紅館 (海堤街)

Open Now

Now Closed

來到鰂魚涌，每每都會想起當年在附近工作的歲月，其中試過一連五日都光顧同一間餐廳，便是紅館，當年是新開業，老闆娘從外國回來，健談而且豪爽，當時舖位只能勉強擠下4-5人，有時候和廚師交流反而感覺更close。現時紅館不只主攻外賣，旁邊的舖位也可以容納多5-6張枱，午市給上班族、晚市讓朋友們晚吹多個新聚腳點。晚市融合了川菜和地道大排檔，今次一行4人，叫了不少小菜，再叫啤酒，老闆娘給我們是了一人一小杯白酒，52度酒精，喝下去卻帶有果香不嗆喉。四川椒麻雞 $98椒麻雞是每次必點！麻而不辣，吃罷都會感受到舌頭上不停在跳動，有種麻痺的快感，雞肉嫩滑，舖上海量的蔥粒連秘製醬汁，會讓人忍不住一件接一件的吃下去招牌酸菜魚（原煲上）$188好像未見過酸菜魚用瓦煲上，上枱的時候還是沸騰中，鮮魚片滑溜而且不覺有骨，酸菜很多，夠開胃而辣勁隨後湧上來風味乾煸肥腸 $126肥腸如其名真的夠肥，夠肥才好食！師傅有先炸過再與配料一起炒，鑊氣充足，下酒一流爽蝦紅油抄手 $72點了六粒才夠分（有朋友比較大食）每粒飽滿而且有蝦，醬汁超多香辣之餘亦帶甜鑊氣豉椒炒蜆 $108其實還加入了麻辣的元素，炒得有鑊氣而且大蜆肥美，吃得很滋

📍 紅館接🐷仔放工就係附近食埋飯，餐廳係鰂魚涌一條小巷入面，有好多大排檔風味嘅原煲煲仔菜，仲有好多麻辣菜式都好吸引！—————————————————————❣️ 招牌麻辣大波波魚蛋 $27見到牆上面貼左宣傳單張，呢度都有得食，大大粒，麻辣汁夠多！lunch +$6就有得食喇！.❣️ 招牌酸菜魚 $188$148就係用龍脷柳，🐷就揀左滑魚片就貴小小，佢嘅酸菜魚用煲仔上，可以keep住上枱仲係滾緊熱辣辣，魚既份量都幾多好大舊，魚肉食落都幾滑，酸辣度比例ok，聞落都有酸菜香辣椒香，酸菜魚既湯底都好濃味，辣味任君選擇，愈食愈辣，爽！.❣️薯粉 $14驚🐷仔唔飽再加左薯粉，佢係另外上，以為會冇味，原來都咸咸地，不過倒入酸菜魚湯一齊上仲正！.❣️ 野生椒炒牛柏葉 $148係最辣嘅！🐷嗌小辣，但係對🐷係中辣程度，不過夠辣夠重口味，先炒到牛柏葉同金菇入曬味，好惹味！真係好有鑊氣！食得辣嘅朋友真係要試.❣️ 自家制羅漢果茶 $9怕辣嘅朋友好似我咁，就要叫杯羅漢果茶解下辣啦！個杯好靚，好特別！清甜幾好飲又解渴，又冇咁熱氣（自我感覺良好！）.❣️大曲酒店內有宣傳每日6-9pm堂食客人可免費享中國白酒一杯，今日係大曲

身為水煮牛肉嘅忠粉, 當然要周圍試吓唔同餐廳嘅水煮牛啦, 捐窿捐罅咁搵到呢間隱世小店 ❥⧽紅館 ❥⧽。餐廳有少少大排檔風味, 幾有氣氛。𓊈麻辣鹹魚肉粒炒飯 $𝟡𝟠𓊉驚喜! 叫呢個煲仔飯完全係因為聞到隔離枱個煲仔飯好香, 估唔到香之餘仲好好食呀! 個飯炒得好均勻, 鹹魚肉粒超惹味, 每一啖飯都有鹹魚/ 肉粒真係食得好爽, 而煲底仲有飯焦㗎。𓊈重慶水煮嫩滑牛肉 $𝟙𝟜𝟠𓊉忠粉認證呢度嘅水煮牛肉好好味! 麻香味十足, 容易入口, 不過會越食越辣。牛肉份量多, 而且好嫩滑。幾欣賞裡面嘅洋蔥, 唔會煮到淋曬, 幾爽口。𓊈招牌麻辣大波波魚蛋 $𝟚𝟟𓊉太耐無去長洲, 所以見到大粒仔魚蛋就即刻叫嚟食, 魚蛋幾彈牙, 個麻辣汁好香濃惹味。𓊈重慶酸辣粉 $𝟞𝟡𓊉酸辣粉湯底好足料, 有花生, 芝麻, 酸菜同腩肉粒, 味道適中, 而酸辣粉比較幼身, 幾煙韌。𓊈Asahi 大樽啤酒 $𝟜𝟡 𝕗𝕠𝕣 𝟚𓊉食咁多辣嘢點都要配啤酒先得, 呢度用雪凍咗嘅碗嚟裝酒㗎, 好有 feel, 飲落又冰涼!✧✧ 整體嘅嘢食都好好味呀, 煲仔飯真係好出色, 值得支持嘅隱世小店。

好耐冇食川菜 朋友推介呢間味道正宗 係麻辣控必食🔥難得過海 終於一試呢間 真係冇介紹錯🥰餐廳係間隱世小店 位於鰂魚涌一條小巷裡面MTR EXIT行去5分鐘就到小店位置唔多 大概20位 裝修簡約 環境乾淨 有種舊式大排檔既感覺冷氣好夠 食辣野絕對唔怕😉食物選擇好多 麻辣菜式.煲仔菜.小菜.甚至鑊氣小炒.樣樣皆有😎飲品 除左有汽水 冰涷啤酒外 仲有中國白酒😌價錢仲好親民 勁抵食 2個人叫左3樣野食 好滿足🥰💥招牌酸菜魚🐟有別於平時既酸菜魚 小店係用瓦煲裝住 滾住咁上 傳來陣陣酸辣香味未食已經流哂口水🤤瓦煲仲可以保溫 唔會好快凍 勁正☺️而魚就揀左龍脷柳. 無骨又啖啖肉個湯入面有芫荽.酸菜.芽菜. 份量好多揀左小辣🌶️酸辣比例岩岩好 個湯又唔油 用黎送麵一流🥰💥豉椒炒蜆酷愛蜆既我必點😍個汁有滿滿既豆豉 濃郁惹味 😋D蜆索哂汁好入味 而且完全冇沙好鮮甜好有鑊氣 勁讚呀👍🏻💥脆皮鍋燒湯麵🍜揀左清湯底 麵條彈牙 芽菜爽脆焦香脆皮燒肉有咬口 肥瘦均衡😋難得既係肉味好出 唔會淨係得油脂感 好有驚喜😍而且配酸菜魚同蜆都好夾🤣💥中國白酒 瀘洲老窖大曲酒🍶堂食客人仲每人送一小杯中國白酒我地揀左款大曲酒 係濃香型

紅館店舖位置較為隱蔽，我自己要開住地圖先識行，如果唔係上OpenRice搵有咩嘢食真係難啲自己發現有間咁嘅舖頭。餐廳有各式各樣嘅川式菜品，餐牌睇到眼花撩亂🤪。有麻辣大魚旦、鮮蝦紅油抄手等等作開胃前菜，想嗌個飯配小菜又可以揀回鍋肉或者京蔥炒牛肉，如果自己一個人嚟都可以就咁點一碗酸辣粉，而我同男朋友今次就揀咗紅館必食推介嘅「重慶水煮滑魚片」同大排檔風味嘅「鮮蝦雲吞滑雞煲」。🐟#重慶水煮滑魚片($188)：本身餐牌寫住重慶水煮龍利柳，不過落單時個姐姐同我講可以加錢轉滑魚片，我就諗反正都係不如食好啲啦😆然後就果斷加錢升級。水煮辣度我哋揀咗小辣，食到中後期先開始覺得麻同辣。好彩有轉到滑魚片，真係超級好食，魚片又滑又冇骨，連魚皮都好似花膠咁，而且份量非常之多，食到底都仲見到有幾塊魚片淨，另外每一塊都好完整唔係碎濕濕嘅魚肉👍🏻。魚片之下仲有大量嘅洋蔥同芽菜，洋蔥保持爽口口感仲有少少甜味，我哋最後都忍唔住加咗一個白飯($10)。🦐#鮮蝦雲吞滑雞煲 ($148)：雞煲可以揀普通雞湯或者麻辣湯底，我哋揀咗麻辣底，同樣係小辣，重慶水煮個麻辣程度會更加明顯，而雞煲相對會較清淡少少。一個煲入面有四大粒雲吞，而且

今日好想食川菜但又得兩個人，一於搵間陀地鑊氣小舖食下鑊氣小菜，餐廳最出名既系原煲既煲仔菜，吾同麻辣菜式，仲有冰凍酒款(啤酒/中國白酒)，下次再黎一定會試-招牌酸菜魚 (滑魚片) $188紅館呢一間既招牌酸菜魚同一般既酸菜魚有小小分別，紅館既酸菜魚係用煲仔煮既，超級有鑊氣，上枱既時候個煲仔都仲要bobobo咁滾，酸菜魚有兩款 一款係滑魚片另一款係鯰魚柳，就喜歡滑魚，酸菜魚既湯底都好濃味而且辣味任君選擇，正-鑊氣豉椒炒蜆 $108呢個炒蜆吾單止汁底好味，仲要每隻蜆都大大隻超滑超好味，除此之外，鑊氣真係足致爆，坐岀面都聽到廚房 風風聲～-招牌麻辣大波波魚蛋 $27 (三粒)完全吾理解點解會食大魚蛋，仲要係大波波魚蛋，不過又真係好彈牙好好食既，各位小獵人絕對可以試下嫁

-🌶🔥招牌酸菜魚($188)見到呢個全港首創嘅煲仔酸菜魚又點可以唔叫呀😍😍 酸菜魚用熱辣辣嘅煲仔呈上，一路滾住既煲仔將鮮魚保温同更加入味😍 唔好睇佢個煲仔細細，份量都幾多下！酸菜魚用咗滑魚片去煮，肉質軟腍，配搭酸酸辣辣嘅湯底好好味🤤🤤呢個價錢性價比好高，黎到必食！-🐂麻婆豆腐配牛肉($118)豆腐切成粒狀大小剛好，口感軟硬適中，麻婆醬煮到好杰身好惹味，送飯簡直一流！牛肉用上鮮牛，肉質嫩滑，唔錯。-小食方面，我地叫左爽蝦紅油抄手($36/三粒)，抄手個汁酸酸辣辣好開胃，雲吞用上大大隻既鮮蝦，爽口彈牙，下次要叫全份先得🤤 招牌麻辣大波波魚蛋($27/三粒)，魚蛋好彈牙，辣汁好香，係唔錯嘅小食。整體來講，雖然小店麻雀雖小，但係五臟俱全，食物質素好正宗，價錢相宜，值得一試！

红馆太古坊範圍內很地道的川菜館，來吃過的朋友都連連誇贊味道正宗，今天終於來試了一次。餐牌什麼都有，從粉面到水煮菜，從小菜到小炒，一人食和聚會都是最佳選擇。上來就被原煲煲仔菜吸引了，糾結了一下要點酸菜肥腸還是風味乾扁肥腸，最後選擇了乾扁，果然驚喜，加了洋蔥紅辣椒大蒜，各種川菜調料扁出來的香味都融在肥腸裡，香而不膩，鍋氣十足。另外點了一個麻婆豆腐配龍利柳，一大盆滿滿的厚切魚肉，一年也不含糊，豆腐是硬身一點的，氣孔吸滿了湯汁，龍利柳也一樣，嫩而不碎，非常入味。看到菜單惠顧煲仔菜還有冰啤酒買一送一的優惠，另外還有中國啤酒的選擇，很適合跟朋友來小酌一杯。

見天氣涼番少少想食下辣野，今次揀左鰂魚涌既紅館，見IG啲comment都正路。去到搵左陣原來係喺唔顯眼既小巷入面，本身都有啲卻步但入到去間餐廳都算好光猛同乾淨，最緊要冷氣好充足為食辣野做足準備😂🌶🌶因為另一半唔算食得好辣所以今次都諗左好耐食咩，menu除左平時既水煮魚之外有好多小炒同煲仔小菜都幾吸引。最後揀左呢度招牌既椒麻雞，老闆娘都好細心問下我地食得幾辣先，唔夠辣可以之後再加。另外想食鑊氣炒蜆，但最後一份被隔離枱叫左😅老闆娘話海鮮都係日日新鮮到貨，下次可以打去預留一份🤣所以轉左款煲仔菜要沙嗲金菇滑牛煲，另外再叫多碟炒白菜仔。招牌椒麻雞（$98）我地兩個人叫左半隻但見到$98諗住都係少少地，一黎到係嚇親以為俾錯左一隻雞我地😂😂半隻雞好足料仲要啖啖肉有雞胸有雞脾，望落去其實好似蔥油雞（勁多多多蔥），作為蔥控係絕對超興奮。食落啲蔥油又唔會好似燒味飯果啲咁咸，仲有花椒同麻辣香幾開胃，食辣野最怕咬到太多花椒成口渣，但呢個唔會因為隔走晒，可以大啖大啖食啲蔥同雞係正既。下面仲有大堆豆芽吸收晒精華，不愧係招牌👍🏻👍🏻沙嗲金菇滑牛煲（$118）原煲上既小菜，所以keep到食到一半都仲係好熱。呢款小菜非

經過一間食辣野既小店，係唔太顯眼嘅後巷，係小店食嘢特別有風味。今次試左麻辣菜式重慶水煮無骨龍利柳同埋出面比較少見嘅四川椒麻雞。重慶水煮無骨龍利柳（$148）滿目辣椒紅亮養眼，麻辣味為主，食到辣椒嘅香味，龍利柳啖啖肉，吸哂汁既精華，配菜有大量爽口嘅豆芽，特登加咗薯粉一客（清湯底），用重慶水煮嘅麻辣汁拌薯粉食一流，薯粉煙靭滑溜。四川椒麻雞（半隻$98/一隻$196）乾椒麻味與小蔥嘅鮮味結合，口味較溫和，唔太食得辣嘅朋友可以揀試呢個，雞肉肉質嫩滑。四川椒麻雞有半隻/一隻選擇，今次揀咗半隻，份量好足，抵食。羅漢果茶（$9）食完辣野要飲返涼茶下一下火，羅漢果茶係自家製，飲完非常潤喉。除咗涼茶，仲有好多冰凍酒款，有啤酒/中國白酒，大支裝啤酒$32-38，中國白酒有茅台王子酒（$288/200ml)、大曲酒（$88/200ml)、江小白（$68/100ml)。

最近真係愛上咗食小炒🥳 今日同朋友放工，過咗嚟鰂魚涌到覓食，行過鰂魚涌海堤街地下嘅時候，俾我哋發現咗一間隱世地道餐廳，一於過離食下，果然有意外收穫，絕對係一間值得收藏嘅小店💓🥰首先餐廳嘅價錢好親民，同三兩知己過嚟食，性價比好高，越多人食除翻開愈抵，而且老闆娘超級熱情❤️‍🔥😛麻辣口水雞絕對係必食推介，餐廳用咗花椒八角離到調味，麻麻辣辣，好啱香港人嘅口味，而且雞肉鮮嫩可口😁京蔥炒牛肉拎離配飯/紅薯粉一流🎉🫡 牛肉勁香，肉汁好豐富🥳紅薯粉最後配埋個紅薯粉食，飽肚又滿足嘅一餐😛😚以後會介紹其他朋友過嚟一齊食！買單人均都係百幾蚊左右，抵食又地道，仲要好有鑊氣，大家行過鰂魚涌千祈唔好錯過依間💓

幾年前紅館還是一家只可以拎走外賣吃的小店，如今已經變成一個可以堂食的店。味道一直保持在水準之上，很是好吃。只不過量沒有原來大了，泡沫打包盒變成現在常規的塑料打包盒這點很不錯。另外之前的麻辣羊肉麵也沒有了，這點很是失落。現在辣度沒有之前辣了，不過感覺之前太辣了，現在剛剛好。

好少會嚟到鰂魚涌食野，一嚟就係去呢間好偏僻、擁有大排檔風味嘅隱世川菜小店。想到達呢間餐廳，就要先穿過一條小巷，再轉個彎先到達，唔睇清楚個地圖都要搵一輪㗎～不過只要認住佢隔離係一間中醫診所就易搵啲🙈✨✍🏻 /四川麻椒雞▪️價錢：HKD98/半隻▪️美味指數：♥♥♥♥♥半隻雞份量好多啊～面頭鋪滿大量香蔥同攪碎咗嘅川椒，麻而不辣，雞肉滑嫩，食唔到辣嘅朋友都可以挑戰吓🐓✨✍🏻 /麻辣鹹魚肉粒炒飯▪️價錢：HKD98▪️美味指數：♥♥♥♥♡呢個煲仔炒飯上菜時熱辣辣，仲要搵個鐵碟墊底上。食落果陣麻辣味道好過癮，有好多肉粒，鹹魚粒份量就啱啱好，仲有啲飯焦添！店內仲有其他原煲煲仔菜，仲有個首創嘅煲仔酸菜魚都好吸引🤤✨✍🏻 /脆皮鍋燒湯麵▪️價錢：HKD69▪️美味指數：♥♥♥♥♡食完上面偏惹味嘅菜式，緊係要食返清湯麵中和吓啦～呢碗麵上面起碼有8塊五花腩薄片，每塊嘅邊都燒到微焦，而且呢碗麵揀咗清湯，清清哋更啱我口味🍜✨

⋆⁺₊⋆.紅館..招牌酸菜魚 （龍利柳）/ $148 /雖然是間小小的店，將酸菜魚已大牌檔的形式出品別出心裁！酸菜魚裝在滾燙的砂鍋裡，吃了半個小時依舊熱辣辣。熗油將酸菜、花椒、辣椒香氣全部帶了出來，是必點料理₍ᐢ..ᐢ₎⊹麻辣鹹魚肉粒炒飯 / $98 /依然是用砂鍋裝盛，帶來的風味似煲仔飯接觸砂鍋面的米粒變成鍋巴，除了吃大廚炒飯的鍋氣，也多了焦香的鍋巴口感，一飯兩吃真爽啦！(◍˃ᗜ˂◍)ﾉ"✧.⌫ 紅館 (海堤街) (鰂魚涌)鰂魚涌海堤街18-22號地下D10號舖.#鰂魚涌咔嚓.#小菜 #煲仔菜 #中國白酒 #隱世小店 #鰂魚涌 #大排檔 #川菜 #平民價

喺鰂魚涌嘅小巷入面有間幾出名嘅川菜餐廳，朋友話平日lunch幾多人下，所以今次有機會經過，就黎咗試下，第一次黎梗係試下menu上面推薦嘅菜式先叫咗半隻四川椒麻雞，就咁睇個名同張相以為係好辣，點知原來呢個菜式係唔辣一上枱果下，個賣相唔錯，滿滿嘅蔥蓉鋪滿隻雞，入面仲有啲薑蓉，食落口啲雞幾滑，肉質淋度恰到好處，而雞有花椒油嘅麻，麻油嘅香，好正，送飯一流之後叫咗招牌酸菜魚，揀咗龍利柳同小辣，魚好厚肉，食落幾有咬口，唔會太淋，而湯底隨咗有辣椒同酸菜，仲有芽菜、芫茜，湯底唔油又唔太辣，酸度啱啱好，好好飲，所以仲叫咗碗薯粉倒入去一齊食，咁食肯定最夾，因為可以吸哂湯嘅精華食得辣野當然唔少得啤酒，呢度用“戰鬥碗”飲，特別有feel，而隻碗仲喺雪櫃拎出黎，包保keep到啤酒嘅味道我仲貪得意試咗瀘州老窖（大曲酒）中國白酒，成52%酒精，少啲酒量都真係會頂唔順，唔太識飲酒嘅我都飲到佢形容嘅菠蘿香味，第一次飲真係覺得幾特別，值得一試整體黎講，成晚我同朋友都好滿意，絕對有下次！