圃鍋 (Closed)

今日放工約埋兩個朋友仔黎到灣仔打邊爐一出lip就見到有幾個大魚缸養住新鮮嘅海產~ 隔離仲有一個日式嘅刺身吧檯添呢度嘅裝修華麗有氣派，除咗室內仲有室外座位添！！！一坐低無耐，店員已經為我哋送上每人一小兜嘅新鮮水果當中單係湯底都有唔少嘅選擇，最終我哋揀咗“鴛鴦麻辣豬骨鍋”HKd$168+10%打邊爐食火鍋又點少得混醬同飲品呀，我哋就叫咗一jar"竹蔗茅根"HKd$88+10%黎share我哋見到佢啲刺身都幾新鮮，所以點咗幾款黎試下！一上枱呢盆仙氣十足既刺身已經令到我哋哇哇聲啦鴛鴦鍋入面嘅豬骨湯底非常足料， 有大量紅蘿蔔、白蘿蔔、粟米、雜菇同兩大嚿豬骨呀打邊爐當然要食牛肉啦，“ 本地手切肥牛(例)”HKd$208+10%份量唔少，油脂比例平均朋友仲點左呢盆“ 清酒黑豚肉(例)”HKd$158+10%，食之前要沾一沾中間嘅清酒，點左清酒既黑豚肉食落都唔錯啵而“蜂巢凍豆腐”HKd$48+10% 可以盡吸湯底嘅味道，正呀“自製四式丸”HKd$108+10% 每款都大大粒， 自己就最鍾意食當中嘅墨魚丸，彈牙得黎仲有唔小墨魚粒喺入邊㗎最後食埋個“蔬菜拼盤”HKd$88+10%清一清，平衡返就岩岩好啦-

今次就同朋友去咗試新野，打邊爐都可以有好多花款，唔係普通豬骨湯底咁簡單。席前水果好得意，最特別嘅係個個人都以為係飯後水果，其實科學證明飯前食水果先係最健康，所以呢間餐廳都係非常之前衛。刺身有幾款，我們選擇由廚師發板。深海池魚重魚味、爽彈！黑鮭反而是普通味，稔身、滑身、有少少煙熏味 。魚油更加濃郁@三文魚，同平時嘅好唔同！梅色好彈牙、有彈性！目張很滑 ，shanshan地；象拔蚌鮮甜爽口，好足料。質素絕對媲美高級日本店。花膠老鴨鍋唔好諗住會好濃烈嘅燒味味道，其實鴨味唔會太過突出，反而好清新，加埋花膠係健康之選，可以一開始飲啖湯，非常健康。本地手切肥牛好大碟，脂肪分布平均，差不多入口即溶，食火鍋就是要吃這個質素！清酒黑豚肉首先黑豚肉可以浸落中間的清酒，然之後再放落火鍋湯裏，黑豚肉除了原本的鮮味之外還有清酒的香氣，味道一流，絕對要試。鮮蝦雲吞裏面大大粒原隻雲吞，咬落爽口而且不會太鹹，皮薄餡靚。稻庭烏冬有彈性，配埋個湯底簡直係一流。本身餐廳已經有茶提供，但係通常打邊爐都會加返個酸梅湯，酸酸甜甜開胃之餘又解濟。

一向對農圃集團的餐廳都有信心，之前食過圃公館，農圃飯店更加係米芝蓮推介，知道呢個集團又開左新餐廳，今次係主打打邊爐，睇黎高級打邊爐呢個熱潮係香港一直都無減退位於灣仔W SQUARE，即係灣仔同銅鑼灣中間，係兩個站落車都係行大約10分鐘到，LIFT門變左古代大宅門一樣，好有趣有番咁上下質素的打邊爐當然有活海鮮做招來，門口放有一個個魚缸，餐廳內的燈光較暗，走中國風路線而家係圃鍋專頁讚好及分享，就會有午市88折優惠有多種火鍋湯底選擇，除左火鍋配料，呢度仲有刺身提供近來比較有級數的火鍋店都有提供打邊爐好重要的油隔先來每人一客前菜，生果作為前菜，先清新一下味蕾刺身拼盤 ($900)打邊爐前先食刺身，刺身拼盤有多種魚類，每款都好新鮮，估唔到火鍋店的魚生水準都不錯杭幫花膠老鴨鍋 - 半份 ($168)先飲一碗花膠老鴨鍋，花膠份量唔算多，但就幾大舊，湯入面除左鴨肉仲有金華火腿，我地4個人叫半份已經好足夠本地手切肥牛 - 大份 ($268)近排比較鐘意食本地手切肥牛多過來佬貨，貨佢牛肉味夠濃，而且油脂分佈亦不錯清酒黑豚肉 ($228)先將黑豚肉浸入清酒再煮熟，煮熟之後豚肉仍然有淡淡的清酒香，呢個食法幾特

對於吃火鍋的感覺車媽媽就覺得好似戀愛一樣，要保持新鮮感覺之餘又要愛得火熱，還要嗒落津津有味！試問除了火鍋還有哪一種菜色能有這樣的表現！ 所以大家也很難怪車媽媽為何如此喜歡吃火鍋！像這夜我們一行九人又高高興興去圃鍋烚吓烚吓喇！ 踏入升降機直上四樓便到我們要晚餐的圃鍋，回頭一看升降機門實在搞鬼又可愛！這一著已先得了我歡心。 接下來邊見到放滿新鮮海鮮的魚缸，心裏說著一陣間你哋就知味道嘿嘿！！ 這天我們被安排在獨立房間內用膳，就在長長的火鍋檯上享受這一頓精緻的火鍋晚餐。 侍應先為我們送上九式混醬，辣椒、蒜蓉、麻醬、蔥花、麻油、辣油悉隨尊便！ 飲品我們則點了竹蔗茅根水及橙汁各＄88/jar，前者竹蔗味道未算超濃！但也不會淡而無味，而橙汁則是現成貨色吧！ 第一次見火鍋會奉上席前水果＄15/位，雖然要收費但醬料則沒額外收費即時感覺挺合理喎！ 前菜小吃先來千本漬拌青瓜＄38，日本漬蘿蔔不是什麼新鮮事，不過爽脆口感加上清爽青瓜作為開胃菜都唔錯！ 小食七味脆豆腐＄48外層炸得完整又輕薄口感香脆，而且內裏豆腐軟滑無比合格有餘。 我們一行9人湯底當然要揀起碼三個先夠吧！這個特色瑜州毛血旺鍋＄188，當然係

難得偷來一日假期梗係約腳打邊爐啦，地點老友話事去咗圃鍋，坐低飲杯竹蔗茅根水先，清清哋唔太甜ok啦！開前前會送上生果一份又幾盞喎！前菜小食有千本漬伴青瓜即係醃日本蘿蔔，入口爽脆用黎開胃幾好！七味脆豆腐炸得好香口，入面軟淋淋唔錯唔錯！鍋底揀咗濃湯魚翅花膠鵪鶉鍋，淨係聽個名都覺得正爆啦頂！先飲碗湯先，手掌長花膠夠離地冇！仲有一梳梳魚翅勁滋補呀！飲完湯侍應生用呢個勁型的湯壼加湯，係度做小D臂力都要炒魷啦！話咁快牛肉都已黎到，先有本地手切肥牛，油花唔少食落牛味唔錯。跟住有牛肉拼盤有幾款牛肉，牛柳粒，牛展合晒我胃口。不過講到正就點都唔及哩碟宮崎和牛正$438得5塊好矜貴嫁！不過食落又油潤又夠牛肉味抵比 不過哩份清酒黑豚肉都唔輸蝕，中間放咗杯清酒用黎浸豚肉之後再灼熟食又真係帶到酒香出，而且肉味好濃質地又軟滑好味道喎！食完靚肉到特上鍋物海鮮拼盤，有貴花蚌，珊瑚蚌，象拔蚌，帶子和鳥貝，份量足夠我哋9人食，而且全海鮮部都好新鮮。最後仲有索味既冰豆腐、什菌及蔬菜拼盤等，放入香甜湯入面真係勁好味囉！  仲有自製四色丸打得好彈牙連鯪魚丸都出色過人。最後用勁甜湯淥個稻庭烏冬正到冇朋友好感動啊！

睇咗u magazine嘅報導,  有一期介紹咗唔少嘅火鍋店, 我就畀一個四式湯底嘅火鍋吸引左, 咁就同成班朋友去咗灣仔度打邊爐打邊爐一開始就食過餐前生果, 餐前食生果都幾特別, 生果新鮮得黎又JUICY 之後四式湯底黎到, 同相一樣咁吸引! 我最鍾意嘅湯底: 就係酸,  就係酸酸甜甜嘅係蕃茄湯底, 裏面有一隻隻非常大嘅海蝦, 咬落去肉質非常q彈,  湯底嘅鮮味程度, 係我從來都未食過, 非常之正!甜嘅就有豬骨湯底, 豬骨成大嚿嘅咩放落去做調味,真材實料苦同辣我都食咗少少, 辣嘅程度啱啱好, 苦嘅真係要試一試, 用苦瓜湯落嚟做打邊爐, 感覺都幾特別鵝肝墨魚丸, 墨魚丸份量體積非常之大, 大過一個乒乓波, 咬口q彈之餘, 加個鵝肝作調味,  味道特別, 脂香叫咗個牛肉拼盤, 雖然係半份, 但係分量非常之多,  牛肉有不同嘅部位, 我最鍾意吃肥牛 ,滑溜, 牛嘅味道非常之重, 香滑, 配蕃茄湯底非常出色!黑焤竹都係非常之特別, 同其他焤竹唔同, 佢嘅味道非常之濃, 咬落去又夠爽脆

呢間專係食高質火鍋同埋刺身，環境非常大，仲有一大個刺身吧，有好多魚喺度游緊水，食海鮮刺身真係一流。格局唔錯，呢間火鍋館周圍都有唔同嘅顏色嘅光感覺射著，非常新潮，不過對得耐會有啲眼花，睇下menu有咩食先！感覺上比較貴，但係食嘅嘢好唔同，講到尾都係揀咗個鍋底先！我哋最後揀咗杭幫花膠老鴨鍋半份$168隨之店員就奉送上一客鮮果（席前水果$15/位），非常鮮甜，特別係平時我唔太食嘅火龍果，果香很重。茗茶$8/位喺上火鍋之前上咗日式刺身先，日式刺身係$150一位，刺身有最常見嘅三文魚和象拔蚌，比較罕見嘅例如有黑目魚、深海池魚、梅色和目張。三文魚嘅魚油美非常香濃，同一般放題食到嘅唔同，超正。象拔蚌好鮮甜，口感爽口，原汁原味最好食，仲要無沙。黑目魚帶有少許煙熏味，口感比較林身，肉質細緻，口感夠軟嫩。深海池魚很重魚味，但較三文魚淡，唔使點醬油都已經好夠味道，肉質結實。其他都唔錯，幾好食。本地手切肥牛(大份) $268吃火鍋又怎樣缺少肥牛呢？大份的份量非常多，牛肉好新鮮，脂肪分佈都幾平均，肥瘦適中。肉汁和脂肪緊鎖在肉片裡，真係食到好香好重嘅牛味，質素很高，入口一點都不會滯 。蔬菜拼盤$88，蔬菜的種類

好友相約，來這間新開張不久，地方雖不太大，但環境不錯的火鍋店一起吃火鍋，打邊爐，食返餐，當然一口應承，開心赴會。 這夜我們一行多人，好不熱鬧，就連鍋底也叫了三個之多，當中最特別，最名貴，也最好味的，是「濃湯魚翅花膠鵪鶉鍋」，湯味濃甜，湯內數隻鵪鶉載浮載沉，絕無欺場。花膠不算十分大隻，但份量不少。 另一個鍋底「杭幫花膠老鴨湯」，其實跟「濃湯魚翅花膠鵪鶉鍋」有異曲同工之妙，不過可能因為價錢便宜不少的關係，湯味稍淡，花膠也較細隻，不過老鴨還是不錯的。最後的一個辣鍋，是「特式瑜州毛血旺鍋」，湯色橙紅，湯面泛著油光，一看便知辣度非輕，嗜辣的友人們當然甘之如飴，但吃不得辣的我只是吃了一件索滿辣汁的「蜂巢豆腐」便宣告投降，沒有再試。這火鍋晚餐吃的東西可真多，無論牛肉、海鮮、各款不同的肉丸、以至蔬菜、菇菌，我們都吃了不少，各款食物都頗有水準，讓我們一眾友人都吃得甚為滿意。 吃罷豐富美味的火鍋，度過愉快開心的數個小時，我才與友人話別，與太太一起捧腹回家呢！

喺雜誌見到介紹，呢間餐廳原來係農圃旗下。一向覺得 農圃嘅食物質素唔錯，所以特登走過來試吓。訂咗枱12點半，餐廳仲未有其他客人，侍應就安排我哋入坐。餐廳裝修雅致而且工作人員態度亦好好。我點左個日本刺身盛定食，蝦子餅要咗個金倉魚刺身配意大利黑醋豚肉定食，等左一陣食物已經嚟到。刺身好新鮮，plating 都幾靚，但三文魚刺身有骨，而且由刺身嘅樣可以睇到刀法有啲奇怪，蝦子餅話正宗切法並唔係咁。其中一個魚嘅刺身有塊魚鱗。相比之下，意大利黑醋䐁肉做得好出色，最特別係個set lunch嘅湯，係豆腐肉碎羹而唔係日本麵豉湯，重要整得好好味....令我絕對有理由懷疑廚師其實都係 '中菜底'。兩個人埋單＄200....雖然日本菜式方面有啲失準，但中菜絕對有驚喜，打算會再嚟打邊爐。

以前打邊爐, 是冬天的活動, 但現在一年四季, 隨時也可以打邊爐. 朋友中好此道的也不少, 前排跟友人去了一間頗特別的新開火鍋店.一行五人來了這間位於灣仔的火鍋店. 餐廳的裝潢特別, 有中國風的紅燈籠, 又有西洋風的迷幻燈光, 中西結合, 既傳統又現代. 少不了的混醬.......甜酸苦辣鍋 ($168): 一般餐廳只有鴛鴦鍋, 這個更進一步, 分開四格, 分別是甜酸苦辣湯底. 甜(右上)是番茄秀珍菇大蜆湯;  酸(左下)是豬骨和酸菜湯底; 苦(左上) 是苦瓜湯底; 辣(右下) 是辣椒乾配花椒豬紅. 四款湯底各具特色.等候火鍋水滾前, 先吃七味脆豆腐 . 這個豆腐外層炸得不太金黃, 但勝在外脆內軟, 豆腐亦見嫩滑, 作為餐前小食實在不錯.精選牛肉拼盤 ($398), 包括牛肉粒, 牛展, 和其他牛的部分. 牛肉粒和牛展都帶有嚼勁;  插在碎冰上牛肉卷, 吃起來，牛肉味濃郁, 口感嫩滑, 不錯.海鮮拼盤 ($368), 有珊瑚蚌, 海蝦, 帶子, 蟶子和大蜆. 各種海鮮都不俗, 味道鮮甜又肥美, 肉質爽口, 海蝦上枱時還不停郁動呢!吃丸是必然的打邊爐美食, 不過平時的蝦丸, 墨丸之類太普

灣仔區一向不乏出色嘅食肆，就如今晚到圃鍋食火鍋，環境裝修都係無比舒適，而食物亦別緻，啱晒中意打邊爐嘅朋友。係先食火鍋之前，先有日式刺身，精緻地排列，魷魚爽甜，甚有口感; 油甘魚刺身油香味濃，赤魚刺身晶瑩剔透，幫大家開胃之後，就係時候食主菜。選擇左鴛鴦麻辣豬骨鍋，麻辣湯底中有豬紅等配料，加上好足份量嘅辣椒，啱晒愛辣之人; 而豬骨鍋則豬骨肉香味濃，放粟米蔬菜等配料就最啱。先有本地手切肥牛、宮崎和牛呢兩碟最啱愛牛之人嘅食材，前者因為質地較薄，係滾湯中滾半分鐘左右，就可以品嚐到薄嫩嘅口感; 而宮崎和牛，脂肪比例就非常平均，而且肉味較香濃，係麻辣湯中吸收當中嘅精華，確實非常味美。接著有清酒黑豚肉，先將豚肉點一點清酒，增加香味之餘，先至放落熱湯之中，品嚐爽口嘅豚肉之餘，肉質中嘅香味仲特別濃郁添。接著有自製手打丸，蝦丸、墨魚丸都打到起膠，而且真材實料，確實食到蝦肉、墨魚嘅味道，不錯不錯。而最後嘅蔬菜拚盤、蜂巢豆腐可以清下大家嘅味蕾，都係清新嘅選擇。

圃鍋係灣仔既新火鍋店，主打高質食材，當中最吸引必定係宮崎和牛裝潢豪華得黎帶點中式既味道除左傳統打邊爐之外，仲有唔少超新鮮既刺身，當中帶子極為嫩滑，三文魚腩新鮮程度比得上唔少日式壽司店將食物放入『甜，酸，苦，辣』鍋入埋淥一淥，真係人生一大樂事甜　蕃茄酸　酸菜苦　苦瓜辣　辣椒當中苦瓜最有特色，入口甘苦，但味道好搶四式丸同出面既丸子真係差好遠，每粒都係經師傅手打，真係好有肉味又夠曬彈牙本地切肥牛非常高質素，肉味香濃，同另外一款和牛岩岩相反，和牛油香嫩滑，本地牛就肉味濃，比夠韌少少，各有好處嘩！用呢一大塊宮崎和牛🇯🇵🐂（其實摺起左，呢塊係所以係1/4 size）黎打邊爐🍲真係好奢華，大大塊，成塊毛巾咁！睇下油花幾靚保守估計起碼係a4和牛🇯🇵！油脂極豐富。半熟既牛肉加上慢慢爆出黎既油脂混合得實在太出色

難得齊人今晚可以一家人食飯, 於是我係網上做左資料搜集, 今晚決定去灣仔一間新開樓上火鍋店打邊爐。有幸地被安排了貴賓房, 私隱度高, 可以舒舒服服地享受今晚既火鍋宴。一坐低, 待應先為我地上茶同埋生果作前菜(每位HK$15)。混醬方面, 都有九款之多, 而且仲免醬油費ga~今次我揀左至愛既泰式冬蔭功湯底: 【冬蔭功三文魚頭鍋】HK$188冬蔭功湯底中有大量香料, 更加入了三文魚頭, 酸酸辣辣之餘, 更食得出鮮甜味, 湯底味道濃郁, 對比正宗泰國既冬蔭功湯, 相對呢個湯底就冇咁辣。岩返香港人口味, 酸酸辣辣, 非常醒胃。 就連加湯, 都以富有中國特色既長咀壺在我們面前加湯, 令很少接觸中國文化既我感到很新奇。【鍋物上級海鮮拼盤】HK$368店長指拼盤本來應該有蝦蟹, 不過因為休魚期關係, 未有存貨, 所以就為我地更改左其他海鮮代替。包括有蟶子、珊湖蚌、貴花蚌、象拔蚌, 海鮮以冰墊底keep住新鮮度, 每款海鮮都很鮮甜爽口, 絕對沒有腥味。清潔度亦做得不錯, 沒有半點沙泥。【精選牛肉拼盤】HK$368牛肉拼盤中既每款牛, 色澤鮮紅, 盡顯新鮮度呢款牛既牛脂分佈平均, 入口牛脂味很重, 牛味