Via Quadronno (Closed)

公司人不多, 但個個都喜歡吃muffin, 造就我常常有不同的muffin吃目前為止, 吃過starbucks、mix、pret a manger、pacific coffee跟各大麵包店的muffin, 最好吃的要數via quodronno的. 其香不在話下, 外層脆脆的, 裡面軟軟的, 實在不是那些感覺粗獷的muffin所能比(可能是個人口味問題=D)推介: 藍莓muffin =D

好開心~男友帶我來呢度慶祝我生日~ 因為佢知我鍾意意大利野~d waitress ge服務好好, 好nice, 讓我感覺好舒服~野食都好唔錯! 不過最衰無set, 逐樣自己嗌都自由d ge, 不過又貴d la~Appetizeralmer Ham + 無花果原來ham + 無花果好味過襯哈密瓜架!Main Course:1. 墨汁扇貝risotto淨係個賣相都好靚, 好香~ d risotto整得好好, 又唔會太乾/ 太濕2. 龍蝦汁spaghetti好味!!!!!!!!~~~~~~~~~~~Dessert:1. Tiramisu我個人就唔係咁鍾意咖啡酒ge~ 分開ladies finger同cream食好似有d怪2. 朱古力軟心蛋糕好好味, 雖然d朱古力唔係湧出來咁, 但都好好味~ 個蛋糕外面脆脆地, 好正~d人都滿面笑容, 好親切咁~因為我生日, 佢地上甜品0個時一齊送埋happy birthday牌同一齊唱生日歌~ 男友預先放低左生日禮物, 0個時佢地都拎埋出來! 好surprise好開心呢!餐飯食左好耐呢...成兩個鐘~~ 又可以慢慢食慢慢傾~~舒舒服服咁~

thanks Sandy..you gave us a nice memory.my wife is very happy !!

係我想食Risotto先, 跟住就拉埋人地黎食.平日放工後大約八時到達.是日dinner set main course 沒有risotto, 那我們就叫set dinner + risotto + chocolate cake.餐前既麵包真係行貨左少少, 不過都係得四件, 都會吃得下的.頭盤是煙三文魚蘆荀卷, 作為前菜都幾開胃, 三文魚都幾軟身, 配上橄欖油幾好吃的.再來的是墨汁海鮮意大利飯, 賣相幾得下, 粒粒飯肥嘟嘟很可愛.吃下像不硬但卻是有彈性, 不過texture 和日本米完全不同, 加上scallop, 是當晚的favourite.beef tenderloin medium, 皮脆肉也嫩, 保留了肉汁, cheese味就唔係十分吃得到.不過未吃過risotto 的我當然對飯較有興趣; 薯蓉牛油味強, 幾香.甜品有兩個, 無粉朱古力蛋糕和warm chocolate cake.兩個都係朱古力但味道唔同, warm chocolate cake外層脆內裏有著溶的朱古力, 個人最愛脆既表層, 此甜品朱古力味少一點, 澀味少.無粉朱古力蛋糕因為沒有下麵粉既關係, 實淨的, 朱古力

難得有free lunch，呢間d 食評都唔錯，就決定試下．叫左set lunch，叫左:free bread : 曖曖地，好香，加olive oil同醋好好味，四個人食左兩籃！好鬼大食呀，哈！Tomato cream soup : 好fresh 同好有番茄味，不過我覺得略酸．主菜: bacon green bean risotto．睇上黎份量不太大，食落先知其實係好飽！飯煮得剛好，唔太軟或硬，煙肉味香濃，配以青豆簡單得黎又唔會太heavy．個飯加左好多芝士，味道不錯！同事食牛尾同魚，水準不俗！Capuccino:見到之d 食評話一定要試，果然無介紹錯，個foam 好厚滑！食完個餐其實甜品先食主角，焗朱古力蛋糕要等15 mins，外層焗到有d 脆，朱古力味香濃，加埋vanilla iceream 同小小密瓜碎，簡直想講句"You make my day!!" 呢度雖然唔似dan ryan 咁d 朱古力醬湧出黎，味道絕比Dan Ryan好，可能我唔太鍾意Dan Ryan 味道太甜．

第二十九回——意大利菜裝修平實普通食物毀譽參半鋪址前身和隔離左右店舖曾經是時裝店﹐大概係Moiselle、Viola等等﹐以前都經常去行﹐近一年冇去﹐亦忘記了。看食評見有食家形容得唔錯﹐還以為是Le Parisien向海那邊的新食肆﹐尤其是KC 講果句﹕「落地大玻璃將出面的陽光引入來，感覺幾舒服。」就把我騙倒了﹐所謂落地大玻璃﹐其實隔離就已經係一條行人走廊﹐而所謂出面的陽光﹐是條走廊再隔條出面對住交易廣場的行人天橋囉﹗我訂了檯才看IFC 的Floor Plan﹐已經發覺很奇怪﹐來到時真係幾失望﹐朋友一早已經到了﹐是坐在內廳﹐唔駛我講你地都估倒﹐我唔會轉出去坐所謂的落地大玻璃囉。裡面只是很普通的裝修﹐實木的檯椅﹐牆上掛上數幅畫而已。我還以為是十分寫意的環境﹐但論裝潢﹐是沒有﹐說它舒適﹐又不是。訂檯時我已經知道星期六lunch提供Holiday Special ﹐是Pizza加Pasta ﹐我聽了已經唔想叫﹐尤其我唔鍾意吃Pizza, 於是我們散叫﹐對我來說﹐餐牌的選擇很少﹐例如頭盤有約八款﹐但其中過半是沙律﹐我又唔鍾意食沙律的﹐結果叫了個Salmon Cappicio ﹐主菜朋友選了Du

4/11/2005 lunch同媽媽食晏, 食來食去都係果幾樣, 諗起想試呢間好耐, 就諗住同媽媽去試下啦. 先做research, 打個電話去問佢地有冇set lunch, 有d咩食, 覺得都ok, 就訂埋位啦. 聽電話0既staff 好有禮貌, 我問長問短都冇唔耐煩, 抵讚.我地叫0左兩個set lunch, 一個要雞肉寬條麵, 一個要sirloin steak (因為見到隔離果碟好似好正), 我地share 0黎食.appetiser 媽媽要0左我唔飲0既南瓜湯, 媽媽話好好飲; 我就要0左caeser salad, 個汁都幾好味, 唔錯.main course: 個pasta 比較清淡, 但幾0岩我心水. cheese 0既份量剛好, 淡淡0既番茄汁包住d pasta, 不過d pasta 就略略乾0左少少, 多少少汁會好d.個sirloin steak 就好正, 我要medium to well, 整出0黎又剛剛好, 肉嫩又有肉味, 可惜到最尾0既部分有少少筋, 但都可接受. 配菜有好多菜, 個薯蓉好香好滑, 我諗係落0左cream 同butter 去煮所以有咁0既效果!最後

朋友生日來此慶祝。晚上七時許只得三、四枱，非常靜局。先來意大利包，味道可以。凱撒沙律- 雞肉不鞋，蔬菜新鮮，沙律汁調得錯。三文魚Cappacio - 沒有什麼味，只屬一般。海鮮意大利粉- 個汁很有海鮮味，意粉又彈牙，好好味。燴牛膝配意大利飯- 牛膝很淋，意大利飯有咬口，個汁濃濃的，很入味。甜品點了熱朱古力布甸- 熱朱古力醬湧出來，好味道。開心果芭菲- 香濃果仁味，好似果仁雪糕咁，幾得意。

第一次幫襯這個「飛豬」品牌，不是在紐約，又不是在香港，而是在東京的汐留，地方簡潔食物又不錯，印象很好。周未，太座去shopping，我就還要工作，叫了她在這裡叫杯咖啡飲住等。呢度雖然裝修簡單，但坐得幾舒適。落地大玻璃將出面的陽光引入來，感覺幾舒服。來的時候太座已住左一輪，佢叫了這裡的招牌菜~Panini di Via Quadronno及咖啡。咬了一口，芝士味香濃，火腿鹹香有水準，是靚貨，panini烘得鬆化，果然是鎮店之作；我另外叫了Tiramisu，這裡的特色是將tiramsiu拆做三份上檯，分別是手指餅、espresso及marscarpone芝士。拿手指餅醮些芝士再沾espressso，食法同傳統的有別。味道當然不會特別好，至少灑了可可粉的marscarpone芝士夠香甜，但就沒有多大酒味，係幾得意，不過就係傳統的軟身Tiramisu正統d。埋單一百七十幾，唔平，不過在IFC找處舒舒服服的地方坐低，都要番咁上下價錢。其實之前來過食午餐，都唔錯的，值得一試。

突然半日假期, 同勁得閒o既無聊人齊齊o係中環行下街tea下. o係IFC行到咁上緊, 經過VQ見到佢地weekend tea set menu, tiramisu價錢同平時散叫一樣, 不過就送杯咖啡. 早已聞名VQ cappuccino好掂, 就說同行黎食tea.心郁郁想試banana mille feuille, 但係又懷念上次o既滑滑tiramisu, 最後都係做保守派, 翻炒tiramisu. tiramisu唔駛再講, 又香又滑, 正! 再嗑一口熱切期待o既cappuccino. 嘩! d泡好滑呀! 咖啡香得黎又唔苦, 正!

唔見左心愛o既手鏈, 好唔開心, 就同同行黎VQ食甜品消消氣. 第一次幫趁, 就梗係試下佢地o既招牌"拆件式"tiramisu先啦! 見佢細細份咁, 就一人叫左一客. 好快兩set甜品就上桌啦. 將手指餅dip espresso,再配mascarporne食. 嘩! 個cheese好滑呀! 調味亦都o岩o岩好! 好好味呀! 直頭想encore多份呀!

想食Risotto，經兩位食友介紹下，決定o黎呢間。星期六關係沒有set dinner，只好散叫。中午係跑馬地食了巨型多士，唔肚餓，所以不敢多叫。首先老公開了枝白酒配意大利飯。頭盤係沙律，雖然只叫了一客，但分開兩份兩個人食，都足夠食好夠分量，是日餐湯係豆湯，一向不飲湯的我，都覺得好好飲，豆味濃烈，又加了西班牙火蓉增加香味及口感。Risotto得兩款選擇，我揀了墨汁扇貝意大利飯，一上台未食已經聞到好香好香，墨汁味淡淡的，食落口沒有一般意大利飯的溜，經manager介紹後，原來材料沒有落芝士、cream等，香味來源是全靠是橄欖油。最後當然唔少得甜品啦，本來想食warm chocolate cake同tiramisu，因為太飽食唔落，唯有放棄tiramisu。軟心朱古力蛋榚好有水準，好濃烈的朱古力，不過食得出佢不是用高濃度的黑朱古力，牛奶味較重，沒有一般的苦。加理佢殷勤的服務，我同老公都好滿意。美中不足就是餐前的麵包，一點都唔香，連老公平時一定食晒，都食淨。

無論係cappuccino定係latte..d foam都一樣打得好滑!而且服務態度好好,所以人都好nice!

工幹完兩個月今日同男朋友一齊去到IFC 食開的Via Quadronno 食lunch , 一入到去d 人好似好唔同咁!服務差左, 舉手order 差唔多舉五分鐘先有侍應行黎,我同男朋友都食set, 頭盤超快, 快到bread 都未有, 大盤我地一齊pasta , 點知一個大一個細, 食完都唔飽, 最後飲cappuccino 以前好好飲, d 泡好滑, 今日下........ , 估唔到沖咖啡的人都換左,不知所為, 比錢又唔係平, 質數差左! 餐廳要質數但係要keep,this too bad

一坐低manager就話佢o地最出名就係Capuccino, 當然要見識一下啦.果然奶泡打得十分豐盈,又香又滑. Espresso底都夠濃. 雖然貴過連鎖咖啡店兩三成, 都值得!Brad Pitt要o左個Mocha. 望落都好似唔錯. 下次都要試下先.