渝味曉宇重慶老火鍋 (渣甸中心) (Closed)

Happy Fridayyy午餐都梗係要Happy吓啦🤗一早訂咗位，可能時間尚早去到仲係第一枱客，店舖唔算大但坐位好闊落，內側有超長梳化位，枱同枱都之間都有足夠距離，坐得幾舒服店員好好招呼好細心，一入座即刻話先上熱茶同糖水俾你暖暖胃，仲會介紹下新菜式，食緊個時又會主動問洗唔洗幫手加湯，抵讚👍午市主打二人火鍋餐✌️同一人鍋☝️一人鍋可以自選湯底、肉類、主食、同飲品各一款，跟餐仲有埋其他火鍋配料，款式都多，湯底有辣有唔辣，嗜辣嘅我當然試下個招牌重慶麻辣湯，可以揀普通辣/ 重慶辣麻辣湯 (重慶辣)🍲一上枱就已經見到紅油舖面嘅麻辣湯，滿滿嘅辣椒同麻椒，湯底好夠味，辣度麻度都足夠，味道較得唔錯唔會偏咸，一開始食唔覺辣，食落啲餸吸收晒啲辣湯都幾夠辣🥵特別係菜同烏冬，食得辣嘅朋友仔一定要試重慶辣！🌶️山珍菌湯🍲朋友話湯底有菇味，味道可以無咩特別，岩唔食辣嘅朋友仔火鍋配料🥙肉類有豚肉片，羊肉片，嫩牛肉或肥牛片(+$20)揀，我揀咗肥牛，睇落都幾新鮮，食落唔嚡口又幾有牛味，朋友試咗羊肉片，唔太羶，怕羶嘅我都可以接受❤️隨餐附上的火鍋配料都好豐富🥗飲品有凍羅漢果茶/ 洛神花茶揀洛神花茶味道酸酸甜甜 (點知點解仲有

一如既往的好水準！不錯！可以回訪！海鮮不多，但是肉的質量很好。價格中端，服務也算到位。四川辣得還是很正宗的鍋底也算健康。我們四個人大約消費2300港幣，還是不錯的。

同朋友去銅鑼灣SOGO shopping，逛得倦了，便諗住在銅鑼灣搵食，剛巧到了渣甸中心有一間主打食重慶火鍋，因疫情關係，已經很久沒有機會北上吃這個老火鍋了，便巴心一橫，尚且一試吧。食得重慶火鍋，就預咗要食辣，首先叫咗個鴛鴦鍋，一邊是麻辣湯，一邊是豬骨湯。這時候，店員還送上熱熱的雪耳紅棗糖水，大家首先滋潤一下。食得火鍋，必然會有牛肉，其次分別還有大蝦、蟹柳、肉丸、腸仔、蔬菜、烏冬等，還有自家配製的豉油醬料。肥牛油花分布平均，滾幾分鐘，放落口，甘香美味，其他食物也到水準，以喜歡麻辣的朋友來說，這個火鍋也算貼心了。

#渝味曉宇 天氣凍左， lunch來一個火辣辣的火鍋暖下身，重慶辣真係激辛辣🍲🍲所以我一定點鴛鴦鍋，有辣有唔辣😅😅✨✨午市優惠 湯底全免，真心抵食👍👍🔹重慶麻辣湯 ，點了普通辣低都真係激辛。火紅色的湯底，亦有陣陣香辣味撲向鼻，好鬼吸引！另一邊的山珍菌湯也不錯 適合不辣的朋友😉😉🔹鮮鵝腸 $62 只需滾10秒，入口好爽脆 又肥大，完全沒有嗅味，證咁清洗得非常乾淨😋😋😋🔹重慶炸酥肉 $32 即炸即食，外層脆脆 內裡的肉也很嫩滑，放湯滾幾秒亦都好味😊😊🔹麻辣牛肉 $42 這個牛肉又是吃辣愛好者必點之一，牛肉淹滿乾辣椒，辣椒粉等等，完全覆蓋片牛肉，肯定又係激辛，試了一件後，我就覺得除了辣，其實牛肉味都好濃 雙重味覺好過隱😉😉🔹鴨血 $42 鴨血大件有厚度，口感腍滑😘😘🔹牛骨髓 $89 質地嫩滑，一口啜進口裡，骨髓淡淡香味再滲入麻辣湯味道，真心大愛❤️❤️❤️🔹香鹵豬大腸 $36. 幾入味😋😋🔹海帶苗 $32 比起吃海帶條鮮嫩，放山珍菌湯一境滾好好帶出海帶苗得鮮味☺️☺️渝味曉宇重慶老火鍋地址: 銅鑼灣渣甸街50號渣甸中心8樓

近呢幾年，渝味曉宇重慶老火鍋引入左香港，打造成一個時尚火鍋品牌，之所以話香港人幾時都咁有口福🥰🔥招牌麻辣鍋：採用上等重慶朝天紅辣椒、茂汶大紅袍和金陽青花椒等等多種配料熬煮而成，辛香麻辣香濃，一試難忘😍🍄山珍菌湯鍋：多款菌類煮成，菇香撲鼻，啲菇食到最後都爽甜，確實係一級靚菇👍🏼🦆鮮鵝腸：係零肥膏，入口爽脆而唔會好韌🐗 牛心椗：爽口好彈牙，新鮮口感脆脆的🔥麻辣牛肉：超多香料醃成，一咬落去噴火毁既多種香料直衝味蕾🐮牛骨髓：滑嘟嘟既新鮮味道，食完一條要再追住食🥟迷你燕餃：的的式式非常可愛，一啖一粒🦆鴨血：烚幾耐都咁滑既鴨血，配上辣湯底簡直係friend底🟪⚪️紫山藥/白山藥：比較特別嘅紫色山藥甜味較濃，大愛喔🥬海帶苗：好嫩口既bb苗，比起平常的海帶更吸引

返唔到大陸, 但掛住大陸 gei 邊邊...幾間大陸黎到香港開, 質素同係大陸食差不多差別在於... 價錢貴左好多好多好多但呢間價錢個人認為還可接受。揀呢間, 因為有miles可以儲。不幸地, 返到屋企先記得... T-T...

試咗香港咁多間之後都係覺得渝味曉宇最出色。以下呢幾款都係我每次嚟食必定會叫，不過今次嘅朋友唔食內臟，所以冇叫到黃喉鵝腸之類，而且最好嘅係可以叫半份，就算兩個人嚟食都唔會驚浪費。食之前嘅滋潤糖水，雪耳紅棗。今次叫咗鴛鴦鍋，一邊係豬骨一邊係麻辣，因為海鮮之類我比較鍾意食唔辣，海鮮叫咗鮑魚、珊瑚蚌、魚卜同蝦滑。啲鮑魚大大隻，就算放落火鍋都唔會縮到變迷你，仲有窩心提示煮30秒就OK。珊瑚蚌半份份量都幾多，而且好鮮味好爽口，至於魚卜都係爽口嘢，值得一試。蝦滑真係一定要叫，感覺係好多隻蝦打成，加上蟹籽非常之夾。打邊爐點可以冇牛肉，叫咗一份安格斯牛肉，份量都幾多，睇啲花紋都覺得佢靚，食落口唔會有雪藏味都幾濃牛味。今次仲叫咗特色手打四寶丸、芝士丸同廣味小臘腸，因為從來未試過打邊爐加臘腸，味道竟然可以咁夾，而且佢細細條唔會好油膩，自然冇咩罪惡感。特色手打四寶丸非常出色，如果唔係太飽，應該會再叫多半份，我食咗蝦丸同墨魚丸，超真材實料！

肥雞早排同朋友去咗銅鑼灣嘅呢間曉宇火鍋專門店 試下正宗嘅四川麻辣火鍋， 個湯底肥雞揀咗小辣嘅四川麻辣湯底同埋雜菌湯底，一上到黎見到個鍋都滿曬辣椒花椒， 肥雞都捏一把冷汗。打邊爐又點少得安格斯肥牛呢？呢度好貼心，分量可以揀全份或者半份，啱曬肥雞同另一個朋友嘅份量。佢嘅安格斯肥牛油花分佈得好平均， 食落去亦都好香油香味一啲渣都冇。 再嗌多半份毛耗魚， 呢種魚嘅好處就係啖啖肉得一條主骨， 岩哂肥雞食野唔lur骨嘅習慣再嗌咗半份鴨血同埋豬腩肉，打邊爐呢港鴨血吸曬佢啲湯底所以食落口非常之麻同埋辣，好過癮 。至於佢嘅豬腩肉片 砌得幾個入口一啲都唔韌 。最後梗係揀佢嘅苕粉 做完美嘅ending,又係煙煙靭靭非常之有口感。 小食方面肥雞嗌咗佢嘅小酥肉，，香脆嘅麵粉包住一粒粒花椒， 食個口一陣陣麻嘅感覺，令人欲罷不能 。

依家打邊爐已經冇分季節，興起嘅時候就算天氣好熱都可以去打，真係好方便。鴛鴦湯底，一個麻辣，一個野菌清湯。麻辣麻得來好爽，後勁唔算太強，可以。野菌清湯就好清甜，一麻一清，配合得好好。酥肉即係炸豬肉條，粉漿炸得非常趣卜卜。其實佢嘅粉已經調咗味，就咁食都好好味。鴨血佢嘅鴨血好實正，咬落去真係爽口彈牙，吸埋個麻辣湯底，好好食。安格斯牛肉同豚肉肉嘅質素唔錯，食落去充滿油脂嘅香味，牛果幾香。而佢嘅豚肉唔肥，食落去都幾爽口彈牙。寬粉打邊爐必備，佢仲好窩心咁提醒你淨係滾5分鐘就夠，吸晒香濃嘅湯底，忍唔住一口接一口。

知道朋友喜歡食辣🌶🌶就特意book呢間食麻辣火鍋。一上到去，一陣陣的麻辣香味撲鼻而來。被安排入座後，即送上暖暖的雪耳紅棗糖水，滋潤一下。見到枱上有圍裙丶口罩袋的提供，體貼入微。呢道係用手機QR code落order 食物的，我哋叫咗一個鴛鴦火鍋，一面係麻辣湯底，一面係豬骨湯底，食開辣的朋友表示，麻辣夠哂麻，食得好過隱。大部分的食材可以叫半份或全份。其他食材中規中舉，值得一提的是八頭鮮鮑、手打蝦滑，夠哂新鮮，口感彈牙爽滑👍🏼👍🏼重慶炸酥肉酥香微辣，唔會好油🐂安格斯肥牛（全份）厚簿適中，肉質滑嫩，食落好滑，極度推介。🌀曉宇手打三寶丸（半份）中規中矩，口感彈牙整體而言：1.環境乾淨舒服2.食材新鮮3.正宗湯底都值得再一試同推薦的～👍👍

雙拼鴛鴦鍋，蕃茄湯鍋、重慶辣大紅鍋，蕃茄湯鍋好足料，湯料有蕃茄、金菇，味道濃郁、酸甜開胃，重慶辣大紅鍋味道正宗、多麻少辣，辣度6.5分。稻田毛肚，口感厚身、爽口，食落好新鮮。鮮黃喉，口感爽滑、帶有脆度。鴨血，口感滑溜，食落好香口。麻辣牛肉，表面鋪滿花椒、辣椒乾，肉質滑嫩，食落好惹味。萵筍條，口感爽脆，味道鮮甜。藕片，口感薄，味道清甜。土豆片，口感軟硬適中。凍豆腐，好入味，食落好Juicy，豆味濃香。茶水包括有冰糖燉紅棗雪耳糖水、中國茶。醬料，包括有蔥、蒜、麻油、醬油、醋。

天氣啱啱轉凍，最啱食啲暖粒粒嘅嘢！咁啱同fd去左銅鑼灣，眾多選擇之中最後決定試下渝味曉宇，因為重慶火鍋辣野聽就聽得多，食就真係第一次。首先講下個環境，每張枱嘅距離唔會太近，啲位都好闊，坐得好舒服。張枱亦都唔會太細，啱哂打邊爐擺嘢。一入黎已經覺得呢度啲姨姨好親切，幫我哋安排好晒啲位之後即刻俾個紙袋我哋帶住個口罩。跟住陸陸續續遞上茶同埋糖水，個糖水絕對唔係Hea，係好足料嘅冰糖雪耳糖水，話驚我地食唔到咁辣就可以隨時飲兩啖糖水舒緩下，值得加分😆我地叫左蕃茄麻辣鴛鴦鍋，湯底果然都係冇令我地失望，一樣好足料！有足一個蕃茄，係真蕃茄味，唔係一般溝好多茄膏嘅蕃茄湯。麻辣嗰邊越煲越入味，直頭係辣得過癮！*食得辣嘅朋友，極力推薦你地放個凍豆腐落麻辣嗰邊食！配料方面，我地諗住可以試多啲唔同嘅嘢，大部分都叫左半份，平時喺出面叫半份多數唔夠食，呢度絕對冇呢個問題(以三個女仔為基準)上圖嘅嘢全部都係每樣半份，睇落都已經滿足☺️我地嗌左特別啲嘅有香鹵豬大腸、鮮蝦雲吞、手打蝦滑、手打四寶圓、鮮龍躉片、白鱔、桂花蚌。不得不讚呢度嘅海鮮都好新鮮，性價比極高！特別係鮮龍躉片同白鱔，好出色！呢度仲會插個牌仔提你淥幾耐，當然仲

不知所謂食lunch得一個鐘不嬲都係打定電話上去落定湯底上到去就有個鍋等佢滾就ok點知唔知邊個大媽咁唔識做口講幫我地落左 上到去又叫我地自己再落單再問佢頭先唔係落左？佢話整緊但都要照落單我地回頭望一望先見到原來而家先整最後都係等十幾分鐘先有個湯底餸又話仲執緊廿幾分鐘都未食得真係無下次因為無落咪直接講 我地咪食其他算得番25分鐘點食呀其實

好耐冇打邊爐啦，近日就黎到渝味曉宇重慶老火鍋打邊爐，一入到門口已經好香麻辣味。叫咗鴛鴦湯底，一邊係麻辣湯底另一邊係蕃茄湯底。入坐之後每人送上一碗雪耳紅棗糖水，潤下喉嚨先。麻辣湯底香辣味道做得幾出色，啱晒鍾意食辣野嘅朋友仔！蕃茄湯底蕃茄味幾濃郁仲有少量金菇。點咗幾款「曉宇⼗⼤必點菜餚」桂花蚌夠新鮮，鮮黃喉平時好少食得到，入口非常爽脆超好食😋。手打蝦滑口感彈牙鮮味濃郁手打四寶丸粒粒彈牙足料現炸豆皮比平時買開嘅響鈴香脆好多，豆皮只係放咗落去1秒已經吸收左大量嘅辣味精華，推介大家黎到一定要試吓！曉宇苕粉口感煙銀紅糖冰粉配上唔同嘅配料，例如花生提子等等，解辣一流！衝上雲霄百香果雞尾酒，大大杯姓辣野飲酒岩曬喇😂

困咗喺屋企咁耐，今日決定食返我失去嘅嘢，麻辣火鍋!因為係復仇嘅第一餐，我都不容有失上網𥄫中咗呢間人氣急升嘅渝味曉渝。一出笠門就已經聞到陣辣味。原來食辣嘢之前最好食返碗糖水，去保護個胃。呢個糖水係送嘅，所以諗住都係麻麻地，點知一食竟然好味，雪耳帶爽口，個糖水又潤。有誠意!喺門口見到原來呢間火煱係大陸行頭排第一，但本人食辣嘅能力有限，所以就隔個蕃茄湯底，穩陣啲!呢個麻辣湯底，比出面嘅湯底香好多，入面嘅香料都非常十足!越滾越辣，可以俾我慢慢 適應。呢個蝦滑係用全蝦打成，睇落好似一條水晶咁，食落彈牙，又食到一粒粒蝦粒到。睇得又好食我對面嗰個人唔食蠔，但係我又好鬼想食，好彩呢度個menu咩都可以叫半份，所以唔洗理咁多。個筒蠔超肥，麻辣蠔真係無得輸^^平時好少出街食滑牛，之不過見到餐廳好多人食緊，唔執輸嘅我就叫埋一份，滑牛鮮嫩滑口，無論落去麻辣或者蕃茄湯都非常咁夾!唔小心愛上滑牛。。。黑豚腩一份，好重份量，好鍾意佢呢隻豚肉，肥嘅地方爽口甘香，肉嘅部份咬口十足，食完呢個肉肉之後，感覺好滿足。最重要係無揀錯地方，店員有禮貌，啲嘢又好食。