上品火鍋料理

Open Now

Now Closed

一直標榜靚肥牛, 自製丸, 但真係很普通...... 肥牛切出來一睇都見到部位唔係靚, 冇雪花紋,入口亦沒有嫩滑感覺, 牛真係.... 好失望 自家製丸- 太大粒, 唔彈牙, 有一種裹面係蛋黃, 一d都唔襯,有一種丸裹面係芝士溜了出來, 造丸過程技巧出了問題, 番茄灌湯包- 裹面一patpat,唔似湯似醬多d , 味道亦不太特別 這間食肆令我覺得,貴,冇驚喜, 唔好食, 這個價錢我去火鍋本色會開心好多.....

呢間"上品"我今年已經第三次去打邊爐!自從1個月前朋友帶我去食,我已經愛上佢~真係Wonderful!!!但我見咁多比佢嘅食評都係主要講"咩好食","咩一般",大家冇留意D侍應嘅態度好到唔係一般火鍋店水準,真係要比十個"like"再加十個"趣"!!!!等我逐樣回味點樣受貴賓一般的享受同佢地嘅細心之處1) 佢地d侍應見我d火鍋料放到一枱都係,已經唔夠位放果盤十幾樣的醬料盤。嘩!!!我估唔到個侍應竟然走過去我身邊枱邊位置托住個醬料盤比我慢慢選點咩醬同調配醬料~~~~嘩！嘩！嘩！直頭有VIP嘅感覺！(2)佢地有D火鍋料有包心嘅,竟然有支旗仔提客人「小心燙咀」,細心！有心思！(3)枱角位又識貼D膠以防客人撞到~細心！體貼！！！

天氣凍，一班人柴娃娃，最好就係打邊爐估唔到火鍋店d刺身都有咁嘅水準，真係驚喜!! 除左刺身做頭盤外，仲叫左炸芝士蝦丸，我地叫6粒，不過有一粒入面冇芝士嘅，不過waiter好快再安排一粒比 "中左獎" 嘅同事，但係同事竟然話冇芝士好味d，真係被佢吹脹 活魚刺身係店員推介嘅，條魚係好新鮮，不過我自己就唔係咁鍾意，因為條魚已經冇曬肉，但係都郩成半個鐘…有少少嘔心… 最後要講嘅係櫻花牛刺身，生食的話，都幾得意，但係比較 "漏"，如果放湯食呢碟牛，真係超級好味!!! 成晚整體都幾滿意，遲d去紅磡間分店試下，睇下有冇天后呢間咁好食先~~

12月3日, 麻辣小瑪的好姊妹美神大人生日, 一行3 人(麻辣小瑪, 小賊和美神大人) 去了壽星所指定的上品打邊邊 <<食物評語>>我們選的鍋底是蕃茄湯底, 我同小賊都幾喜歡這個湯底很夠味(因為用了茄膏), 但美神大人就覺得略為假了點食物水準都不錯, 特別是炸腐皮, 很夠脆, 配上酸甜汁很好味. 而牛肉切得有點太薄, 令到肉味不能發揮, 不夠過癮. 另外如芝心鳳尾蝦及花枝片等都不俗. 以下是照片 <<環境及服務評語>>本身訂了7點30分, 可是他們寫錯了是8點30分, 但最後都安排了座位給我們, 所以okPS: 這個週末是麻辣小瑪的生日, 我們今次會去紅磡的分店, 聽美神大人所講那邊的湯底有不同的選擇, 回來再寫寫有沒有不同吧麻辣小瑪翻吃指數: *** 1/2

I was always a fan of Him Kee and was reluctant to visit other hot pot restaurants I visited Top Grade!We ordered a mix of Tomato and Spicy soup, and the tomato soup was so good that I couldn't stop taking a sip n a sip!I think the seafood here is really fresh, I've never had razor clam for hot pot before and this was owesome! The oysters are really good too! Will definitely visit again!One thing worth mentioning is, u can order some dishes in a mix of two, so u get to try more even u have 2-3 p

Highly recomended by a friend of mine, we decided to try this hot pot place in Tin Hau. Frankly speaking, food quality is above average and yet the poor service quality discourage me for a second attempt. We made a phone booking at 7:30pm and we managed to arrive on time. The waiter leaded us to the second floor and ask us to sit at a rather small table by the corner. (the setting was set up for 2 person and yet we have booked for a 3 person table instead) The waiter then asked us whether we wo

we ordered the sichuan spicy one. it was so authentic!!!!! 又麻又辣，越吃越麻，超正的！深为四川人，为能在香港吃到这么正的四川麻辣火锅而高兴哦！而且，猪骨汤的也好香啊，不用佐料，直接吃都香岛骨头里面了也。食材也很新鲜。感觉都吃上瘾了，老是想着它的味道。。。。　明天还去！　

上次係紅墈果邊食過1次..果到既部長介紹我去天后果邊食..所以今日DAY OFF決定去試試..好彩個部長叫我去打電話訂位咋..如果唔係我地係門口有排等..入到去環境好熱鬧...因爲張張台都坐滿人我地叫左個鮮茄薯仔牛粒湯底..好正..入面真係勁多料..有菇..有菜..有番茄..D湯好濃郁既番茄味!!個女黑衫介紹左幾個特色丸俾我地..芝心鳳尾蝦:一定要試..又彈..勁有蝦味..灌湯茄蓉包:好似食灌湯小籠包既口感..不過入面係番茄味..唔錯手卷炸腐皮:個女仔教我拖1下水就食得..好正..感覺唔會好油..加上湯底既味..正..花彫酒醉蝦串:蝦新鮮..因爲係杯酒到仲掙扎緊..蝦飲左酒真係食落都香D..墨魚滑:呢個值得1讚..waitress會主動幫我地落鍋..最緊要係好彈..唔識形容..好好食..鵝腸:睇個賣相就知好新鮮..因爲男友係做廚房..稻庭烏冬:煮耐D仲好味..連湯食仲過隱其實總括黎講我覺得真係好好食..好似好HARD SALE甘..不過D野真係新鮮..好味..最緊要D特色丸都係距地自己D.I.Y.（個waitress講）服務態度都OK...會幫你加下飲料..換骨碟..仲會問下野食既

自上個月有個同事中咗3T請我O地嚟過之後 ;今個星期我又book到嚟依間o係網度好多人食評寫嘅火鍋店; 哈! 而今次嘅然幫嫲嫲做生日飯;所以”小弟”就寫一寫”食評”!來做個記念可能上次天氣仲係比較熱啦! 有咁多人食”火鍋” 邊有咁”煩”又話要book位 ; 又話”遲到15分鐘就要作”自動放棄” 要再重頭排過 ! 不過都啱嘅 !鬼叫佢食材夠”Fresh”咩!就連”陳x希”都同埋成班”竹星”坐o係度食; 咁啱!我o地就被安排坐閣樓(即係坐o係”陳x希”隔離張枱) 攪到星期五o個晚依度好似”天后蘭桂芳”咁鬼咁多型人出沒! 不過以我就話”醉翁之意不在酒” 我只係嚟 “食” 啫! 經過兩次食過之後 ; 我”就有d心水推介比大家:湯底 – 辣酒花甲湯底 ; 少少酸辣 ;仲有好多”菇”tim ! 正! - 海帶螺頭湯底 ; 落埋D烏冬and粟米落去就超野味!頂級本地牛肉 – 有牛味!物有所值; 要再encore!豬潤 – 正 ! (PS : 唔好煮咁耐 ; 食一次落一次)芝士鳳尾蝦 – 有成隻蝦o係入面! 不過要小心裡面d芝士濃汁! 好滾!海鮮 – 珍寶聖子! 好鮮甜 !- 花雕醉蝦 ;酒

嘩,朋友同我講間野好掂，食評亦都好好。我地訂咗9位, 去到佢問要一個爐定兩個爐，朋友話兩個爐….結果，兩個爐原來係要等半小時先有得入坐……一個爐立即有位…叫左個皮旦莞西湯底,好奇怪，佢加咗菇、紅蘿蔔同粟米…皮旦無一粒係松花，紅蘿蔔發黑架，材料差，味精湯一個;Order竹庶矛根飲，嘩!不得了，淡如清水;魚滑粉到透透地明，好似食街邊嘅魚肉生菜;油麦菜都可以俾到老嘅我地，佢咁都買到真好嘢;水餃裹面嘅蝦又實又唔新鮮，好鞋口;鵝腸完來唔係鮮鵝腸，係處理過透透地果種，切到好短，一滖唔見咗;白鱔片係全晚最正常水平嘅食物;其他都係一般都唔一般既食物質素….走嘅時候見到有台叫牛粒，啲牛粒灰灰地色…..個樣好唔新鮮…..Waiter唔會自動俾水你飲，個杯吉晒都唔會加番啲水俾你，要叫佢先識得做....有上菜位留俾佢地，佢就係鍾意係你地中間上菜，死未???閣樓又無抽氣設備….總括係食物差，服務唔太好，Waiter唔主動….無下次….

對上一次食上品, 我對佢讚不絕口, 仲向好多朋友介紹佢D牛肉有幾正, 佢D火鍋料同環境有幾咁好....不過尋晚去玩之後, 我諗我會有一段日子唔會掛住上品LU....食品質素有明顯既轉壞...1) 牛肉 - 真係有好多筋, 我以為我地個碟唔好彩, 但係隔離個碟原來都係咁....尋日碟牛肉冇左以前既肉味, 有D鞋...仲有好多筋, 我食到D牙好攰...2) 魚滑 - 好粉ar, 好似未撈"云"咁....3) 墨魚丸 - 唔講係墨魚丸以為自己食緊街邊的魚旦4) 脆腐皮 - 可能係其中一個比較好食同可以讚既, 皮脆, 唔會有油益味5) 牛展 - 一般而已6) 鵝腸, 大腸, 鵝腸唔錯AR,有少少肥膏, 不過都算新鮮7) 油麦菜 - 有D 老, 太細碟了, 一人得兩三條8) 水餃 - 包得太實la, 里面D 料好鞋, 全晚最冇分既火鍋料9) 鱔 - 都可以10) 皮旦莞西湯 - 湯底還可以, 里面D 粟米好甜, 不過D 皮旦就太硬...11) 竹庶水 - 味道不夠, 淡如開水12) 芝士腸 - 一般13) 午餐肉 - 一般至於服務, 明白我地坐樓上得一個哥哥睇場, 所以少不免會有D等候時間, 但

今日係Cherry表姐嘅牛一加上又係"中秋節 ;所以一早就o係openrice睇定有乜好介紹 ; 原先諗住Book尖沙咀"美麗x酒店"食"自助餐";點知佢又話d大枱冇哂 !要我o地19個人要分開3張枱坐喎 !我問返個接線生: 如果你屋企有人Bday可唔可以分開3 張枱坐呀 !真係超攪笑囉! 冇計唯有再睇吓有乜好介紹.. ..終於再問表姐想食乜;佢就話佢o個班"老蘭fd"話依期每逢Friday night 就會先去天后打邊爐然後就向"老蘭"出動 ! 攪所以表姐都想睇吓夠竟有幾好 ;ok我就打電話去book吓 !不過個情況同上次差唔多; 又係d坐位唔夠坐哂19人 !不過聽電話個"姐姐"就好好咁同我講 ;依度可以包場;不過o個日係"中秋節"嘅關係價錢就要加返d; 可以用$8000全晚包咗個閣樓 ;由於比起原定去酒店食嘅價錢還要平;所以我就唔洗再諗之下book咗 ! 我重order定龍蝦 / 象拔蛑 及海膽tim !直到尋晚我o地終於嚟到依度試吓 !估唔到火鍋店嘅裝修都可以咁好feel !難怪表姐班fd咁鍾情嚟依度食! 上面個閣樓都幾有私人度;不過個樓底就矮咗d !至於食物同賣相都非常ok

第一次係OPENRICE見到上品, 之後就去試下我訂位既時候, 問職員究竟點去, 佢一直講清風街, 但冇講係邊樹雖然覺得佢幫唔到D乜, 初時感覺唔係咁好但去到, 裡面既野食, 的確令我係兩個星期內去兩次一開始就俾SAUCE我地揀我後尾發覺我地冇乜用D SAUCE, 點解?因為我地陶醉係個湯底呢個湯底, 極力推薦可以飲, 因為真係入味而且, waitress Rachel 推薦幾樣野食俾我地包括手卷腐皮, 四種丸, 同埋雪花肥牛所有野食既質素有別於平時打邊爐既野食味道真係唔錯架~但老實講, 價錢真係貴左D正正因為每樣"食送"貴, 所以叫既野食少最後就唔係咁飽!整體而言, 呢間都值得試下既!

在銅鑼灣皇室堡看完「反斗奇兵3」，已差不多是晚上10時，剛好有朋友想試試這間我常提的食店，便致電訂22:30，因為22:30起入座6折~我們一行5人慢慢地由維園步行，到達才22:15，但接待員堅持必需22:30才能入座，唯有在門外與炎熱的天氣搏鬥... 就在這15分鐘內，我們才看到門外寫著22:30入座6折，海鮮、本地肥牛及飲品除外！ 我們來這裡就是想吃海鮮，這裡也主打海鮮，為何在電話中沒有提及呢﹖準時22:30安排入座，被安排坐在門口的旁邊，還好的是本身門上有風機，外面的熱風不會因大門的開關而令我們的座位很熱~先來「九宮格」，每次到這裡來侍應總會將9格+3枝醬油的調味盤放在檯上任我們用，很滿足我這些愛辣但又愛蒜及芫茜的人~ 大家點完菜後，食物很快便送上，由於相片只限12張，故未能每款食物也有相片~芫茜皮蛋併冬陰功湯 - 除芫茜皮蛋外還有豆腐，芫茜很新鮮，很香；冬陰功湯也很多配料，略嫌不夠香味與辣味醉蝦 - 與上次同樣是九節蝦，但卻比我們上次來吃時足足細了一倍！ 雖然酒味一樣香濃，但$128只有比手掌還要小的5隻蝦，相比之下覺得很不值~雞片 - 很新鮮，入口很滑及有雞味，這個推介流沙汁

這次是"火煱同好會"的第二次聚會,地點亦由九龍城來到了天后這家在OR甚獲好評的上品火鍋.這店的裝修環境雅緻大方,侍應穿上整齊制服,和街坊小店相比完全是兩回事.十多人佔據了近門口的一張大檯.早到的已經先把餐牌看了一遍,待各滾友到齊可後立即點菜!侍應遞上一整盤十多款的調味料,這時心裡在想的是:湯底夠味材料夠新鮮,還需要這麽多款調味有何用?炸芝心蝦丸----作為餐前小食不錯,蝦膠鮮味彈牙中間芝士味濃郁.蘸了點食友剛買來的大孖辣醬,產生了不錯的味覺化學作用.煎水庫魚頭鍋/麻辣鍋----魚頭鍋湯色呈奶白,味道鮮甜!麻辣鍋看似合格但麻辣程度屬小學級別,雖加麻加辣多次但也吃不出一滴汗(甚至侍應說出動到"押箱寶"級別的辣油).但也諒解到麻辣不是這裡的賣點.普通手切肥牛、特級手切肥牛、安格斯牛肉----每款也各來一碟待合口味的再追加,頭兩款表現只屬一般,肉味偏淡帶少許筋,安格斯向來有軟淋肉質之保證但切得較為細碎,吃完各款後這款是唯一的追加.看來牛肉也不是這裡的強項.鴨粉腸拼鵝腸/豬爽喉/醉雞/桂花蚌/粉腸/餐肉/魚腐/炸魚皮/貢丸/豬膶/雞子/柏葉/冰荳腐/生根/皇帝菜/黃牙白----各款材料也只屬合格