饕鍋物 (Closed)

本人第一次用openrice寫食評、但呢間餐廳出名的招牌菜卜卜蜆出現成甘多泥、重點係換左2次都係甘！佢話唔知點解會甘樣、最後建議我轉食其他！甘都算啦、點解有一個侍應態度可以甘差、一開口想落單、侍應大聲講一個字（得）加反眼！真心態度差！

因為太嬲 連相都無影到上網見到海鮮半任食放題 抱住興奮心情去我同男友7點半左右去到企系門口時已感到有啲怪 因為平時啲地方好快就有人問下你幾位之餘此類 當日去直頭無人系門口。。。經過既員工都當我地透明。我地都知佢地好忙 所以都吾敢催佢地大約等左10分鐘 終於有員工彩下我地甘當然系慕名而來食海鮮同蜆煲（+$50）最後我地坐左5個字先知原來蜆煲賣晒。。甘算啦 試下個3杯雞煲坐左差吾多9個字 終於上牛肉同埋手打丸但奇怪就個海鮮菜籃未上。。飲品。小食同主食都系未上如是者 終於等到個海鮮菜籃發現無蜆同花枝 因為賣晒連想再添蠔同蝦都無。。。職員態度差勁 好似我地叫野食系錯甘最後我地食左一肚氣同埋一肚丸埋單$414 2個人我去買丸400$應該會食到嘔永不錄用

🍎係短時間之內又再黎饕鍋物啦，試下佢地嘅午市套餐！！·午市套餐🍽，價錢由$52-$78！簡單介紹下食法：主菜（8選1）▶️主食（4選1）▶️飲品（4選1，留意番，需加$6換購！）仲唔夠？你可以用$10-$25優惠價去享用小食（小食都有5款嫁）·🍎嘅選擇係：蒼蠅頭（主食）▶️魯肉飯▶️鳳梨梳打🍍❣️ 蒼蠅頭：🍎未食過，純屬貪個名得意叫黎試下！原來係豬肉碎炒韮菜粒，食落好有港式小炒嘅感覺！係好食嘅，台式食店有咁嘅水準，算唔錯☺️（不過始終要比都係道地鋪炒得好啲，鑊氣夠，同新朋友仔唔知點解邊食邊開始懷念廟街🤣）❣️ 魯肉飯，仍然同🍎之前黎食時嘅一樣咁好味！！醬汁香濃，而且肉質分佈肥瘦剛好，「魯」得好入味😌😊❣️ 鳳梨梳打：🍍好正，連杯梳打都開漸變😂 就係普通梳打囉🤷🏻‍♀️（唔好打我）但有一樣野🍎覺得正，杯野附送嘅個幾舊鳳梨肉唔係罐頭嫁！

想食台灣野 上OpenRice search 下見到新開就試下上到來裝修好舒服 有小清新感覺美美既餐具叫餐係半任食 好似x哥個啲甘每位有拼盤 牛肉 手打丸拼盤有桶蠔 成隻手掌甘大 仲可以任叫😆每人有魯肉飯或者烏冬一個 我揀左魯肉飯仲有甜品芋圓個套餐仲包每人一杯野飲 可以揀珍珠奶茶添 不過我就叫咗杯鳳梨梳打 好有台灣嘅味道啊真係好好食 推介😬😬 待應服務態度幾好成日都主動過嚟問我地有冇咩需要題外話:原來係那對夫妻代言嫁 枱面有佢地張相

之前見到社交網絡紅人那對夫妻黎左開簽書會，我身為佢地忠實fans，當然要去捧場啦！打聽下先知，原來佢地幫呢間新開既台式餐廳做代言人，係簽書之前，就順便係呢道食午餐，試下新野。前菜小食前菜有一小碟拍青瓜，清脆爽口又有些少辣，挺惹味; 另外一碟係蒜香雞肉配雲耳三色椒，好少可見到前菜咁慷慨比雞肉，而且色香味俱全。鹽酥雞配肉燥飯 ($52)鹽酥雞既份量算多，炸粉唔算厚，咬落雞肉脂肪同肉比例岩岩好，肉質夠滑，唯獨是上碟時唔夠熱，否則既話味道不俗！肉燥飯好有台灣風味！肉粒肥瘦剛好，汁夠多，而且米飯用上類似珍珠米的種類，特別有口感，好快就食曬碗飯。老饕牛肉麵 ($78)呢碗麵...係我覺得係香港食到最似台灣既紅燒牛肉麵的味道！湯底用上多種香料製成 (花椒、辣椒、薑、蔥、蒜等等)，味道十分香道。麵條唔係用一般上海麵幼麵，而係用左刀削麵，比較容易吸收湯既精華。再要一讚係牛腩炆得非常腍同入味，好食到滴曬口水，想叫多一碗！珍珠奶茶、鳳梨梳打 (+$6)呢道既珍珠奶茶，茶味算濃郁，唔係淡味或死甜。而且用上既珍珠用黑糖水燴過，食起黎都有甜甜的味道。而鳳梨梳打就酸酸甜甜，消滯解渴。總結黎講，饕鍋物的午餐套餐味道真

見到介紹，話哩度有部分海鮮任食（價錢未連加一$188）的台式火鍋；大胃王於是相約好友，準備食餐勁嘅。湯底點的是蜆仔湯（另加$50），上枱時湯比較少，客人可趁蜆剛熟時先吃一轉。湯有一絲微辣，由於有九層塔關係，蜆湯沒有腥味，是鮮甜的。食完一轉甜甜蜆之後，加湯就可以開始打邊爐了。個餐包咗湯底、主食（鹵肉飯或烏冬等）、海鮮蔬菜丸盤（聲稱可任意添食）、肉類、手工類食物（手打丸等）、小食、甜品及飲品。當中海鮮蔬菜、小食聲稱是任添的。海鮮選擇唔多，只得桶蠔、蝦、大蜆，跟餐每款有一隻。我及友人約在8時左右（7:30開始用餐）想添食每人兩隻（即共4隻）桶蠔，結果先上兩隻，話仲有兩隻嚟緊。最後只再上一隻，侍應話「最後果隻都俾埋你了。」有點令人失望。總括而言，食物質素可以，哩個價錢絕對ok，同埋個餐份量亦足以食飽你。其實再任食都唔喺可以加到太多嘢。我及友人不太喜歡個牛三角肉，因為肉太肥，脂肪唔均勻；可能喜歡有𡁻頭的朋友會like吧。甜品好甜。如果有心理準備海鮮唔喺真正任食，應該未必會太失望嘅。不過，如果下次要任食，都喺會去搵倫哥囉，講完。

尋日見到網上有媒體介紹呢度既午市套餐，今日就即刻同朋友走左去試，點知...好失望...入到去坐低，午市menu都無人比我地，要去隔離檯自己拎，都算。睇番媒體介紹，呢度既午市套餐應該有前菜+主菜+主食，而睇番Openrice四日前既餐牌相片亦都係咁寫，但我地今日去到，張餐牌同一個價錢，但前菜就無左，咁係咪即是設計張餐牌比媒體介紹晒之後，就換另一張餐牌比食客？我地就搵個員工問，點知佢話餐牌3日前已經換左，仲黑口黑面咁。到我地想落單，問下員工咩係蒼蠅頭，佢答完就自己走左，連單都無幫我地落，真係未食就已經一肚氣！落單後，等左接近20分鐘先有食物，食物唔太夠熱，炸排骨比攤水浸住咁，個皮淋晒，鹽酥雞都淋淋地，而擔仔麵係淡到要係咁加辣醬（全餐個辣醬最好食），珍珠奶茶仲誇張，個飲筒同個杯一樣高，好似要成塊面塞入去個杯飲咁。期間都有位小姐問番我地意見，不過唔知係咪意見接受態度照舊。Anyway, 之後都唔會幫襯。

呢個位之前係炑八，估唔到已經換左另一食店，復活節最後一日假期就去左打個邊爐。饕鍋物係一間台灣手工火鍋，以一個價錢半任飲任食。餐廳座位闊落，以四人卡座為主，除左供應火鍋，仲有少量台式小炒，例如三杯雞、鹽酥雞、牛肉麵等，定價親民。半任食火鍋 $188/位/2hr新鮮現熬煮湯底：牛肉湯/三杯雞鍋/麻辣湯/黑糖薑母鴨湯/九層塔蜆湯 (+$50)，五選一。蜆怪當然係揀蜆湯，蜆肉多，新鮮冇沙，食完之後加湯繼續火鍋但一路加水，湯底愈食愈淡，有別於坊間卜卜蜆鍋，鐘意濃味可選其他湯底。自選饕鍋肉類：牛三角/松板豬/土雞腿/豬爽肉/霜降牛三角配豬爽肉 (+$20)，五選一。牛三角肉味重，肥脂分佈平均。主食：台灣良心米飯/魯肉飯/稻庭烏冬/手打麵，四選一，追加每位$10。老饕海鮮菜盤：生蠔、大蜆、大蝦、菜類、蜂巢豆腐、栗米、菇類、丸類等，任食。大蜆同蝦都幾新鮮，另有羽衣甘藍，配合埋清淡湯底，我覺得自己健康到爆小食：鹽水雞、青瓜木耳、皮蛋豆腐、滷豆腐，任食。鹽水雞似模似樣，雖然雞肉唔算好滑，但都夠止癮，青瓜爽口手工拼盤：豬爽肉花、手工花枝丸、牛丸、鯪魚丸、手工水餃，追加每位$25。質素會任食火鍋嘅配料比較好，