火山燒 (Closed)

餐廳門口聞到好香的燒肉味，餐牌又擠吸引所以試下！係用QRcode 落單，午餐跟湯同熱飲金標和牛肩胛肉溫泉蛋飯賣相好靚，份量都幾大份。食唔食d飯，牛肉汁幾好味唔會似出面日式牛肉太甜，溫泉蛋撈埋d飯好好味👍麵豉湯跟餐的，碗湯比較細碗，冇料。但意外的唔錯，幾好飲玫瑰烏龍海鹽奶蓋（跟餐+$11）茶味比較濃，但飲唔多出玫瑰味，海鹽奶蓋竟然係甜奶蓋😂奶蓋口感同平時唔同，似係融左雪的雪糕味，仲有少少黏口，奶蓋唔係咁啱我口味。整體黎講幾好幾低食，下次會再試下其他😋

質素有待改善🥹·🍚吉列芝士豚柳咖喱蛋包飯（$88）咖喱汁好少…整體好乾🥹·🥘美國穀飼牛小排野菌鍋（$128）正正常常.但湯底味道好淡·🦪小食. 套餐小食無哂雞肉串，就送左焗青口俾我地.都係無味😅·🥤炭培烏龍茶玫瑰海鹽奶蓋. 極難飲！！飲左一啖放棄左….完全唔知飲緊咩…好似水咁………………..·🥤茉莉花茶海鹽奶蓋.極難飲again !呢杯仲衰過烏龍…完全無味·📍火山燒荃灣大壩街75號地鋪

上個禮拜已經想食依間餐廳，但無奈太多人。今次我就醒目啦，未開門已經喺門口等，做咗餐廳第一位客人😌所有套餐都配左熱飲同埋湯。當日飲嘅係紅蘿蔔忌廉湯，但份量真係好細碗，畢左3-4羹就冇晒了〰️〰️〰️〰️〰️〰️〰️〰️〰️〰️〰️〰️〰️〰️〰️🌈香燒泰國雞扒旋風蛋包飯配咖喱汁 $59首先上台一塊大雞扒同埋好靚嘅蛋包飯，睇相都知個蛋係嫩滑嘅！雞扒外皮煎得好香，而且裏面係有肉汁😍啲肉係預先用香草醃過，所以食落十分香口🤤但可惜咖喱汁有待改善，完全唔辣唔太香，得椰汁味，相信加少少辣，味道會再高一個層次🌈蒲燒雙層日本鰻魚360忌廉滑蛋珍珠米丼 $68同樣地滑蛋做得好出色而且份量都好多，食到最尾都仲有蛋！鰻魚總共有兩大片，唔算話好厚身，不過食落唔係啲cheap鰻魚，冇碎骨唔鞋，大家都可以試吓😍

首先講一講環境真係唔錯 裏面有啲似小品Cafe淺綠色配上木色係嘅地板加上所有店員都有一條有品味嘅圍裙暖色系嘅燈光裏面keep得幾好 算幾新淨日本鰻魚360忌廉滑蛋珍珠丼環境好 賣相又唔錯但係價錢唔係好貴！可以再食！門口所見都幾多人叫外賣🤣

📍火山燒荃灣大壩街75號地舖味道 🍽️🍽️🍽️🍽️價錢 💵💵💵💵賣相 👀👀👀👀環境 💒💒💒💒服務 🛎️🛎️🛎️呢間位於荃灣大壩街嘅日本菜crossover西餐相當有特色!! 經過時畀佢簡潔嘅門面吸引 入到去餐廳內部裝修非常有心思💕 用咗有特色花紋嘅磁磚裝飾餐枱 杯碗等各有風格 牆上亦掛咗小盆栽 整體用餐環境幾舒適~~ 講番食物方面 款式都幾多 除咗意粉 漢堡 石燒扒類之外 仲有日式丼飯 蛋包飯 同烏冬 價錢唔貴 晚市每位可以$100內埋單(午市套餐更平) 加$29仲可以升級套餐 配餐湯 串燒 沙律 或者飲品四揀三 總括而言cp值超高!!😋

荃灣大霸街食肆林立，各式形式任君選擇，話說呢日就同朋友去搵吓有咩好食大家都不約而同對呢間提供日式同西餐嘅有興趣，下午茶都多選擇，日式有丼、手打烏冬等等，而西餐就有幾款意大利麵選擇▶️極品豬肋骨燒汁焗飯 (骨肉分離) - 好搞笑餐牌寫住骨肉分離，當然有點兒誇張啦，但總算一切就開嘅，焗飯應有嘅炒飯底同埋焗香咗嘅芝士，值得一試！▶️蘇格蘭煙三文魚忌廉天使麵 - 忌廉味夠香，味道都算突出，以下午茶餐嚟講都算有誠意▶️沖繩豬軟骨珍珠米丼 - 豬軟骨夠軟淋，而珍珠米嘅口感黏而軟綿，唔錯！總結：下午茶餐都多選擇，跟餐有忌廉湯同熱飲，價錢尚算相宜，可以一試！

之前幾次去到荃灣都想幫襯火山燒，不過次次見到門口等位嘅人潮就秒速放棄。早排趕及十二點零去到，未到 lunchtime，終於有位。當然要試名物金標和牛肩胛肉 68 度溫泉蛋珍珠米丼，估唔到好大碟，珍珠米好飽滿，份量好多，上面淋滿燒汁，仲有鰹魚碎，紫菜同飯素，撈埋溫泉蛋汁一齊食，唔使食餸都已經好夠味。牛肩胛骨份量都算多，有牛味，不過略嫌有部份煮得 over 咗，有少少嚡。另外又叫咗個烤焗千層麵，呢個嘅醬汁味道非常濃，茄汁味偏酸，芝士味亦強，啱哂重口味人士。千層麵睇落幾細個，但係食落份量都幾多，唯一麵質比較粗糙，唔夠幼滑，影響口感。加錢換杯彩虹棉花糖特濃朱古力，呢杯反而比較失望，好甜，但係朱古力味就幾淡😐。

明明見好多人排隊，不過openrice又好多人踩！所以決定入去試吓有冇伏。🤣🤣星期日依然有做午市套餐幾良心🥺午市套餐選擇好多，而且包湯同嘢飲！圖一：803 無激素雞扒溫泉蛋飯 $58 雞扒煎得幾香，皮脆肉嫩，而啲汁係日本燒汁泥，撈埋落啲珍珠米度食好好送飯，不過食到最尾就會有啲鹹。圖二：804 蟹柳牛舌忌廉滑蛋飯 $68牛舌好香牛味，不過真係比較韌，有啲難咬😬，蟹柳普通，都係靠返個日本燒汁撈飯。圖三：827 安格斯封門柳配珍珠飯 $98封門柳既質素比較一般，冇咩牛肉味。 😮‍💨總括🥄價錢十分良心，尤其係星期日都會照做返午市套餐，不過嘢食就比較一般。———————————————————————————價錢：🎖🎖🎖食物：🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其荃灣...#荃灣美食 #荃灣 #荃灣cafe #荃灣良心美食 #食 #hk食 #荃灣食飯 #荃灣有咩食 #荃灣餐廳

今日去咗荃灣廣場行街，住喺附近嘅朋友推薦去火山燒食個午餐，性價比極高，大件夾抵食。這裏是日式西餐風格，主打石燒牛肉，蛋包飯，手打烏冬，各式各樣的手調飲品。300度火山燒-和牛肩胛肉眼和牛肩胛肉眼配日本珍珠飯：脂肪肉質比例均勻，不會太肥膩，牛肉味道香濃，配有泰式辣醬和燒汁，非常惹未。牛肉手打烏冬份量大得驚人，有五六片牛肉，每一片都係Kings size，再加上燒汁，非常開胃。奶蓋茉莉花茶，奶蓋鹹甜，茉莉花香味撲鼻，非常解膩。餐廳人均消費都係數十元便有交易，實屬難得！

因為個門牌啲圖幾吸引於是入左嗌左碗 日本蜆帝蟹柳手打湯烏冬 食落去成口沙 仲要有啲壞左，仲要條蟹柳食落膠膠地。嗌左杯棉花糖焦糖朱古力 黎到圖文不符 仲要飲落暖暖地😵‍💫伏

火山燒午市套餐cp值非常高，正餐贈送熱飲及濃湯，特色飲品可以另加錢升級；濃湯有麵豉湯或西湯選擇。🔺蒲燒雙層日本鰻魚360忌廉滑蛋珍珠米丼：白飯底配鰻魚汁，鋪上滿滿的滑蛋，兩大片鰻魚柔軟細膩，紅亮的醬汁濃郁且層次豐富，焦香的外皮浸透醬汁，內裡的綿密魚肉與之對比鮮明。🔺美國頂級高腰西冷配日本珍珠飯：西冷的脂肪與肉質比例均勻，不會太肥膩，幼嫩中帶少許咬口，牛肉味道香濃。另外餐廳更配有泰式辣醬和燒汁為西冷提升滋味。🔺飲品：凍台灣黑糖薑蜂蜜：淡淡的黑糖與蜂蜜清香讓薑茶一點都不辣口// 熱彩虹棉花糖特濃朱古力：味道香滑濃郁，加上忌廉和綿花糖達致豐富口感

火山燒💛💛喺荃灣都多人支持，平日入座率都有八九成，勁呀。地點都方便，係荃灣廣場附近。叫餐牌主食加$29就可以升級超級套餐，包餐湯，雞串(冇貨青口代替)同飲品。🫕忌廉湯有肉粒，綿滑，略嫌有少少咸。🥠青口都厚肉，用芝士忌廉焗無得輸，發揮正常。🐮聖安娜安格斯封門柳跟飯塊石超級熱，小心燙手。餐廳有圍裙提供，唔怕啲油彈到👍🏼牛肉睇落好似熟左，其實切開入面仲係生嘅，可按喜好在石上燒至自己喜愛嘅生熟度。燒至大概五成熟，切開粉嫩，肉質好軟嫩唔嚡口，牛味濃，唔錯唔錯，再蘸上酸辣醬，滋味升級。🐄金標和牛肩胛肉溫泉蛋丼 $118牛肉質素好好，燒得剛剛好至五成熟，入面仲係嫩紅色，好軟腍，個汁甜甜地，飯拌匀溫泉蛋一齊，質感更香滑。🥛炭培烏龍茱玫瑰海鹽奶蓋奶蓋唔算好杰身，混合茶後有奶香亦有茶香，感覺唔錯。🥤鮮芒果肉梳打真係有新鮮芒果肉，味道清新，冇藥水味，冰凍解渴🥰

喺荃灣廣場買完野揾地方食lunch 見到對面呢間火山燒🌋門面裝修係簡約白色 幾小清新 而入面雖然唔算好大 不過主要都係梳化卡位 所以幾好坐❣️Lunch set都抵食之餘仲有好多選擇 除咗signature嘅石燒牛 仲有丼飯/意粉/burger/烏冬等等😍見到就開心◽300°C火山燒-SRF金標和牛肩胛肉眼呢個和牛肩胛肉眼起厚切🐂上枱時見到底面已經輕輕燒過 中間嘅肉仍然非常粉嫩💕舊石係咪真係300°C我就唔知 不過真係夠晒熱亦都好耐熱 就算食得慢都唔洗怕☺️我就鐘意燒到大概5成熟 肉質仍然保持鮮嫩 肉味濃郁仲好香tim 配咗兩款醬汁 我覺得唔洗點都好好味啦❣️Set仲配咗一碗珍珠米飯 面頭仲加咗飯素🤤◾蒲燒雙層日本鰻魚忌廉滑蛋珍珠米丼驚喜來自滑蛋 真係好嫩滑 蛋味都好特出🥚份量都幾大碗 鰻魚都好厚肉🥢另外加咗日本魚絲 更加惹味◽彩虹棉花糖特濃朱古力◾鮮橙柳丁梳打所有lunch set都包埋餐湯同飲品 我哋同樣都揀咗忌廉湯🥘而飲品就加錢轉特飲 喂啊 你睇下我杯彩虹棉花糖特濃朱古力幾吸引先得架🌈賣相靚之餘 味道都好好 仲好大杯tim呢餐lunch 人均都唔洗$100😈絕對係超抵食 性價比勁高啊

🐽韓國泡菜邪惡五花腩肉溫泉蛋珍珠米丼$88丼上面嘅肉有肉汁肉味 有咬口 但唔會特別難咬 👅泡菜方面就偏甜 唔係太辣 🔥啲汁有少少豉油蜜糖味 撈飯食一流 👍🏻仲有啲蔥去叼下味 同埋啲米食得出係珍珠米 整體都唔錯嘅 好有飽腹感🤔🐽香煎奈良手打芝士牛肉餅咖蛋包飯$88蛋包飯都係用上珍珠米 蛋就係偏甜嘅滑蛋🥚 咖喱都係食得出係日本咖喱 🥘甜啲唔會話太辣 肉方面就比較實 食落去都唔係幾有肉汁 要咀嚼得耐啲先吞到 😥但由於肉嘅味道偏鹹 所以可以中和返上面食材啲甜味 配搭都唔錯嘅😌🐽美國頂級牛板腱 200G $108呢個餐會配埋一碗飯 牛會有個鐵板比你自己燒 咁就可以燒出自己鍾意食嘅熟度 😍牛質方面 豬豬比較喜歡七成熟 食落去嘅時候都唔會話特別難咬 唔係好多筋 有啲入口即溶 唔錯嘅 😜牛汁方面都冇乜特別 💦如果齋食牛就唔係幾夠 所以配埋碗飯就啱啱好 🤰🏻飯入面仲有啲日本飯素 食落幾開胃 配埋啲牛一齊食就啱啱好🥰

荃灣廣場對面馬路多野食就出曬名今次黎到呢間日式西餐廳lunch先講環境裝修幾簡潔 門口有淺色木 係我中意既野咁就吸引左我入去不過座位唔算闊落 不過返工lunchtime食完就走無所謂啦講返食物lunchset 有主食、湯、飲品湯可以揀西湯/麵豉湯個薯仔湯麻麻地 無乜薯仔味同埋好稀蒲燒鰻魚滑蛋飯既鰻魚都幾好食不過鰻魚既份量唔算好多 (不過呢個價錢都係expected既)滑蛋唔會overcook 算唔錯上面加左木魚同紫菜碎 更惹味手打漢堡初初同事驚唔夠飽點知都幾大份除左burger之外仲有沙律同薯條burger個牛肉都有返咁上下厚 仲係juicy 唔錯lunchset配普通飲品亦可以加錢配花茶等特飲lunch都幾唔錯 呢個價錢食到呢個質素大家都可以試下