上品火鍋料理

Open Now

Now Closed

由於近來出外覓食總係俾O左錢, 食唔到好O野, 我決定以後食完咩都上O黎寫食評, 話俾大家聽咩唔好中計--認住我啦, 我係獅子大王, 好快會申請做會員!因為唔太GER, 所以先出呢篇食評...今晚吃紀念日飯, 好想吃好D, 我叫O左雪梨雞湯底、台灣鱔片、包心丸等等...都係o個d o野啦, 有人講過就唔提啦總之之前大家有講話好食o既東西, 我都盡量試齊, (畢竟得兩條友食, 吃唔哂咁多)今次想勸告大家有咩唔好叫就係奄仔蟹、鵝肝包同炸腐皮呢個時節食奄仔蟹, 都係想食膏O者, 佢拎隻公O黎, 膏無, 仲要無乜肉, , 收$88一隻, 無本事買到好蟹就唔好學人整每月海鮮MENU啦大佬鵝肝包真係要用垃圾O黎形容咩鵝肝呀？入面得一堆勁多胡椒O既醬, 個皮煮完一PAT PAT咁 $68 ,4件真係你俾返$68 我, 我都唔吃炸腐皮其實出O左咁耐, 周圍去食O下, 都應該知道人地係咩水準, 你收得人錢, 就唔好拎D 油淋淋, 落O左湯一秒唔夠拎返上O黎都好似煮O左成分鐘咁O既貨出O黎啦但話說回來, 佢除O左貴D之外, 其他食物都係OKAY, 安格斯牛係值得一讚而黃金魷魚我個人就十分喜愛, 我會覺得好

近年去過唔少地方打邊爐，但令我覺得值得再次返兜嘅，一隻手數得晒。繼上次高流灣之後，呢間位於天后清風街嘅上品火鍋料理，食過之後即刻愛上，呢份一食鍾情嘅感覺，絕對係非推介不可！醬料盒選擇都唔少，未計基本嘅豉油總共有十三款。一時之間花多眼亂，不過人總係貪心，最後我地每人都拎左兩個碗仔作唔同配搭...湯底同樣令人花多眼亂，不過有兩個真係又平又吸引。尤其係呢個杏汁白肺湯底($68)，杏味幾勁，而且湯底有菜乾、白菜、紅蘿蔔、雞腳、豬肺，真係落足料，大家都忍唔住飲一碗潤下喉先...正呀！另一個好味湯底就係呢個冬瓜豬骨瑤柱湯($68)，表面平平無奇，但入面真係樣樣靚料，秀珍菇新鮮、粟米清甜，配埋入味嘅冬瓜，真係掂！手切安格斯肥牛($118/大) - 份量都幾多，肉味豐腴，鮮味無窮，無牛不歡嘅朋友唔好錯過！小雲耳($48) - 平時打邊爐真係好少食呢樣，見呢度推介就即管試下。食落雖然幾爽口亦幾香，不過唔算係必食，非愛好者可以無視...自製子母蝦腐($68) - 製法同大家平時食嘅魚腐差唔多，呢個入面係蝦肉做成，食落鮮蝦味濃，而且口感相當細膩，淥耐少少連湯味道都入晒去，好味！魚皮餃($58) - 聽聞味道

夜晚去左上品打邊爐, 一坐低就揀左一個雪梨雞湯底, 仲配一碟鮑汁螺片, 等緊湯底之際...要開始混醬...混醬好似係打邊爐吾少得既一環, 大家都好落力咁"畢"自己最鍾意既調味料, 突然大家都變左科學家, 不停研究同測試一下係咪適合自己既口味...加拿大象拔蚌 - 切左條形同片狀, 條形"點"日本醬油就咁食就已經好好味; 而片狀就係湯底上面輕輕拖一拖就ok...但我比較鍾意食刺身, 因為真係好鮮味...十個正呀...!!!本地鮮肥牛 - 同美國肥牛好吾同, 起碼吾會好多肥膏, 而且吾難咬開...good.!!手卷炸腐皮 - 吸左湯底之後, 味道不錯芝士爽蝦丸 - 一上菜已經見到有溫馨提示, 小心燙咀, 好細心呀...因為我好娌意食芝士野, 所以特別鍾意呢個蝦丸, 而且佢真係如其名 "爽"南非駝鳥肉 - 食落軟滑, 吾難咬開花姿片 - 一般豬頸肉 - 都係一般稻庭烏冬 - 好幼滑, 好味台灣鱔片 - 味道一般, 不過不失啦..!總括, 除左某幾樣比較特別同好味之外, 其他都吾算討好, 而且個人都係鍾意任叫任食, 起碼吾駛就住就住咁叫呀...!

又黎呢度食啦！實在太掛住呢度… 今次認識多年既朋友揀左冬瓜豬骨瑤柱湯做湯底，好多料丫！仲要個湯真係白色架！入面有冬瓜、豬骨、雞腳、秀珍菇、粟米，清清甜甜咁，幾好！明太子釀冬菇 + 自制鮮墨魚丸 - 水準Keep到，蝦膠爽口好味養顏花膠筒 + 法國鵝肝 - 花膠比起一般打邊爐黎得真實，有口感，唔會好易煮到溶哂，鵝肝入口即溶，正！黃沙豬潤 + 百花釀QQ豆 - 豬潤好香，煮得恰當就更加滑，QQ豆好特別，無見過咁樣整豆角，剩係誠意同創意都夠晒鮮雞片 + 墨魚釀蓮藕夾 - 我無食過雞片，所以唔知，但個樣好滑咁~ 蓮藕夾幾新鮮，蓮藕夠爽，不過好可惜當放入湯滾滾下就散左lu...芝心鳳尾蝦 + 自製新鮮海蝦滑 - 鳳尾蝦個芝士香而不膩，海蝦滑由於用海蝦，有一種街外食唔到既新鮮蝦味，口感都有兩種層次櫻花牛刺身，無諗過佢係入口即溶，加埋佢俾既酸辣汁，好好味丫！醉蝦 (唔記得左個名) - 呢個係全晚之最丫！好在記得叫佢咋！d蝦黎到仲好生猛，仲係度郁黎郁去！即係證明d蝦仲生既時候用竹簽串起佢，然後就放入呢杯極品度，等佢飲到醉為止... 我就咁聞都覺得好醉丫！^_^ 應該係花雕溝玫瑰露酒，起初都擔心會唔會滾

想食龍蝦刺身好耐, 上openrice 食評知道呢間既有龍蝦刺身, 而打邊爐又好似好好味咁, 就一於去試一試...打電話去訂位o既時候, 阿姐話得返toilet門口位, 唉....都算la .. 點知去到, 我未坐低就話order 左一隻龍蝦, d 招呼即刻唔同晒, x 小姐前, x 小姐後...., 仲比左一張四人檯我地兩個人....香港人真係好現實!!講返食物水準, 總括黎講係好okay! 冬陰公+ 豬骨湯底 --> 非常之咁足料, 個冬陰公仲好好飲, 最後叫左個面黎送湯食龍蝦刺身--> $668 (佢話有一斤半) 睇落唔多似, 但肉質幾新鮮丸類 --> 真係好好食, 入面粒粒都唔同, 感覺好得意, 特別係個墨魚丸, 入面有d 似係蛋王, 但係又有咸蛋味o既涵, 真係她新奇櫻花牛 --> 都ok ... 但比較之下, 就一般左d係呢度打邊爐雖然係唔平, 但個total experience 就幾好, service 都幾ok ga. 阿姐真係會同你講, 你叫得太多, 會食唔晒..... 唔好浪費食物啦!!

天氣冷當然就想去吃火鍋~~第一次來這家店，位於清風街，很近天后站。天后一向多美食，當然這家也不例外。一坐下，服務員會幫你脫下的外套套上衣套，這點很細心，可以防止衣服滴到醬料。我們兩人叫了個沙爹鍋，點了很多推介食品，例如芝心蝦丸，手卷腐皮，蟹子釀蝦丸，椒鹽豆腐，四式丸等。這裡點的食物，可以選舉全份或半份，同價錢的，選兩個半份就只是一份的價錢，這讓我們可以多嘗試不同的食物，而且又不用怕吃不完。這裡的蔬菜全都洗得很乾淨，而且也很新鮮，這點很值得一讚，因為很多其他的火鍋店，那裡的蔬菜一看就很噁心，又爛又沒洗乾淨，很倒味口。我最喜歡的是這裡的手卷腐皮，熱騰騰的，不用放下鍋就可以直接吃，很香很爽口，加上甜酸汁，非常美味，令人愛不釋口。另外那個椒鹽豆腐也是很好吃，一樣可以直接吃，炸得很脆，又不會太油，脆皮下的豆腐很滑，加上外層的椒鹽脆皮，真是非常可口。整體來就，這裡的食物很好吃，服務也很好，環境也不錯，是間不錯的料理店。

同屋企人番完大陸按摩返港 已經係11:00幾…想靜靜地幾個人打邊爐 早前已同朋友來過上品 口啤不錯而且11:00後有七折 是個不錯的選擇去到一坐得 服務員會幫衣服套上衣套 而且有問必答 跟住到醬料時間 自己鐘意加咩就加咩 呢到既醬皇同乾薑絲幾特別 次次來都會落今次叫左個杏汁白肺湯 本人自己唔太鐘意杏汁個陣味 但姨姨喜歡 所以叫左 個湯底來左 我地三個人未打邊爐先飲左一碗 味道清清地帶甜 杏汁唔係好重但幾香 湯底跟足料 有菜乾 白菜 紅蘿白 雞腳 豬肺 $68蚊 確實係抵之前試過蕃茄薯仔牛肉粒湯底亦唔錯 下次來我會試下個花膠湯底 同鮮奶桂花湯底材料方面都好新鮮 牛肉: 安格斯手切牛肉 似機切多不過手切 而且切到好短好細塊 但口感都OK 有牛味丸類: 上品既丸幾有特色 我地試左 芝心蝦丸 同 流沙墨魚丸 都唔錯 好咬口 鐘意芝心的人仕要試下啦炸腐皮: 另外來呢到一定要食炸腐皮 放湯蛤一陣 或者就咁香口點個酸汁食 都一樣咁好味鵝肝: 打邊爐唔係度度有鵝肝 蛤兩三下放入口 即溶 ..正螺片: 沒有太大的驚喜 一般 不過唔好6咁耐 如果唔係會UN帶子: 有鮮味 但略為醉左D 有時掉左落去一陣

湯底足料, 用料新鮮, 值得一讚 牛肉味夠濃, 以湯底灼3次, 半熟之間更能嚐到牛肉之鮮味. 四色丸當中, 雖各有特色, 唯最出色的只有芝士蝦丸, 其他的爆漿料很膩. 但肉質確是新鮮.象拔蚌成為$320, 份量十足, 爽脆鮮甜, 當sashimi食亦相當知味! 脆鯇唔夠脆, 有o的失望. 最後, 值得一讚o既係店員快捷妥貼o既服務. 如果價錢再相宜一點點, 就真係ichiban!

聽人介紹這裡有間新開的火鍋，價錢不平但好好食，所以不去一貫去開的 CWB，正式殺入天后區。坐在 sofa 位置很舒服，側面還面還有小檯放束西。先來混醬，混呀混，當然有蒜、蔥、XO 醬囉。火鍋錢賺得最多是醬料、海鮮及飲料...the premium is just “感覺唔抵”未坐穩已經被問湯底跟飲料要什麼.......查實想飲水多 d，a bit annoyed at being urged to order drinks all the time especially not even decide what to eat yet.The choices on the menu are quite creative and new to me，勁叫雙拼試多 d 款。湯底 - yim 西皮蛋湯 - 好多皮蛋，good手切安格斯牛 (大) - 入口即溶，yummm紫番薯墨魚麵 - 係用一個膠袋裝著，像 jik cream 一樣自己 jik 落去煮，但份量同力度真係好難控制。我覺得得好少番薯味，完全無墨魚味，可以 skip珊瑚蚌 & 日本黑豚肉 (雙拼 $88+10) - 豬肉好快熟，都

上週一行十一人到 "上品" 打邊爐, 十一人一致讚好。環境比一般火鍋店舒適。食物細表1. 花膠群翅湯/ 鍋 , $128, 每人一小碗。味道及用料不錯, 下次去會再叫。2. 麻辣鍋, 好似係 $88。唔係好辣, 似水煮魚和牛湯, 食到中段時間就唔辣了。3. 聖子, 好似係 $68 四隻。叫左三份, 因為清甜爽口。4. 桂花蚌, $88。叫左二份, 好鮮甜。 5. 墨魚芝心三色椒, 好似係 $48 每色一隻, 共6隻。叫左兩份, 這個配撘新鮮但合襯, 而且三色椒新鮮爽甜。6. 墨魚滑, $$ 唔貴。夠彈牙。7. 鵝干包, 好似係 $68 四隻。叫左兩份, 恰如其份。記住到時候就撈上來, 如果唔係會溶晒。8. 蟹皇包, 好似係 $68 四隻。叫左兩份,普通啦, 我鐘意食鵝干包多些。9. 本地牛, 好似係 $168 大碟, 唔好期望好大碟。叫左一份, 我唔食牛, 但我的朋友沒 ENCORE, 應該不怎麼樣。10. 頂級美國牛, $218 大碟, 唔好期望好大碟。叫左三份, 我唔知好唔好食, 不過朋友E

各位朋友, 又係我呀! 我上次喺7月3日已寫過一次食評架喇自從上次食過後, 今次我又同朋友(共4個)一齊去試下D其他新款嘢! 我們叫咗個蕃茄牛肉粒做湯底, 又叫咗D刺身,櫻花牛肉刺身 (有2款醬, 我覺得要一齊沾最好味)花竹蝦刺身 (好味又爽, 因為只得5隻, 我男友又好鍾意食~於是要encore! )章紅魚剌身 (好新鮮, 上枱時個魚嘴仲郁緊, D魚骨連埋D蝦頭就拿去椒鹽, 超嘢味)蟹子釀蝦丸 (好爽口, 而且味道醒胃)蛋黃墨魚丸、灌湯番茄包 (依舊好味)墨魚滑 (都唔錯)脆骨腩 (超彈牙, 脆口又新鮮~正呀! 我原本不太喜歡鯇魚, 但今次不得不讚)鵝干包 (幾特別)手卷付皮 (比起上次食, 改良咗, 大條咗, 最重要係好味咗)午餐肉 (嘩~唔講你唔知~午餐肉吸哂D湯味, 超match呀)稻庭烏東 (超好味~ 一食就知唔係cheap嘢! 有水凖! 不過太少, 搞到要encore至夠喉呀)菜芯苗 (都OK)食飽後, 仲每人飲咗杯免費咖啡及甜品! 超滿足 最開心係咁啱我同埋男友份甜品都係心型! 好sweet 其他friend都不是啊~~Hee hee

尋晚攪咗好耐 ; 終於都係照原定計劃; 去咗早幾日遇約咗Lee間叫"上品 "嘅火鍋打邊爐 ; 事關前日見到有個"亞嬸"寫咗個咁惡劣嘅食評; 攪到我起初有d"怕怕"o家 ! 不過我個新相識嘅女朋友又好鬼鐘意" 打邊爐 " ;而我又實在想同佢食一餐可以坐得耐d嘅飯, 而又唔想再花時間搵過 ; 放且都係我d朋友食過個個都話ok又推介比我; 所以冒住險咁去試吓 ! 好彩 ! 實在好似我d朋友所講 ; Lee間"上品" 算係食得吓 ! 實在我最擔心除咗係食物嘅品質之外; 我都擔心d$$$ ; 不過尚算合理 ; 呀!最值得推介各位"$298嘅海鮮套餐 ;o個條刺身魚上枱嘅時候重"跳跳吓" o個幾隻" 大蜆 "鮮甜無比 ; 正 ! 本人誠意介紹:醉蝦 - 酒味濃郁; 蝦味鮮甜!新鮮9菜餃- 完全冇菜渣 !脆骨腩 - 超彈牙 ! 有鯇魚味 !豬潤 - 香口!呀 ! 切記 !中段就要落埋d" 烏冬 "落去;等d海鮮湯吸收哂入去;最後連埋d湯一齊食, 嘩! 甜到今餐小弟埋單$700,都可以接受 ;呀! 原來因為9:30後入坐有八五折 ! 希望各位下次" 醒d " ;

有人揸手, 更有人走, farewell party 由六七個人都唸唔到食d乜, 結果由主角決定,即時攪掂。去到門口以為食西餐，點知原來係火鍋店。有d迷惘。本人怕熱。不個主角大哂，我就無所謂，好又一 餐，唔好又一 餐。店內部十分整潔。裝潢一般，應該是走簡約主義。一種舒服的感覺 (冷氣十分足夠)攪手book咗張10人 枱同時候order 咗有兩個pots嘅枱，點知有人no show, 個waitress好細心問我們會唔會將兩個pots轉做一個mixed pot，可以平d，值得一讚。但因為有同事係巴基斯坦人，唔食豬肉，所以都係order 咗兩個pot. 一個底係蕃茄牛肉粒，一個底就係皮旦芫茜，個中waitress仲好你醒目地張皮旦芫茜的豬骨湯轉做清水，真係好細心, 有d阿媽feel。我地一路食，佢就不停幫我地格走d油同加湯/清水。我們叫了象拔蚌刺身， 櫻花牛刺身入，中級牛肉， 雲吞，墨魚滑，蟹籽蝦丸， 羊肉，鱔片，桂花蚌，脆鯇，灌湯茄溶飽、芝心鳳尾蝦、花彫酒醉蝦串d刺身根本在去唔到個爐邊，早就俾我地消滅哂。搞到要ENCORE......食物全部都好新鮮好好味，應該係日日清 ,由其係手切肥牛

又一次俾OPENRICE的笑臉玩死貴係預左, 但點解水準咁差!6點9去到, 想我地一個鍾內交枱走人!依家食快餐啊!講到俾我地個半鍾, 但最後食到冇晒心機愈早走愈好!所有材料完全無應有既鮮味!牛冇牛味, 蝦冇蝦味!每人$3xx, 食buffet都得啦!仲要食完都唔飽要揾糖水食!花膠翅群湯底: OK幾好味! 湯好清,但 睇得出煲左冇耐!花竹蝦剌身: 係爽口, 但一D蝦味都冇! 有少少腥味, 最後同朋友都係滾完再食先入得口!櫻花牛肉刺身: 係好薄, 牛味? 唔好意思, 冇!頂級牛肉片: 又係冇牛味! 救命!四式丸: OK, 唔值咁貴番茄灌湯包: 個人真係好唔BUY, 個皮又厚粉皮 + 油"墨"菜: 正正常常布甸: 最滿意, 但有乜用!完全後悔跟風去試呢間"上品"野!

邊爐癮發作, 氹老公陪我去食, 今次唔怕貴只想食得滿足~上網睇完呢度的食評, 口水都流埋, 一放工就急不及待!Go!Go!Go! 係門口一睇都知唔係平, 諗住一定好有水準~刺身拼盤: (有飽魚, 三文魚, 仲有條唔知咩名的魚, 花竹蝦) 花竹蝦係得個爽字, 完全無味, 條魚仲大件事, 個人認為不合做刺身, 因為食落好怪兼無魚生鮮甜味, 反而滾完就有魚味!?(本人係刺身怪, 勁鍾意食生嘢) 膳片: 又係無味, 得個爽字炸腐皮: 即食就幾好, 一放邊爐一秒都唔得...(曾經食過另一間, 滖完3秒都好好食) 駝鳥肉: 鞋口, 完全無味...湯底: 杏汁肺湯, 一放低時都聞到好香杏汁味, 點知滾起左一試...菜乾湯?布甸: 送的, 甜甜地, ok啦~無特別總括: 發現成餐火鍋的食材全部都無本身的鮮味, 係就係爽口, 但魚無魚味, 肉無肉味...原本係老公請的, 但因為呢餐貴得黎但唔好食, 而係我話黎呢間, 內疚之下迫老公比我埋單, 個心會好過o的...之後老公知我唔滿足, 請我去左對面食甜品, 仲好食過呢餐六百幾蚊... 所以唔明點解咁多人讚到呢度咁好...