸菜魚分量很多，絕對足夠4個人吃。難得在香港吃到如此好吃的酸菜魚，是我最喜歡的口味。酸辣度剛剛好，酸辣得十分過癮！而且滿滿的材料，很多魚肉、萵筍、木耳、薯粉等等。魚肉也很嫩滑，有鮮味，是水準很高的酸菜魚。另一道我們都很滿意的菜式-茶熏樟茶鴨。一上桌已經聞得到濃濃的茶木炭香。果然炭香十足，有淡淡的茶葉香，沒有過多的調味，已經足以吊出鴨肉的鮮味。鴨肉肉質也很鮮嫩。炸百花釀菊葉。很有創意的一道菜式，沾了蝦膠的菊葉再沾粉炸成天婦羅。炸粉不會太厚，但卻很香脆！而且菊葉配蝦膠這個組合很配搭。再來一份吃四川菜必點的擔擔麵。很濃稠的擔擔麵，尤其是花生味尤爲突出！麵條有勁度，配如此濃郁的辣湯底特別惹味好吃。椒汁鮑魚。切成粒狀的鮑魚已經爽脆而且鮮味十足！而且炒得香口，鑊氣十足。最後我們參加了社交平台的活動，讚好社交平台有自家制涼茶一杯。雞骨草+夏枯草的配搭，清涼好喝。

這家在灣仔與銅鑼灣交界的新餐廳, 名字甚有江湖味道, 裝橫典雅, 空間寬敞, 吃的是味道濃重的川菜. 主理人葉師傅之前左滿樂工作, 處理潮州菜為主, 新環境和他之前工作的大有不同, 這相當有趣.先說他兩人份的午餐價錢, 定價相宜, 平時均每人也可用一百五十元, 但包括前菜, 兩份主菜, 蔬菜, 飯局皮甜晶, 絕對能吃得飽. 頭盤有萵絲, 麻辣豬耳和鮑魚, 後兩者的辣勁柔和, 沒甚麽獨特之處, 反而前者的口感清爽和沒草腥味較為可喜. 乾扁四季豆先炸後炒, 口感爽脆而且鑊氣也夠, 只是多吃幾塊, 就覺有點油膩. 主菜最重要的, 當然是水煮魚, 以沙巴龍躉作主軸, 口感厚實而不會散香, 魚香味重而不會完全被麻辣味覆蓋, 麻辣度的層次還可以, 作為二人份的午餐份量也夠, 食物不能算是驚為天人, 但總算物有所值.

媽咪生日，去咗紅花會食川菜慶祝！紅花會裝潢摩登有格調，而且座位寬敞，坐得舒適，我哋四個人坐在靠窗嘅4人卡位亦毫不擠逼。餐廳另外仲有私人廂房，適合講求私隱度嘅客人。店員服務亦非常殷勤周到，一入座就立即斟茶，又主動同我哋講like  社交平台有免費涼茶送，令我地留下非常良好嘅印象！讚好 社交平台送自家製夏枯草x雞骨草自家製涼茶，食辣嘢有杯冰涼嘅涼茶解解熱氣下下火，真係好貼心！老壇酸菜桂花魚($428)桂花魚份量好多，食極都有，魚肉肉質嫩滑，結實而唔鬆散，難得係魚肉好入味，但油而不膩。湯底酸香鮮美，夠酸又夠辣，好惹味！底下仲有寬粉，寬粉吸收湯汁嘅香辣酸甜，又滑又入味！難怪係餐廳招牌菜之一！茶燻樟茶鴨($168/半隻）樟茶鴨係四川傳統菜式，不過因為工序繁複考究，所以出面唔多餐廳有得食，難得紅花會有得點，當然要試下！鴨肉色澤深紅，每啖都散發淡淡嘅煙熏香，肉味烤後更加濃郁，鹹香十足，味道好有層次。皮唔算脆，但肉好軟嫩，係我最鍾意嘅一道菜！百花炸釀菊花葉($88)秋天來臨，餐廳不時不食，亦推出一系列以菊花入饌的菜式。百花炸釀菊花葉有D似天婦羅，炸槳非常薄脆，入面包住釀上蝦膠嘅菊花葉，入口先係香脆，然

終於搵到上次VIUTV川菜個PART既餐廳, 就係紅花會! 上網一睇亦見唔少好評, 更加想試, 今晚就約定朋友過海晚飯!紅花會環境感覺高檔, 用大紅色為主配襯綠色, 感覺有格調又不落俗套, 而且座位十分寬敞, 坐得舒適。坐低後店員隨即上茶, 十分快手。辣子雞香氣撲鼻既麻香味, 滿滿既紅辣椒, 顏色鮮艷吸引。除左雞粒外仲有炒香左既腰果, 香脆又沾染左花椒香氣, 令人食唔停口! 雞粒份量不少, 炸得香脆可口, 鮮香麻辣齊全, 咸香惹味, 不時食到花椒麻親個咀, 香口過癮!魚香茄子煲真係好耐都未食過咁有獲氣既魚香茄子煲! 上枱時滾熱辣滋滋作響, 煙同香味同時飄出, 不得了! 茄子保留左口感, 仍完整一條帶少少爽口, 唔會煲到爛哂, 要一讚! 魚香肉碎惹味非常, 撈飯一流!!食緊既中途突然聞到陣超香既味, 原來係後面枱既酸菜魚, 已經約定朋友下次再叫多幾個泥一齊食, 相信一定唔會失望~

紅花會係難得靠近灣仔北，而價錢又好合理嘅靚裝川菜館。位置係商廈KONNECT入面，一開始都搵左一段時間。今日提早預訂一點，所以黎到就有夠曬闊落嘅卡位坐。午市套餐種類同價錢都贏通街。$248兩位！前菜已經有三款，香油萵筍絲、椒汁鮑魚、麻辣豬耳絲。上菜擺盤都好精緻。明火例湯，係煲雞嘅湯，超濃郁！老壇酸菜魚，想多肉啲就揀海沙巴，想滑啲就揀桂魚，我地就揀左海沙巴。肉質係偏爽，作為餐入面嘅菜，份量都幾多！入面仲有薯粉，仲有好多酸菜！最鍾意呢度做得多酸少油。另外仲有麻婆豆腐、乾煸四季豆、XO醬海皇炒絲苗。整體味道都唔辣，又唔會太油，好適合香港人。金絲棗蜂蜜黑糖糕，係蜂巢糕嘅質感，黑糖味同蜂蜜都好平衡。打卡仲有涼茶送。不過我地已經食飽飽，下次先試到喇。

一黎到侍應已經詢問我哋飲咩茶，之後可以慢慢邊嘆茶邊睇餐牌。香片味好濃郁，配合食辣嘅亦都好夾。裝修嘅格調以優雅舒服感覺為主，地方闊落，空間感十足。每台都放上黃菊花，幾特別。老壇酸菜魚 (桂花)主角當然係佢，可以揀桂花魚或者龍躉，最後想食滑啲嘅魚肉就揀咗桂花魚。份量相當足夠，好大碗。食落魚嘅肉質十分鮮滑、冇腥味，好食。當然仲有大量嘅配菜，酸菜、蓮藕、萵筍等，當然仲有薯粉，同埋比較特別嘅係仲有經炸過嘅魚骨部位，好香口。配菜已經完全入晒味，辣得來好有感覺。蔥油麵 唔諗住食飯，但希望有點飽肚感覺，所以叫咗一碗蔥油麵。配合特製蔥油，上枱時已覺香氣十足。撈埋同麵一齊食，麵質彈牙，另外仲有蝦亁，食落好滋味。食酸菜魚又多咗一個好地方選擇！