鼎王麻辣鍋 (The LOHAS) (Closed)

本來無諗住寫食評，只係想專心同朋友食餐飯，所以冇咩影相。但真係太唔滿意呢間餐廳，希望大家唔好中大伏。湯底得兩種，一係麻辣鍋，一係酸菜白肉鍋，亦都可以揀鴛鴦鍋。朋友唔食得辣，所以我地點左酸菜鍋。酸菜鍋有都幾多嘅豬肉片，少到唔多睇到嘅粉條同埋好多嘅酸菜。啲酸菜唔係譚仔個種甜甜嘅，佢係似白菜切絲浸白醋咁，好單一嘅酸味。店員話麻辣鍋可以任添鴨血，酸菜白肉鍋則可以任添酸菜。不停會有人問要唔要加酸菜嘅，服務係幾好嘅。我地點左啲蔬菜盤🥬咩都有啲嘅，有啲菜同菇咁，一百蚊一盤仔咁😇一條貴價菜都無，都係生菜個啲。點左個菊花露，幾好飲嘅，好冰涼，少少甜咁，50/60蚊一大jar。後來仲試左個烏梅汁，味道係同酸梅汁唔同架喎，濃味啲咁，幾好飲，但個湯已經好酸，飲埋呢個就真係好酸好酸。我地都叫左好多盤肉，有黑豚肩胛肉，有封門柳，牛小排。但啲肉好碎濕濕，夾起嚟已經一片斷開兩段，滾左幾秒似係食剩嘅嘢咁🥲🥲🥲🥲一盤成兩舊幾水⋯啲肉食落碎到無味，我寧願食酒樓肥牛。我地仲叫左雞件同魚，無咩特別正常發揮。鼎王火鍋嘅醬料選擇十分少，佢建議酸菜白肉鍋點腐乳醬，麻辣鍋呢就點另一個醬（朋友拎比我，我唔知叫咩名，但食落就鎮江香醋）。配

見喺OpenRice book有七折所以試吓食環境企理乾淨，侍應服務良好1. 湯底唔係一個鍋計，而係計人頭，鴛鴦鍋要$78一個人頭，但唔知係唔係台灣麻辣火鍋，個麻辣湯底完全唔香，屋企樽麻辣燙都香過佢，裏面有豬紅同豆腐可以任加，酸菜嗰邊都係水加酸菜冇乜特別，酸菜係可以任添2. 可以喺出邊任添白飯，有豉油，腐乳醬，芫荽，葱，豉油偏酸，平時自己都會豉油加醋，冇咁死鹹，但係今次呢個偏酸了，腐乳醬就OK，平時打邊爐都會食，唔錯的3. 牛肉揀咗牛小排，原價差不多300，呢個價錢，出邊食到手切肥牛都好好食，呢個就薄身少少，但味道尚可4. 叫咗個蟹滑，$95，味道一般，可能蟹嘅感覺唔夠蝦咁彈牙5. 個海鮮拼盤幾好，$300頭，幾豐富，食物新鮮，有多種海鮮，七折咗後$200都幾抵，不過兩隻帶子其中一隻煮完縮到變咗咁，都費事食啦，唔知新唔新鮮，其他都OK嘅呢餐飯七折後$712

我從來都唔打食評嘅喺OpenRice book咗位跟住去食, 其實係第二次, 一路都覺得價錢貴味道普通, 但係有啲掛住台灣所以就去食. 咁自己有呢個expectation預咗, 我都冇嘢講. 但今次去食真係覺得服務真係有啲差, 台灣嗰啲係禮貌一流, 呢度就好大對比. 最奇怪係我話喺OpenRice book咗位, 跟住佢喺System取消個booking, 我都唔係貪嗰25個Asia Miles, 只不過我覺得佢講咗一啲我冇做過嘅嘢覺得唔啱. 打電話去問佢, 佢話因為原來我冇order個優惠餐, 但係我真係有出席我嘅訂座咁點計先. 佢仲要同個客(即係我)去坳”好多客講完之後都睇得明㗎, 你試吓睇吓先啦”. 咁嘅服務態度, 多謝晒, 唔會再嚟. 我而家明白點解次次去食，都係一半人都冇，冇人幫襯遲早執笠

末試過呢間 都知道晚市價錢吾系平有時路過又會見到298$ 好似幾抵食店員耐心講解298$ 系中午套餐 仲有68$一人餐 跟一個飯咁就叫左個辣鍋試下  外賣都出得幾快 5分鍾都吾洗 呢點要讚但系返到屋企個辣湯好似已經吾熱 我都系住附近10分鍾內既諗緊會吾會系做定.... 唯有自己再叮熱  整個湯底食物味道都幾好但估吾到盒飯都系吾夠熱的望落去都好生硬 如果再叮就會更加硬 希望可以改善 一碗好吃的食物 始終都是要熱騰騰才滿足

龍媽其實係《鼎王》忠粉，covid 前工幹旅遊去台北都必定供奉佢哋既鴨血麻辣湯底。食物上，我冇特別comment.大家切記入門前問清楚呢間食肆對食餐，同吾食餐既客人，有關最低消費既定義。留意番，佢哋對四歲小朋友同四十歲阿叔都係同一個最低消費額度；若果有家庭同細路既讀者，大家記得問多少少問得清楚先好入去，因為坐低左入面幾粒丸都百幾蚊，D 豬雞普通貨色係二三百蚊一碟。都冇講牛肉了。黑面經理過嚟解釋佢同事講錯左，之後都係四百蚊餐，叫多一碟鷄，要九百蚊出門口，仲要同佢理論一大輪。開心食變一肚氣出。

小弟算係住附近 但舖位唔係好顯眼要落到商場最底嗰層行入先見到 位置可能差啲今次試咗個假日二人套餐都算多嘢食 湯底prefer麻辣鴨血 有得俾你揀大中小辣 酸菜白肉鍋可以俾你揀酸度職員態度十分好會不時同你加茶 同埋見你湯底無就會幫你添加而且會問你要唔要鴨血豆腐 同埋酸菜上菜非常之快 而且白飯任裝可以話食物水準同埋服務都 維持到台灣的高質整體用餐體驗良好而家基本上平均兩三個星期會食一次二人套餐堅抵食但康城新場應該貴租 希望做得住唔好執

第一次去Loahas Park 消遣，睇完戲之後喺商場周圍行，特然見到有麻辣火鍋，突然好想食因為好耐冇食過。入到去鼎王麻辣火鍋之後，發覺內部裝修同台灣店極之相似，服務員嘅服飾同態度都係同台灣點一樣親切。座低之後，服務員都耐心講解 菜單、火鍋湯底及可以無限添加鴨血、豆腐、酸菜 ，另外可以無限添加米飯及醬料。除此之外枱嘅兩邊都有個櫃桶放大量紙巾、濕紙巾及牙籤，方便食客使用。因為我最近開始生酮飲食，所以冇試過佢啲飯，但係叫咗好多肉 （有牛、豬、羊），最特別嘅係佢有瑤柱滑，喺其他火鍋店都冇見過，佢個花枝滑都好食，有台灣嘅感覺。另外佢嘅蜜桃茶都好好飲亦都係無限添加。特別想提一提，服務員會很貼心留意客人是否想要服務或添加飲品的食物，不需要客人主動要求添加鴨血。對今次用餐🍴體驗十分滿意👍🏼，好放鬆嘅一天🥰

身為一個火鍋控，當然目標要試勻晒甘多間好食火鍋店。湯底當然要試下麻辣同酸菜白肉湯底，最正係2樣都可以無限追加，鴨血酸菜都係我至愛！鴨血滑溜溜，每塊都好厚，一啲都唔腥。至於酸菜可以選擇自己喜歡既酸度，叫左中等酸度，都幾惹味，好開胃。細心啲睇湯鍋係一個鼎，好特別。麻辣湯底唔會愈食愈無味, 反而愈食愈濃，辛香撲鼻。我地點左梅花豬肉：豬肉味重，但唔會太肥膩。蛋餃：蛋皮包住豬肉，味道又幾夾。新鮮蝦滑：好大舊，入面仲有原隻蝦，餐廳職員仲幫我地放落鍋度淥，好細心。濃香豆皮：炸到脆卜卜，放落湯幾分鐘就食得，正！

好耐無食火鍋，朋友帶我黎康城既鼎王食晚餐。店環境唔錯，坐得寬落舒服。湯底我地選擇左2款口味：麻辣同酸菜白肉，除左麻辣可選辣度，竟然連酸菜都可以選酸度，幾細心。提供比客人既茶水係水蜜桃茶，甘甘香香，幾解渴。另外仲有自助白飯同配料，火鍋點腐乳又幾得，出奇地夾鴨血無限添加！服務員會巡見無就會主動加，好細心。鴨血每舊都大大舊，而且好爽滑可口，encore左好多次。酸菜都可以無限添加，正2個湯底都幾濃味，唔怕愈食愈淡。配料推介蛋餃，用蛋皮包鮮蝦，鮮蝦好大粒。蛋皮蛋味重。蝦滑入面有原隻蝦，啖啖蝦肉，好滿足另外點左羊肉同黑豚肉，羊肉唔會太蘇，配麻辣火鍋食一流。黑豚肉唔鞋口

又到放下午假嘅時候😁😁 今次諗好咗去日出康城睇戲，所以一收工就直接走過嚟，揀咗一、兩間，但首選呢間，撘車中望下Openrice有得訂枱，唔理咁多，訂咗先，又一個$298嘅二人套餐嘅優惠 (但至至7月30)，一於試試佢😝 鬼叫女友鐘意食辣🤪 諗住到步再望下，唔錯喎，好整潔，裝修又靚，一於衝入去😆真開心，又遇上好嘅客戶服務！尤其是門口嘅服務員，好好人，好有禮，未食就已經加分先😊👍🏼因寫咗用膳時間係90分鐘 (其實90分鐘對食火鍋就唔係好夠，但好彩呢一天唔多人，所以都冇咩厭力) 我都好快手咁揀嘢。。。湯底有兩款(招牌麻辣鍋、酸菜白肉鍋)，又可揀鴛鴦鍋，當然要揀鴛鴦啦，萬一麻辣太辣我都有另一選擇😛 有四度辣揀，不過第一次試都係揀小辣先。肉就揀咗牛同豬，其他揀墨魚棒、貢丸、濃香豆皮，新竹米粉，娃娃菜。飲品就冇叫了，我倆又少飲凍嘢，又有茶供應，慳返！唔使叫 😁鍋同食物都到了！嘩😍 啲肉好靚，菜望落就少咗啲，個鍋⋯⋯我倆都係第一次食麻辣火鍋，原來咁多料！但好可惜，我倆都唔係好食鴨血呢，感覺有點浪費😛 差啲想叫服務員換一換，減少點鴨血，但最後都冇⋯⋯好似唔係幾好，話晒都已經放咗係枱了。嘩！第一啖食豬

鼎王麻辣鍋本身聽啲朋友講都係好好食，佢哋喺尖沙咀同將軍澳都有分店，因為我哋唔想多人嘅關係，所以就揀咗去將軍澳嗰間分店度食晚飯，入到去店員嘅服務態度超級好，唔知以為自己係貴賓，坐低咗之後店員會幫你首先order左湯底先，然後你就自己慢慢喺平板電腦上面order火鍋配料👍🏻👍🏻👍🏻佢哋呢方面做得好好，火鍋配料亦都有好多選擇我哋叫咗個麻辣味嘅湯底，因為呢個係佢哋嘅招牌湯底，不過如果唔食得辣嘅朋友可以order佢哋嘅酸菜白肉湯底，如果朋友裏面有食得辣亦都有唔食得辣嘅，當然可以揀鴛鴦鍋啦，因為我哋兩個都可以食得辣，所以就選擇左麻辣鍋，然後我哋就叫咗一個極上牛小排，蟹膏滑，雜錦菜拼盤，炸魚皮，珊瑚蚌，不得不提嘅就係佢哋湯底裏便嘅鴨血同埋豆腐係可以俾你無限添加，呢度已經有兩款火鍋配料啦，辣嘅程度我哋揀咗中辣，因為問過店員佢哋話佢哋嘅辣係比較溫和的，果然中辣對我哋來講真係算係小辣👍🏻👍🏻👍🏻另外會有茶配備俾你，好有誠意，係白桃風味紅茶，淡淡嘅白桃味，好香，但係又唔會好甜，感覺好Fresh，牛肉好靚，入口超級好味嘅牛味，炸魚皮脆卜卜，再索埋火鍋湯底一齊食真係非常之好味😋佢哋嘅食材我只可以用一個字來形容，

台灣有好多麻辣火鍋餐廳，唔知鼎王麻辣鍋係未你嘅心水呢？以前我哋去台灣旅行，一定要去食鼎王麻辣鍋先算去過台灣！雖然近期無得去旅行，但好彩喺香港都有過江龍分店，同樣無限添加鴨血，夠晒滿足。鴛鴦鍋鴛鴦鍋即係鼎王麻辣鍋同酸菜白肉鍋，無論辣度定酸度都可以自行選擇。鼎王麻辣鍋用咗唔少香料，所以麻香十足，而辣味持久！但湯底先將麻籽等香料隔走，所以食嘅時候夠晒方便。麻辣鍋內嘅鴨血同豆腐都係放題食到飽，鴨血大大塊，口感非常嫰滑；至於豆腐索晒麻辣嘅精華，辣得好過癮！至於酸菜白肉鍋內嘅酸菜都係任食，酸酸微微好醒胃。窩筍除咗鴨血同豆腐之外，萵筍亦係麻辣湯底嘅朋友。窩筍煮到軟腍腍，索晒辣汁，非常惹味。豬腩肉酸菜白肉鍋本身已有豬腩肉，我哋特登叫多份加入鍋內，豬肉切得夠薄，一層肥一層瘦，肉味濃郁。竹笙講到索湯，又點少得竹笙呢！竹笙索晒麻辣湯嘅精華，夠晒刺激！

台灣過江龍大約6:30入座餐廳已經坐咗一半，侍應服務態度真係非常好！我地未食過嘅關係，侍應為我地講解湯底，湯底係每位計，麻辣湯底裡面的鴨血和豆腐係無限任refill；酸菜白肉湯底的酸菜也是無限任refill。我地叫咗雙併湯底，其間店員每隔一陣就主動問我地要唔要refill鴨血豆腐或酸菜，非常貼心。兩個湯底我最愛麻辣鍋，飲一啖就知咩叫真材實料，除咗有麻辣味，仲有好香的花椒味，嗰種辣唔係一味辣死人，而係辣得嚟香氣會迴盪口中。食到一半覺得唔夠辣，仲可以叫店員加辣湯𠻹。酸菜白肉比較清淡，白肉份量不多，酸菜清甜開胃，食多啲都唔會濟。配料我地叫咗老油條、羊肉卷、竹笙同埋新竹米粉。由於鴨血可以不停任refill，我地食咗好多轉；雖然係任fill,但質素絕對高質，鴨血預先煮好索滿麻辣湯汁味，入口滑溜夠嫩，唔會一夾就散。豆腐仲正，索晒汁咁食，裡面好軟滑，食一件就會停唔到口。老油條係台灣直送，口感比起香港嘅油炸鬼實啲，口感再豐富啲。完全無油溢味👍🏻建議浸落湯耐少少，等整嚿老油條浸滿汁先食。整體嚟講今餐好滿意，有90分👏🏻

The Lohas 係將軍澳區嘅新地標，大型商場愈嚟愈多高質素餐廳進駐，被稱為美食沙漠之一嘅將軍澳終於有啖好食😂朋友介紹係The Lohas新開嘅鼎王好好食，搵晚同老公拍吓拖去食先！商場有泊車優惠，可以慢慢食湯底我地揀咗鴛鴦鍋，每位$68；同台灣本店一樣，呢到嘅鴨血同豆腐係無限添食；而酸菜白肉鍋的酸菜都係無限任加的。麻辣湯底真係好正，超足料的花椒八角、辣椒乾、麻籽，所熬出的湯底好比老火湯，啖啖都係精華，我忍唔住飲咗兩碗，佢嘅辣唔會過份嗆口，超香濃。鴨血任加真係好佛心，尤其是朋友係鴨血愛好者，加咗好多轉都食到飽晒，店員服務好好每次都主動為我地加料，抵讚。雖然任加但鴨血質素很高，口感味道都比外面單點火鍋吃到的好食！尤其欣賞每件鴨血厚薄適中，浸滿麻辣湯汁，一試難忘。羊肉卷好食，羊騷味剛剛好，入口軟滑，油香味十足；鵝腸偏瘦但條條爽口彈牙；自家製雜錦丸好有驚喜，四款都好好食，尤其是牛丸同蝦丸，足料又夠香。最後叫咗新竹米粉加到麻辣湯底，每一啖米粉都索晒湯嘅精華，辣得超過癮。

同朋友第一次去鼎王麻辣鍋。價錢稍貴，但值回票價。 湯底揀咗鴛鴦鍋，一半酸菜湯一半麻辣湯，酸度同辣度任你選擇，可以迎合個人口味。麻辣湯更加配上任添豆腐同鴨血，兩種配料都非常入味，職員仲特登介紹原來啲鴨血係滷過先嘅，再放落麻辣湯入邊煲，真係非常非常入味。 牛舌少肥，冇膻味，而且薄切少筋，爽口彈牙。打邊爐食肥牛食到悶嘅不妨一試。 打邊爐食蝦滑食得多，蟹滑比較少見，特登嗌碟試試。原來口感偏腍，帶少少膏香，中意食蟹嘅唔可以錯過。 侍應建議豆皮先淥4-5分鐘，索一索d湯汁，配搭唔同湯底各有特色。豆皮本身厚身，加上卷成一圈，口感十足。 另外，餐廳環境整潔舒服，冇一般火鍋店嘅喧鬧。值得一提嘅係，侍應全程都好主動，服務超好，一入門口已經用國語歡迎我哋。疫情之下冇得旅行，黎呢度當自己走左轉台灣架啦。