Woods (Closed)

之前沿亞皆老街走往旺角東站, 留意到有間餐廳以"木"作為主題, 心諗...旺角有間裝潢咁特別的餐廳既...於是就將"佢"放份我的Food Wish List, 今日終於有機會嚟食喇!店內店外都很"木", 店內更有一棵樹, 在繁囂的鬧市內能夠有一個舒適的環境來用餐, 感覺很療癒水牛城雞翼 - $78其實我都幾鍾意食水牛城雞翼, 因為夠濃味, 又夠熱氣😋...水牛城雞翼的成敗 - 其實完全取決於醬汁調製出來的味道雞翼被水牛城醬汁薄薄一層包裹著 - 幾好, 因為太厚會好似打獻汁般, 味道微微刺激, 酸酸辣辣, 好開胃, 作為餐前小食真係好合適美式漢堡配薯條 - $128 最近愛上吃漢堡, 去到餐廳見到有漢堡食...就會問朋友 :「不如我地食Burger喇!」呢種薯條🍟我好鍾意食...一來係幼薯(無錯!! 好多人鍾意食粗薯, 但我覺得幼薯脆啲) ...二來外皮超級脆...好適合我 🌸白芝士🧀 - 表面有烤過, 芝士味道更香, 而且完全地抓在漢堡扒上🌸漢堡扒 - 扒好厚身, 起初以為係一般的漢堡扒, 不過食食下...口感有別於平日食到的, 肉質較紮實、彈牙、更有咬口, 八卦問下...漢堡扒係咪手

响新世紀行完街，想响附近歇吓腳食 D 嘢，經過呢間食店感覺好舒服，就入去唞番陣。餐廳是以「木」為主題，中間豎立了一顆直上天花板的大樹。先看 drink list，我們各自點了一杯 熱薑蜜 和 熱伯爵茶。熱薑蜜 薑味好濃郁，而 熱伯爵茶 係茶、杯、奶分開上，讓人易於調較適合自己的味道。肉醬意大利粉呢碟意粉有 d 彈口，茄汁唔太酸，肉醬的份量剛剛好。海鮮雜錦薄餅第一次食方形的薄餅，覺得好有趣。餅底個邊夠哂脆口，而且爆多芝士同埋海鮮鋪面，口感很豐富。蘋果脆脆以為它只是一個 apple crumble，點知上枱時仲有一舊呍喱嗱雪糕响面。蘋果脆脆 用匙撥起係好熱辣辣好鬆軟，食落口係甜甜地脆脆地。如果覺得太甜的話，可以撈埋雪糕一齊食，中和到本身的甜味，兩種食法可配合到不同喜好。

幾個月前吃了一次WOODS，今天假期，和爸爸和女朋友一起再吃一次WOODS，畢竟上一次的經驗還不錯。今次點了「生蠔set」「黑松露雞肉意大利飯」「香草煎羊架」「焦糖咖啡」和「Tiramisu」。打頭陣的生蠔set，給了我一個不多好的開頭。$268 六隻美國藍點生蠔，連兩杯智利紅/白酒。先說說酒，我們要了一紅一白，這兩酒真的非同凡響，簡直是酒界的極限運動......難入口的程度，比7-11買的更差。白酒有一股腥腥的aftertaste（利申：未食任何野），紅酒則又苦又澀。生蠔又不是一定要配酒，配酒又不一定讓佳餚升格；明白到控制成本的困難，那何必硬要配上這強差人意的酒去畫蛇添足呢。回到生蠔，生蠔口感還好不錯，肉質爽脆滑嫩，帶淡淡海水味。蠔雖然不錯，但以性價比計，卻不值差不多$40一隻的價錢。「黑松露雞肉意大利飯」這個上一次也有點，雞肉同樣保持到水準，煎得很香，夠熟得來又不失嫩滑。飯帶著淡淡黑松露味，也有不錯表現，美中不足是飯身過熟，做不了意大利飯應該保留的「中心一點生」，縱然如此，這個還是值得好評的。「香草煎羊架」一向都是羊愛好者，這羊架也煎得不錯，香草入味，羊肉沒有膻味。熟透程度恰到好處

係十分之熱鬧既亞皆老街同黑布街交界，有一間走工業風既餐廳～全間餐廳都以『木』為主題。木檯、木櫈、木裝飾⋯⋯仲有棵樹係度添！見到Menu都有好多唔同類型既飲品：果汁、汽水、特色飲品、雞尾酒、紅白酒同埋手工啤酒。(雞尾酒)夢幻彩虹＄88 而我今次就叫左杯cocktail，冰較多所以酒味不太濃。三層顏色，賣相相當吸引。意式蕃茄芝士薄餅＄88香濃芝士既薄批加上蕃茄，新鮮出爐都好好食！餅底十分脆口。西班牙海鮮飯＄238海鮮飯有魷魚圈、蜆肉、青口、大蝦、小元貝同意式辣肉腸。而且份量都幾多！意大利飯都幾考功夫架，廚師首先加入一勺熱雞湯到窩中，慢火讓窩中米飯煨煮，當湯被完全吸收後，再加入一勺，重覆多次才能成為一碟美味的意大利飯。而呢度既飯軟硬適中，好吃！紫霞仙子 - 紫薯窩夫配雪糕＄68雲尼拿雪糕味道濃，配合微甜既窩夫，好食！相反紫薯較淡口，未能有點綴效果。總結：樓底高，迴音不重，適合同三五知己黎談天說地食個晚飯。

這間位於黑布街的Woods, 於旺角東站B出口步行約十分鐘即到達，位置頗就腳。餐廳的佈置也很有格調，整間餐廳的主色調都是啡色，兩個人來這裡撐枱腳也頗有情調。首先來到的飲品是鮮青檸梳打 (Fresh Lime Soda) 和朱古力奶昔 (Chocolate Milkshake)。梳打中，加了新鮮青檸汁，青檸的味道頗夠，整杯飲品也十分解渴。朱古力奶昔的賣相很精緻，杯邊有彩色朱古力碎碎和忌廉作點綴。奶昔不太甜，呷一口，充滿朱古力香氣。接著的頭盤是黑椒煮藍青口 (Sauteed Blue Mussels with Black Pepper)，這道菜的賣相也很美。當中的汁很醒胃，青口也頗有嚼勁。意大利辣肉腸薄餅(Pepperoni Pizza)上桌了。Pizza時即點即製，上桌時也是熱辣辣，整個pizza略比手掌大，能分成6塊。辣肉腸的份量很足。每塊還有一條紅椒青椒絲，味道很清新。這道燒焗比目魚配咸蛋黃醬 (Baked Halibut with Salted Egg Sauce) 是我的最愛。整碟賣相都十分有心思。除了煎得嫩嫩的魚肉，還有配上咸蛋黃醬的雜菌和燈籠椒。魚下幼滑的薯蓉也十分滋味。最後

與朋友行街睇波鞋後, 到附近食個晚飯 ~ Woods。 店裝潢以木頭為主, 好貼切店名。這環境令人好warm安心、放鬆的感覺,燈光昏暗具好氣氛。***Order 2份set dinner 餐,選擇 C 及E 餐 *** Set dinner 每杯+$20 轉特色飲品 細杯是【果汁】有橙 、西柚、 紅莓、 蘋果及什果汁,帶少少甜酸味,非常清新好飲。大杯是【夢幻彩虹】幾種款水果汁,面層是花茶,味道夠為淡味, 非常解渴。*** 事日湯是忌廉粟米湯,口味香甜好滑。精選沙律-鴨胸煎至金黄色,配合新鮮蔬菜與醋,味道不錯!**我點【菠菜帶子意大利飯】 意大利飯變了綠色是以菠菜混成的汁煮過, 帶菜香味,飯粒都算煙韌,如硬一點會更加好食, 而帶子肉質彈牙鮮甜。**朋友指定點【美國肉眼牛扒】 點了五成熟,可惜變了七成熟, 令肉質有點點韌, 有濃郁肉味, 幼嫩多汁, 可沾點扒下秘汁來食, 而配菜有露筍及蕃茄。**當少不了甜品 【蘋果脆脆】 $68 蘋果批內有好香好軟蘋果,而面層酥脆鬆化可口金寶牛油粒有強烈對比口感,配香滑雲呢拿雪糕,多重口感及味道, 強烈冷暖口感,另可將淡奶倒出,可控制甜度。

同弟弟係旺角行街，見到呢間完全以Wood為主題的餐廳連Menu都咁 Wood！先來店員特意推介黑松露配炸薯條，店員話自己都愛食。熱脆脆的薯條點上黑松露醬，格外好吃，啖啖都有黑松露味這與普通餐廳吃的蕃茄薯條相比，已是另一層次。六塊鋪著厚芝士與泡菜牛肉的Pizza！泡菜的辣味與牛肉的鮮味很配合，很有新鮮感。雖然很飽足，但是，好吃不賺多。再來是黑松露雞肉意大利飯。飯粒粒分明，混合雞肉和黑松露味道，不但多汁多味，最適合＂飯要有味，又要有肉＂的食客——我們呢！飯點少得甜品？“鮮果格鬥——什果窩夫配雪糕。雪糕是雲呢拿味，窩夫內軟外脆，看上去很美，還有一支好可愛的旗仔。嘩。有芒果、士多啤你、奇異果…..飲品奧利奧奶昔用Cream與朱古力碎裝飾，味道與賣相都很好！整體上，吃得開心，服務也不錯，環境優雅，性比價都高

旺角鬧市有昌餐廳有棟樹，見到幾得意就入去望下意大利辣肉腸薄餅個底好脆，因為好薄，辣肉腸好惹味法式焗田螺即叫即焗，田螺有意想不到的鮮味，薯泥吸收晒油香香煎比目魚配蛋黃醬比目魚外皮煎得金黃香脆，蛋黃醬的甜味令魚的味道更上一層樓少女時代士多啤梨pancakePancake 係女士至香，食之前以為好甜，但配埋士多啤梨就岩岩好，但唔知關少女時代咩事紅梅汁酸酸味味好解渴，飲完留係口度仲有陣餘香青檸梳打味道好清新，去除油膩感

是晚約左朋友gathering，其實都係無咩計劃下，見呢間餐廳無咩人，所以入左來。門口已經見到個餐牌，其實小妹覺得，都唔算平架不過又咁，入到去就覺得個環境同裝修又真係幾好，幾舒服。諗返起個名，同個裝修其實都幾match，係心機之作，小妹最欣賞呢d 好啦，係門口都已經有心水，所以入去都好快叫餐。是日餐湯係南瓜湯，兩位朋友就揀左沙律朋友表示沙律就係正正常常咁啦反而小妹個湯我又覺得幾好飲啵，口感夠滑，而且味道夠濃首先上菜係個蝦肉意粉老老實實，呢個賣相一般，食落都係普普通通 朋友話齋，hea左少少，簡單左少少 d蝦肉唔係好大隻，似一般蝦仁，配菜量亦唔多，少少紅椒配搭，顏色外表都差少少了跟住到小妹揀既三文魚第一個菜無咩驚喜，但見到呢個上菜個陣都有返少少期望，畢竟個賣相有心機好多食落個三文魚煎得恰當，唔會太乾 味道岩岩好，又唔會太咸 因為小妹都好中意食胡麻沙律，所以呢個餐好岩我食 不過男士可能就未必夠食啦最後到呢個帶子意大利飯呢個睇落都好吸引 見佢有成四粒帶子，都算唔錯食落呢個真係幾好食呢個飯食既時候有陣陣香氣，應該係香菜既作用 個意大利飯亦都唔錯，唔會太濕又唔會太『杰』最後最後叫跟餐飲品，待應

由於較早之前食過覺得都幾好，所以今日中午我們再去咗旺角亞皆老街嘅「Woods」食中午飯！我們叫咗3個Set Lunch：韓式泡菜意粉聽個名覺得都幾特別，韓式嘅泡菜配意粉會唔會感覺怪怪？但食落覺得味道相當夾，香辣嘅泡菜味配上煙韌彈牙嘅意粉，令到味道更加惹味醒胃！值得一讚嘅師傅都幾有創意！雜錦海鮮披薩焗得好香脆好薄身，海鮮嘅材料好新鮮同豐富！蕃茄豬扒飯嘅米飯好軟熟，豬扒嘅肉質相當鬆化軟滑，唔會有「嚡」同韌嘅感覺！我們另外加咗餐湯同沙律，+$10係是日餐湯：南瓜湯非常香滑濃郁，而且南瓜份量相當足料，味道超香甜！+$15係是日沙律煙鴨胸沙律嘅煙鴨胸係輕輕煎過，令到味道更加芳香，肉質相當鬆軟嫩滑，沙律菜好新鮮清甜！另外！我們睇到店內貼咗曾經嚟過嘅明星，其中一位係「視帝」陳展鵬，而且佢應該係嚟過兩次，連「視帝」都鍾意食，出品必定有一定嘅水準！

呢間野質素唔算差。食下午茶應該唔錯，但食晚飯真係唔抵，因為偏貴。以西餐廳黎講，個環境算獨特，好有格調，重要係闊落。入到去好似真係淨係得自己同朋友咁，可以舒服咁閒聊好耐又可以慢慢食住野享受。的確係一間高級版嘅cafe 講到食方面，我同兩個女仔朋友一致都覺得唔差，幾好味，但唔會話想再黎食。每碟份量適中，同其他西餐廳差唔多。三個女仔叫左一個pizza ，一個飯，一個意粉，同一個小食。已經好飽。雖然佢嘅食物質素偏高，但食過同佢差唔多質素嘅西餐廳都冇好似呢間價錢偏貴…所以，如果係追求抵食就唔建議去呢間。但如果不論價錢只追求幽靜環境同有偏高嘅食物質素就不妨試下呢間。

一般既粟米忌廉湯應該係白色？橙色底的有點似甘荀忌廉湯的感覺有生果既沙律本來就平較清新吸引個汁唔係出面酸爆果d 覺得好好似係蔴醬 甜甜的不太酸 好味名符其實 只有菠菜 帶子 同飯無菇呀洋蔥呀果啲配料對於我呢啲唔食配料既人100分好！淡淡的忌廉味食晒成碟都唔會好溜帶子就細粒薄切左啲肉眼都偏薄 岩女仔份量味道無咩特別 好味Oreo同奶味夾得岩岩好！啖啖都帶曲奇碎！環境好唔錯～幾舒服 係旺角咁嘈迫既環境 可以靜一靜 感受下少少自然風味

登記左openrice 咁耐都未寫過野，見今晚有D興致就寫下啦，乜都有第—次，今晚大家都開心都值得寫吓今晚同一班無見了成三年的波友打完羽毛球，行過亞皆老街E間餐廳，見成間都係木，外面幾靚咁，出面D食物相片可算吸引，就入去試下。可能今晚係星期六，比較多人，坐滿曬，不過完來裡面對住個廚房大玻璃個位剛好有八個人埋單，我地就剛好係四啤人，對到正個廚房睇住D廚煮嘢食都幾過癮，好似睇show 咁。D食物質數同賣相不可算是酒店五星级，但對一間在旺角的西餐廳可算係唔錯，價銭可接受都尚算有特色，可能因為我住香港區，多數去Soho果邊食E類野，果邊多數係真正鬼老chef, 所以有D唔同style...但係旺角都可以食到E種口味都係算係咁！E度見到都有 Draft Beer 同其他酒精飲品，但今曰個個都有開車，無得飲！但其實最另我喜出望外係佢地D cocktail 飲品同甜品，賣相就真係幾靚仔，味道OK！Overall 服務係旺角區來講算係唔錯，我對service 要求比較高，因為如果一間食店另我感覺作為食客不被尊重，一定無第二次！所以我覺得E度佢地對客尚有成意。今晚大家都幾開心，一致贊成，有機會可再來！

一行三人食一餐晚餐，木製品一向都是個人喜好，所以對於ＷＯＯＤＳ的環境自然大大加分。七時半入去，不太多人，這個有點意外。點了［海鮮雜錦薄餅］ ［黑松露雞肉意大利飯］［醬烤美國豬肋排］ 三樣。先到的是薄餅，薄餅餅底比薄餅的食材吸引，薄底不會太硬，恰到好處，反而上面的雜錦海鮮就吃不出甚麼味道，味道有點混雜，但芝士提供的口感板回不少分數，薄餅整體還是好的。接著的黑松露雞肉意大利飯有驚喜，雞肉嫩滑，煎得很香，淡淡的黑松露配合飯上的汁，十分惹味，還好同行的另外兩位比較細食，我可多吃一點。如果份量大一點，這飯就完美了。醬烤美國豬肋排則有點失望，好話說在前，是不差的，只是可能自己的期望高了。Ribs沒有烤的感覺，反而有點不夠溫度，薯條感覺比Rips熱，可能跟溫度掛勾，不夠熱自然就不夠香，吃下去覺得肉可以再煮得入味一些。面頭的蕃茄蓉是不錯的，但就跟Ribs的味道有些分離。肉質不錯，不會太「癡骨」，亦夠軟，整體也是好的。以上三款食物的整體是可以，環境也很好，適合三五知己坐坐傾談一晚。不知道平時晚上會否比較多人呢？

在煩囂的鬧市中發現森林 !這餐廳名字 ~ Woods，是利用木材來做装修，簡單設計，仿似置身於森林中，心情也變得輕鬆啦 !即開生蠔套餐 ($228)“即開6隻美國藍㸃生蠔配智利紅/白酒兩杯” 價錢好像十分吸引啊 !本人一向以來都不是特別喜歡飲酒，但白酒就例外。很多女仕都喜歡飮白酒，可能帶少少甜味，入口容易，飲多了都不覺啊！其實飲少量的白酒是有益的，可刺激胃液分泌及唾液分泌，還帶點殺菌的作用。美國藍點Blue Point位於紐約長島， 當地出產的蠔名為藍點生蠔。生蠔帶點淡淡海水味，雖然size 不算大，但入口肥美，口感滑嫩 !品嚐生蠔後口中還留點鮮味，再呷一口白酒，這酒帶點果香，特別馥郁醉人，生蠔配白酒簡直是完美配搭 !自家製香草麵包 ($48)表面脆口，內裡帶點鬆軟，質感一流，品嚐時有啖啖的香草味，總覺得味道有點單調， 旁邊放了蕃茄醬，配麵包一起吃惹味佷多，這種配搭我也較為喜歡。水牛城雞翼 ($78 )4件雞翼來說這價格有點貴! 帶點甜酸味，嚐真一點還略帶微微的辣味。味道一般 !黑啤($92)朋友點了冰凍黑啤來配雞翼，她説簡直是人生一大樂事。但要成百元飲杯啤酒， 人生樂事不可經常做啊！