霞飛會館 (Moved) New Location

佢嗰啲黑椒蝦呢有一個好似煲仔飯嘅布裝住。食咗兩碗次一齊分嘅咁就仲有酸菜魚湯再加埋一啲嘅小籠包。有菜有甜品有小食 5個人。加 beer 差唔多4000 埋單。有服務 💪🏻

前晚幾個朋友由加拿大飛返來指定話要食大閘蟹蟹膏，我食開呢間會館都唔錯。所以就同佢一齊試吓！首先要講下個蟹粉小籠包，非常足餡又多膏。另外叫咗個蟹粉扒豆苗～都好多蟹膏同蟹肉，豆苗又新鮮。最後個蟹粉砂鍋菜飯，蟹膏撈飯一留😋～總之一個字：正💯！

今日同同事食午市，呢度有啲午市套餐但我地覺得唔啱食所以散叫。首先前菜我非常欣賞啲花生，除左粒粒粗鹽仲係有紫菜架！蘿蔔酥。幾足料，好多蘿蔔絲。牛肉餡餅。一切開係爆汁，好有視覺效果。糖醋排骨。有咬口，酸甜可口。上海粗炒。炒得唔油膩非常難得。蟹皇炒飯。非常好，蟹肉幾多。火腿津白。唔會太奶，上面係風乾火腿，頓時有fusion感覺。每人仲叫左隻小籠包。皮都夠薄。點埋醋就perfect。呢度環境幾適合傾計，枱與枱隔得幾開。而且可以容納好多人。

星期日晚上大約7時，一家5人在中環行行下之後就近去霞飛晚飯，成間飯店只得兩枱客，但伙記都有5-6個，我們一行5人，桌上得3套碗碟，伙記都唔識拎多兩套比我們。到我們要求要多一隻杯，就比一隻杯，比多一隻碗，先比一隻碗，最後我們係要request 了4次，先齊晒餐具。最過份係，叫了一籠小籠包，先生夾起，我遠望有塊黑色野，以為係果皮.... 睇真d有腳既...係曱甴呀！真係成餐飯唔想再食！服務差，衛生差！佢個價$ 都唔算平、無下次！

慶祝同事周年紀念, 搵左間一樣咁有味道的中式餐廳賀下佢!!叫左十幾樣點心, 小籠包, 蘿蔔絲酥餅, 紅油抄手, 生煎包, 糖醋排骨, 上海粗炒, 都很有水準;  有幾道菜幾特別, 夾餅乳香肉, 乳香肉係好"淋身"有肉汁但唔覺得很炸好熱氣的朱肉; 去骨樟茶鴨味道很好很入味;  灌湯牛肉餅, 牛肉餡料好juicy, 外面皮好香口, 非常好食!   內裡環境就有點懷舊中西式風格, 非傳統酒樓裝修; 我地坐餐廳正中位置,  餐廳仍未坐滿人, 但冷氣非常不夠!每人要$300 左右, 以食物水準來說, 是一般性價比,  而且食物選擇不多!

相約友人在中環吃午餐，朋友公司剛在附近，佢話這間餐廳坐得幾舒服，咁就試下。裝修簡單不浮誇，坐得舒服。 兩個人點了招牌上海小籠包、萵筍炒肉絲和砂鍋雲吞雞。小籠包雖則不是皮薄，但也多汁好味； 萵筍炒肉絲亦炒得夠鑊氣，沒有萵筍的噏味； 砂鍋雲吞雞湯底濃味不油膩，雲吞亦恰到好處，雞肉還拆好骨上碟，非常窩心，肉質鮮嫩且滑，都好味。

舊同事找我們飯敍，在中環區午飯當然要訂位。不過訂了位都要等，反而walk in 的比我們更快有枱。發生了小插曲，就是我們訂了五人枱，準時到達，等了約8分鐘，結果被安排了一張超大枱，與接待員講了幾次我們只得五人，不需要太大的枱，一來因為較難傾談，二來覺得無謂人少少佔用大枱。結果入座後，同事始終覺得感覺不妥，要與經理交涉才可轉往正常圓枱。食物的水準屬中上，前菜小食是花生和酸菜。冷盤我們點了水晶肴肉，賣相精美，味道也不俗。接著是香辣熗脆蜇，看來是辣油的橙色油完全無辣味，汁，是甜醋味，加了麻油，除了海蜇還有蘿蔔，味道不錯，但有違了餐牌所說的「香辣」。主角是酒香乳鴿，來過的同事一開始已嚷著説要吃這道菜，所以我説這是主角。我們五人，只點了一隻，初時還擔心不夠分，但斬了件的醉鴿偏大隻，肉厚，淡淡的酒香，調味也好，難怪同事推介。較失色的是十三香蔥煎餅，蔥的份量比餐牌的圖片少很多，而且size較細，餅面偏油，不夠乾身。最後是上海粗炒，怕肥的女同事覺得太油。但其他人都覺得吃上海菜，這，實屬正常。

今晚和朋友到中環添馬公園的嘉年華,玩到差不多七點，就步行到蘭桂坊附近找找有什麼好吃，在世紀廣場見到有間上海菜，雖然價錢有點貴，但太累都沒有考慮什麼，就二話不說入座。餐廳內都非常大，不應說是餐廳，應該是酒家，餐牌有非常多菜式，最後我們點了砂窩雲吞雞（半份）$268、上海小籠包$60、灌湯牛肉餅$60、蘿蔔絲酥餅$54、百頁結紅燒肉$148、霞飛海皇炒飯$168。砂窩雲吞雞（半份）份量超多，侍應會將雞去骨成絲另上，底讚！灌湯牛肉餅 - 被熱噴噴的汁彈到塊面，多汁，夠特別！百頁結紅燒肉 - 百頁結即是豆腐，紅燒肉夠淋，超入味！總評：食物高水汁，侍應服務都不錯，但男侍應制服不夠專業。

小籠包控又出動 已經唔係第一次呢間食小籠包了 真心好食 今次被安排最角落位置 傾計都方便 😌 今次點左 1）小籠包 - 必點 皮薄 湯汁恰到好處 品嚐小籠包無需點醋 先品嚐到真正味道 2）蒸餃子 （肉）聽落好似冇咩特別 但呢度我覺得又係另一必選 脹卜卜 好大粒 入邊仲有汁 超滿足 ！3）蒸餃子 （素）今次想試埋呢款 唯呢款較干身 4）蔥油拌麵 同友人掛住傾計 放左好耐先食 麵已經好難夾起 其實好食架 5）小食 估唔到係辣的 如果menu 有提會比較好啊

以前間中會約同事嚟食晏，雖然要等位，但鍾意坐得舒服食餐好，當係返工做餐死的慰勞。好耐好耐冇嚟，呢日舊地重遊，食晏唔使等位，發現冇再供應午餐，變咗一係食商務套餐，一係散叫，消費升晒級。叫咗幾款大路食品，最冇期望的煎鍋貼，竟然全枱一致讚好。鍋貼底煎得香脆，皮薄餡多，咬開有少少肉汁，餃子收口靚，口感同味道更勝小籠包。口水雞，件數足，皮嫩肉滑，唔會骨多肉少，醬汁屬少辣少麻，冇老掌櫃個汁咁惹味，雞件質素就高過老掌櫃。招牌海皇炒飯加咗蝦醬，材料有瑤柱、帶子、蛋等等，色香俱備，略嫌鹹咗啲。甜品揀咗炸物脆皮腰果湯丸，熱辣辣上枱，要攤一陣先食。佢外脆內軟，煙煙韌韌，餡料屬少甜，腰果味非常低調。少食知味，一人一粒，份量最啱。

早兩日同幾位朋友想食上海菜 ，search 咗好耐 ，最後我們選擇了這間，因為大家都未試過，所以試試。我們 order 咗好多上海特色菜和前菜， 食物和環境都good😋，而且服務唔錯，下次我會帶屋企人黎試試。

母親節臨近，與一眾母親的飯局也緊接舉行。首場慶祝盛宴在中環「霞飛會館」舉行，店內裝潢雅潔舒適，扶老攜幼同行實屬不俗選擇。每逢傳統節慶臨近，各餐廳也推出相關的節慶套餐。是晚的「霞飛母親節餐」供 12 位享用，定價 $5,180 另加茶芥加一。有別於一般酒家菜館，菜餚以上海菜為主，新鮮感相對較高。前菜是「霞飛陸小碟」，由「風味醬青瓜」、「翡翠螺片」、「水晶肴肉」、「老上海燻魚」、「樑溪脆鱔」及「脆皮素鵝」六小碟組合而成。綜合而言，各前菜以酸辣爽脆為主，旨為振奮味蕾。喜愛吃麻辣川菜的朋友，可試試「翡翠螺片」。「老上海燻魚」及「樑溪脆鱔」則屬小編推介，兩者勻脆香味佳。只是享用「老上海燻魚」時需特別小心，因魚肉內藏大小魚骨，未必適合年紀幼小的小朋友。 是晚以「花膠雲吞雞」作湯羹，湯頭濃鮮，並帶少許膠原食感。花膠數量足，選材比預期厚身。雲吞主要以豬肉作餡，鬆軟濃味，都屬佳作。河蝦仁菜式是上海菜的常客，所以在席間出現這道「甜豆野生河蝦仁」一點也不奇怪。因河蝦仁味淡，所以甜豆的角色顯得更為重要，予人清葱帶甜的食感。相比「甜豆野生河蝦仁」，「夾餅乳香肉」的味道濃香得多。肉排以薄切方式呈上，亦易於醃製上味

今晚同屋企人食飯，星期五中環好多大酒家都滿座，難得呢到有位就試下啦！頭盤叫左雞絲粉皮同糖醋排骨，細細碟好開胃呀！上海野必食嘅松子魚（$488），好大條桂魚，賣相好靚，大碟到五個大人都食唔晒！時令豆苗（$188），豆苗略為老左少少，呢個價錢應該比豆杯客人食啦！灌湯牛肉餅，餐廳推介食品，小心燙口呀！入面牛肉汁好多，不過皮就厚左少少。小籠包我無份食，所以未能評論🤣之後叫左麵食，擔擔麵好辣，食得辣就會覺得好好味；另外青菜偎麵，老人家話湯底幾濃幾好味；至於銀絲卷，17個月大嘅女女食到停唔到口呀！

朋友話同我慶祝生日，但佢話近排熱氣，咁..... 我問翻佢想食咩，佢話想食上海菜，於是乎去咗中環霞飛食晚飯。霞飛都係第一次去，好，上去睇睇咩環境先。上到去，環境好有中國 feel，因為唔太嘈，唔錯，而且服務員態度好好，招呼唔錯。點咗個 set dinner, 費事煩。set dinner 有花雕醉雞，花雕蒸龍躉，雲吞雞，鮑魚，花膠，夾餅香肉，小籠包，蘿蔔酥餅。花雕雞同花雕龍躉花雕酒味重，兩款菜肉質都好滑，由於雲吞雞位置係雞胸，肉質當然唔夠滑。鮑魚同花膠個汁超濃郁超好味，單睇哩個汁已經知淆制心機不少，哩個汁已經可以送兩碗白飯，花膠炆到超冧，反而鮑魚唔夠冧，但仍可接受。小籠包失色少少，皮厚咗少少，蘿蔔酥口味比較粉，好熱，小心！點解落中環食飯？因為食完方便落老蘭慶祝生日囉！感恩有你陪我慶祝生日，感恩，謝謝！

大家都很不滿意啊餐牌上兩人餐係per person⋯⋯小籠包味道也不如南小館鼎泰豐 很一般 價格貴 環境還可以吧但真的不會再來了⋯要去的話樓下千兩一風堂吃一吃吧建議哈哈哈