圃鍋 (Closed)

喺香港，一年365日都係火鍋日。今日放工之後，就同屋企人去咗灣仔打邊爐，因為得知開咗間新嘅火鍋店，一於去試試。入到餐廳，簡直眼前一亮，裝修非常別緻，具有中國特色，古色古香，上面掛咗啲燈籠，好有feel。坐低之後即刻叫個湯底先，今次我哋揀咗甜、酸、苦、辣湯底，即係甜蕃茄海鮮湯底、酸菜豬骨湯底、苦瓜青汁湯底同埋麻辣湯底。我最鍾意就係酸菜豬骨湯底，大大嚿豬骨係入邊，真材實料，酸酸鹹鹹嘅味道好適合打邊爐。鍋物上級海鮮拼盤賣相勁精緻，有冰粒做底，感覺高貴左勁多，而且材料非常新鮮，有海中蝦、帆立貝、花甲王、象拔蚌同埋花蟹，樣樣都好新鮮，象拔蚌非常爽脆，帆立貝超大隻，味道鮮甜。精選牛肉拼盤包括有手切本地牛頸脊、頂級本地頸脊、本地牛𦟌同埋澳洲和牛粒，最正係手切本地牛頸脊，脂肪分布平均，牛味香濃。呢度嘅手打丸超級彈牙，大家一定要食鵝肝墨魚丸，真材實料，入邊真係有一小粒鵝肝。之後仲叫咗啲蔬菜拼盤同埋其他火鍋配料等等，呢間餐廳嘅食物質素非常之高，所有野都好新鮮，而且服務態度好貼心，而且環境好高貴，好正。

朋友曾經在晚市來這裡食火鍋，念念不忘這裡的用料精美，推介來這裡吃午飯。以為午餐打邊爐，原來也有午市定食，選舉也很多，有中式有日式，並可加錢可點多款小食。我點了鰻魚飯，超級大碗，兩大件鰻魚！略嫌飯太硬。朋友點了日本刺身定食，賣相精美，魚生很新鮮，厚切，抵食。估不到以火鍋做賣點的這間餐廳，原來日式食物水準也不差。又可能因為是fusion餐廳的關係，跟餐的湯是一個中式湯，並非傳統日式定食的麵豉湯。這裡的午市有「儲印仔」推廣，如果大棚人一起午餐，應該很快就「達標」！午市不算多人，絕對好座！

火鍋熱衷者嘅我，得閒無事喺屋企打邊爐，出到街又想打邊爐，一年四季都係打邊爐。對火鍋有要求嘅我，預先上左openrice睇下menu睇下食評，搵倒呢間與友人放工就腳，於是放工去食飽飽，輕鬆一下。火鍋湯底好重要，湯底就係火鍋嘅靈魂。最近我喜歡辣，所以我選擇左麻辣湯底。當然朋友中有食唔倒辣，所以我地揀左鴛鴦湯底，另一邊係店員推介新推出嘅沙嗲湯底。首先我要評一評個麻辣湯底出色，辣得黎好惹味，聞倒已經香噴噴，連友人唔食得辣嘅，都話要試。火鍋配料到之前，我地叫左個日式刺身，剩睇賣相已經相當惦，同埋要夠新鮮，比起垃圾日式放題係冇得比架！重點推介係宮崎縣和牛，由於宮崎牛是優質品種，一定有保證，肉味濃郁，油味甘甜，入口溶化之餘，仲溶化埋我個心我哋仲嗌咗蜂巢凍豆腐，完全級晒啲麻辣味，真係好正呀！ 如果放落沙嗲湯底嗰度可以放耐少少，口感好正，好鬆軟又入味。跟住就試清酒黑豚肉，輕輕既清酒味，口感又夠軟，唔錯唔錯。

今日朋友約我過海打邊爐，正，又係我最愛，上到去個環境真係好好，好闊落，坐得又舒服，服務員都有禮貌，1）麻辣豬骨鴛鴦鍋，睇落而為會好辣，但原來又唔係，都幾好，豬骨湯底冇咩驚喜，個人喜歡麻辣湯底多d😝,2）刺身，好新鮮，但略嫌偏貴，3）手切肥牛，有牛味，唔靭，4）清酒黑豚肉，呢個要係食之前浸幾分鐘，而為落鍋之後會冇哂酒味，但又唔係喎，仲有一陣陣既清酒味👍🏻，唔錯，5）四色丸，好彈牙，6）凍豆腐，放落麻辣湯果邊，等佢吸收左d湯汁，好好食😍,大致上都好好食，食材新鮮，但價錢偏貴

灣仔圃鍋地點方便！就在集成旁邊！有露台可以比大家「打邊爐」。室內既火鍋更吸引叫左款4式鍋~分別有苦瓜湯底，豬骨湯底，麻辣湯底，蕃茄湯底~各有特色！店員耐唔耐幫我地隔走湯既油份非常細心呢鍋物上級海鮮拼盤！有( 聖) 子，帶子，花甲，蚝！各款海膽都係碌下就ok~鮮味十足帶子綿密細緻！聖子爽口彈牙有質感黑腐竹~第一次食呢隻食材~甜甜地好香~吸哂湯底味更惹味！全晚最正既牛出場~精選牛肉拼盤！A5宮崎和牛，安格斯牛粒，金錢展，手切肥牛。A5宮崎和牛是最最最好味，最最最嫩滑，最最最肉汁豐富的真係超爆好食

話說近排工作壓力好大，咁啲朋友呢見我咁辛苦，就話不如出去食一餐好㗎啦，佢地話有間叫圃鍋好似幾好，所以我地就嚟試咗喇。一入到去裝修唔錯，用左中式既燈裝飾同窗花，但係一啲都唔老土，反而有啲高雅嘅感覺， 環境都坐得幾舒服，同朋友傾計食飯幾唔錯。 我哋坐嗰個位咁啱係有變色燈圍住嘅，但某啲顏色燈先影得靚，大家要留意下。因為太肚餓關係我哋食食下先記得影相，首先叫左個刺身拼盤， 有甜蝦，吞拿魚，三文魚等等，其餘唔記得左，啲刺身好新鮮又清甜，值得推介。我哋叫咗麻辣同沙嗲雙併湯底，原本想試4色湯底 ，但有朋友唔食苦瓜， 無計啦。個麻辣湯底好出色，好夠香好夠麻， 但無出面嗰啲麻辣湯底咁辣。沙嗲都ok嘅，不過有強勁對手就變得平凡。 我哋叫咗出名嘅宮崎縣和牛同埋本地手切肥牛，我係第一次食宮崎縣和牛，牛肉味好濃郁同埋入口即溶，真係超好食 。而本地手切肥牛都唔錯，比出面食既脂肪較少，肉質鮮嫩多汁。而且牛味濃個一般嘅美國肥牛，如果叫呢晒兩樣牛 ，我建議首先食本地手切肥牛，再食宮崎縣和牛。自製四式丸，好有新鮮蝦味，口感彈牙，正！最後叫左個麵， 啲質感好似係雲吞麵舖嘅幼麵，原來放落個沙嗲湯底呢係估唔到咁好食㗎，好食到食

昨晚呢我就約咗啲一班舊同學一齊聚會，呀成就介紹咗我哋去一間叫圃鍋嘅菜館。一大班人最好就係打邊爐㗎啦，餐前我哋先食咗啲水果 同小食。我哋有啲人就鍾意食辣有啲就唔食得辣喎，隨後我哋點咗一個鴛鴦麻辣豬骨鍋，個豬骨湯底呀非常濃味，裏面有好多配料，一邊唔辣豬骨湯底鮮甜美味，參入嗰啲菇類，菌類，豆腐都零舍好味，另一邊麻辣味更濃烈。佢整個配套好豐富，有整盤嘅海鮮拼盤，正因為佢全部都係新鮮，所以只要你在湯內灼一灼，就能將整個鮮味帶出來，非常爽甜，彈牙可口，仲有嗰啲頂級雪花肥牛，啲紋理很均勻分佈，只要你輕輕勺幾下已經鮮味無窮。仲有新鮮嘅脆肉鯇魚，非常爽脆，仲有鵝肝墨魚丸全是手打的，彈牙鮮甜，咬開口整個口腔都有滿滿嘅汁液，令你食到停唔到口，重加上佢個湯底 餚得非常濃味，濃甜嘅湯將啲肉類浸得更可口，另一邊麻辣湯底，雖然係麻辣，但係會完全將啲肉味帶出來，唔會被掩蓋，豬骨湯底嗰邊，鮮甜無比，唔吃得辣啲 同學都嚐到有另一番風味，呢個鴛鴦鍋真係濃淡相宜，佢仲有一個黑腐竹，都好特別㗎，當你食完這個濃味嘅邊爐湯之後，可以飲竹蔗茅根水，飲完令你也有一種舒暢嘅感覺，呢一次嘅聚會，我哋一班舊同學一齊渡過一個開心嘅晚上，友誼更

老友知道我在上班辛苦，特意帶我來公司附近吃新開的火鍋。裝修很有特式，燈光令人有進入了另一個世界的感覺。日式刺身 $600刺身略為有點貴，六式刺身有八爪魚、油甘魚、赤魚、深海池魚、目張魚。刺身佈置精美，以不同少見的魚類組合。吃起來新鮮口感，肉質細膩。像九宮格一樣整齊的醬料，任意配搭。鴛鴦麻辣豬骨鍋 $168紅白對比顏色帶來視覺效果，令人食指大動。白色是豬骨湯底，有蘿蔔、菇菌類、粟米，南瓜等，比麻辣温和一點的選擇。麻辣鍋底有鴨血可以吃，雖然不像台灣的可以任加鍋底，不過也可止止癢。鴨血吃下去夠結實，不過建議煮久一點更加入味。本地手切肥牛$208牛肉的顏色鮮明，看岀來十分新鮮。牛肉油脂分佈平均。因為油脂不算多，吃下去有嚼勁，建議不要煮太久。清酒黑豚肉 $158份量不多，只有五大片的豚肉。點一點中間的清酒再放下去煮。煮過的豚肉帶有點點清酒幽香，而且豚肉仍保持嫩滑肉質，一點不會太老。宮崎和牛$438質素毋庸置疑，和牛的油脂紋路分佈平均。一片的和牛份量十足，入口油脂香氣沖激味覺，而且質地軟嫩。自製四式丸$108包括:蝦丸、鵝肝墨魚丸、鯪魚丸、豬肉丸。以新鮮肉類打成的丸類，彈牙有咬口。最喜歡的是蝦丸，

香港人無論咩事間都係想打邊爐，約中學同學食飯打邊爐永遠係佢哋嘅首選，今次有朋友介紹我哋來呢間餐廳食佢話上次食過返尋味一入到餐廳見到裝修都非常有格調係打邊爐之前例牌選擇自己鍾意嘅醬汁，但係我就認為火鍋最緊要係佢嘅湯底同食材質素醬汁是其次的一開始就黎一個刺身拼盤拼盤煙霧離漫，好有氣勢，上面擺放着七八款刺身， 當中有我最愛嘅油甘魚，赤貝，味道甘香我哋湯底選擇左甜酸苦辣四味，酸味有酸菜同豬骨，苦味主要係苦瓜嘅味道，那係由大量辣椒同豬紅，甜係由蕃茄煮湯而成， 酸酸甜甜咁我哋仲叫咗宮崎和牛，脂肪同肉嘅比例起哂雪花仲有本地手切肥牛

很久沒見的朋友相約飯聚, 聊聊彼此的近況, 揀選了灣仔w square的圃鍋, 上到來, 燈光、裝修甚型格, 以為自己去錯地方, 似酒吧, 原來沒錯呢, 我們坐在梳化椅上吃火鍋, 吃火鍋從未如此舒適過。吃火鍋, 最好是喝一竹庶茅根水打底, 有清熱功效, 這裡的竹庶茅根水, 比其他地方的較少甜, 感覺清新自然。自選調味配料應有盡有: 豉油、醋、蔥、生蒜、炸蒜、芫茜、辣椒、芝麻醬...混醬是令人開心的, 就好像吃自助餐般。每人送上前菜, 這原來是收費小食啊, 磨砂小碗中有菠蘿、提子、藍莓、哈密瓜, 新鮮度甜度都不錯, 附上小叉進食, 像吃西餐, 高級的感覺。湯底 甜、酸、苦、辣四格鍋$168甜是蕃茄、苦該是苦瓜、酸的有豬骨酸菜、辣的就是辣吧(我對辣沒研究)。苦瓜湯底的確有新鮮感, 也有清熱之用, 唯凡人對苦味始終接受度較低, 所以此格不太受寵。酸的湯底幾酸醒開胃, 刺激味蕾, 唯它越滾越酸, 本身我對酸接受程度高, 後期也難繼續。辣湯底朋友說辣的不錯, 吃得辣的朋友也有使用。甜蕃茄湯底是四格中最受歡迎的, 除有蕃茄外還有幾隻大蝦, 要盡早撈上來食啊, 湯底相信有加糖, 甜度頗高。魚籽鮮蝦滑

之前黎過灣仔呢棟大廈食飯,已經發現呢間餐廳,上網一查原來打邊爐既岩啦,即刻約啲鐘意打邊爐既朋友一齊食上餐前有水果,先清清腸胃,一陣食多啲刺身併盤有油甘魚,吞拿魚,赤貝非常新鮮,厚身,食落去好有質感油甘魚魚油味道甘香,赤貝亦非常爽口四式鍋係餐廳首創，以甜酸苦辣為主題，不同湯底不同味道甜: 以蕃茄同蝦為主,味道似平時食酸甜骨既醬汁味道,其實酸味比較重酸: 以酸菜和豬骨熬成苦: 以苦瓜熬成辣: 以大量辣椒和豬紅煮成,起初小辣,到後其變成大辣,惹味到不得了牛肉拼盤當中有宮崎縣和牛, 本地手切肥牛等牛肉味濃,雪花紋理清晰,鮮嫩美味可惜份量不多,只能淺嘗

收工同幾個朋友食飯，選定呢間喺灣仔嘅圃鍋，睇左好多評語都大讚，所以我地都好放心。一開lift門就感覺到裝修氣派燈光調得比較暗，以卡座為主，座位闊落，而且客人唔多，一邊食一邊傾都唔怕嘈親隔離枱，仲有唔同大小嘅房間可供預訂。席前水果：店員送上迷你水果杯，裡面有西柚、火龍果、哈蜜瓜、菠蘿，朋友就話西柚有啲酸，我就覺得可以接受，其他水果正常，唔會太甜。日式刺身拼盤：點左三文魚、吞拿魚、赤貝等刺身，整體都非常新鮮甜美。赤貝爽口，每片都幾厚切添鴛鴦麻辣豬骨鍋：因為有朋友唔食辣，所以我地拼左個豬骨鍋，豬骨都有三件呢。麻辣比想像中易入口，少麻，裡面仲有豬紅店員好細心幫我地撇油。本地手切肥牛：手切牛牛味出眾，輕輕淥完食得，腍身好味，份量夠四位用宮崎縣和牛肉：冰鎮上，呈卷狀，非常期待！牛肉有厚度，而且幾大片，入口有豐富口感，加上冰鎮住，可以保鮮。比手切牛食落更加軟熟，入口即溶。雖然有少少肥脂，但完全不油不膩。和牛始終都有品質保證清酒黑豚肉：同樣冰鎮嘅豚肉卷成花形，感覺高質，有別於一般火鍋店嘅豚肉，只要輕灼就食得。配上一杯清酒，食前浸於杯中，入口有濃烈嘅清酒味，好特別嘅做法自製四式丸：有鯪魚丸、墨魚丸、鮮蝦

同朋友食飯打邊爐正是一項從不厭倦嘅選擇，每當諗唔到食乜嘅時候，只要有人提出火鍋，大家都唔會拒絕。是日收工黎到灣仔，早已睇過唔少呢間餐廳嘅評語，大部分都很正面，一行四人便一試究竟。晚上8點右右，客人唔多，火鍋店感覺挺高級，步出電梯口已經見到廣闊嘅刺身吧，師傅仲好親切同我地打招呼，初始印象可好餐廳裝潢有格調，燈光稍暗，樓底高，仲有露台位置，同行吸煙朋友大讚方便。店員態度更係罕有地好，隨時留意住客人需要，大概係因為店家走嘅貴價路線，客人較少，服務亦自然能夠周到。餐牌供應超過十款鍋底，有貴價嘅濃湯魚翅花膠鵪鶉鍋、瑜州毛血旺鍋、集四款湯底於一身嘅甜酸苦辣湯底都係人氣之選，定價$88-$468。配料方面有海鮮、牛、豚肉、雞、自家製手打丸、蔬菜，另有刺身、小食，除左海鮮、和牛肉定價較高外，其他配料還屬正常收費。茗茶 $8/位、醬料 $10/位席前水果 $15/位下單後店員送上水果杯，當中以菠蘿、哈蜜瓜較清甜，冇乜糖水感覺，另有火龍果、西柚，後者較酸，同行朋友都唔太喜歡，不過事後才知水果杯係收費項目日式刺身 $600試左五款刺身，三文魚、赤貝非常新鮮，前者肥美，後者爽口另外吞拿魚水準都不俗，雖然唔係腩

不記得從那時開始，一班人食飯，就會唸要去打邊爐，大家也喜歡一班人圍在一起，有講有笑，無所不談的感覺，這夜也不例外，我們選址灣仔，揀了這間比較高格調的火鍋店。餐廳位於W Square 既 4樓，朋友問我應該由銅鑼灣還是灣仔地鐵站前往比較容易比較快，其實這個位置就在兩個地鐵站的中間，兩邊也不算就腳，但也不算遠，大概5分鐘便可以到達，但係如果唔熟路的話，銅鑼灣站應該比較易走吧。步出升降機門，已經被餐廳的氣派所吸引，古式古香的 lift 門，好像一個古墓的入口。大大的魚缸和生猛的海鮮正在向我們say hi，而店員也十分殷勤的迎賓。餐廳十分大，除了「大廳」的座位外，還設有「包廂」，基本上多人少人前來也都合適。可能是餐廳開業不久的緣故，所以人不算多，我們沒有訂位也不用多等。餐具很精緻，而乾淨程度爆燈，基本上也不用在自己清潔多一次。餐廳設有會員制，可以買餐廳的會員卡 (禮遇卡」，最平由$10,000開始可以獲得額外 5% 獎賞，最多可以儲值 $50,000獲得額外 15%獎賞，最岩一大班人，或者鐘情火鍋既客人。而由於餐廳新開張既緣故，午市定食套餐會有 88折的優惠，而讚好及分享餐廳的專頁，更可以得到